Gode grunnar til å velje Teknikk og industriell produksjon
Ølen vidaregåande skule Ølen vgs ligg i Vindafjord kommune i sentrum av Ølen, med flott utsikt og med Ølensfjorden som næraste nabo! Ølen vgs har eit trygt og godt skulemiljø med høg fagleg kvalitet og tilsvarande gode resultat. Elevane fullfører og består og få elevar sluttar i løpet av skuleåret. Elevane våre kjem hovudsakleg frå Vindafjord og Etne kommunar, men og frå andre kommunar i distriktet. Elevtallet ligg rund 280, og det er omlag 60 tilsette ved skulen. I tillegg leverer skulen undervisning til innsette i Sandeid fengsel. Ølen vgs er under ombygging/renovering og vil stå klar hausten 2017. Då vil me ha topp moderne spesialrom til realfag, lyse, trivelege klasserom og fellesareal. Visjonen til Ølen vgs er at ALLE KAN NÅ LENGER. Me har alle potensiale til å lære og utvikle oss, anten me er 16 eller 60 år gamle! Ved Ølen vgs har du dessa vala: - Studiespesialisering - Idrettsfag - Påbygg til generell studiekompetanse - Bygg- og anleggsteknikk - Design og handverk - Elektrofag - Teknikk og industriell produksjon - Helse- og oppvekstfag Skulen har ei lita gruppe spesialundervisning, arbeidstrening, og innføringsklasse for elevar med manglande norskkunskaper. Me har vårt eige Dagsverk Korosten og er MOT-skule. Skulekantina er eit naturleg samlingspunkt i friminutt og fritimar. Både elevar på studiespesialiserande og på yrkesfag har tilbod om faget breiddeidrett på alle nivå. I faget er det innlagt ulike ekskursjonar og turar. Ølen vgs har eit nært samarbeid både med vertskommunen Vindafjord og med næringslivet i distriktet. Desse aktørane er aktive medspelarar i faget Prosjekt til fordjupning på yrkesfag. Så godt som utan unntak får elevar læreplass når dei søkjer om dette innan distriktet. Skulen samarbeider tett med Vindafjord Arbeidsgiverforum i Kompetanseprosjektet, og det vert arrangert kurs for næringslivet både på dag- og kveldstid. e d n ande u b e r iefø Stud Studiespesialisering Det breiaste grunnlaget for vidare studium Du som vel studiespesialisering bør i utgangspunktet like å arbeide med teoretiske fag. Utdanningsprogrammet gir det breiaste grunnlaget for vidare studium ved høgskular og universitet. Alt etter kva programområde du vel, kan du oppnå generell eller spesiell studiekompetanse. Har du spesielle framtidsdraumar, bør du sjekke nøye kva for fagkombinasjonar som vert kravd før du vel programområde og fag. Me tilbyr: VG1 Studiespesialisering VG2 Realfag VG2 Språk, samfunnsfag og økonomi VG3 Realfag VG3 Språk, samfunnsfag og økonomi Idrettsfag Idrettsfag ved Ølen vgs er valet for deg som er glad i trening, idrett og friluftsliv. Du opparbeider deg generell studiekompetanse, samtidig som du trener og er i aktivitet kvar dag. Skulen har spennende natur på alle kantar, med fjell og fjord rett utanfor døra. I tillegg til trening og aktivitetar i nærmiljøet, vil det bli arrangert turar der du får andre utfordringar- td. ski/snowbordkøyring, mm. I det valfrie programfaget kan du velje breiddeidrett, toppidrett eller fag frå studiespesialisering. Me tilbyr: VG1, VG2 og VG3 Påbygg til generell studiekompetanse / 23 timars kurset for dei som har fagbrev Generell studiekompetanse gir moglegheit for opptak til dei fleste studium ved høgskolar og universitet. Intakkskrav: - VG1 og VG2 i eit yrkesfagleg utdanningsprogram eller - VG1 i eit studieførebuande utdanningsprogram og VG2 i eit yrkesfagleg utdanningsorigram (kryssløp) eller - Oppnådd yrkeskompetanse med fag- /sveinebrev eller - Oppnådd yrkeskompetanse utan fag- eller sveinebrev Yrkesfag Bygg- og anleggsteknikk For deg med godt handlag og praktisk tankegang Du som vel Bygg- og anleggsteknikk, bør ha praktisk sans, vere nøyaktig og ha godt handlag. Du bør vere sjølvstendig, men bør òg kunne arbeide i team, sidan mange bygg- og anleggsprosjekt krev nært samarbeid mellom ulike yrkesgrupper. Utdanningsprogrammet omfattar produksjon, oppføring, ombygging og vedlikehald av bygningar og anlegg med tilhøyrande tekniske installasjonar der det blir stilt strenge krav til kvalitet og sikkerheit. Me tilbyr: VG1 Bygg- og anleggsteknikk VG2 Byggteknikk Desi gn o g ha ndv erk Utvikling - Kreativitet - Praktisk arbeid Det er over 50 utdanningsvegar som byggjer på Vg1 Design og handverk. Om du er kreativ og glad i å bruke hendene kan dette vere det rette for deg. Utdanningsprogrammet har stor fagleg breidde med rike tradisjonar - handverksmessig, materialmessig og kulturhistorisk. Faget gir deg mogelegheit til å arbeide innan mange ulike handverksyrke. Som elev hos oss vil du få mange spennande utfordringar, og høve til å utvikle såvel det kreative som handverkaren i deg. Me tilbyr: Vg1 Design og handverk Vg2 Interiør og utstillingsdesign Elektrofag For deg som vil jobba med installasjon og vedlikehald av elektriske og elektroniske system Du som vel elektrofaget bør kunne arbeide nøyaktig, sikkert og systematisk og samstundes vere serviceorientert. Logisk tenkjemåte og kreativitet er òg viktig, både for å kunne løyse konkrete oppgåver og for å utvikle nye produkt. Utdanningsprogrammet fører til eit mangfald av yrke innan installasjon og vedlikehald av elektriske og elektroniske system. Me tilbyr: VG1 Elektro VG2 Elenergi Teknikk og industriell produksjon Opplæring med bruksverdi! Gode grunnar til å velje Teknikk og industriell produksjon: TIP gir mange moglege yrkesval med spennande utfordringar. Me har godt læringsmiljø og samarbeidar nært med lokalt næringsliv. Dette er ei utdanning som høver bårde for jenter og gutar. Det er store moglegheiter for vidare utdanning, og du kan velja tverrfaglege yrkeskombinasjonar. Dessutan har denne opplæringa nytteverdi for deg som likar å “mekke”. Me tilbyr: Vg1 TIP Vg2 Arbeidsmaskinar Vg2 Industriteknologi Vg2 Kjøretøy Bilde: © Hordaland Fylkeskommune Helse- og oppvekstfag For deg som ynskjer å arbeide med menneske i ulike aldrar og livssituasjonar. Helse- og oppvekst passar for deg som har lyst til å lære meir om deg sjølv, om forholdet til andre, om korleis kroppen fungerer, og som kan tenkja deg å arbeida i oppvekst- eller helsesektoren etter fullført utdanning. Undervisninga er både praktisk og teoretisk, og du vil vere utplassert i praksis i 2-3 periodar, i løpet av skuleåret. Me tilbyr: VG1 Helse- og oppvekstfag VG2 Barne- og ungdomsarbeidarfag VG2 Helsearbeidarfag Spesialundervisning i lita gruppe-arbeidstrening Dette er eit tilbod for elevar som ikkje skal følgje ordinær opplæring, men ha individuell plan. Opplæringa skjer i lita gruppe, og ein legg vekt på personleg utvikling og meistring. Det blir vidare sett fokus på gode rutiner i kvardagen slik at eleven kan bli i stand til å meistre eit liv i arbeid og fritid. Ølen vgs vil kunne gi elevane i denne gruppa god tilrettelegging av individuelle behov i samarbeid med engasjert personale. Innføringsklasse Ølen vgs tilbyr norskopplæring for elevar med kort butid og manglande norskkunnskaper. Krav er gjennomført grunnskule eller tilsvarande frå heimlandet samt opphaldsløyve.
© Copyright 2024