1. No category

Gulahus
1 (1)
Dnro 126/01.01.00.00/2015
10.06.2016
Anára sosiála- ja dearvvasvuohtalávdegoddi almmuha ohcanláhkai 22.6.2016 dmu 15.00 rádjai
1. Sosiálabargi (mánáidsuodjalus) mearreáigásaš virggi áigái 1.8.2016 - 31.12.2017
2. Sosiálabargi (mánáidsuodjalus) virgesadjásašvuođa áigái 25.7.2016 - 17.6.2017
Anára gielddas doibmet mánáidsuodjalusa bargguin oktiibuot golbma sosiálabargi. Mánáidsuodjalusa
bálvalusain lea lassin okta bearašbargi. Anára gielddas lea maiddái fásta skuvlakuráhtor. Eará
sosiálabarggu doaimmain (rávesolbmuidsosiálabargu, lápmásiidbálvalusat, ekonomiija- ja vealgerávven
sihke mánáidgohcci doaimmat) leat golbma fásta sosiálabargi sihke sosiálabarggu hoavda. Dáid lassin
barggolašvuođabálvalusain ja jugešvuođafuolahusa bálvalusain leat okta bargoválbmejeaddji ja guokte
sosiálajođiheaddji sihke doaimmahatbargguin golbma bargi.
Gelbbolašvuođagáibádussan lea bajit allaskuvladutkkus, masa gullá dahje man lassin leat čađahuvvon
váldoávnnasoahput dahje váldoávdnasa vástideaddji universitehtaoahput sosiálabarggus
(Sosiálafuolahusa ámmátbargoveahkaláhka 817/2015 7§, 32§). Atnit árvvus mánáidsuodjalusa
bargohárjánumi ja ovttasbargodáidduid sihke gearggusvuođa ovddidit sosiálabarggu. Vuodjenkorte ja
iežas biilla geavahanvejolašvuohta leat vealtameahttumat.
Bargobálká lea 3 002,65 €/mb. Lassin máksojuvvojit GVBES:s dárkkuhuvvon ovddut. Virggis
čuvvojuvvo 4 mánotbaji geahččalanáigi. Ovdal virggi vuostáiváldima galgá válljejuvvon bargi
doaimmahit dohkálaš doaktárduođaštusa dearvvasvuođastis ja doaimmahit oaidninláhkai
rihkusregisttarlága 6 §:a 2 momeanttas dárkkuhuvvon rihkusregisttarváldosa.
Virgái ohccojuvvo nu ahte guđđo ohcamuš mildosiiguin Anára gieldda elektrovnnalaš
bargoohcanbálvalussii čujuhusas www.kuntarekry.fi. Juos ohcamuša ii leat vejolaš bargat
elektrovnnalaččat, doaimmat ohcamuša čujuhussii Anára sosiála- ja dearvvasvuohtalávdegoddi,
Piiskuntie 2, 99800 Avvil.
Lassidieđuid addá vs. sosiálabarggu hoavda Kaisa Bragge, tel. 040 582 6902 dahje šleađgapoastta bokte
[email protected].
Almmuhus almmustahttojuvvo ollásit gieldda virggálaš almmuhantávvalis ja ruoktosiidduin www.inari.fi.
Avvilis 10.6.2016
Inarin kunta, Piiskuntie 2, 99800 Ivalo
Puhelin +358 40 188 7111, faksi +358 16 662 628
www.inari.fi, [email protected]
Sosiála- ja dearvvasvuohtalávdegoddi