1. No category

HIMATAAN:UUMMATAOROMOO/OROMIYAA
CaffeeOmiyaafKanDhihaate
Himannaan kun Jeequmsi Eenyummaa, Seenaa, Aadaa, Nageenya, Mirga Abbaa Biyyummaa fi Qabeenya Ummata
Oromoo fi Oromiyaa Irratti Aggaamame Akka Dhaabbatu Gaafachuuf Dhihaate B/B Nagaa Caalaa 5/14/2014
Himatamoonni
1. Ekeraa Dubbiftoota Sirna Nafxanyaa fi Ergamtoota Isaanii
2. Dh.D.U.O
3. Qondaaltota Mootummaa Naannoo Oromiyaa
4. Humnoota Farra Nageenyaa fi Misooma Oromiyaa
Finfinnee.
I.
Seensa Himannichaa
Bittoonni nafxanyootaa fi hordoftoonni isaanii qabeenya uumamaa ummata keenyaa saamuu dhaan jireenya
bashannanaa yeroo jiraatan uummanni keenya garuu naannoo keessatti dhalatee guddatee jiraatu keessatti
beelaan, daaraan, doofummaa fi hiyyummaa dhaan uummata gadadamu ta’e. Naannoon Oromoo qabeenya
uummamaa fi namummaa tiin kan badhaate ta’ee utuu jiruu guddinni gamtaa fi dinagdee uummatichaa
karooreffamuu dhaan hundeen misoomaa akka hin babal’ane godhamee ummatichi hiyyummaa fi teellaatti
hafiinsaan akka gadadoomu godhameera. DH.D.U.On uummata Oromoo hunda, qonnaan bulaa, hojjetaa,
hawaasa magaalaa, hayyuu, walumaa gala uummata kabajaa ulfina sabummaa isaatiif dhaabbatan hunda
hammachuuf bakka bu’aa dhaan mirgoonni siyaasaa isaanii akka kabajaman fayyadamummaan dinagdee
isaanii akka mirkana’u, walqixxummaan uummattotaa mirkana’ee uummattooni fedhaa fi jaalala mataa isaanii
tiin kan ijaaran sirni haqummaa akka jiraatuuf akkuma kaleessa qabsaa’e har’as gara kuteenyaan qabsaa’uu
dha.
Waraabbiin (quotation) kanaan olitti ibsame kun seensa sagantaa siyyasaa DH.D.U.O.
isa
calqabaa bara 1994/1987 Finfinneetti qophaa’e irra kan fudhatame dha. Kaayyoon seensa
sagantaa siyyaasichaa waggaa 20 duubatti deebi’uun kaasuus, namoota biratti iftoomina sagantaa
siyyasaa dhaabatichaa uummuuf utuu hin taane seenaa barabaraa dagatamuu hin qabnee fi
yaadannoo qabsaa’ota kaayyoo kanaaf wareegamani ta’ee himannaa kanaaf rogummaa kallattii
waan qabuufi dha.
Dhaabbanni siyyasaa fedhaa fi murtii Uummata Oromoo fi Oromiyaatiin filatamee waggoota 20f
Oromiyaa bulchaa jiru, DH.D.U.On, Uummanni Oromoo eenyummaa isaa jaarraa tokkoo oliif
gita-bittootaa fi jala deemtota isaanitiin sarbamee ture deeffachuuf qabsoo hadhawaa fi
wareegama guddaa abdii kutachiisaa ta’e taasise itti fufsiisuuf maqaa Uummata Oromootiin
sagantaa siyyasaa isaa keessatti waadaa galee sochii taasisaa tureen jijjiiramni akka qaanqee
calaqqisuu eegale galmaa’us itti fufuiinsa dhabee kunoo har’a Finfinnee Uummanni Oromoo
mirga addaa1 irra eegu waggoota 19f ribuu ibidda bu’e ta’ee achiin hafuu isaa irrayyuu daangaa
dura qabdu dachaa 18.5 olitti MAASTAR PILAANIIN ishee bal’isu wixineeffamee micicaa
1 .
Heera Mootummaa Federaalawaa “Dimookiratawaa” Rippabliika Itiyoophiyaa, 1987, keewwata 49 keewwata
xiqqaa 5 fi labsii chaartarii Finfinnee Hundeessuuf bahe Lakk. 361/1995 keewwata 62 keewwata xiqqaa 2 ilaala. Mirgi
kun garuu waggaa 20f naannichaaf abjuu ta’ee hafuu qofa utuu hin taane miseensota DH.D.U.O fi Qondaaltota
Oromiyaa garaa isanitiif hin bulle biratti ajandaa marii ta’eera. Wixineen Seeraa naannichaan qopha’ee mirgi addaa
itti gaafatamee turellee Dawwaanoo Kadir aangoof of-gurgure biratti bishaan dhugee hafe. Seenaa siyyasaa biyya
kanaa keessatti garuu yeroo calqabaatiif Zaamii FM 90.7 xiinxala gaafa guyyaa 26-08-2006 taasise keessatti
xiyyeeffannaa argatee nama Tsaggaali’ul jedhamuun ka’eera. Yaanni kun garuu xiyyeeffannaa xiinxaltoota kaanii hin
arganne. Callisaan bira darbame. Garuu yaanni Tsaggaal’ul kaase dhimma silaa ajandaa mootummaa ta’ee irratti
hojjetamuu qabu ture.
1
ykn diddaa fi wareegama namoota hedduuf2 sababa ta’eera. Ta’aas jira. Shirri nafxanyootaa fi
ergamtoota isaanii kun yoo dhaabbachuu baates hanga bilisummaatti3 itti fufa.
Haalli kun Heeraa fi seera kabajamaan Caffeen kun nuun bakka bu’ee baase bu’uureffatee
atattamaan yoo sirreeffamuu baate jeequmsi eenyummaa, seenaa, aadaa, nageenya, mirga abbaa
biyyummaa fi qabeenya Uummata Oromoo fi Oromiyaa irratti aggaamame kun sadarkaa hin
taanetti cehee fedhaa fi abjuun ekeraa dubbiftoota sirna nafxanyaa fi nafxanyootaa dhageettii
argatee sirna Federalaa nageenyaa fi misooma biyyattiif dhagaa bu’uuraa kaahe duubatti deebisa
soda jedhu hordofsiiseera. Himannaan kunis badii kana hambisuuf yaadamee kan dhihaate dha.
II.
Ka’umsa Dhimmichaa
Ka’umsi dhimma kanaa maastar pilaanii Bulchiinsi Magaala Finfinnee bakka awwaalame tibbana
kaasee ajandaa biyyaa godhedha. Kaayyoon maastar pilaanichaa akka ibsa qondaaltota biyyattii fi
midiyarra dhageenyutti, kaayyoo magaalota Oromiyaa magaala Finfinnee marsanii jiran waliin
walitti hidhamuun misoomuuti. Kunimmoo faayidaan maasatar pilaanii tokkoo maali ? magaalonni
Oromiyaa kan boodatti hafaniif maastar pilaanii finfinneetti hidhachuu waan dhabanifimoo hojiin
hojjetamuu qabu utuu hin hojjetamin waan hafeefi ? magaalonni Oromiyaa sababa fedheenuu yoo
ta’e mastar pilaanii Finfinneetti akka hidhatan taasisuun rogummaa Heeraa fi seeraa qaba ? gaaffii
jedhani fi kkf kaasisa. Murtii dhugaa fi seera qabeessa caffees barbaada.
2 .
Akka ibsa komishinii Poolisii Oromiyaatti sababa diddaa kanaan, lubbuun lammiiwwan keenyaa 17 irraatti balaan
du’aa, 174 irratti ammoo miidhaan qaamaa fi qabeenya maallaqa hedduutti tilmaamamu irratti miidhaan gaheera.
Maddi miidiyaa biraas kan du’e 61, miidhaan qaamaa 300 akka ta’e ibsa. Lakkoofsa irratti hunda’uu utuu hin
barbaachifne miidhaan gahe kan nama gaddisiisu, hammeenyummaa fi jibbiinsa gocha raawwattootaas kan
dhugoomsu dha.
3
.
Bilisummaan Uummanni Oromoo barbaadu, biyya isaa irratti abbaa biyyaa ta’uu, afaan, aadaa, seenaa fi
eenyummaan isaa sarbamuu dhabuu, nageenyi fi misoomni dugaan naannoo isaa keessatti mirkana’uu, hoomaa
waranaa fi mootummaa federalaa keessatti hirmannaa aangoo dhugaa argachuu, dhipummaa uummatichi hin qabne
oromummaa waliin walitti hidhuun akka dhaabbatu dha.
2
III.
Aangoo Caffee
Aangoo Caffee kaafnee ilaaluun duratti qophiin maastar Pilaanii Finfinnee jeequmsaa Uummata
Oromoo fi Oromiyaa irratti kaasisaa jiru kun misoomamoo daangaa babal’isuus dabalata ? gaaffii
jedhu kaafnee ilaaluun barbaachisaa dha.
Hiikoo Galmee jechootaa fi Qo’annoo adda addaa irra akka hubatamutti, mastar pilaaniin
magaalaa tokkoo kan qopha’uuf itti fayyadama lafa daangaa magaala tokko keessa jiruu bu’aa
qabeessa gochuu dha. Galmeen hiikoo jechoota Seeraas “Master plan or Land-use planning is: A
Municipal plan for housing, industry, and recreate facilities, including their projected environmental
impact.” Jechuun hiikoo kenna. Dhugaa addunyaan beekuu fi irratti waliigalu kana maqaa
misoomaan walitti hidhamuu qofa! jedhu itti baasuun nu gowwoomsuuf wixxisuun faashinii
yeroon itti darbedha. Maastar pilaanii magaalaa Finfinnee amma micica Oromiyaa keessatti ka’aa
jiruuf sababa ta’es kanarra waan adda itti ta’u hin qabu. Addaddummaa Qabaachuu isaas ragaan
agarsiisu hin jiru. Guduunfaa kanaaf ammoo labsii chaartarii magaala Finfinnee hundeesse labsii
lakkoofsa 361/1995 keewwata 5 ilaaluun qofti gahaa dha.
Akka tuma keewwata kanaatti, daangaan magaala Finfinnee naannoo Oromiyaa waliin waliigaluun
ykn murtii mootummaan Federalaa kennuun murta’ee chikaalli daangaa ishee agarsiisu akka
dhaabbatu himameera4. Qondaaltota mootummaa Federalaa fi Naannoo Oromiyaa ajandaa badii
kana duuba jiran kan akka “jallee” Kumaa Dammaksaa/Taayyee Taklamaariyaam irras ifatti kan
dhageenyu, eegaliinsi dhimma kanaa bara 1980 mman keessa daangaan Finfinnee hanga
raadiyeesii KM 150/100 akka ta’u dhihaatee gaaffii ilaalcha of-tuultotaa fi kaayyoo lafa
babal’ifannaatiin kan golgame waan ta’eef akka dhaabbatu, bara 1990 mman keessas akkasuma
hanga raadiyeesii KM 50tti sirreeffamni gaafatamee warri dhiheessan qabatanii akka badan
taasifamuu isaati.
Kunis ragaa fi hiikoo dabalataa biraa utuu nu barbaachifne daangaa fi maastar pilaaniin magaalaa
tokkoo adda bahanii kan hin ilaalamne ta’uu ragaa baha. Kabajamaan Caffee bakka bu’aa keenya
ta’e kun kana sirriitti hubata jennee amanna. Ajandaan ajandaa misoomaa qofa jedhamee
4 .
Himi keewwatichaa inni gutuun isaa, without prejudice to the existing one, the boundary of the city shall
be delimited by an agreement to be made between the city government and Oromia regional government or
pursuant to the decision of the federal government jedha.
3
lallabamu kun misoomni lafa irratti malee qilleensaratti waan hin gaggeeffamneef maastar
pilaaniin lafa irratti kan xiyyeeffate miti jechuun soba, saalfachisaadhas. Warra haala kanaan utuu
dhugasaa beekanuu nu gowwoomsuu yaalanifis qaanyii dha. Asiratti waanti beekamuu qabus,
amala dhokataa fi shira ol’aanaa mootummaa kanaa ta’ee amma ifa galaa kan dhufe “False
Consciousness theory” n Uummata Oromoo fi Oromiyaa irratti hordofaa jiraachuu isaati.
Dhimma aangoo Caffeetti yoo deebinus, akkuma olitti kaafne dhimmi amma muuxannoo biyya
faransaayi, Magaala Liyoon irra kan argame ta’ee ibsamaa jiru kun kallattiidhaan dhimma daangaa
Finfinnee babal’isuu waliin wal qabata. Kunimmoo daangaan naannoo keenyaa akkamiin dhiphata
ykn balla’achuu danda’a ? gaaffii jedhu kaasisa. Kanaaf Heerri Mootummaa Naannoo Keenyaa fi
federalaa deebii ifa ta’e kenneera.
Akka hima Heera Mootummaa Naannoo Oromiyaa keewwata 2 tti, Daangaan Oromiyaa:
qubsuma lafa wal qabate, kan uummanni Oromoo fi uummattoonni Oromiyaa keessa jiraachuu
filatan kan birootis irra qubatan ta’ee, kaabaan – naannoo Affaari fi naannoo Amaaraatiin, kibbaannaannoo Uummattoota kibba Itiyoophiyaati fi keeniyaan, bahaan- naannoo Sumaaleetii fi lixaan
naannoo Benishangul-Gumuz, naannoo Gambellaa fi Sudaaniin kan daanggeffamudha. Akka
keewwata kanaatti naannoon Hararii fi Bulchiinsonni magalaa Finfinnee fi Dirre-Dawaa qubsuma
lafaa daangaa naanichaatiin marfamee jiru keessa waan jiraniif akka qaama naannichaatti kan
fudhataman fakkaata. Dhugaan lafarra jiru garuu kana kan agarsiisu miti. Haalli kun fuula duraafis
daangaa naannichaa irratti dhiibbaan inni hordofsiisu akka laayyootti kan ilaalamu miti.
Daangaan naannoon keenya naannolee olla ishee waliin qabdu kan fooyya’uus, fedha uummataa
bu’uura godhatee waliigaltee naannoo dhimmichi ilaalu waliin taasifamuun ykn bu’uura Heera
Mootummaa Federalaa keewwata 48 tin murtii manni mare Federeeshinii kennuun akka ta’e
Heericha keewwata 2 fi 3 jalatti ifa ta’eera. Kunimmoo ifatti kan dhugoomsu, Caffeen keenya
fedhaa fi murtii nuti uummanni Oromoo ykn Oromiyaa hirmaannaa kallattii keenyaan
dabarsinuun duratti daangaa naannichaa irratti murtii dabarsuu kan hin dandeenye ta’uu dha.
Akka “jaallee” Kumaan ibsa gaafa 26-04-14 raadiyoo fi TV Oromiyaaf kennaniin Caffeen waan
murteesse nuti uummanni Oromoo ykn Oromiyaa kan irratti mari’annu miti. Jaalleen kun waan
duubatti yaaduu eegalan fakkaata. Akkuma qajeeltoottuu waan marii uummatichaan bilchaatetu
Caffeetti dhihaatamoo waan Caffeen murteessetu marii ummataaf dhihaata ? kun qalbbii
4
diddiirrannaa jaallee kanaa barbaada. Yaadichi faallaa qajeeltoo Heera mootummaa utuu hin
beekne “jaalleen” kun nan du’aaf jedhaniif waan ta’eef Caffeen keenya yaada kanaan kallattii hin
taanetti oofamee waan aangoo itti hin qabne ni murteessa amantaa jedhu hin qabnu. Kun murtii
ol’aantummaan keenya hirmannaa kallattii uni taasifnuun itti mirkanaa’u waan ta’eef Caffeen
aangoo kallattii hin qabu.
IV.
Miidhaa Babal’inni Finfinnee Nurraan Gahu.
Finfinneen handhuura Oromiyaa fi teessoo bulchiinsa mootummaa Naannoo Oromiyaa taatus,
magaala sabaaf-sablammootaa, wiirtuu dippilomaasii fi dhaabbilee idila addunyaa adda addaa
waan taateef Hegemony Oromummaa qofa irratti kan bu’uureffatte miti. Ilaalcha kana finfinnee
irratti ilaalcha ol’aantummaa qabu gochuuf yaaduunis sirriidha jennee hin amannu. Guddinni,
jijjiiramnii fi babal’inni Finfinnee wareegamaa ummata Oromoo gaafata tanaan garuu biyyittiin
sirna Federalaa utuu hin taane sirna gita bittaa nafxanyaa abjootaa akka jirtu, ajandaan
gaggeeffamaa jirus ajandaa kana dhugoomsuu waan ta’eef sirreeffamuu qaba jenna.
Yaanni fi hubannoon kunis DHIIGA KEENYA YKN OROMUMMAA keenya dhiqachuu kan nu
geessu ykn ilaalchichi ilaalcha dhibeen JUZAAMII (Leprosy) uummata Oromoo keessa
jiraachuu isaa ibsuuf ka’umsa ta’ee fudhatamuu qabu miti. Yaada kanaaf sababa kan nuf ta’es,
xiinxala Raadiyoon FM Zamii 90.7 jedhamu gaafa 26-08-06 xiinxaltoota dhimmichaa Mimmii
Sibihaatuu, Zarihuun Tashoomaa, Masarata Attalaayi fi Tsaggaali’ul jedhamaniin kennamedha.
Akka xiinxaltoota kanaatti, maastar pilaanii haraa Finfinnee irratti maddi diddaa keenyaa ilaalcha
dhiphummaa fi gocha kiraasassaabdota sooromanii DH.D.U.O keessaa gaggeeffamanidha.
Kanaafis dhiiga keenya dhiqachuun barbaachisaa akka ta’e nutti himameera. Xiinxalli kun sa’aa
tokko gutuu kan isaanitti fudhate waan ta’eef gutuu isaa Caffeen yoo barbaade gaafatee
dhaggeeffachuu danda’a. Garuu xiinxalli kun waan gurguddoo sadii irratti dogoggora guddaa fi
arabsoo hamaa dha.
Inni calqabaa maastar pilaaniin Finfinnee kaayyoo waliin misoomnaa utuu hin taane lafa barbaacha
ta’ee utuu jiruu Mirga Heera mootummaan qabnutti fayyadamnee diddaan dhiheessine
dhiphummaadha jedhamuun isaa Oromummaa fi dhiphummaa walitti hidhanii kaasuu waan
ta’eef dogoggora ol’aanaa dha. Kanaafis dhiiga Oromummaa keenyaa dhiqachuun barbaachisaa
yoo ta’e biyyittii fi xiinxaltoonni kunneen Oromoo fi biyya Oromiyaa ijaan arguu akka hin
5
barbaanne, akkuma sirnoonni nafxanyaa biyyi Oromiyaa jedhu hin jiru jedhani tokkummaa biyyaa
lammii utuu hin taane lafa irratti hunda’e qofa faarsanitti yaadaa kan jiran ta’uu hubanna waan
ta’eef Oromoon isaaniif maal akka ta’e ifa godhaniiru. Sodaa uummata Oromorra qabanis ifatti
labsaniiru. Ifattis amma ta’aa kan jirus Oromummaa fi Dhiphummaan waliin deema kan jedhu
waan ta’eef nuti uummanni Oromoo dhiphoota miti. Seenaa addunyaan beeku, kan akka
guddifachaa, meedhachaa fi Moggasaatuu qabna. Tokkummaa biyya kanaafis eenyyuu caalaa
bu’uura akka ta’etti amana. Sodaan kallattii kanaan ka’ullee soda dhugaa utuu hin taane
uummanni Oromoo saba biraa biratti akka jibbamu fi ija shakkiin akka ilaalamu gochuun sirna
addaan qoodanii bulchuu (divide and rule) isaanii cimsuudha.
Inni lammataa, diddaa kana duuba kan jiran kiraa sassaabdota dhaaba keessa gaggeeffamani dha
yaada jedhu ilaala. DH.D.U.O n jecha ykn qurxummii xixiqqoo irratti duluu, meeshaa
ukkaamsanii bituu fi fakkeessuu bira darbee kiraa sassaabdota irratti tarkaanfii kaayyoo irratti
hunda’e fudhatee hin beeku, fudhachaas hin jiru. Dhugaan dhaaba kana keessa jiru namoota
akkasii minjaala jijjiiree aangessuu fi jajjabeessuu malee gaggeessuu ykn badii isaanii haala
madaaluun tarkaanfii sirreeffamaa fudhachuu miti. Kanaaf dhimmoonni komishinii naamusaa fi
farra malaammaltummaa naannichaa biratti ukkaamamanii hafan ragaa bahu. Kanaaf micica ka’e
kana duuba kan jiru Oromummaa malee kiraa sassaabdota miti. Mootummaan akkuma kanaan
dura bare badii fi hammeechummaa isaa gara biraatti jijjiiruuf yaade kan fakkessee kaasudha. Lafa
magaalota Oromiyaa finfinnee marsanii jiran maatii fi hiddaan itti yaa’ee kan saamee fi saamsise
eenyu akka ta’e malaammalaa mootummaan ofiif ifa godhe Gabrawaahidiin ifa galeera.
Dogoggorri guddaan inni sadaffaa, diddaan amma ka’e fedhii waliin misoomuu irratti balballi
Oromiyaa cufaa akka ta’uuf barbaadama jedhamuu isaati. Uummata Oromoo fi Oromiyaan
guddina biyyaa kana keessatti gahee ol’aanaa duubatti hin deebine qabu. Sochiin invastimantii
Oromiyaa keessatti taasifamaa jiru naannoo kam keessayyuu hin jiru. Sochiin kamiyyuu maqaa
misooma biyyaatiin haguugamee eenyummaa akka sabaatti itti fufiinsa keenya irratti dhiibbaa
tokkollee fiduu hin qabu. Misoomni kana cinaatti dhiisus badii dhala malee bu’aa hin buusu. Kana
utuu beekanii akka qondaaltonni keenya jedhan misoomuu yoo barbaaddan maastar pilaanicha
fudhadhaan dogoggora cimaadha. Aalbee eenyummaa keenya dhabamsiisuuf morma keenyaratti
aggaamamedha. Assimilation policy sirna nafxanyootaa galmaan gahuu waan ta’eef halaan nu
miidha. Hawaasa dinagdee fi misoomaan tokko ta’e uumuun wareegama eenyummaa fi aadaa
6
saba isa tokkootiin utuu hin taane siyyasaa fi dinagdee fayyadamummaan sabaa fi sablammoota
hundaa keessatti mirkanaa’eni dha. Ilaalchi soorata keessan waliin, muddamaa fi hundaammoo
dhunfaatti baadhaa eessaanuu nu gahu.
Wixineen maastar pilaanii Finfinnee misooma magaalota Oromiyaaaf bu’uura, kana fudhachuun
uummatichaaf yaaduudha jedhamee qondaaltota keenya kaayyoo manaa itti bahaniif karaatti
gatan biratti hubatameera. Dhugaadha magaalonni keenya Finfinnee marsanii jiran misoomuu
qabu, magaalota jiraattota isaanitiif mijatan ta’uu qabu. Kun kan hin taneef garuu Finfinneetti
waan hidhachuu dhabaniif utuu hin taane bulchitoonni isaanii waan hojjechuu dhabaniif akka ta’e
hubatamuu qaba. Rakkoo kana gara ajandaa kanatti jijjiruuf yaaluun qondaaltota Oromiyaatiif
qaanyii ykn baqa dha. Kunimmoo qondaaltonni keenya balleessaa fi dadhabbina ofii ajandaa
biraatti jijjiiruuf dhama’aa jiraachuu isaanii agarsiisa waan ta’eef Caffeen kana hubatee ajandaa
isaanii badii keenya irratti fuulleffate akka irra hin fudhanne gaafanna.
Babal’inni Finfinnee mirga nuti qabsoo keenyaan goonfannee fi heera mootummaa Federalaa
keewwata 39 irratti eegumsa argate waan sarbuuf miidhaa cimaa qaba. Uummanni Oromoo
qooqa isaatiin dubbachuu, barreessuu, qooqa isaa guddisuu fi aadaa isaa ibsachuu, gabbisuu fi
babal’isuu akkasumas seenaa isaa kunuunfacchuuf mirga gutuu qaba. Uummanni Oromoo mirga
ofiin of-bulchuu fi daangaa qubannaa isaa keessatti caasaa mootummaa mirga ofiin of-bulchuu
isaa itti dhugoomsu hundeeffachuu qaba. Mirga kanatti bu’uunis mirga hiree ofii ofiin
murteeffachuu ykn fottoquu hordofsiisa. Kunimmoo fedhii fi hawwii waliin biyya guddittii tokko
hundeessuu dukkaneessa. Magaalota Oromiyaa Finfinnee marsanii jiran gara Finfinneetti makuun
kallattii fi malli itti yaadame faallaa Heeraa fi seeraa qofa utuu hin taane hegemony Finfinnee akka
qabatan waan taasisuuf imaammata assimilation sirnoota darbaniin gaggeeffamaa ture deebisee
lubbuu itti hora waan ta’eef miidhaa dachaa qaba.
Maastar pilaaniin amma yaadamaa jiru Finfinnee kan misoomsu qotee bultoota naanno
ishee jiran ammoo buqqisee kan hiyyoomsu waan ta’eef miidhaa qaba. Nuti
uummanni Oromoo fi Oromiyaa kan hin dagannee fi hojirras oolchaa jirru, addunyaa kam
keessattuu misoomni miidhaa tokko malee galma ga’u hin jiru. Dhugaan waliigalaa kun akkuma
jirutti ta’ee, misoomni mirga eenyummaa, aadaa, nageenyaa fi qabeenya uummataa irratti miidhaa
geessisu garuu qilee qililee yoo gale filatama. Yeroo ammaa mootummaan lafa KM2 tokko
7
herrega Qarshii 2.5 hanga Qarshii 9 ttiin beenyaa waliigalaa 200,000 hin caalleen Hektaara tokko
dhaalaa jira. Sirna liizii diriiree jiruun Hektaara tokko yoo xinnaate bakka shantamatti qoodee
karee meetira tokko herrega Qar. 7000 tiin waliigala Qar. Miliyoona 70 tti abbaa qabeenyaatti
dabarsee gurguraa jira. Waanti qotee bultoota keenya kanaan dura lafa isaanirra buqqa’an irratti
raawwates kanuma. Hojimaata kana babal’isuun miidhaa kana itti fufsiisuu waan ta’eef babal’inni
Finfinnee fallaa Heera mootummaa qofa utuu hin taane mirga abbaa qabeenyummaa uummata
keenyaas ni miidha. Kanaratti Caffeen keenya akkuma kanaan duraa harka baasee gala yoo ta’e
seenaa barabaraa ta’ee hafa. Lakkoofsa uummata aamaaraa ilaalchisee murtii parlamaa Federalaa
fi Murtii mirga addaa himatamuu dhabuu miseensa Caffee obbo Mahaammad Ahimad
ilaalchisee darbe irra muuxannoon fudhatamuu qaba. Caffeen yoo bakka nu bu’us bar dhimma
keenyaratti falmee akka murteessuufi malee waan dhihaateef irratti harka baasee akka galuuf
miti.
V.
Seerummaa Gaafannu:
Micicaa fi
okkorri Oromiyaa keessatti ka’ee warra sirna durii deebisuuf abjootaniif akka
carraatti, warra ajandaa dhokataa amma ifa baasaa jiraniif ammoo akka sodaatti fudhatamee
ajjeechaa fi baqa ummata keenyaatiif sababa ta’aa jiru kun dhaabbatee wal amantaan akka jiraatu
yoo barbaadame gaaffiiwwan keenyaaf deebiin atattamaa nu kennamuu qaba. Akkaatuma kanaan:
1. Qondaaltonni naannoo Oromiyaa Caffee bakka bu’aa keenyaa ta’ef kabajaa fi ulfina waan
hin qabneef qajeeltoo naamusa keessoo dhaabaatti (party discipline) fayyadamuun waan
seera qabeessa hin taanee fi saalfachisaa ta’e hunda Caffeetti dhiheessanii yoo murteessisan
dhagahuu fi argauun baratamaa dhufeera. Dhimmi kun garuu eenyummaa keenyaratti badii
aggaamame waan ta’eef Caffeen aangoo kallattii itti hin qabu akka nuuf jedhu,
2. Maastar Pilaaniin Finfinnee haraa himannaa kanaaf sababa ta’e Misooma malee babal’ifannaa
daangaa irratti kan xiyyeeffate miti jedhamuun isaa dhugaa labsii chaartarii Finfinnee
hundeesse keessa jiruu, hiikoo maastar pilaaniif kennamee fi muuxannoo qophii maastar
pilaanii magaalichaa kanaan dura turanii waan hin taaneef soba, deemsi hanga ammaa jiru
babal’ifannaa daangaati akka nuf jedhamu,
8
3. Gaaffii kana hiikoo eenyummaa, nageenya fi dinagdee uummata Oromoo waliin walitti
hidhanii kaasuun ajandaa Oromummaa malee dhiphummaa uummanni Oromoo ittin
doorsifamu waliin walitti hidhamiinsa tokko hin qabu, mirga kana kaasuunis mirga keenya
kabachiisuu malee dhiiga keenya dhiqachuu kan hin hordosiifne, dhibee Juzaamii nu keessa
jirus miti akka nuf jedhamu,
4. Misoomni magaalota Oromiyaa kan duubatti hafeef sababa DH.D.U.O n waadaa
uummatichaaf gale ganee ofittoowwan fi namoota kaayyoo hin qabne of-jala hiriirseef
malee sababa Finfinneetti hidhachuu dhabneef miti akka nuf jedhamu,
5. Faayidaan addaa naannoon Oromiyaa Finfinnee irra argattu galii Finfinneen walitti qabdu
keessa % n murta’ee babal’ina daandii, mana barnootaa, bishaan dhugaatii fi kkf magaalota
Finfinnee marsanii jiran keessatti adeemsifamuuf akka oolutti karaa Caffee akka nuf
gaafatamu,
6. Dhiibbaa faalama naannoo Finfinneen uummata Oromoo/Oromiyaa naannoo ishee jiran
irraan gahaa jirtu akka dhaabbatu, faalama hanga ammaatti gahee fi gara fuula duraatti gahu
xiqqeessuuf hojii hojjetamuuf Bulchiinsi magalaa Finfinnee galii walitti qabu irra bajanni
addaa % n akka ramadamu, kunis faayidaa addaa Oromiyaan qabdu keessatti akka
hammatamu,
7. Uummanni Oromoo fi Oromiyaa sirna Federalaa biyyattii kanaa keessatti hundee ta’ee
tokkummaa uummatichaa fi biyyaa cimsuu keessatti gahee ol’aanaa fi eenymaan bakka
bu’uu hin dandeenye utuu qabuu ekeraa dubbiftoonni sirna nafxanyaa fi ergamtoonni isaanii
uummanni Oromoo fi Oromiyaa sirna Federalaaf sodaa akka ta’etti dhiheessuuf yaaluun
isaanii sirrii waan hin taneef olollii fi arabsoon akka dhaabbatu,
8. Oromoo ykn Oromummaa fi dhiphummaa tokko godhanii dhiheessuun akka nurra
dhaabbatu,
9. Maastar pilaaniin Finfinnee haraa yaadamaa jiru uummata keenya biratti diddaa kaasisuun
isaa humnoota jeeqtotaa biratti akka carraa gariitti fudhatamee gochaan raawwatame
warren diddaa ka’e duubatti deebisuuf meeshaa ta’aniin gocha raawwatame dha akka nuf
jedhamu,
9
10. Daangaan magaala Finfinnee Labsii Federalaa lakkoofsa 361/1995 duratti bakka jirutti akka
deebi’u, harka lafa jalaatiin lafti Oromiyarra labsii kana booda fudhatamee ture gara
Oromiyaatti akka deebi’u,
11. Sababa kanaan diddaan Oromiyaa keessatti ka’e gaaffii mirgaa waan ta’eef ajjeechaan,
hidhaan, gidirsaa fi sodaachisuun uummata Oromoo irratti taasifamaa jiru akka dhaabbatu,
barattoonni Oromoo sababa kanaan akka re’ee qabamanii mana hidhaatti darbataman
atattamaan akka gadi lakkifaman,
12. Eenyummaa ofitiif dhaabbachuu fi du’uun mirga Heeraan kenname ta’ee utuu jiruu
namoota kanaaf dhaabbatan irratti ajjeechaa raawwachuun yakka idila addunyaati. Gocha
akkasii raawwattoonni seeratti akka dhihaatan, maatii wareegamtootaafis beenyaan akka
kaffalamu,
13. Humni nageenyaa Federalaa, gaaffiin humnakootii olii utuu hin dhihaanneef Oromiyaa
keessa naanna’ee ajjeechaa fi gidiraan uummata keenyaratti raawwachaa jiru hadhaabbatu,
14. Univarsiitonni bilisummaa baruuf-barsiisuu qaban mulqatanii hidhattoota tasgabbiif utuu hin
taane ajjeechaaf qopha’anii dhufan mooraa univarsitii keessa galchuun barattoota
ajjeesisuun isaanii gocha saalfacchisaa fi
yakkaan gaafachiisu waan ta’eef akka dhaaban
gaafanna.
Nagaaf Kabaja ol’aanaa siniif qabnu waliin.
G.G.

Parlamaa Mootummaa Federalaaf,

Waajjira Pireezidaantii Federalaaf,

Waajjira Muummicha Ministeeraaf,

Ittisa Biyyaa Itiyoophiyaaf,

Mootummaa naannoo Oromiyaaf,

Embassy Itiyoophiyaa keessa jiran hundaaf,

Qaamolee mootummaa naannoo fi Federalaa hundaaf

Univarsiitota Itiyoophiyaa keessa jiran Hundaaf,

Miidiyaalee biyya keessa fi biyya alaa hundaaf,
10
Bakka jiranitti
Kabajamtoota !!,
Himannaan kun Daangaan Oromiyaa faallaa Heera Mootummaa deemamee gara daangaa
Magaala Finfinneetti akka makamuuf shiraa fi gidiraa taasifamaa jiruun balaa sirna federalaa
biyyattiin hordofaa jirtu irratti gahuuf aggaamamee fi gidiraa, ajjeechaa, hidhaa, reebichaa fi
saamicha uummata Oromoo irra gahaa jiru hambisuuf ykn xiqqeessuu kaayyeffatee kan dhihaate
yoo ta’u hiraarsi kun deeggarsaa fi murtii keessaniin, qabsoo fi wareegama uummata keenyaan
nurraa dhaabbata, Midiyaaleen dhugaa fi haqaaf dhaabbatanis himannaa keenya kana maxxansanii
lammileen hundi akka hubatan ni taasisu jennee abdii qabna.
Kabajaa fi jaalalli uummanni Oromoo/Oromiyaa siniif qabu ol’aanaadha !!!
11