1. No category

Nutem Neqkauteput
PAGES 7 to 11 for G2.L9
Kiagem cali uksuaryartullrani
naunraat angukaat, quagcit,
ikiituut-llu arnat avularait.
Una arnaq canek avurta?
Canek cali naunrarnek
avularceta?
Angukaat nerlaraput
saarralirluki wall’u kenirraarluki
akutaliluki. Kass’at atam
keniumalrianek angukanek
pie-alituut.
Ukut-mi caugat?
Quagcit kenirraarluki
akutauluki nerlaraput
saarralirluki uqumek-llu
avuluki.
Ikiituut avuumalartut
enrivailgata nerumaluteng-llu
uqumek meciarluki.
Anglilli ukuni neqniqngapaa!
Caugat?
Ii-i, atsalugpiaruut.
Atsalugpiat uksuaryartumi
naulartut. Quyurtelartukut
atsalugpianek uksurpak akutamta
qivirkaitnek.
Maa-irpak yuut ilaita
qemagtelarait kumlivimeggnun
tepkegturaasqelluki.
Atsalugpiat nurnaitaqata
nerlaraput uqumek saarralamekllu kiingan avuluki. Uqiinamek
pilaraput.
Makut-mi atsat cakuciugat?
Ii-i, kavirlit (tumaglit)
tan’gerpiit-llu.
Iqvalartukut makunek atsanek
akutarkanek.
Uksuarmi cakucit cali atsat
naulartat?