1. No category

Kommunalbestyrelsinut aamma ilagiit sinniisissaanik qinersissamaarnermut kiisalu Qaasuitsup Kommuniani ulloq 4. april 2017-imi Ikaarsaariarnermut ataatsimiititaliamut qinersinissamut, Qinersinermut
Ataatsimiititaliamit paasissutissat
Qinersinerit ingerlanneqassappput Kommunalbestyrelsinut, nunaqarfinni aqutsisunut
ilagiillu sinniisaannut qinersisarnerit pillugit Inatsisartut inatsisaat nutaaq nr. 27, 28.
november 2016-imeersoq naapertorlugu.
Kommunini qinersinermik siulersuisunit qinersinerit siulersorneqassapput.
Periarfissaqarpoq allakkatigut 1. januar 2017-imiilli qinersisoqarsinnaanera (tamanna pillugu kommunit attaveqarfigiuk)
Qinersisinnaatitaaneq pillugu
Qinersisinnaatitaaneq isumagisinnaajumallugu qinersisinnaasut allattorsimaffiannut ilanngunneqarsimasariaqarpoq. Qinersisinnaasut allattorsimaffiannut
ilanngunneqassagaanni piumasaqaataapput:


kingusinnerpaamik ullormi qinersiviusumi 18-inik ukioqalereersimanissaq
aamma nammineersinnaajunnaarsitaasimannginnissaq
qinersinissaq sioqqullugu kingusinnerpaamik sapaatit akunnerini 6-ini
kommunimi pineqartumi aalajangersimasumik najugaqarsimanissaq, tassa imaappoq ullormi 21. februar 2017 aammalu
danskisut innuttaassuseqarnissaq aammalu Kalaallit Nunaanni aalajangersimasumik najugaqarsimanissaq sivikinnerpaamik qinersinerup
ingerlanneqannginnerani qaammatini arfinilinni tassa imaappoq ullormi
4. oktober 2016, imaluunniit
 sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit
Nunaanni aalajangersimasumik najugaqarsimasoq, tassa imaappoq ullormi 4. oktober 2016-imi.
 Kiisalu inuit tulliuttut, Kalaallit Nunaata avataani najugaqarallartut, inunnullu taakkununnga katissimallugit inooqataallutik aappaasut imaluunniit
inooqatigiittutut nalunaarsorneqarsimasut kommunalbestyrelsimut qinersisinnaatitaasut, aalajangersimasumik najugaqarsimanissaq pillugu piumasaqaat ilanngunnagu, qulaani piumasaqaatinik naammassinnippata:
1) Inuit ilinniagaqarnissaq siunertaralugu Kalaallit Nunaata avataani najugaqartut.
2) Inuit peqqissutsikkut peqquteqartumik Kalaallit Nunaata avataani najugaqartut.
3) Inuit Kalaallit Nunaanni qinigaallutik folketingimut qinigaallutik sulinerminnut atatillugu Danmarkimi najugaqartut.
4) Inuit Namminersorlutik Oqartussanut sinniisutut nunani allani najugaqartut.
5) 5) Inuit Kalaallit Nunaata avataani najugaqartut aamma 1-imiit 4-mut
inunnut taaneqartunut sanilliunneqarsinnaallutik Kalaallit Nunaannut
attuumassuteqartut.

Inuit taaneqartut nuunnissartik sioqqullugu Kalaallit Nunaanni inuit allattorsimaffianni nalunaarsorneqareersimagunik aamma piffissami sivikinnerpaamik ukiuni marlunni ataannartumik Kalaallit Nunaanni inuit nalunaarsorneqarfiani nalunaarsorneqarsimagunik taamaallaat qinersisinnaatitaapput.
Kiisalu kommunalbestyrelsimi ilaasortaq kinaluunniit kommunalbestyrelsimi
ilaasortatut suliassamut atatillugu nuna tamakkerlugu soqutigisaqaqatigiit kattuffianni kommunimi allami angerlarsimaffeqartumi piffissaq tamaat siulittaasutut toqqarneqartoq kommunimi qimatamini qinersisinnaasut allattorsimaffiannut ilanngunneqassaaq. Aalajangersagaq pingaaruteqarpoq KANUKOKA-mi
siulittaasunut, aammali pisuni allani atorneqarsinnaassalluni.
Qinigassanngortittunik nalunaarutiginnittarneq aamma nalunaarutiginninnermut piffissaliussat pillugit
Kommunalbestyrelsinut- aamma ilagiit sinniisuinut kiisalu ikaarsaariarnermi
ataatsimiititalianut qinersinermut qinigassanngortittunik nalunaarutiginninnissamut piffissaliussaq kingusinnerpaamik qinersinissaq sapaatit akunnerinik arfinilinnik sioqqullugu nal. 12.00 tunniunneqassaaq.
Marlunngorneq ulloq 21 februar 2017 nal. 12:00
Kikkut qinersinernut qinigassanngortissinnaappat?
Qinersinissamut qinigassanngortittoq kisimiilluni qinigassanngortittutut, kisimiillutik qinigassanngortillutik kattusseqatigiittut, imaluunniit partii qinigassanngortitsisinnaasoq sinnerlugu qinigassanngortissinnaapput, tak. Inatsisartunut
qinersisarneq pillugu inatsisartut inatsisaat. Kinaluunniit partiimut qinigassanngortitsisinnaasumut ataatsimit amerlanerusunut qinigassanngortissinnaanngilaq imaluunniit partiimut qinigassanngortiutigaluni partiit avataanni qinigassanngortissinnaanani.
Kommunalbestyrelsinut aamma ikaarsaariarnermi ataatsimiititaliamut qinigassanngortissinnaatitaapput partiit kingullermik Inatsisartunut qinersinermi Inatsisartuni sinniisuutitaqalersut sulilu taakkunani sinniisuutitaqartut.
Ilanngullugu kommunalbestyrelsinut aamma ikaarsaariarnermi ataatsimiititaliamut qinigassanngortissinnaatitaapput partiit nutaat, qinernissaq sioqqullugu
kingusinnerpaamik sapaatit akunnerinik tallimanik (28. februar 2017-imi) Qinersinermut Ataatsimiititaliamut qinersisartunit amerlassutsimikkut ikinnerpaanik kingullermik Inatsisartunut qinersinermi taasinernit atorsinnaasunik tamanit 1/31-inik (942-ut) amerlassusilinnit nalunaarutigineqartut.
Kalaallit Nunaanni Ilagiinnut ilaasortat (Kalaallit Nunaanni Ilagiit) ilagiit sinniisuinut qinersisinnaatitaapput, kommunalbestyrelsinut qinersisinnaatitaanermut piumasaqaatinik naammassinnissimasut.
Paasissutissat allat:
Kommunalbestyrelsimut ilagiillu sinniisuinnut qinersiffiusumit ulloq alla ataatsimoorussamik kommunalbestyrelsinut aamma ilagiit sinniisuinut qinersisoqassasoq qinersinermi siulersuisut aalajangiisinnaapput. Taamaattumik Qinersinermut Ataatsimiititaliamit innuttaasoq kaammattorneqassaaq qinersineq pillugu kommunimi angerlarsimaffigisamini allagarsiussanik isiginninniaqqullugu.
Qinersilluarisi