HUMØRLAGET IF KLYPETUSSEN 30 ÅR!
IF Klypetussen er eit idrettslag, og kva er då meir naturleg enn å feira
med eit jubileumsløp?
Fleire løp enn år
Trongjo Opp går for 47. gong måndag 2. april på sjølve
jubileumsdagen. Dei fyrste åra var det to Trongjo Opp kvart år. Eitt
testløp og eitt kvalifiseringsløp til Holmenkollstafetten. Difor fleire
løp enn år klubben har eksistert.
Garderobar, vaflar, saft og kaffi på Sævareid
Før og etter løpet vil garderobane på Sævareid skule vera opne for
omkledning og dusjing.
Her vert det og sal av vaflar, saft og kaffi og trekking av premiar på
startnummer.
Løyperekordar har:
Kvinner: Britt Randi Stokkevåg med 7.57
Menn:
Erling Askeland
6.26
Fin asfaltert veg
Løypa er litt omlagt og noko tyngre på slutten enn då rekordane vart
sette, men dette er dei beste tidene uansett.
Løypa startar nede på Frette ved Stordalsvatnet og er flatt dei fyrste
115 metrane. Deretter godt 1500 m i nydelege svingar opp
Trongabrekko til Lauareidsvingen ved E-134. Heile løypa er asfaltert.
Stigninga opp Trongabrekko er 8%.
Symbolsk startavgift og trekking av premiar
Alle arrangementa: Trongjo Opp, Trongjo Ned og Bjørkeklubben Over
har hatt kr 20 i startpengar i mange, mange år. Trekking av premiar
etter løpet høyrer alltid med. Same startavgift i tur og løpsklassen og
same mogelegheit til premie. Men i løpsklassen vankar det litt ekstra
om ein set løyperekord. Det plar vera om lag 55 deltakar i snitt.
Alle løp har turklasse der ein kan starta 30 minutt før løpsklassen.
Einar Gisle Sellevold