1. No category

Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Saqqaa
Isumaginninnermut, Suliffeqarnermut
Inuussutissarsiornermullu ataatsimiititaq
Oqaluuserisassanut tapiliussaq
Tallimanngorneq ulloq 17. februaari nal. 14.00
Ilaasortat
Malene Lynge (IA)
Storm Ludvigsen (IA)
Charlotte Ludvigsen (IA)
Peter Davidsen (S)
Ane Egede Mathæussen (S)
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 1
3. Ilisimatitsissutit ............................................................................................................................ 2
03E Kommunip iniutai Neqitap attatugarinikuusai ........................................................................... 2
4. Aalajanngiiffigisassat................................................................................................................... 4
04B 2017-imi Nuup eqqaani ukiuunerani tuttutassiineq pillugu Aalisarnermut Piniarnermullu
Naalakkersuisoqarfimmut allagaq ................................................................................................... 4
04C Avaleraasartuunut akitsuutit pillugit inatsisip allanngortinneqarnissaa pillugu tusarniaaneq ..... 7
04D Qaleralinniarnermut tunngasut pillugit nalunaarutissatut allannguutaasussat marluk pillugit
tusarniaassutigineqarnerini akissuteqaat ........................................................................................ 9
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 2
3. Ilisimatitsissutit
03E Kommunip iniutai Neqitap attatugarinikuusai
Ilisimatitsissut
J.nr.: 72.02.00
Isumaginninnermut, Suliffeqarnermut Inuussutissarsiornermullu ingerlatsivik – pisortaq Grethe H.
Nielsen / GRNI
Suliassamik eqikkaaneq
Isumaginninnermut, Suliffeqarnermut Inuussutissarsiornermullu ingerlatsiviup 12 . februar 2017,
ataatsimiitatamut ilaasortamit Peter Davidsen-imit, Neqitap tusagssiorfinnut nalunaarutaa
Kommuneqarfik Sermersooq aalisarnermut politikkia ajorpoq-mik qulequtserneqarsimasoq tiguaa.
Ataatsimiititamut ilaasortap tusagssiorfinnut nalunaarummik piosrtamut ataatsimiitamullu ilaasortat
sinnerinut nassitsinerminut atatillugu kissaatigisimavaa ataatsimiititap piaartumik qanoq
iliuseqarnissaa.
Inassuteqaat/Inassuteqaatit
Isumaginninnermut, Suliffeqarnermut Inuussutissarsiornermullu Ingerlatsiviup
sumaginninnermut, Suliffeqarnermut Inuussutissarsiornermullu Ataatsimiititamut
inassuteqaatigaa:
- Ilisimatitsissut tusaatissatut tiguneqassasoq
Suliassamik saqqummiussineq
Isumaginninnermut, Suliffeqarnermut Inuussutissarsiornermullu ingerlatsiviup 12 . februar 2017,
ataatsimiitatamut ilaasortamit Peter Davidsen-imit, Neqitap tusagssiorfinnut nalunaarutaa
Kommuneqarfik Sermersooq aalisarnermut politikkia ajorpoq-mik qulequtserneqarsimasoq tiguaa.
Ataatsimiititamut ilaasortap tusagssiorfinnut nalunaarummik piosrtamut ataatsimiitamullu ilaasortat
sinnerinut nassitsinerminut atatillugu kissaatigisimavaa ataatsimiititap piaartumik qanoq
iliuseqarnissaa.
Tusagassiorfinnut nalunaarut KNR TV-mut, Nuuk TV-mut Sanarfinermut Avatangiisinullu
ingerlatsivimullu ingerlasussatut qulequtsigaavoq, Isumaginninnermut, Suliffeqarnermut
Inuussutissarsiornermullu ingerlatsivik toqqaannartumik Neqitamit saaffiginnissummik
tigusaqanngilaq.
Peqatigiiffik Neqitap kommune isumaqatigiissuteqarfigisimavaa Umiatsialerivik B-3112,
neqittersuivittut Qalulerivillu qassutinut qalulerivittullu siunertaanut Ilanngullugu umiatsialerivimmi
allaffiup immikkut affaa 1. maj 2016-imiit attartornissaa. Ini angisooq neqitsersuinermut
atorneqartoq, siusinnerusukkut umiatsiaaqqanut iluarsaavittut attartortittagaasimavoq, ataatsikkullu
umiatsiaaqqat marluk tassani suliarineqarsinnaasarsimallutik. Umiatsiaaqqamut ataatsimut
iluarsaassivittut attartorneqaraangami ullormut attartornera 210,00 kr.-nik akeqartarsimalluni.
Sanarfinermut Avatangiisinullu ingerlatsiviup ininik attartortitsineq ingerlataraa, Neqitallu init marluk
pineqartut katillugit qaammammut 5.500 kr.-nik akiliuteqarfigisassatut attartorsimavai. Peqatigiiffik
attartukkani imermik kallerup inneranillu atuinermut akiliuteqartinneqarneq ajorpoq.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 3
Isumaginninnermut, Suliffeqarnermut Inuussutissarsiornermullu ingerlatsivik 13. Februar 2017
Sanarfinermut Avatangiisinullu ingerlatsivimmit ilisimatinneqarpoq Neqitap attartukkanut
matuersaatit utertissigai tallimanngorneq 10. februar 2017.
Aaqqiissutissatut siunnersuut – suliatigut naliliineq
Ininik attartortisineq ingerlatsiviup allap ataani ingerlanneqarqarmat Isumaginninnermut,
Suliffeqarnermut Inuussutissarsiornermullu ingerlatsivik naliliivoq, suliaq Sanarfinermut
Avatangiisinullu Ataatsimiititamut ilisimatitsissutitut ingerlateqqinneqartariaqartoq.
Aningaasatigut sulisoqarnikkullu naliliinerit
Soqanngilaq.
Inatsisitigut tunngavissaq allakkallu tunngaviusumik uppernarsaatitallit
Soqanngilaq.
Ingerlariaqqinnissaq
Suliaq Sanarfinermut Avatangiisinullu Ataatsimiititamut ilisimatitsissutitut ingerlateqqinneqassaaq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfimmut oqaaseqaatinik pissarsiniarnissaq
pisariaqanngitsoq Ingerlatsiviup nalilerpaa.
Innuttaasunik peqataatitsineq/attaveqaqatigiinneq
Matumani pisariaqanngilaq
Ingerlatsivinniit allaniit oqaaseqaatigineqartut
Soqanngilaq.
Ilanngussat
1. Ataatsimiititami ilaasortamit Peter Davidsen-imit mail
2. Neqitap tusagassiorfinnut nalunaarutaa
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 4
4. Aalajanngiiffigisassat
04B 2017-imi Nuup eqqaani ukiuunerani tuttutassiineq pillugu
Aalisarnermut Piniarnermullu Naalakkersuisoqarfimmut allagaq
Aalajangiiffigisassaq
J.nr.: 73.01.03
Isumaginninnermut, Suliffeqarnermut Inuussutissarsiornermullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Aalisarnermut Piniarnermullu Naalakkersuisoqarfik 2017-imi ukiuunerani tuttutassiinermi
sivikitsumik piffissaliilluni tusarniaassuteqaqqaaranilu arlalinnik pingaarutilinnillu aalajangiisimavoq.
Akia-Maniitsoq ukiuunerani tuttunniarfissatut ammaqqinneqarpoq, aammalu piniariartarfiit Ameralik
Qeqertarsuatsiaallu tuttussiissuteqarfiginerat 50-inik ilaneqarput (100-niit 150-inut).
Aalisarnermut Piniarnermullu Naalakkersuisoqarfiup 2016-imi tuttunik umimmannillu piniarfissat
pisassiissutillu aammalu 2017-imi ukiuunerani piniarnissat maajimi juunimilu 2016-imi
tusarniaassutigereerpai, tassungalu atatillugu Kommuneqarfik Sermersooq juunip 17-ianni 2017
tusarniaanermut akissuteqarpoq, tusarniaanermullu akissuteqaat taanna ataatsimiititap
ataatsimiinnerani juunip arfernanni 2016 akuersissutigineqarpoq.
Pisuussutit uumassusillit aqunneqarnerat pillugu allannguuteqartoqassatillugu
tusarniarneqartarnissaq ataatsimiititap soqutigisarilluinnarmagu, ingerlatsiviup innersuussutigaa
Ataatsimiititaq Naalakkersuisoqarfimmut allagaqassasoq, siunissami pisuussutinik uumassusilinnik
aqutsineq pillugu siunissami allannguuteqartoqassatillugu tusarniarneqartarnissamik
kissaateqarneq erseqqissaatigineqassalluni. Siunnersuutigineqarpoq allakkami aamma
tusarniaanermi allagaq 17. juuni 2016-imeersoq innersuussutigalugu, ukiuunerani tuttunniartarnerit
kingunerisassai pillugit paasisaqarnerorusulluni kommunip kissaataa eqqaasitsissutigineqassasoq.
Inassuteqaat
Isumaginninnermut, Suliffeqarnermut Inuussutissarsiornermullu Ingerlatsiviup Isumaginninnermut,
Suliffeqarnermut Inuussutissarsiornermullu Ataatsimiititamut inassuteqaatigaa:
- Aalisarnermut Piniarnermullu Naalakkersuisoqarfiup tusarniaaqqaarani piniarfiup AkiaManiitsup 150-inik (Nuuk aqutsiveqarfianut 75-inik tuttutassiilluni) ukiuunerani
tuttunniarfissatut ammaasseqqinnera, aammalu Ameralik aamma Qeqertarsuatsiaani 2017imi ukiuunerani tuttutassiissutinik ilaterisimanera ataatsimiititap eqqartussagaa,
- Aalisarnermut Piniarnermullu Naalakkersuisoqarfimmut allagaq akuersissutigineqassasoq
Suliassamik saqqummiussineq
Aalisarnermut Piniarnermullu Naalakkersuisoqarfik 2017-imi ukiuunerani tuttutassiinermi
sivikitsumik piffissaliilluni tusarniaassuteqaqqaaranilu arlalinnik pingaarutilinnillu aalajangiisimavoq.
Akia-Maniitsoq ukiuunerani tuttunniarfissatut ammaqqinneqarpoq, aammalu piniariartarfiit Ameralik
Qeqertarsuatsiaallu tuttussiissuteqarfiginerat 50-inik ilaneqarput (100-niit 150-inut).
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 5
Aalisarnermut Piniarnermullu Naalakkersuisoqarfiup 2016-imi tuttunik umimmannillu piniarfissat
pisassiissutillu aammalu 2017-imi ukiuunerani piniarnissat maajimi juunimilu 2016-imi
tusarniaassutigereerpai, tassungalu atatillugu Kommuneqarfik Sermersooq juunip 17-ianni 2017
tusarniaanermut akissuteqaateqarpoq, tusarniaanermullu akissuteqaat taanna ataatsimiititap
ataatsimiinnerani juuip arfernanni 2016 akuersissutigineqarpoq.
Pisuussutit uumassusillit aqunneqarnerat pillugu allannguuteqartoqassatillugu
tusarniarneqartarnissaq ataatsimiititap soqutigisarilluinnarmagu, ingerlatsiviup innersuussutigaa
Ataatsimiititaq Naalakkersuisoqarfimmut allagaqassasoq, siunissami pisuussutinik uumassusilinnik
aqutsineq pillugu siunissami allannguuteqartoqassatillugu tusarniarneqartarnissamik
kissaateqarneq erseqqissaatigineqassalluni. Siunnersuutigineqarpoq allakkami aamma
tusarniaanermi allagaq 17. juuni 2016-imeersoq innersuussutigalugu, ukiuunerani tuttunniartarnerit
kingunerisassai pillugit paasisaqarnerorusulluni kommunip kissaataa eqqaasitsissutigineqassasoq.
Oqaatigineqassaaq Kommunip tusarniaanermut akissutaani 17. juuni 2016-imeersumut
ilanngunneqarmat, Amerallip eqqaa pinnagu Akiani ukiuunerani tuttunniartitsisoqartarnissaa
ilanngunneqanngimmat paasiuminaatsinneqartoq.
2017-imi ukiuunerani tuttunniarneq pillugu Ingerlatsiviup Naalakkersuisoqarfiullu akornanni
pisortatigoortumik attaveqaqatigiinneq imaassimavoq:







13. maaji 2016-imi ukioq 2016 aamma 2017-imi ukiuunerini tuttunniartarnissani
umimmanniarnissanilu piffissat pisassiissutigineqarsinaasullu pillugit tusarniaaneq
Naalakkersuisoqarfiup nassiuppaa.
17. juuni 2016-imi Kommune qulaani pineqartoq pillugu tusarniaanermut akissuteqarpoq
(tusarniaanermut akissut ataatsimiititap juunip arfernanni 2016 ataatsimiinnerani
akuersissutigineqarpoq).
16. decembarimi Naalakkersuisoqarfik allagaqarpoq, ilaatigut 2017-imut tuttutassat
aalajangersaaffigineqarsimanerat pillugu (Nuummut tunngatillugu ukiup siulianut
allannguuteqartoqarsimanani)
20. januaari 2017 – Naalakkersuisoqarfimmit e-mailikkut nalunaarutigineqarpoq, ilaatigut
Ameralimmi aamma Qeqertarsuatsiaanilu piniariartarfimmi tuttutassiissutit 100-niit 150-inut
ilaneqarsimasut.
8. februaari 2017 – Naalakkersuisoqarfimmit pisortatigoortuunngitsumik e-mailikkut
nalunaarutigineqarpoq aqutsiveqarfik Nuuk piniariartarfik Akia-Maniitsumi ukiuunerani
tuttutassiiffigineqarsimanera 75-inik ilaneqartoq (ukiup siuliani matoqqasimasoq)
9. februaari 2017 Naalakkersuisoqarfimmit qulaani taaneqartut uppernarsarlugit
pisortatigoortumik allakkatigut nalunaarutigineqarpoq (e-mail februaarip arfineqpingajuanneersoq).
13. februaarimi Akia-Maniitsoq ukiuunerani tuttutassiissutit katillugit 150-it, imaappoq
Qeqqata Kommuniani piniartunut 75-it tuttusassiissutigineqarneri oqarasuaatikkut
aalajangersarneqarpoq.
Aningaasaqarnikkut sulisoqarnikkullu naliliinerit
Soqanngilaq.
Inatsisitigut tunngavissaq allakkallu tunngaviusumik uppernarsaatitallit
- Namminersorlutik Oqartussat nalunaarutaat nr. 7 tuttut nujuartat illersugaanerat
piniagaanerallu pillugit 27. juni 2013-imeersoq
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 6
Ingerlariaqqinnissaq
Allagaq akuerineqassappat, Aalisarnermut Piniarnermullu Naalakkersuisoqarfimmut
nassiunneqassaaq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfimmut oqaaseqaatinik pissarsiniarnissaq
pisariaqanngitsoq Ingerlatsivimmit nalilerneqarpoq.
Innuttaasunik peqataatitsineq/attaveqaqatigiinneq
Attuumassuteqanngilaq.
Ilanngussat
1. Aalisarnermut Piniarnermullu Naalakkersuisoqarfimmut allakkiassatut siunnersuut
2. 2017-imi ilaatigut ukiuunerani tuttutassiissutit pillugit Kommunip tusarniaanermut
akissutaata 17. juuni 2016-imeersup assinga.
3. Akia-Maniitsoq ukiuunerani tuttunniarfigeqqusaannginneranut tunngaviusut ilaatigut
allaaserineqarlutik Naalakkersuisoqarfimmit e-maili aggustip 24-ianni 2016-imeersoq
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 7
04C Avaleraasartuunut akitsuutit pillugit inatsisip
allanngortinneqarnissaa pillugu tusarniaaneq
Aalajangiiffigisassaq
J.nr.: 06.14.20
Isumaginninnermut, Suliffeqarnermut Inuussutissarsiornermullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Aningaasaqarnermut Naalakkersuisoqarfiup avaleraasartuunut akitsuutip allanngortinneqarnissaa
pillugu siunnersuutip tusarniaassutiginera 10. februaari nassiuppaa, tusarniaanermut
akissuteqarfissatut 17. februaari 2017 killigitillugu.
Siunnersuummi siunnersuutigineqarpoq avaleraasartuunut akitsuut Kg-mut 0 kr. aamma 95 øre-mit
Kg-mut 0 kr. aamma 40 øre-mut, angallatinik Kalaallit Nunaanni angerlarsimaffeqartunit
pisarineqartunut, aammalu kg-mut 1. kr. aamma 50 øre-mut aamma kg-mut 1. kr. aamma 00 øremut, angallatinit Danmarkimi, Savalimmiuni imaluunniit nunani allani angerlarsimaffeqartunit
pisarineqartut.
Tusarniaanermut akissummi tusarniaanermut akissuteqarnissamut piffissarititaasup
sivikippallaarnera ajornartorsiutigineqartutut oqaatigineqarpoq, tamatuma saniatigut akitsuutit
appartinneqarnerat tusaatissatut tiguneqarpoq oqaaseqaatigalugu, Naalakkersuisoqarfiup
umiarsuaatileqatigiiffinnut Kalaallit Nunaanni angerlarsimaffeqartunut Naalakkersuisoqarfiup
assigiinngisitaartunik akitsuusiisarnera pitsaaquteqartoq Kommunip isumaqarfigigaa, tamanna
Kalaallit Nunaanni avaleraasartuunik aalisarnermit sapinngisamik inuiaqatigiit
aningaasaqarnerannut pissarsissutaalluartussatut isumaqarfigineqarmat.
Inassuteqaat
Isumaginninnermut, Suliffeqarnermut Inuussutissarsiornermullu Ingerlatsiviup Isumaginninnermut,
Suliffeqarnermut Inuussutissarsiornermullu Ataatsimiititamut inassuteqaatigaa:
- tusarniummut akissuteqaatissatut siunnersuut akuerineqassasoq
Suliassamik saqqummiussineq
Aningaasaqarnermut Naalakkersuisoqarfiup avaleraasartuunut akitsuutip allanngortinneqarnissaa
pillugu siunnersuutip tusarniaassutiginera 10. februaari nassiuppaa, tusarniaanermut
akissuteqarfissatut 17. februaari 2017 killigitillugu.
Siunnersuummi siunnersuutigineqarpoq avaleraasartuunut akitsuut Kg-mut 0 kr. aamma 95 øre-mit
Kg-mut 0 kr. aamma 40 øre-mut, angallatinik Kalaallit Nunaanni angerlarsimaffeqartunit
pisarineqartunut, aammalu kg-mut 1. kr. aamma 50 øre-mut aamma kg-mut 1. kr. aamma 00 øremut, angallatinit Danmarkimi, Savalimmiuni imaluunniit nunani allani angerlarsimaffeqartunit
pisarineqartut.
Tusarniaanermut akissummi tusarniaanermut akissuteqarnissamut piffissarititaasup
sivikippallaarnera ajornartorsiutigineqartutut oqaatigineqarpoq, tamatuma saniatigut akitsuutit
appartinneqarnerat tusaatissatut tiguneqarpoq oqaaseqaatigalugu, Naalakkersuisoqarfiup
umiarsuaatileqatigiiffinnut Kalaallit Nunaanni angerlarsimaffeqartunut Naalakkersuisoqarfiup
assigiinngisitaartunik akitsuusiisarnera pitsaaquteqartoq Kommunip isumaqarfigigaa, tamanna
Kalaallit Nunaanni avaleraasartuunik aalisarnermit sapinngisamik inuiaqatigiit
aningaasaqarnerannut pissarsissutaalluartussatut isumaqarfigineqarmat.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 8
Aaqqiissutissatut siunnersuut – suliatigut naliliineq
Siunnersuutigineqarpoq tusarniaanermut allakkiassatut siunnersuut akuerineqassasoq.
Aningaasaqarnikkut sulisoqarnikkullu naliliinerit
Maannakkorpiaq Ingerlatsivik toqqaannartumik toqqaannanngikkaluamillu siunnersuutip
kommunimut qanoq kinguneqarnissaa nalilersinnaasimanngilaa, aalisarneq suli misileraanertut
nalilerneqarmat.
Inatsisitigut tunngavissaq allakkallu tunngaviusumik uppernarsaatitallit
 Qaleralinnut aalisakkanullu allanut akitsuusiisarneq pillugu Inatsisartut inatsisaat nr. 9, 6.
juni 2016-imeersoq
 Aalisarneq pillugu inatsisartut inatsisaat nr. 18, 31. oktober 1996-imeersoq
Ingerlariaqqinnissaq
Ataatsimiititami oqaluuserineqareerpat aaqqitassaqarpat iluarsineqassapput, taamaalereerpallu
tusarniaanermut akissut Aningaasaqarnermut Naalakkersuisoqarfimmut nassiunneqassaaq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfik oqaaseqartinniassallugu ingerlatsivimmit
pisariaqarsorineqanngilaq.
Innuttaasunik peqataatitsineq/attaveqaqatigiinneq
Attuumassuteqanngilaq.
Ilanngussat
1. Tusarniaanermut akissutissatut siunnersuut
2. Allakkat tusarniaassutit
3. Inatsisissatut allannguutissatut siunnersuut
4. Inatsisissatut siunnersuummut nassuiaatit
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 9
04D Qaleralinniarnermut tunngasut pillugit nalunaarutissatut
allannguutaasussat marluk pillugit tusarniaassutigineqarnerini
akissuteqaat
Aalajangiiffigisassaq
Jnr: 72.01.01.06
Isumaginninnermut, Suliffeqarnermut Inuussutissarsiornermullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Sinerissap qanittuani qaleralinniarneq pillugu nalunaarutissatut siunnersuut Aalisarnermut
Piniarnermullu Naalakkersuisoqarfimmit 27. januaari 2017-imi tusarniaassutigalugu
nassiunneqarpoq tusarniaassutillu akissuteqarfigineqarnissaa 15. februaari 2017-imut
killilerneqarsimalluni. Kiisalu naalakkersuisoqarfik taanna ulloq 7. februaari 2017-imi
tusarniaassummut akissuteqarnissamut ullunik marlunnik periarfissaliilluni Ingerlatsivimmut
tusarniaanermini apeqqutinik arlalinnik nassiussaqarpoq, nalunaarusiami allannguutigerusutatut
apeqqutit “aalisarnermut akuersissutit pisassiissutillu” (nr. 8, 2016-imeersoq). Tamatuma kingorna
tusarniaassut siullertut taaneqartoq 17. februaari 2017-imut sivitsorneqarpoq tusarniaassullu
kingullertut taaneqartoq 20. februaari 2017-imut sivitsorneqarluni.
Tusarniaassut "aalisarnermut akuersissutit pisassiissutillu" eqqarsaatigalugit, Ingerlatsivimmit
tusarniaassummut akissuteqaasiortoqarpoq, tassanilu aqutsisoqarfinni assigiinngitsuni marlunni
"Kalaallit Nunaata sinnerani" taavalu assersuutigalugu "aqutsisoqarfimmi Nuummi" aalisartup
aalisarnissaanut periarfissinneqannginnissaa nangittumik akuersissutitigut annertuumik
tunngavilersuutigineqarput – ingerlatsivimmit naliliineq naapertorlugu aalajangersakkap taama
ittuutiinnarlugu aalajangiusimaneratigut qaleraleqassutsimik atuinermi nungusaataanngitsumik
pissusissamisoortumik qulakkeerneqassammat.
Sinerissap qanittuani qaleralinniarneq pillugu nalunaarutissatut siunnersuutip
tusarniaassutigineqarneranut tunngatillugu, tusarniaassummut akissuteqaasiortoqarpoq ilaatigut
aqutsiveqarfik Nuummi siunissami siunnersuutigineqartut kujammut allinissaat noqqaassutigalugu,
tassa Qeqertarsuatsiaat Paamiullu akornanni qeqqata missaata tungaanut (Nuup Kangerlua
Ameralillu kisiisa ilanngutiinnarnagit), taamaaliortoqarusupporlu qaleraleqassutsip
nungusaataanngitsumik aqunneqarnissaa qulakkeerumallugu aammalu aalisartut ataasiakkaat
aqutsiveqarfik Nuummi imaluunniit "Kalaallit Nunaata sinnerani" aalisarnissaminut
aalajangerniarnera ajornaallisarniarlugu. Kiisalu Kalaallit Nunaata Avannaani maannakkut
sukaterinerit atuuttut assigalugit, aalisarnermi piumasaqaatitigut pisariaqartumik sukaterinissaq
siunnersuummi ajornarunnaassasoq kaammattuutigineqarluni. Taamatut sukaterinermi Nuup
eqqaani nungusaataanngitsumik qaleraleqassuseq qulakkeerniarlugu aatsaat pisariaqartillugu
atorneqartassasut kaammattuutigineqarpoq.
Inassuteqaat
Isumaginninnermut, Suliffeqarnermut Inuussutissarsiornermullu Ingerlatsiviup Isumaginninnermut,
Suliffeqarnermut Inuussutissarsiornermullu Ataatsimiititamut inassuteqaatigaa:
- nalunaarutissatut siunnersuummi allanngortinniarneqartut "aalisarnermut akuersissutit
pisassiissutillu" pillugit tusarniaassummut akissuteqaatitut siunnersuut
akuersissutigineqassasoq,
- sinerissap qanittuani qaleralinniarneq pillugu nalunaarutissatut siunnersuut pillugu
tusarniaassummut akissuteqaatitut siunnersuut akuersissutigineqassasoq
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 10
Suliassamik saqqummiussineq
Sinerissap qanittuani qaleralinniarneq pillugu nalunaarutissatut siunnersuut Aalisarnermut
Piniarnermullu Naalakkersuisoqarfimmit 27. januaari 2017-imi tusarniaassutigalugu
nassiunneqarpoq tusarniaassutillu akissuteqarfigineqarnissaa 15. februaari 2017-imut
killilerneqarsimalluni. Kiisalu naalakkersuisoqarfik taanna ulloq 7. februaari 2017-imi
tusarniaassummut akissuteqarnissamut ullunik marlunnik periarfissaliilluni Ingerlatsivimmut
tusarniaanermini apeqqutinik arlalinnik nassiussaqarpoq, nalunaarusiami allannguutigerusutatut
apeqqutit “aalisarnermut akuersissutit pisassiissutillu” (nr. 8, 2016-imeersoq). Tamatuma kingorna
tusarniaassut siullertut taaneqartoq 17. februaari 2017-imut sivitsorneqarpoq tusarniaassullu
kingullertut taaneqartoq 20. februaari 2017-imut sivitsorneqarluni.
Tusarniaassut "aalisarnermut akuersissutit pisassiissutillu" eqqarsaatigalugit, Ingerlatsivimmit
tusarniaassummut akissuteqaasiortoqarpoq, tassanilu aqutsisoqarfinni assigiinngitsuni marlunni
"Kalaallit Nunaata sinnerani" taavalu assersuutigalugu "aqutsisoqarfimmi Nuummi" aalisartup
aalisarnissaanut periarfissinneqannginnissaa nangittumik akuersissutitigut annertuumik
tunngavilersuutigineqarput – ingerlatsivimmit naliliineq naapertorlugu aalajangersakkap taama
ittuutiinnarlugu aalajangiusimaneratigut qaleraleqassutsimik atuinermi piujuartitsineq
pissusissamisoortumik qulakkeerneqassammat.
Sinerissap qanittuani qaleralinniarneq pillugu nalunaarutissatut siunnersuutip
tusarniaassutigineqarneranut tunngatillugu, tusarniaassummut akissuteqaasiortoqarpoq ilaatigut
aqutsiveqarfik Nuummi siunissami siunnersuutigineqartut kujammut allinissaat noqqaassutigalugu,
tassa Qeqertarsuatsiaat Paamiullu akornanni qeqqata missaata tungaanut (Nuup Kangerlua
Ameralillu kisiisa ilanngutiinnarnagit), taamaaliortoqarusupporlu qaleraleqassutsip piujuartitsinikkut
aqunneqarnissaa qulakkeerumallugu aammalu aalisartut ataasiakkaat aqutsiveqarfik Nuummi
imaluunniit "Kalaallit Nunaata sinnerani" aalisarnissaminut aalajangerniarnera ajornaallisarniarlugu.
Kiisalu Kalaallit Nunaata Avannaani maannakkut sukaterinerit atuuttut assigalugit, aalisarnermi
piumasaqaatitigut pisariaqartumik sukaterinissaq siunnersuummi ajornarunnaassasoq
kaammattuutigineqarluni. Taamatut sukaterinermi Nuup eqqaani nungusaataanngitsumik
qaleraleqassuseq qulakkeerniarlugu aatsaat pisariaqartillugu atorneqartassasut
kaammattuutigineqarpoq.
Aaqqiissutissatut siunnersuut – suliatigut naliliineq
Tusarniaassummut akissuteqaatitut siunnersuutit marluk akuersissutigineqassasut
siunnersuutigineqarpoq.
Aningaasaqarnikkut sulisoqarnikkullu naliliinerit
Taamatut tunngaveqartoqartillugu, aningaasaqarnikkut sulisoqarnikkullu naliliinerit kommunimut
sunniutaasussat takutissallugit periarfissaanngilaq, pitsaaqutaasutulli isigineqarpoq, Nuup eqqaani
qaleralinniarneq pisariaqartillugu iluarsiiffigineqarnissaa qanillerpasittoq.
Inatsisitigut tunngavissaq allakkallu tunngaviusumik uppernarsaatitallit
 Sinerissap qanittuani qaleralinniarneq pillugu Namminersorlutik Oqartussat nalunaarutaat
nr. 11, 28. august 2014-imeersoq
 Aalisarsinnaanermut akuersissutit pisassiissutillu pillugit Namminersorlutik Oqartussat
nalunaarutaat nr. 8, 8. april 2016-imeersoq.
 Kommuneqarfik Sermersuumi inuussutissarsiutigalugu qaleralinnik aalisarneq pillugu
maleruaqqusaq
 Aalisarneq pillugu inatsisartut inatsisaat nr. 18, 31. oktober 1996-imeersoq
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 17.feb. 2017
Qup. | 11
Ingerlariaqqinnissaq
Ataatsimiititami oqaluuserineqareerpat iluarsisassaqarpat iluarsisassat aaqqinneqassapput,
tamatuma kingorna tusarniaassummut akissuteqaatit Aalisarnermut Piniarnermullu
Naalakkersuisoqarfimmut nassiunneqassallutik.
Nalunaarutit nutaat inissinneqalereeriarpata, Kommuneqarfik Sermersuumi
inuussutissarsiutigalugu aalisartut qaleralinniarnerat pillugu ileqqoreqqusami
allannguisoqassanersoq naliliisoqarumaarpoq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfik oqaaseqartinniassallugu ingerlatsivimmit
pisariaqarsorineqanngilaq.
Innuttaasunik peqataatitsineq/attaveqaqatigiinneq
Attuumassuteqanngilaq.
Ilanngussat
1. Nalunaarutissatut allannguutiginiarneqartut "aalisarnermut akuersissutit pisassiissutillu" pillugit
tusarniaassummut akissuteqaatitut siunnersuut
2. Sinerissap qanittuani qaleralinniarneq pillugu nalunaarummut siunnersuutip
tusarniutigineqarneranut akissutitut siunnersuut
3. Nalunaarutissatut allannguutiginiarneqartut "aalisarnermut akuersissutit pisassiissutillu" pillugit
tusarniaassut
4. Sinerissap qanittuani qaleralinniarneq pillugu nalunaarutissatut siunnersuummut
tusarniaassutitut atortut uani takuneqarsinnaapput:
http://naalakkersuisut.gl/da/H%c3%b8ringer/Arkiv-over-h%c3%b8ringer/2017/Bkg-hellefiskkystnaer