nn Nyhende nn 8 Onsdag 9. november 2011 • SOGN AVIS Ny utvalsleiar vil ha fokus på eurokrisa nn Hilmar Høl ottast for industrien nn Første utvalsmøtet i går LEIKANGER: Stoda ute og dei mørke skyene som dreg inn over den eksportretta industrien i fylket skal på sakskartet til neste møte i Hovudutval for plan og næring. Det sier Hilmar Høl, ny leiar i Hovudutval for plan og næring, som i går samla utvaldsmedlemene for første gongen. Forplantar seg – Me må vera offensive og medverka best mogleg til ein aktiv næringspolitikk, seier han, og veit, som årdøl, at uro ute snøgt forplantar seg over i mange arbeidstakarar sin kvardag også her i fylket. 120 millionar I går møttest det viktige fylkeskommunale utvalet for første gong etter valet i haust. Årdølen skal leia arbeidet med plan og næring dei neste fire åra. Saman med nestleiar Karen Marie Hjelmeseter og dei andre medlemene skal han rå over ein sektor som inneverande år har 120 milllionar kroner til rådvelde. To sektorar – Det er mykje nytt å setja seg inn i, seier han, og veit at det ligg ein krevjande prosess framfor kvar einskild av hovudutvalet sine medlemer. – Næringslivet er i kontinuerleg rørsle, ein må berre hengja i stroppen for å halda seg ajour til eikvar tid, seier Hilmar Høl, som understrekar at utvalet han er sett til å leia ikkje berre har næring på dagsordenen, men også plan og samfunn. Krevjande Dei politisk valde rundt møtebordet har såleis to fylkesdirektørar å forhalda seg til, Jan Heggheim og Svein Arne Skuggen Hoff, forvaltarar av respektive fylkeskommunen sin næringssektor og sektoren for plan/samfunn. Møtet i Fylkeshuset i går var eit godt høve for dei to sistnemnde til å gjera greie for den fylkesadministrative innsasten på feltet. Seks kommunar Det nye hovudutvalet har medlemer frå Måløy, Florø, Gloppen, Årdal, Sogndal og Fjaler, forutan leiar og nestleiar som er busette i Årdal og Sogndal. Terje Eggum [email protected] ÅRDØL I SPISSEN: Hilmar Høl er ny leiar av Hovudutval for plan og næring, her saman med den nye nestleiaren, Karen Marie Hjelmeseter. Statkraft fekk nei frå Fylkesmannen LEIKANGER: I konflikt med verneverdiar både lokalt, regionalt og nasjonalt, seier Fylkesmannen, og rår til at det ikkje vert gjeve høve til å sleppa Statkraft laus på Jostedalen si vestside. Fylkesmannen legg også vekt på at Luster kommunestyre har rådd frå at det vert gjeve konsesjon på den omsøkte utbygginga. Krystallklar Konklusjonen er krystallklar. Staten sin forlenga arm i det administrative apparatet ber den same Staten seia nei til Staten sitt fremste verkty på vassdragsutbygging. Statsaksjeselskapet Statkraft har søkt om å få overføra alle dei åtte breelvane som på vestsida av dalføret drenerer til Jostedøla. Planen er å klippe dei av oppe i dalsida og overføra dei til ein utvida Tunsbergdalsdam. Damtoppen Men også det siste set Fylkesmannen foten ned for. Han seier at ei heving av Tunsbergdalsdamen vil vera i konflikt med allmenne interesser. Dei tyngste innvendingane blir likevel mobiliserte på verknaden av å klippa elvane på 540 meter, for å samla opp vatnet og føra det i tunnel til kraftverket i Leirdalen. Sumeffekten Dei negative konsekvensane er for store, seier Fylkes- Sogn Avis, 9.11.2011 mannen, og markerer indirekte at Jostedalen har tolt nok. Det heiter: «...sumeffekten av all vassdragsutbygging i Jostedalen, utbygginga det no er søkt om og ei eventuell utbygging av Vigdøla, vil gje store negative konsekvensar for biologisk mangfald, verneverdiar, landskapsomsyn og friluftsinteresser.» Lokal motstand Fylkesmannen har også merka seg den lokale motstanden i dalføret. Statkraft har også søkt om ei ytterlegare utbygging i Vigdøla. Fylkesmannen har i denne omgangen ikkje gjeve fråsegn om denne delen av Statkraft sine planar. Det heiter at Fylkesmannen vil gje eiga fråsegn til sistnemnde søknad. SEIER NEI: Fylkesmannen viser til kva Jostedalen representerer på nasjonale verdiar og konkluderer med eit klart nei til Statkraft sine planar om å henta meir kraft frå åtte urørde elvar. Biletet viser Røykjedøla som kjem ned i Krundalen og er ein av dei åtte elvane.