Oqaluuserisassat
Kommuneqarfik Sermersooq Kommunalbestyrelse Ulloq: 7. marsii 2017 Saqqaa Kommunalbestyrelsip 2. Ileqquusumik aappassaaneerluni ataatsimiinneq Oqaluuserisassat Marlunngorneq 7. marsii 2017 nal. 12.30 Ilaasortat Asii Chemnitz Narup (IA) Malene Lynge (IA) Ado Holm (IA) Charlotte Ludvigsen (IA) Storm Ludvigsen (IA) Uju Petersen (IA) Pipaluk Lynge (IA) Charlotte Pike (IA) Poul Hansen (D) Justus Hansen (D) Peter Davidsen (S) Ane Egede Mathæussen (S) Ingvar Motzfeldt (S) Nikolaj Heinrich (S) Per Berthelsen (S) Tim Serritzlev (S) Vittus Maaru Mikaelsen (S) Anni K. Rasmussen (S) Steen Lynge (A) Kommuneqarfik Sermersooq Kommunalbestyrelse Ulloq: 7. marsii 2017 Qup. | 2 Oqaluuserisassat 1. Oqaluuserisassat akuerineqarnerat............................................................................................. 3 2. Nalunaarutit ................................................................................................................................ 3 02A Borgmesterimit nalunaarutit ..................................................................................................... 3 02B Ataatsimiititanit ataavartunit nalunaarutit.................................................................................. 3 3. Ilisimatitsissutit ............................................................................................................................ 4 03A Allakkat Digitaliusut pillugit inatsisissatut siunnersuummut tunngasumik tusarniaaneq ............ 4 03B Ukiumut atuarfiusumut 2015/2016 pitsaassutsimut nalunaarusiaq ........................................... 9 03C Atuarfeqarneq pillugu politikkip atuutilersinneqarnissaanut periusissatut pilersaarutaagallartoq ..................................................................................................................................................... 12 03D Utoqqaat pillugit immikkoortumut pilersaarut - Immikkoortut pingajuat (atuutilersitsineq) ....... 17 03E Kommunip pilersaarutaanut tapiliussamut siunnersuut 3A6-1, Qasigiannguit, Nuuk .............. 19 03F Kommunimut pilersaarummut tapiliussaq 20B5-1, Paamiuni Inuussutissarsiuteqarfik Umiarsualivillu ............................................................................................................................... 22 4. Aalajanngiiffigisassat................................................................................................................. 25 04A Piginnittuunermut Periaasissap atuutilersinneqarnera ........................................................... 25 04B Innarluutilinnut politikki 2017-2027 ......................................................................................... 29 04C Nunaqarfinnut immikkoortumut pilersaarut ............................................................................ 33 04D Kommunimut pilersaarut 2028 ............................................................................................... 40 04E Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaanik siunnersuut ................................................................................................................................... 44 04F Piorsaavimmi sullitat nalilersuiffigineqarnissaat ...................................................................... 47 5. Immikkoortut matoqqasut .......................................................................................................... 49 05A Nunaminertat inuussutissarsiuteqarfiusut .............................................................................. 49 05B Umiarsualivik ......................................................................................................................... 50 6. Taasariaqartut allat ................................................................................................................... 51 7. Imaqarniliap akuerineqarnera.................................................................................................... 51 Kommuneqarfik Sermersooq Kommunalbestyrelse Ulloq: 7. marsii 2017 Qup. | 3 1. Oqaluuserisassat akuerineqarnerat 2. Nalunaarutit 02A Borgmesterimit nalunaarutit 02B Ataatsimiititanit ataavartunit nalunaarutit Kommuneqarfik Sermersooq Kommunalbestyrelse Ulloq: 7. marsii 2017 Qup. | 4 3. Ilisimatitsissutit 03A Allakkat Digitaliusut pillugit inatsisissatut siunnersuummut tunngasumik tusarniaaneq Ilisimatitsissut J.nr: 02.02.09 Aningaasaqarnermut Sulisoqarnermullu Kiffartuussivik - pisortaq Lars Møller-Sørensen / LMS Tamanut Kiffartuussivik - pisortaq Marie Fleischer / MFLE Suliassamik eqikkaaneq Kommuneqarfik Sermersooq 2016-imi decembarip ulluisa 23-anni Digitaliseeriinermut Aqutsisoqarfimmit allakkat Digitaliusut pillugit inatsisissatut siunnersuummut tunngasumik tusarniaanermut atortunik tigusaqarpoq, akissuteqarnissamut 2017-imi januaarip ulluisa 26-annut killeqartinneqartumik. Kommuneqarfik Sermersuup tusarniummut atortut atuareerpai aammalu Digitaliseeriinermut Aqutsisoqarfimmut allaffissornikkut tusarniaanermut akissuteqaateqareerluni, kingusinnerusukkut politikkikkut eqqartuinermi allannguuteqartoqarsinnaanera sillimaffigeqquneqarluni. Inatsisissatut siunnersuutip tamatumap siunertaraa, digitaliusumik allagarseriaatsip NemPostip atorneqarnerani oqartussaqarfinnut inatsisitigut sinaakkutissanik aalajangersaanissaq, taamaammallu pisortaqarfiit oqartussat siunissami attaveqaqatigineri digitaliusumik ingerlanneqarnissaa siunertarineqarluni. Inatsisissatut siunnersuut ima oqaasertaqartinneqarpoq, matumani Kalaallit Nunaanni innuttaasut kikkulluunniillu tamarmik pinngitsooratik digitaliusumik allagarsiaqarnikkut aaqqiinermut NemPostimut ilanngunneqassasut. Naalakkersuisut ilanngunneqartussaanngitsut pillugit nalunaarusiornikkut qanimut malittarisasioreerpassuk NemPostimut ilanngunneqarneq aatsaat pissasoq oqaatigineqassaaq. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu ilisimatitsissut tusaatissatut tiguaa, taamaattoq kissaatigalugu, aningaaserivimmi E-boksip atorneqarnera Aningaasaqarnermut Ataatsimiititamit ilisimaneqartoq politikkikkut tusarniaassummut akissuteqaammut ilanngunneqassasoq. Taamaattumik tamanna innuttaasut Digitalikkut Allakkisarfinnik assigiinngitsunik marlunnik atuisariaqalernerannik kinguneqarsinnaammat tamanna pissusissamisuunngitsutut isigineqarpoq. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Kommuneqarfik Sermersooq 2016-imi decembarip 23-ianni Digitaliseeriinermut Aqutsisoqarfimmit allakkat Digitaliusut pillugit Inatsisartut inatsisissatut siunnersuummut tusarniaassummik tigusaqarpoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 5 Tusarniaanermut killissarititap inissisimaffia peqqutaalluni, tusarniaanerup killissaata 2017-imi januaarip 26-anni qaangiutinnginnerani tusarniaanermut atortut politikkikkut oqaluuserineqarnissaannut saqqummiinissaq periarfissaasimanngilaq. Taamaammat allaffeqarfiup aalajangersimavaa, tusarniaanermut atortut ingerlatsiviit iluanni tusarniaanertalimmik nassiunneqassasut, tamannalu tunuliaqutaralugu allaffissornikkut tusarniaanermut akissuteqaammik suliaqartoqassasoq, taannalu 2017-imi januaarip 26-anni Digitaliseeriinermut Aqutsisoqarfimmut nassiunneqarpoq. Digitaliseeriinermut Aqutsisoqarfik nalunaarfigineqarnikuuvoq, Kommuneqarfik Sermersuup allaffissornikkut tusarniaanermut akissuteqaammik akisariaqarsimasoq, matumani tusarniaanermut atortunik kingusinnerusukkut politikkikkut eqqartuinermi allannguuteqartoqarsinnaanera sillimaffigeqquneqassasoq. Inatsisissatut siunnersuut Inatsisartunit akuerineqassappat, nammineq kajumissuseq naapertorlugu aaqqiinermut toqqaanissaq pineqassaaq aammalu pinngitsoorani NemPostimut ilanngunneqarnissaq, aatsaat Naalakkersuisut kikkut uunga inatsimmut ilanngunneqassannginnersut malittarisassiorlutik nalunaarusioreerpata aatsaat pinngitsoorani atuuttussanngortinneqarsinnaalluni. Taamaammat inatsisissatut siunnersuut inatsisitigut sinaakkutaanissaa pineqarpoq, matumani ilannguttariaqannginnermut inaarutaasumik malittarisassiortoqaqqaartinnagu sunniutissai nalileruminaassallutik. Allakkat Digitaliusut pillugit inatsisissami ilanngunneqannginnissamut piumasaqaatinut aaqqiineq nalunaarusiornikkut aalajangersarneqarnissat, najukkami ineriartornerup aammalu innutaasut qarasaasiatigut piginnaasaat malitsigalugit ilanngunneqannginnissamut aalajangersaanerit ajornannginnerusumik aaqqiissuteqarfigineqarsinnaapput. Tusarniaanermut atortuni nassiunneqarsimasuni atuarneqarsinnaavoq, Kalaallit Nunaanni innutaasut 45 %-iinnai kisimik NemID-qartut, tamannalu annertuumik unammillernartoqarpoq, tassami Ilaatigut NemPostimik atuinissamut NemID-qarnissaq piumasaqaataammat. Taamaammat Kommuneqarfik Sermersuup NemID-p ilisimasaqarfigineqalernerunissaanut aammalu Nem Postimut ilannguttoqarnissaanut nammineq soqutigisarivaa suliniutinik aallartitsinissani. Innutaasut aammalu kikkulluunniit amerlanerpaat digitaliusumik NemPostikkut allagarsisalerpata, pisortanut aningaasaqarniarnikkut annertuumik sipaarutaassaaq, aammalu pitsaanerusumik innuttaasunik kiffartuussinerussalluni, pissutigalugu sumi najugaqaraluaraanniluunniit kommunip aalajangiineri sekundialuit qaangiukkaangata tamanut apuussorsinnaanngussammata. NemPosti akeqanngitsumik e-mailitupajaaq aaqqissutaavoq, Namminersorlutik Oqartussanit neqeroorutigineqartoq, Kalaallit Nunaanni oqartussanut tamanut isumannaatsumik digitaliusumik attaveqaataasoq. E-mailikkikkut systemit paarlattuannik e-mailit tamarmik paasiuminaallisagaapput aammalu digitalimik atsiortoqartarluni, tamatumap kingunerisaanik pisortat oqartussaassuseqartut innuttaasullu kikkulluunniit akornanni paasissutissanik mianernartunik nassiussisoqariaannaasinnaassaaq. Inatsisissatut siunnersuut pisortat nassiussisut digitalimik allagarsisalernissamut NemPost Offentlig Digital Postip atornissaannut inatsisitigut tunngavissiinissamut qulakkeerissaaq. Taamaattorli aamma innuttaasut inatsisitigullu immikkoortut, digitalimik allagarsiineq aqqutigalugu Kommuneqarfik Sermersooq Kommunalbestyrelse Ulloq: 7. marsii 2017 Qup. | 6 nalunaarutissanik uppernarsaatinillu oqartussamut nassiussisut, nassiussaasa apuussimaneri qulakkeerneqarniassammata. Inatsisissatut siunnersuut malittarisassamut § 15, nr. 2-mi ersarissumik aalajangersaanera pitsaasuuvoq, nalunaarutit nassiussat apuussimasutut naatsorsuutigineqartarput, tigusisussamut nalunaarut pissarsiarineqarsinnaagaangata allakkanik ingerlatsivikkut NemPostikkut. Maanna tassunga aalajangeeqataasut oqaaseqaatini arlaliupput, pingaaruteqarporlu taamaattumik pingaaruteqarluni digitalimik allagarsisalernissap pinngitsoorani atuutilernissaa sumiiffiit ilaat qarasaasiakkut attaveqaatinik pisarialinnik peqalersinneqareerpata aatsaat pinissaa. Inatsisitigut toqqammavissap ersarissup, kinaluunniit imaluunniit illuatungiliuttoq innuttaasup allakkanik digitaliusunik atuarsinnaatitsinera ajunngitsuuvoq. Qulaani taaneqartut periarfissaalereerput, pisinnaatitsissummut malittarisassaqarmat aamma inunnut paasissutissat pillugit tunngavigisat nalunaarsorneqarnerat aporaatinnginnerat apeqqutaalluni. Ingerlariaaseq qulaani allaqqasoq Danmarkimi digital postip atuutilerneranut assinguvoq, matumani Allakkat Digitaliusut pillugit inatsit (Lov om offentlig digital post) 2012-imi Folketingimit akuersissutigineqarnikuulluni, innuttaasut aammalu inatsisitigut pisussaatitaasut pisortanit oqartussaasunit digitalimik allagarsisinnaalernerinik kinguneqarluni. Aallaqqaataani nammineq kajumissutsimik aaqqiinerunikuuvoq, 2013-imi novembarip aallaqqaataani inatsisitigut pisussaatitaasunut pinngitsoorani atugassiarineqarluni innutaasunullu 2014-imi novembarip aallaqqaataani pinngitsoorani atugassianngorluni. Aaqqiissutissatut siunnersuut – suliatigut naliliineq Kommuneqarfik Sermersuup 2017-imi januaarip ulluisa 26-anni tusarniaanermut akissuteqaataa: Uunga Digitaliseeriinermut Aqutsisoqarfik Postboks 1078 3900 Nuuk [email protected] Tusarniaanermut akissut Inatsisartut inatsisaat nr. xx af xx. xxxx 201x-imeersoq Pisortanit Allakkat Digitaliusut pillugu Kommuneqarfik Sermersuumit qujassutigineqarpoq ilitsersuut una pillugu tusarniaassutit decembarip ulluisa 23-anni 2016 tiguneqartut pillugit tusarniaanermut akissuteqarnissamut periarfissinneqarami. Suliaq una politikkikkut suliarinissaanut akissuteqarfiginissaanullu piffissaq eqqarsaatigalugu periarfissaasimanngilaq, taamaattumillu malugeqquneqarpoq allaffissornikkut akissuteqarfigineqarmat. Digitalinngorsaanermi inatsisitigut suliniutit akueraagut, inatsisissatullu siunnersuutip pinngitsoorani digitalimik allagarsisalernissamut NemPostimut atuutilersitsisussaanermik aallaaveqarnera ajunngitsutut isigalugu. Pisortani oqartussaasut allakkatigut attaveqartarnerisa digitalinngortinneqarnerata kingunerissavaa aningaasartuutissanik pisortat sipaaruteqarnissaat (suliffimmi suliaqartarnerni, allakkat Kommuneqarfik Sermersooq Kommunalbestyrelse Ulloq: 7. marsii 2017 Qup. | 7 nassiunnerinut akit allatigullu), pisortanit aalajangiussat tammaaneqartannginnissaat aamma innuttaasunik sullissineq pitsaanerusoq kommunip aalajangiussaanik piffissaq sivikinnerusoq atorlugu sumiikkaluaraanniluunniit apuussivigineqartarnisaq qularnaassallugu. IInatsisissatut siunnersuut malittarisassamut § 15, nr. 2-mi ersarissumik aalajangersaanera pitsaasuuvoq, nalunaarutit nassiussat apuussimasutut naatsorsuutigineqartarput, tigusisussamut nalunaarut pissarsiarineqarsinnaagaangata allakkanik ingerlatsivikkut NemPostikkut. Maanna tassunga aalajangeeqataasut oqaaseqaatini arlaliupput, pingaaruteqarporlu taamaattumik pingaaruteqarluni digitalimik allagarsisalernissap pinngitsoorani atuutilernissaa sumiiffiit ilaat qarasaasiakkut attaveqaatinik pisarialinnik peqalersinneqareerpata aatsaat pinissaa. Maluginiarparput tunngaviusumik inatsit, pisortat digitalimik allagaannut pingaarnertut malittarisassaannik aalajangiisuusoq pineqartoq, taamaammallu kommunip Digitalinngorsaasut qanimut oqaloqatiginissaat qilanaaraat qaqugu digitalimik allakkat tamani atuutsinneqalernissaanut nalunaarutissap suliarineqarneranut atatillugu malittarisassaqalersitsinissaa. § 17 tunngavigalugu pisortanit digitalimik allakkat atulersinneqarnerat nammineq aalajangigassaassaaq, tamanut atuutilersinneqartutut nalunaarutigineqarnissaata tungaanut, ajoraluartumillu Danmarkimi misilittakkat takutippaat innuttaasut amerlanerpaartaat aatsaat eBoksimi atuisunngortut tamanut atuuttussatut aaqqiisoqarnerata aatsaat kingorna. Inatsisitigut toqqammavissap ersarissup, kinaluunniit imaluunniit illuatungiliuttoq innuttaasup allakkanik digitaliusunik atuarsinnaatitsinera ajunngitsuuvoq. Qulaani taaneqartut periarfissaalereerput, pisinnaatitsissummut malittarisassaqarmat aamma inunnut paasissutissat pillugit tunngavigisat nalunaarsorneqarnerat aporaatinnginnerat apeqqutaalluni. Inatsisissatut siunnersuutip eqqumaffiginngilai innuttaasup pisinnaatitaaffiiarneqarnissaanik soorlu taassuma NemID-mut atortussaminik tigusaqarnissani suli utaqqinera pillugu, taamaattumik eqqarsaatigeqqinneqartariaqarpoq ajornartorsiutip taassuma qanoq aaqqiivigineqarnissaanik. § 16-mi kukkuneqarpoq ” Naalakkersuisut kan fastsætte nærmere regler om af teknisk karakter”. Innersuutigaarput Digitalinngorsaasut paasissutissiinissamik aallarneeqqullugit NemID-mik NemPostimillu ilisimasaqarnerulersitsisussanik. Tassunga tunngavilersuutaavoq tusarniaanermi Nunatsinni innuttaasut 45 %-iinnaat NemID-qarmata, tamannalu ajornartorsiutaavoq, ilaatigut NemPostimik atuilernissamut NemID piumasaqaataammat. Kingusinnerusukkut politikkikkut eqqartuinermi allannguuteqartoqarsinnaanera sillimaffigeqquneqarpoq. Inussiarnersumik inuulluaqqusillunga Lars Møller-Sørensen Pisortaanerugallartoq Kommuneqarfik Sermersooq Kommunalbestyrelse Ulloq: 7. marsii 2017 Qup. | 8 Aningaasaqarnikkut sulisoqarnikkullu naliliinerit Pisortani oqartussaasut allakkatigut attaveqartarnerisa digitalinngortinneqarnerata kingunerissavaa, aningaasartuutissanik pisortat kommunip ilumini suleriaatsini, suliffimmi suliaqartarnerni, uppernarsaasiortoqartarnissaanut piumasaqaateqarnerni allakkat nassiunnerinut akinik sipaaruteqarnissaannik. Tamatumunnga ilanngullugu kommunip pappiarartorneranut annertunerusumik sipaaruteqartoqassaaq, matumani CO2mik atuineranut annikillisaataassaaq taamaasillunilu annikinnerusumik avatangiisinut akornusiinnginnerussalluni. Inatsisitigut tunngavissaq allakkallu tunngaviusumik uppernarsaatitallit - Pisortanit Allakkat Digitaliusut pillugu Inatsisartut inatsisaat nr. xx af xx. xxxx 201x-imeersoq - L 242 isumaqatigiissutit allatigullu inatsisitigut iliuuseqarnerit pillugit, Kalaallit Nunaannut L 104 31/3 1995, N 65 p 95, L 250 12/7 1975 (§2) Kalaallit Nunaannut v A 350 14/7 1980, N 80 p 166-imut atuutilersinneqarnikut. - Inunnik paasissutissanik suliarinnittarneq pillugu inatsisip Kalaallit Nunaanni atuutilersinneqarnera pillugu peqqussut Ingerlariaqqinnissaq Aningaasaqarnermut Ataatsimiititaq imaluunniit Kommunalbestyrelsi tusarniaanermut atortunut oqaaseqaateqassappata, taava oqaaseqaatit Namminersorlutik Oqartussanut nassiunneqarumaarput. Aningaasaqarnermut Allatseqarfimmit oqaaseqaatit Suliami matumani Aningaasaqarnermut Allatseqarfimmut oqaaseqaatinik pissarsiniarnissaq pisariaqanngitsoq Ingerlatsivimmit nalilerneqarpoq. Ingerlatsivinnit allanit oqaaseqaatit Soqanngilaq. Innuttaasunik peqataatitsineq/attaveqaqatigiinneq Oqaaseqaateqartoqanngilaq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap ilisimatitsissut tusaatissatut tiguaa, taamaattoq politikkikkut tusarniaassummut akissutigineqassasoq anigaasaqarnermut ataatsimiititap maluginiarmagu Bankit-nit atorneqartoq E-boks. Tamannalu kinguneqassasoq innuttaasunut periarfissanik marlunnik atuisariaqarlersinnaaneranik tamannalu naleqqutinngitsoq. Ilanngussat 1. Tusarniaanermi atortut 2. Inatsisissatut siunnersuummut oqaaseqaatit 3. Tusarniaanermut akissut 4. Inatsisissatut siunnersuut Kommuneqarfik Sermersooq Kommunalbestyrelse Ulloq: 7. marsii 2017 Qup. | 9 03B Ukiumut atuarfiusumut 2015/2016 pitsaassutsimut nalunaarusiaq Ilisimatitsissut J.nr.: 51.00.21.02 Meeqqanut, Ilaqutariinnut Atuarfeqarnermullu Ingerlatsivik - pisortaq Helene Broberg Berthelsen / HEBE Suliamik eqikkaaneq Atuarfiit pitsaassutsimut nalunaarusiaat aamma ingerlatsiviit ataatsimut pitsaassutsimut nalunaarusiaat, matumuuna Meeqqanut, Ilaqutariinnut Atuarfeqarnermullu Ataatsimiititamut paasissutissatut saqqummiunneqarput. Atuarfiit pitsaassutsimut nalunaarusiaat, Atuarfik pillugu Inatsisartut inatsisaat nr. 15, 3. december 2012-imeersoq § 49 tunngavigalugu atuarfiit ukioq atuarfiusoq kingulleq nalunaarusiarisartagaannik imaqarput. Taassuma saniatigut ingerlatsivik ataatsimut pitsaassutsimik nalunaarusiamik suliaqarsimavoq, atuarfiit pitsaassutsimut nalunaarusiaat pingaarnersiorlugit eqikkakkamik imaqartumik. Inatsimmi piumasaqaatitut aalajangiussat saniatigut, pitsaassutsimut nalunaarusiat ukiumut tulliuttumut anguniakkanik imaqarput. Kiisalu anguniakkat pillugit qanoq anguneqarsinnaanerinut iliuusissatut pilersaarut ilaatinneqarluni. Meeqqanut, Ilaqutariinnut Atuarfeqarnermullu Ataatsimiititap suliaq februaarip aallaqqaataanni 2017 oqaluuseraa inassuteqaatillu akuersissutigalugit oqaaseqaatigalugu, Ittoqqortoormiini qanittukkut atuarfiup pisortaanik atorfinitsitsineq iluaqutigalugu, siunissami trinimut misilitsinnerit piffissaq eqqorlugu tunniunneqartalernissaat qitiutinneqalissasoq. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu ilisimatitsissut tusaatissatut tiguaa. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Atuarfiit pitsaassutsimut nalunaarusiaat, Atuarfik pillugu Inatsisartut inatsisaat nr. 15, 3. december 2012-imeersoq § 49 tunngavigalugu ukioq atuarfiusoq qaangiuttoq kingullermi trintest, misilitsinnerit iliuusissatullu pilersaarutit allallu imarai. Taassuma saniatigut ingerlatsivik ataatsimut pitsaassutsimik nalunaarusiamik suliaqarsimavoq, atuarfiit pitsaassutsimut nalunaarusiaat pingaarnersiorlugit eqikkakkamik imaqartumik. Pitsaassutsimut nalunaarusiat ukiut siuliinit ineriartorteqqinneqarnikuupput. Ukiumi qaangiuttumi pitsaassutsimut nalunaarusiani maluginiarneqarsimapput, atuarfiit ingerlatsiviit ilaannut nalunaarusiornermik saniatigut sammisassanik toqqartuipput, ukiumut atuarfiusussamut tulliuttumut anguniagassatut. Anguniakkat ukiup tulliani pitsaassutsimik nalunaarusiornermi nalilersorneqartussat. Ukiut siuliini atuarfiusuni oqaluttuat nuannerluinnartut marluk tassaapput, soraarummeerluni misilitsinnermi angusat aamma trintestit inerneri fagini assigiinngitsuni, ataaserli minillugu, kommunimi angusat nunatsinni agguaqatigiissillugu angusaasartunit qaffasinnerummata. Kommuneqarfik Sermersooq Kommunalbestyrelse Ulloq: 7. marsii 2017 Qup. | 10 Ilutigitillugulu atuartut ilinnialerlutik ingerlaqqittartut suliffeqalersimasullu procentii ukioq atuarfiusoq 14/15 64 %-mit 73 %-mut qaffassimammat ukioq atuarfiusoq kingullermi. Aaqqiissutissatut siunnersuut – suliatigut naliliineq Naliliineq naapertorlugu atuartut 10. klassereerlutik ingerlariaqqittartut amerleriarnerannut siunnersuinerup nukittorsarneqarnera patsisaavoq. Tamatuma saniatigut ukiuni atuarfiusimasuni siuliini aqutsinikkut siuarsaaneq iliuuseqarfigineqartarsimavoq (aamma ukioq atuarfiusumi matumani taamaaliortoqarpoq). Illoqarfiit atuarfiini atuarfiit pisortaat aqutsisutut siuarsarnissamut pikkorissarnerni peqataasimapput. Naliliineq naapertorlugu, Kommuneqarfik Sermersuumi atuarfinnik ingerlatsinissamut aqutsisunik pikkorissaaneq pitsaanerusunik najoqqutassaqartitsilerpoq taamaalillunilu atuartunik atuartitsinissamut pitsaanerusunik najoqqutassaqartitsilerluni. Atuarfeqarneq pillugu politikki najoqqutaralugu ukiuni tulliuttuni sulinermi, ineriartornerup aalajangiusimaneqaannassasoq nukittorsarnissaalu naatsorsuutaavoq. Aningaasaqarnikkut sulisoqarnikkullu naliliinerit Soqanngilaq. Inatsisitigut tunngavissaq allakkallu tunngaviusumik uppernarsaatitallit Atuarfik pillugu Inatsisartut inatsisaat nr. 15, 3. december 2012-imeersoq § 49 Ingerlariaqqinnissaq Soqanngilaq. Aningaasaqarnermut Allatseqarfimmit oqaaseqaatit Aningaasaqarnermut Allatseqarfimmit oqaaseqaatinik pissarsiniartoqanngilaq Innuttaasunik peqataatitsineq/attaveqaqatigiinneq Pitsaassutsimut nalunaarusiami atuarfinni siulersuisut elevrådillu ukiup atuarfiusimasup qanoq inneranik sunillu suliaqarsimanerinik nassuiaanissamut periarfissinneqarput. Pitsaassutsimut nalunaarusiat politikkikkut oqaluuserineqareerpata, attaveqaqatigiinnermut immikkoortortaq suleqatigalugu tusagassiuutinut nalunaarusiortoqassaaq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap ilisimatitsissut tusaatissatut tiguaa. Meeqqanut, lIaqutariinnut Atuarfeqarnermullu Ataatsimiititap aalajangernera pingasunngornermi 1. februaari 2017imeersoq: Meeqqanut, lIaqutariinnut Atuarfeqarnermullu Ataatsimiititap inassuteqaatit akuersissutigai. Oqaaseqaatigalugu, Ittooqortormiini atuarfiup pisortaanik atorfinitsitseqqammertoqarmat, alloriarfinni misilitsinnermik angusat piffissaalluartukkut tunniunneqartarnissaat anguniarneqassasoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 11 Ilanngussat 1. Ataatsimut pitsaassuseq pillugu nalunaarusiaq DK - KAL Ilanngussat 2-16 Boardpack aqqutigalugu elektroniskikkut tunniunneqarsinnaapput imaluunniit borgmesterip allatseqarfianut saaffiginninnikkut anillatsitatut tunniunneqarsinnaalluni: Ilanngussat 2-9 aamma 16 qallunaatuinnaq allaqqapput Ilanngussaq 5 aamma 10-15 kalaallisuinnaq allaqqapput 2. Kval rapport AHL - DK 3. Kval rapport Arsuk - DK 4. Kval rapport ASK - DK 5. Kval rapport Tuiisaq – DK - KAL 6. Kval rapport Kang - DK 7. Kval rapport Nuussuup - DK 8. Kval rapport Tasiilaq - DK 9. Kval rapport USK - DK 10. Kval rapport Isertoq - KAL 11. Kval rapport Kapisillit - KAL 12. Kval rapport Kulusuk - KAL 13. Kval rapport Kummiit - KAL 14. Kval rapport Qeqartarsuatsiaat - KAL 15. Kval rapport Sermiligaaq - KAL 16. Kval rapport Tiilerilaaq - KAL Kommuneqarfik Sermersooq Kommunalbestyrelse Ulloq: 7. marsii 2017 Qup. | 12 03C Atuarfeqarneq pillugu politikkip atuutilersinneqarnissaanut periusissatut pilersaarutaagallartoq Ilisimatitsissut J.nr.: 51.00.20.02 Meeqqanut, Ilaqutariinnut Atuarfeqarnermullu Ingerlatsivik - pisortaq Helene Broberg Berthelsen / HEBE Suliassamik eqikkaaneq Periusissatut pilersaarut tullinnguuttoq tassaavoq atuarfeqarneq pillugu politikkissap piviusunngortinneqarnissaanut ingerlatsiviup periusissatut pilersaarutigigallagaa. Pilersaarusiami atuarfeqarnermut tunngasuni politikkikkut takorluukkat naammassineqarnissaannut sulinitissat suut aallartinneqassanersut allaaserineqarput. Pilersaarutit suliarineranni naammassineqarnissaannilu ilinniartitsisut, aqutsisut, angajoqqaat, atuartut soqutigisallillu allat peqataatinneqarnissaat qitiutinneqarpoq. Pilersaarutip imarai suliniutit maannakkorpiaq ineriartortinneqartut. Suliniutinut tamanut suliniutip imarisaa, qaqugulu suliniutit atuutilersinneqarnisaat allaaserineqarput. Meeqqanut, Ilaqutariinnut Atuarfeqarnermullu Ataatsimiititap suliaq februaarip aallaqqaataanni 2017 oqaluuseraa inassuteqaatillu akuersissutigalugit. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu ilisimatitsissut tusaatissatut tiguaa allannguutitalerlugu meeqqerivimmit atuarfinnut ikaarsaarnerni suliniuteqartoqassasoq kiisalu 10. klassimi naammassereernermi ilinnialeqqinnissamut suliniutinik qulakkeerinnittussanik nassaassarsiortoqarluni. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Atuarfeqarnermut politikkip akuersissutigineqarneranut atatillugu Aningaasaqarnermut Ataatsimiititap novembarip pingajuanni 2016imi ataatsimiinnerani aalajangerneqarpoq, Meeqqanut, Ilaqutariinnut Atuarfeqarnermullu Ingerlatsivik atuarfeqarnermut politikkip atuutilersinneqarnissaanut periusissatut pilersaarutaagallartumik 2017imi marsimi Kommunalbestyrelsimut saqqummiussaqassasoq. Suliamik saqqummiussissummi matumani periusissatut pilersaarut naatsumik saqqummiunneqarpoq, pilersaarut itisileqqinneqassappat, tamakkiisumik periusissatut pilersaarut ilanngunneqartoq innersuussutigineqarpoq. Periusissatut pilersaarutaagallartumi suliniutit maannakkut ineriartortinneqartut, atuarfeqarnermullu politikkip piviusunngortinneqarnissaanut tapertaasussat takussutissaliorneqarput. Atuarfeqarnermut politikkimi atuarfeqarnerup ataatsimoortinneqarnissaanik anguniakkami pingaaruteqarpoq erseqqissassallugu, ingerlatsiviup atuartut, ilinniartitsisut, atuarfinni aqutsisut angajoqqaallu qanimut oqaloqatiginiarmagit, tamatumani atuarfeqarneq pillugu politikkissami takorluukkani anguniagassanillu, meeqqat atuarfiinik nukittorsaaqqinnissamut suliniutissanik allanik inerisaaqqittoqassanersoq paasiniarlugu. Qaammatit marlunniit-pingasukkaarlugit atuarfinni aqutsisut ataatsimeeqatigineqartassapput. Kommuneqarfik Sermersooq Kommunalbestyrelse Ulloq: 7. marsii 2017 Qup. | 13 Ataatsimiinnerni taakkunani Ingerlatsiviup atuarfiillu ataatsimoorlutik atuarfeqarnermut politikkip atuutilersinneqarnissaanut killiffissiuinerit, aammalu atuarfeqarnermut politikkissap piviusunngortinneqarnissaanut isumassarsiat suliniutissallu nutaat suut ilanngunneqassanersut eqqartorneqartassapput. Ataatsimiinnerit akornanni atuarfiit ilinniartitsisunut, atuartunut angajoqqaanullu qanimut oqaloqateqartassapput, atuarfeqarnermullu politikkissamik suliaqarnermi peqataatitsillutik. Atuarfiit akornanni ataatsimiittarnerit saniatigut ingerlatsiviup atuarfinni siulersuisut soqutigisaqartullu allat ataatsimeeqatigisassavai (assersuutigalugu najukkami peqatigiiffiit, suliffeqarfiit assigisaallu), atuarfeqarnermut politikkip pivisunngortinneqarnissaanut peqataatinneqarsinnaasut. CSR Greenland ataasimeeqatigineqareerpoq, kommunimilu atuarfinni siulersuisut maaji 2017imi ataastimeeqatigineqarnissaat pilersaarutigineqarpoq. Suliniutissat suliassallu makku maannakkorpiaq ineriartortinneqarput: SULIASSAT/SULINIUTISSAT Atuarfinnut pilersaarutit NASSUIAATAA Illoqarfinni atuarfiit tamarmik ingerlatsivik suleqatigalugu atuarfimmut pilersaarusiornissaminnik akisussaaffeqassapput (aamma suliffeqarfimmut pilersaarutitut ilisimaneqartumik). Atuarfimmut pilersaarut atuarfimmi aqutsisunit ilinniartitsisut, atuartut sulisullu allat suleqatigalugit suliarineqartassaaq. Atuarfinnut pilersaarusiornerup siunertaraa, atuarfinni aqutsisut sulisut peqatigalugit, siunissami namminneq atuarfimminni sunik suliaqarusunnerlutik, atuarfinnilu ataasiakkaani atuarfeqarnermut politikkissap piviusunngortinneqarnissaanut taakkununnga tunngasunik pivisunngortitserusunnerlutik eqqartortassavaat. Tamatumani atuarfinni tamani ingerlaavartitsilernissaq malinnaaffigiuminarnerulernissarlu pilersinniarneqassaaq, soqutigisallit tamarmik (ilinniartitsisut, angajoqqaat atuartullu) siunissami atuarfiup ineriartortinneqarnissaanut peqataatinneqarnissaminnut periarfissinneqassallutik. Atuarfinnut pilersaarusiornissamut assigiissakkamik najoqqutassaq ingerlatsiviup suliarissavaa, taannalu atuarfiit aallaavigisassavaat. Tamatumani anguniarneqarpoq atuarfinnut pilersaarutini assigiissakkamik najoqqutassaqartitsinissaq. Kisianni aamma atuarfiit ataasiakkaat ilanngussaqartarnissaannut periarfissaqassaaq. Atuarfinnut pilersaarusiortarnissamik suliaqarneq novembarip qaammataani 2016imi aallartinneqarpoq, taamanikkut atuarfinni pisortat taakkulu tullersortaat ataatsimoortillugit atuarfeqarnermut immikkoortortaq peqatigalugu isumasioqatigiissinneqarmata. Februaarimi 2017imi isumasioqatigiissitsisoqaqqissaaq, taamanikkussamullu atuarfinnut pilersaarusiornermut najoqqutassaq assigiissaagaq suliareqqinneqassaaq. Suliniut suliffeqarfiit atuarfinnut peqataatillugit atuarfiit suliffeqarfinnut peqatatillugit. Suliniummi tassani anguniarneqarpoq, najukkami inuussutissarsiuteqartut atuarfiillu akornanni suleqatigiinnerup nukittorsarneqarnissaa. Tassuunakkut 8. – 10. klasseni atuartut siunissami suliffigilersinnaasaannik paasisaqartinneqassapput, aammalu ilinniaqqinnissaminnik suut piumasaqaataanersut paasisaqarfiginerulersinnaallugit. Suleqatigiinnerup nukittorsarneratigut peqatigitillugu siunertarineqartut ilagaat atuartut amerlanerit 10. klassimit anigaangamik ilinniaqqinnissaminnut kajumissuseqalersinneqarnissaat, piginnaasanik piumasaqaatinillu paasisaqarnerulersillugit, tamakkulu atuarfinnit anereernerup kingornagut qanoq iliornikkut Kommuneqarfik Sermersooq Kommunalbestyrelse Ulloq: 7. marsii 2017 Qup. | 14 ineriartorteqqinneqarsinnaanersut pillugit paasisaqartillugit. Peqatigitillugu suliniummi sunniutaasussaq tassaavoq, atuarfinni siunnersortit najukkani inuussutissarsiuteqarfinnut tunngasunik ilisimasaqarnerulernissaat, atuartunut neqeroorutaasinnaasunik, aammalu pitsaanersumik siunnerfeqarluartumillu siunnersuisarnissamut sakkussagissaarnerulernissaat. Maannakkorpiaq suliniut Atuarfik Tuiisami misilerarneqarpoq, mannalu tikillugu suliniut naammagisimaarluarneqarpoq. Suliniut peqatigiiffiit inuillu nukissallit atuarfinnut peqataatillugit Tamatumani naatsorsuutigineqarpoq, sulniut ukioq atuarfiusumi 2017/2018imi atuarfinnut tamanut siammaanneqassasoq. Suliniummi siunertarineqarpoq, najukkami peqatigiiffiit kommunimilu illoqarfinni nunaqarfinnilu atuarfiit suleqatigiinnerisa nukittorsarneqarnissaat. Imaassinnaavoq peqatigiiffiit lokalevalgimi peqataatinneruneqarsinnaasut, aammalu pinngortitamut tunngasunik faginik/imaluunniit assersuutigalugu piniarnermut, aalisarnermut amminillu mersornermut qitiutitsiffiussasut. Suliniut tamanna suli isumassarsiamiippoq, taamaattumillu najoqqutassaq taanna suli ineriartortinneqartussaavoq. Suliniut qanoq iliornikkut pivisunngortinneqarsinnaanersoq sunillu imaqassanersoq pillugu ingerlatsivik atuarfiillu aallarnisaataasumik immersueqatigiillutillu eqqartueqatigiissinneqassapput. Suliniut ukioq atuarfiusumi 2017/2018imi ingerlanneqalersussatut naatsorsuutigineqarpoq Suliniut World Class Suliniummi siunertarineqarpoq atuartitsinermit tabletsinik atuilersitsinissaq, tamannalu aqqutigalugu atuartitseriaatsinik nutaamik eqqarsarnissamut periarfissiinissaq. Suliniummi avataaniit aningaasaliisoqarsinnaanera apeqqutaassaaq, taamaattumillu tamatuma aningaasalersorneqarnissaa noqqaassutigineqarnikuulluni. Suliniummut aningaasaliissutissanik pissarsissagutta, ingerlaavartumik kommunip atuarfiini tabletsinik atuilersitsisoqassaaq. Danmarkimi, Tuluit Nunaanni, Sverigimi Kalaallit Nunaannilu assingusumik suliniutaasimasunit Projekt World Class isumassarsiaavoq, suliniutinilu iluatsilluarsimasuni misilittakkat pitsaasut tunngavigalugit ilusiligaalluni. AKO atuarfiillu suleqatigiissinneqarnissaannik suliniut Suliniummi siunertarineqarpoq AKO atuarfiillu suleqatigiinnerisa nukittorsarneqarnissaat. Tamatuma kingunerissavaa, AKOmi sulisut ilinniartitsisullu, atuartut iluarisimaarinninnerat ineriartortinnissaallu pillugit suleqatigiissinnissaat. AKOmi sulisut ilinniartitsisullu suleqatigiissinnissaannut siunertaavoq, AKOmi sulisut meeqqanut perorsaanikkut suliniuteqarnerni immikkut ikorfartuutaanissaat. Suliniut inaarneqariartuaalerfimminiippoq. Atuarfiit AKOmilu sulisut akornanni suleqatigiinneq atuarfinni arlalinni misilerarneqarpoq. Tamanna ukiumi atuarfiusumi 2017/2018imit ingerlatilernissaa naatsorsuutigineqarpoq. 1. trinimit tuluttut atuartitsineq Sammisassanut pilersaarutit, ilinniartitsisut aningaasaqarnerlu qanoq naleqqussarneqassanersut Ingerlatsiviup misissorpaa, taamaalilluni trin 1imiit tulluttut ilinniartitsisalernissaq periarfissanngussammat. Tassani missorneqartut ilagaat, kommunini allani trin 1imit tuluttut ilinniartitsisarneq qanoq ingerlanneqartarnersoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 15 GTrin 1imiit tuluttut ilinniartitsisalernissap ukiumi ilinniartitsiffiusumit 2017/2018imit aallartinneqarnissaa naatsorsuutigineqarpoq. Kommunalbestyrelsip, atuarfinni siulersuisut, ingerlatsiviup atuarfiullu oqaloqatigiittarfiat. Maannakkorpiaq qaammatit sisamat miss. atuarfeqarnermut immikkoortoq, atuarfinni aqutsisut atuarfinnilu siulersuisut ataatsimeeqatigiittarput. Maajimi 2017imi tullianik ataatsimiittoqassaaq. Ataatsimiinnermi tassani qitiutinneqartussat tassaassapput ataatsimiittarnerup ilusaata qanoq ilillugu allanngortinneqassanersoq eqqartussallugu, taamasilluni annermik oqaloqatigiittarfittut iluseqalersinneqassalluni. Atuartut iluarisimaarinninnerannik misissuineq Atuartut iluarisimaarinninnerannik misissuisarnerit atulersinneqarnissaat sulissutigineqarpoq (ETU). ETU atorneratigut atuarfeqarnermut politikkimi takorloorneqartut naammassineqarnissaannut immini ilapittuutaassanngillat. Kisianni taakkua ingerlanneqartarnerisigut suliniuteqarfissat paasineqartassapput, atuartut naammagisimaarinninnerannik nukittorsaataasussanik aammalu atuartut tamarmik toqqissisimallutik, ataqqineqarlutik naligiissumillu pineqarlutik misigisimatinneqarniassammata. Atuartut ataasiakkaat isumagalugit, ataasiakkaallu inuttut atugarisaatigut ineriartornerat naammagisimaarinninnerallu qitiutillugit. Atuarfinni isumaginninnermut siunnersortit/skolecafét aammalu meeqqanut ilaqutariinnullu immikkoortortap qanoq ilillugu suleqatigiinnermik nukittorsaasinnaanera qitiutinneqassaaq. Tamanna pissaaq atuarfinni isumaginninnermut siunnersorteqarnerup, maaji 2016imi atuutilersup, nalilersuiffigereernera aallaavigalugu. Qitiutinneqartussat tassaassapput, MIIp (BFA) aammalu isumaginninnermut siunnersortit/skolecafét, suliniutiminnut nukittorsaanissamut qanoq imminnut atorluarsinnaanerunerlutik isumaasa tusarnissaat, taamaasillutillu meeqqat iluarisimaarinninnissaannut tapertaallutik. Aaqqiissutissatut siunnersuut – suliatigut naliliineq Soqanngilaq. Aningaasaqarnikkut sulisoqarnikkullu naliliinerit Soqanngilaq. Inatsisitigut tunngavissaq allakkallu tunngaviusumik uppernarsaatitallit Atuarfeqarnermut politikki Ingerlariaqqinnissaq Soqanngilaq. Aningaasaqarnermut Allatseqarfimmit oqaaseqaatit Aningaasaqarnermut Allatseqarfik oqaaseqartinneqarnikuunngilaq. Innuttaasunik peqataatitsineq/attaveqaqatigiinneq Atuarfeqarnermut politikkimi atuarfiit ataatsimoortinneqarnissaannik soqutigisaqartut tamaasa peqataatinnissaannik anguniagaq, qitiutinneqartussatullu oqaatigineqartut naapertorlugit, ingerlatsivimmiit qitiutinneqarluinnarpoq suliniutit aallartinneqartullu tamarmik sapinngisamik sulisut amerlasuut qanimut suleqatigalugit piviusunngortinneqassasut. Taamaattumik suliniutit qulaani taaneqartut piviusunngortinneqarnissaannut atatillugu, atuarfinni aqutsisut, atuarfinni siulersuisut, elevrådit suleqatigisallu allat qanimut oqaloqatigilluartarnerisigut ingerlanneqassapput. Kommuneqarfik Sermersooq Kommunalbestyrelse Ulloq: 7. marsii 2017 Qup. | 16 Tamatuma saniatigut atuarfinni aqutsisut, atuarfinni siulersuisut/angajoqqaat elevrådillu ataatsimiitinneqartassapput, meeqqat atuarfiata nukittorsarneqarnissaanut aammalu atuarfeqarnermut politikkimi anguniarneqartut takorluukkallu naammassineqarnissaannut, suliassat suut aallartinneqassanersut eqqartorneqartassallutik. Ingerlatsivinnit allanit oqaaseqaatit Soqanngilaq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap ilisimatitsissut tusaatissatut tiguaa, allannguutissatut ilanngullugu Meeqqerivimmiit atualertussanut imlt. atuarfimmut ikaariarfiliisoqassasoq aammalu 10. klassit naammassigaangata ingerlaqqinnissaannut qulakkeerinnittarneq ilanngunneqassasoq. Meeqqanut, lIaqutariinnut Atuarfeqarnermullu Ataatsimiititap aalajangernera pingasunngornermi 1. februaari 2017imeersoq: Meeqqanut, lIaqutariinnut Atuarfeqarnermullu Ataatsimiititap inassuteqaatit akuersissutigai. Ilanngussat 1. Periusissatut pilersaarut - atuarfeqarnermut politikkip atuutilersinneqarnissaa Kommuneqarfik Sermersooq Kommunalbestyrelse Ulloq: 7. marsii 2017 Qup. | 17 03D Utoqqaat pillugit immikkoortumut pilersaarut Immikkoortut pingajuat (atuutilersitsineq) Ilisimatitsissut J.nr. 40.01.01 Isumaginninnermut, Suliffeqarnermut Inuussutissarsiutinullu Ingerlatsivik - pisortaq Grethe H. Nielsen / GRNI Suliassamik eqikkaaneq Ingerlatsinertalimmik, aaqqissuussinertalimmik neqeroorutitalimmillu aamma ukiuni tulliuttuni 25-ni utoqqaat amerliartornerannut naleqqussakkamik siunissamut qulakkeerinnittumik attanneqarsinnaasumillu utoqqaat pillugit immikkoortumik pilersitsinissaq siunertarineqarpoq. Utoqqaat pillugit immikkoortumut pilersaarutip immikkoortuata siulliani aappaanilu, utoqqarnut suliassaqarfiup ersarissarnera tunngavigalugu inerisagassatut suliniutissanik pilersitsiortortoqarpoq. Immikkoortut siulliit marluk tunngavigalugit immikkoortut pingajuat maannakkut suliarineqarpoq, immikkoortullu pingajuata inaarnerani inerisagassatut suliniutit atulersinneqarnissaannut pilersaarusiortoqarpoq. Atulersitsinissamut pilersaarut pineqartoq, politikkikkut akuersissutigisassanngorlugu nassiunneqarpoq. Suliaq Isumaginninnermut, Suliffeqarnermut Inuussutissarsiornermullu Ataatsimiititami 24. januaari 2017 oqaluuserineqarpoq, inassuteqaatillu akuersissutigineqarlutik. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu ilisimatitsissut tusaatissatut tiguaa oqaaseqaatigalugu ilisimatitsissut Kommunalbestyrelsimit aalajangiiffigineqareerpat Naalakkersuisunut ingerlateqqinneqassasoq. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Utoqqaat pillugit immikkoortumut pilersaarutip suliarineqarnera immikkoortunut pingasunut avillugu suliarineqarpoq: Immikkoortoq 1: Erseqqissaaneq Immikkoortoq 2: Ineriartortitsineq Immikkoortoq 3: Atuutilersitsnissamik qulakkeerinninneq Utoqqarnut immikkoortumut pilersaarutip immikkoortua siulleq 2015-imi marsip qaammataani politikkikkut akuersissutigineqarpoq, taannalu utoqqarnut suliassaqarfiup erseqqissarnerata pitsaassusaatigut annertussusaatigullu inerneqarpoq. Utoqqarnut suliassaqarfiup qanoq maannakkorpiaq inneranik erseqqissaanermi siunertarineqarpoq, ineriartortitsinissamillu tunngaviliilluni. Taamaattumik utoqqaat pillugit immikkoortumut pilersaarutip immikkoortua siulleq sullinneqartut, inoqarfiit ineriartorneri, sullissinerit, neqeroorutit, aaqqissuussaanerit kiisalu sullissinermi pitsaassuseq annertussuserlu, allaffissorneq paaqqinninnerlu allattorsimaffimmiitillugit Kommuneqarfik Sermersooq Kommunalbestyrelse Ulloq: 7. marsii 2017 Qup. | 18 suliarineqarpoq. Suliniutissaqarfiit pingaarnersiukkat tunngavigalugit ersarissaaneq suliarineqarpoq, utoqqarnullu suliassaqarfimmi unammilligassat paasineqarlutik. Immikkoortup aappaa 2015-imi aggustip qaammataani suliaralugu aallartinneqarpoq, ilaatigut annertuumik innuttaasunik peqataatitsisoqarluni, 2016-imilu aggustip qaammataani politikkikkut akuersissutigineqarluni. Immikkoortup aappaata suliarineqarnerani siunissami inerisagassatut suliniutit nassuiaatinik suliaqarnermik inerneqarpoq nassuiaasiorneqarnerinilu inerisagassatut suliniutit piviusunngortinneqarnissaannik tunngaveqarlutik. Immikkoortoq siulleq aappaalu tunngavigalugit, immikkoortumut pilersaarutip immikkoortuata pingajua maanna suliaralugu naammassineqarpoq. Immikkoortuni marlunni inerisagassatut suliniutit nassuiaatigineqartut atulersinneqarnissaannut pilersaarutip sukumiisup, immikkoortup pingajuani saqqummiunneqarnissaa siunertaavoq. Immikkoortup aappaani inerisaanissamut suliniutit tunngavigalugit, inoqarfiit ungasissusaat kulturikkullu assigiinngissutsit pingaartillugit, atulersitsinissamut periusissat pisariaqartut suliarineqarput. Atulersitsinissamut immikkoortumi suliniutit assigiinngitsut akornanni ataqatigiisitsisoqarnissaa pingaaruteqarsimavoq, aammalu maannakkut suliniutit suut aallartissimanersut, kinguartissimanersut imaluunniit allatigut atulersinneqarsimanersut ersarissarneqassasut pingaaruteqarluni. Aningaasaqarnikkut sulisoqarnikkullu naliliinerit Missingersuusiornissamut allanngortiterinissamullu aggersunut atatillugu, aningaasaqarnikkut sulisoqarnikkullu naliliinerit sukumiisumik saqqummiunneqarumaarput. Inatsisitigut tunngavissaq allakkallu tunngaviusumik uppernarsaatitallit Utoqqaat pillugit immikkoortumut pilersaarut. Ingerlariaqqinnissaq Missingersuusiornermut allanngortiterinernullu atatillugu aningaasaqarnikkut aqqutissiuilluni atulersitsineq pissaaq. Aningaasaqarnermut Allatseqarfimmit oqaaseqaatit Suliami matumani Aningaasaqarnermut Allatseqarfimmut oqaaseqaatinik pissarsiniarnissaq pisariaqanngitsoq Ingerlatsivimmit nalilerneqarpoq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap ilisimatitsissut tusaatissatut tiguaa, ilanngullugu Naalakkersuisunut ilisimatitsissutitut ingerlateqqinneqassasoq kommunalbestyrelsimi aalajagerneqareerpat. Isumaginninnermut, Suliffeqarnermut Inuussutissarsiornermullu Ataatsimiititap aalajangernera, marlunngornermi januaarip ulluisa 24-ianni, 2017-imeersoq: Isumaginninnermut, Suliffeqarnermut Inuussutissarsiornermullu Ataatsimiititap inassuteqaatit akuersissutigai. Ilanngussat 1. Utoqqaat pillugit immikkoortumut pilersaarutip immikkoortua 3 Kommuneqarfik Sermersooq Kommunalbestyrelse Ulloq: 7. marsii 2017 Qup. | 19 03E Kommunip pilersaarutaanut tapiliussamut siunnersuut 3A6-1, Qasigiannguit, Nuuk Ilisimatitsissut J.nr.: 06.03 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Suliassamik eqikkaaneq Sanarfinermut Avatangiisinullu Ingerlatsivimmit matumuuna kommunip pilersaarutaanut tapiliussamut siunnersuut 3A6-1, Qasigiannguit Nuuk, akuersissutigeqqullugu saqqummiunneqarpoq. Kommunip pilersaarutaanut tapiliussamut siunnersuut suliarineqarpoq suliniutitut siunnersuut Akornanni – inissiat 90-it tunuliaqutaralugu, taanna pilersaarusiornermut inatsimmik allannguineq ulloq 01/01-2016 naapertorlugu, kommunalbestyrelsimit akuersissutigineqarpoq ulloq 04/10 2016. Siunnersuut inissianik nutaanik assigiinngitsunik angissusilinnik assigiinngitsunillu pigineqartunik 90 miss. sanaartortoqarnissaanut periarfissiivoq, taamatullu sumiiffimmi meeqqerivimmik meeqqat ukioqqortussusiinut agguataarnagit inissiiviusartumik, sumiiffik ullumikkut taaneqartarpoq Qasigiannguit. Sanarfinermut Avatangiisinullu Ataatsimiititap suliaq marlunngorneq 7. februar 2017-imi oqaluuseraa, inassuteqaatillu akuersissutigalugit.Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu inassuteqaatit akuersissutigai suliarlu ilisimatitsissutitut Kommunalbestyrelsimut ingerlateqqillugu. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Kommunalbestyrelsip ulloq 4. oktober 2016 aalajangiuppaa Akornanni inissianik 90-inik sanaartortoqarnissaanik pilersaarut akuersissutigineqassasoq, sanaartornermut inatsit nutaaq aallaavigalugu, taamaaliornikkullu periarfissiilluni ukiuni marlunni nunaminertap innimernerneqarsinnaasoq piffissami tassani nunaminertaq pillugu kommunimut pilersaarummik suliaqartoqarluni. Kommunip pilersaarutaanut tapiliussamut siunnersuut manna tassa suliarineqarpoq kommunalbestyrelsip suliniummik akuersissuteqarnera tunuliaqutaralugu. Kommunip pilersaarutaanut tapiliussamut siunnersuut aallaavigalugu inissiat assigiinngitsunik angissusillit assigiinngitsuniillu pigineqartut pilersinneqarsinnaapput. Nunaminertap kujasinnerusortaani illut inissianik mikinernik imaqassapput, pingaarnertut ilinniartunut ilaqutariinnullu isertitakinnerusunut naatsorsuussaassallutik, nunaminertap avannarpasissortaani illut ilaqutariinnit ataatsinit marlunnillu najugarineqartussat sanaartorneqassapput, taakkua naatsorsuutigineqarput nammineq pigineqarnissaat. Immikkoortortat marluk akornanni piginneqatigiilluni inissiat sanaartorneqassapput. Piginnittut assigiinngitsut piuneranni naatsorsuutigineqarpoq ineqartut assigiinngiiaarnerannut ilapittuutaanissaat, tamanna ingerlatsivimmit pitsaasutut nalilerneqarpoq kommunimillu ineriartortitseqqinnissamut pilersaarummut naapertuulluni. Kommuneqarfik Sermersooq Kommunalbestyrelse Ulloq: 7. marsii 2017 Qup. | 20 Nunaminertami paaqqinnittarfimmit meeqqat ukioqqortussusiinut agguataarnagit inissiiviusartussamik pilersitsisoqarsinnaavoq, najugaqarfillu aqqusineeqqamik ataqatigiissinneqassaaq taamatullu silami eqqissisimaarfiusinnaasut ataatsimoorussat, taakkununnga ilanngullugit skatertarfik, illoqarfimmut tamarmut iluaqutaasussaq, naatsorsuutigineqarluni meeqqanit inuusuttuaqqanillu kajumigineqarluni tamanit orninneqartarsinnaassasoq. Siunnersuummik suliaqarnermi illut pioreersut isikkiveqaannarnissaat pingaartinneqarpoq, aamma illut sanaartugassatut pilersaarutaasussat annerpaamik 2,5-inik quleriiussapput assigiinngisitaartunik angissuseqarlutik quleriiaanit, uigulukuttunut taamatullu illunut ilaqutariinnit ataatsinit marlunnillu najugaqarineqartutut. Ineqarfissatut sanaartugassat akunneqarlutik suliarineqasapput tamaani naapittoqarsinnaassassaaq aamma nunamut tamaaniittumut attuumassuteqassapput. Tamanna kommunip sanaartukkat ilusissaattut politikkianut nutaamut naapertuuppoq. Aaqqiissutissatut siunnersuut – suliatigut naliliineq Inissiaqarfittut nutaatut Sanarfinermut Avatangiisinullu Ingerlatsivimmit nalilerneqarpoq, akuleriinnik sanaartorfiusoq assigiinngitsunik ilutsinik piginnittoqartillugu inissiallu angissusaat assigiinngitsuutillugit, inissiaqarfitsialaanissaa suli ilimagineqarpoq. Ilanngullugu suliniutip pitsaaqqutissaatut nalilerneqarpoq tamaani nunaminertat eqqissisimaartarfiit ilanngunneqarsimanerat, soorlu pisuinnaat aqqutaat taamatullu skatertarfissamut puttasunik ikaartarfissaq. Sanarfinermut Avatangiisinullu Ingerlatsivimmit naliliisoqarpoq nunaminertamik ilusiliinissaq kommunip sanaartukkat ilusissaattut politikkianut nutaamut naapertuuttoq, aamma sanaartukkat qaninnerunissaannut siunnerfimmut aqqutaassasoq pingaarutilik. Sanaartukkat qaninnerunissaat illoqarfimmi sanaartugaareersunut tatiseqqinnissaa naatsorsuutigineqarpoq, pingaartumik sanaartorfissamut ungasinngitsumi aqqusineq kaajallariap eqqaaniittunut aamma Sanarfinermut Avatangiisinullu Ingerlatsivimmit naliliisoqarpoq, illoqarfiup allineqarneranut atatillugu aqqusinermi angallannermut pilersaarummik nutaamik eqqarsaatersortoqarnissaa. Aningaasatigut sulisoqarnikkullu naliliinerit Kommunip pilersaarutaanut tapiliussamut siunnersuut suliarineqarneq aningaasatigut kinguneqanngilaq. Inatsisitigut tunngavissaq allakkallu tunngaviusumik uppernarsaatitallit Kommunip pilersaarutaanut tapiliussamut siunnersuut suliarineqarpoq makku tunngavigalugit: Inatsisartut inatsisaat nr. 17, 17. november 2010-meersoq sanaartugassanik pilersaarusiorneq aamma nunaminertanik atorneq (Pilersaarusiorneq pillugu inatsit) Kommunip pilersaarutaa digitaliusoq www.sermersooq2024.gl Ingerlariaqqinnissaq Pilersaarutissatut siunnersuut piffissami marsip arfernani 2017-imiit maajip arfineq-pingajuanni 2017-ip tungaanut tamanut tusarniaassutigineqassaaq. Tusarniaanermut piffissarititaasoq naammassippat pilersaarutitut siunnersuut tusarniaasitsinermit akerliunermik nalunaarutinik tigusanik ilallugu kiisalu ingerlariaqqinnissamut innersuussummik ilalik Sanaartornermut Avatangiisinullu Ataatsimiitamut – Aningaasaqarnermut Ataatsimiititamut – Kommuneqarfik Sermersooq Kommunalbestyrelse Ulloq: 7. marsii 2017 Qup. | 21 Kommunalbestyrelsimiillu inaarutaasumik aalajangiiffigineqartussanngorlugu ingerlateqqinneqassaaq. Inaarutaasumik pilersaarusiaq tamanit takuneqarsinnaassaaq ilaatigut kommunip nittartagaani www.sermersooq.gl Aningaasaqarnermut Allatseqarfimmit oqaaseqaatit Aningaasaqarnermut Allatseqarfik oqaaseqaatinik saqqummiussaqanngilaq. Innuttaasunik peqataatitsineq/attaveqaqatigiinneq Pilersaarut pillugu siunnersuummik akuersinermut atatillugu ulloq 27/10-2016 Katuap Inersuaaraani innuttaasunik ataatsimiititsisoqarpoq, suleqatigiissitanik/soqutigisaqaqatigiinnik pilersitsisoqarluni nunaminertamut aqquserngup inissisimaffissaata suliarineqarneranik tusarniaaffigineqarsimasunik. Kommunip pilersaarutaanut tapiliussamut siunnersuut sapaatip-akunnerini arfineq-pingasuni tamanut tusarniaassutigineqassaaq, tamanna illoqarfimmi nalunaarutigineqarumaarpoq taamatullu kommunip tusarniaassutaasunik saqqummersitsiviani. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap inassuteqaatit akuersaarpai. Sanarfinermut Avatangiisinullu Ataatsimiititap aalajangernera marlunngorneq 7. februaari 2017imeersoq: Sanarfinermut Avatangiisinullu Ataatsimiititap inassuteqaatit akuersissutigai. Ilanngussat 1. Kommunip pilersaarutaanut tapiliussamut siunnersuut 3A6-1 Kommuneqarfik Sermersooq Kommunalbestyrelse Ulloq: 7. marsii 2017 Qup. | 22 03F Kommunimut pilersaarummut tapiliussaq 20B5-1, Paamiuni Inuussutissarsiuteqarfik Umiarsualivillu Ilisimatitsissut J.nr.:1804.20B2-B5 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Suliassamik eqikkaaneq Sanarfinermut Avatangiisinullu Ingerlatsiviup matumuuna Kommunimut pilersaarummut tapiliussaq 20B5-1, Paamiuni Inuussutissarsiuteqarfik Umiarsualivillu akuersissutigisassanngorlugu saqqummiuppaa. Kommunimut pilersaarummut tapiliussaq suliarineqarpoq suliassap Paamiut Nordhavn – Kommuneqarfik Sermersuumi inerisaavissap nutaap siunnersuutigineqarneranut atatillugu, tamannalu kommunalbestyrelsip novembarip 15ianni 2016 akuersissutigaa, pilersaarusiortarnermut inatsisip 01/01-2016 allanngortinneqarnera naapertorlugu. Siunnersuut Paamiut Nordhavnip allineqarnissaanut periarfissaqalersitsivoq, taamaasillunilu tunisassiorfissat nutaat inuussutissarsiornermullu suliaqarfiit anginerusut periarfissaalissapput. Immikkoortoq tamaat inuussutissarsiuteqarnermut umiarsualiveqarnermullu atugassaammat pilersaarut kommunimut pilersaarummut naapertuuppoq. Sanarfinermut Avatangiisinullu Ataatsimiititap suliaq marlunngorneq 7. februari 2017-imi oqaluuseraa, inassuteqaatillu akuersissutigalugit.Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu inassuteqaatit akuersissutigai suliarlu ilisimatitsissutitut Kommunalbestyrelsimut ingerlateqqillugu. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - ilisimatitsissut tusaatissatut tiguneqassasoq Suliassamik saqqummiussineq Kommunimut pilersaarummut tapiliussaq suliarineqarpoq Paamiut Nordhavnimi umiarsualiveqarfiup 4,5 ca missinginiit 7,8 ha-it missaannut allineqarnissaa siunertaralugu. Matumuuna sumiiffik tamanna inuussutissarsiuteqarfissatut umiarsualivimmilu suliffeqarfiliorfissatut tunisassiorfiliorfissatut, aalisakkeriveqarfissatut, sanaluttarfissatut, talittarfeqarfissatut, quersuaqarfissatut allaffeqarfiliorfissatullu immikkoortinneqarpoq - utaqqiissaasumillu ujaqqeriveqarfiliorfissatut. Tamakku tamarmik kommunimut pilersaarummut akuersissutigineqareersumut naapertuupput. Kommunimut pilersaarummut tapiliussami sumiiffik katillugit arfineq-marlunnik immikkoortortaqarpoq: Immikkoortoq A: Tunisassiorfik, containerinut umiarsualivik, talittarfik kiffartuussiviit inaalitsiviillu. Immikkoortoq B: Tunisassiorfik, inuussutissarsiuteqarfik, iluarsaasarfik, entreprenøreqarfik, kiffartuussiviit inaalitsivillu. Immikkoortoq C: Teknikkimut tunngasut, utaqqiisaasumik ujaqqerivik ammasoq. Kingusinnerusukkut atorneqarfissaa: Tunisassiorfik, inuussutissarsiuteqarfik, containerinut umiarsualivik, talittarfik kiisalu kiffartuussiviit inaalitsivillu. Kommuneqarfik Sermersooq Kommunalbestyrelse Ulloq: 7. marsii 2017 Qup. | 23 Immikkoortoq D: Immikkoortoq E: Kommunip asfaltileriffia Tunisassiorfik, inuussutissarsiuteqarfik, iluarsaasarfik, containerinut umiarsualivik, kiisalu kiffartuussiviit inaalitsivillu. Immikkoortoq F1 aamma F2: Umiarsualiveqarfissat siunissami immerneqarnissaannut periarfissaq Illut sanaartorneqartut 20 m. qaangissanngilaat, naammassillugu nunamiit qaliata nuuanut 20 m. qaangissanngilaa. Pilersaarummut tapiliussami aamma Kangerlusussuup Aalisakkeriviullu akornanni aqqusinniornissaq ilaatinneqarpoq. Aaqqiissutissatut siunnersuut – suliatigut naliliineq Pilersaarummut tapiliussaliornermi illoqarfimmi piorsaaffiusumi Paamiuni inuussutissarsiuteqarfinnik nutaanik pilersitsiortortoqarnissaanik qulakkeerinninnissaq siunertarineqarpoq. Nunaminertat ilusilersorneqarnerinut atatillugu tunngaviit tullinnguuttut makku piviusunngortinneqarnissaat aamma tapiliussami siunertarineqarpoq: - Pilersaarusiorfiusumi inissialiortoqarsinnaanngilaq. Illut sanaartorneqartut naammassillugu nunamiit qaliata nuuanut 20 m. qaangissanngilaa. Illut qalipaataat sakkukitsuussapput. Illut isumatusaartumik, atuuffissaannut naleqqussarlugit ilusilersorneqassapput. Aningaasaqarnikkut sulisoqarnikkullu naliliinerit Kommunimut pilersaarummut tapiliussamik siunnersuusiorneq aningaasatigut kinguneqartitsissanngilaq. Inatsisitigut tunngavissaq allakkallu tunngaviusumik uppernarsaatitallit Kommunimut pilersaarummut tapiliussatut siunnersuut tullinnguuttut uku tunngavigalugit suliarineqarpoq: Pilersaarusiorneq aamma nunaminertat atorneqartarneri pillugit Inatsisartut inatsisaat nr. 17, 17. november 2010-imeersoq (Pilersaarusiornermut inatsit). Kommunimut pilersaarut digitaliusoq www.sermersooq2024.gl Ingerlariaqqinnissaq Pilersaarutissatut siunnersuut piffissami marsip arfernanni 2017-imiit maajip arfineq-pingajuanni 2017-ip tungaanut tamanut tusarniaassutigineqassaaq. Imaappoq, piffissaq tusarniaaffiusoq qulaani taaneqartumiit kingusinnerusukkut pisinnaavoq. Tusarniaanissamut piffissaritinneqartoq qaangiutereerpat, akerliliissutit pissarsiarineqartut ingerlatsivimmit nalilersorneqareerpata, ingerlariaqqinnissamullu inassuteqaateqartoqareerpat, Sanarfinermut Avatangiisinullu Ataatsimiititamut – Aningaasaqarnermut Ataatsimiititamut – Kommunalbestyrelsimullu pilersaarutissatut siunnersuummut inaarutaasumik akuersissuteqartoqarnissaanut, innersuussut ingerlateqqinneqassaaq. Inaarutaasumik pilersaarut tamanut saqqummiunneqarumaarpoq, ilaatigut kommunip nittartagaanut www.sermersooq.gl-imut Aningaasaqarnermut Allatseqarfimmit oqaaseqaatit Aningaasaqarnermut Allatseqarfik oqaaseqaatissaqanngilaq Kommuneqarfik Sermersooq Kommunalbestyrelse Ulloq: 7. marsii 2017 Qup. | 24 Innuttaasunik peqataatitsineq/attaveqaqatigiinneq Suliassatut siunnersuut Paamiut Nordhavn – Kommuneqarfik Sermersuumi ineriartortitsivissaq nutaaq tusarniaassutigineqareernikuuvoq, tusarniaanermilu akissuteqaatit sisamat pissarsiarineqarput. Aammalu tassunga atatillugu Paamiuni ulloq 01/12-2016 paasissutissiinertalimmik ataatsimiititsisoqarpoq. Kommunimut pilersaarummut tapiliussaq sapaatip-akunnerini arfineq pingasuni tamanut tusarniaassutigineqassaaq, tamannalu najukkami nalunaarutigineqarlunilu kommunip tusarniaanermut quppersagaatigut allagarsiissutigineqassaaq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap inassuteqaatit akuersaarpai. Sanarfinermut Avatangiisinullu Ataatsimiititap aalajangernera marlunngorneq 7. februaari 2017imeersoq: Sanarfinermut Avatangiisinullu Ataatsimiititap inassuteqaatit akuersissutigai. Ilanngussaq 1. Kommunimut pilersaarummut siunnersuutitut tapiliussaq 20B5-1, Paamiuni Inuussutissarsiuteqarfik umiarsualiveqarfillu Kommuneqarfik Sermersooq Kommunalbestyrelse Ulloq: 7. marsii 2017 Qup. | 25 4. Aalajanngiiffigisassat 04A Piginnittuunermut Periaasissap atuutilersinneqarnera Aalajangiiffigisassaq J.nr.: 01.04.49 Tamanut Kiffartuussivik - pisortaq Marie Fleischer / MFLE Suliassamik eqikkaaneq Piginnittuunermut Periaasissap atuutilersinneqarneranut atatillugu piginnittutut akisussaasuuneq Kommunalbestyrelsimit Aningaasaqarnermut Ataatsimiititamut nuunneqassaaq, tassa siunissami Aningaasaqarnermut Ataatsimiititaq siulersuisunut ilaasortanik nutaanik toqqaasalissaaq. Piginnittuunermut Periaasissaq malillugu najoqqutassat nalinginnaasut kiisalu siulersuisunut piginnaasanut piumasaqaatit suliarineqarsimasut toqqaanermi aallaavigineqassapput. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, amerlanerussuteqartut Inuit Ataqatigiit Demokraatillu sisamanik ilaasortaqartut inassuteqaatit akuersissutigaat. Siulersuisut piginnaasaqarluartunik piukkunnaatilinnillu inuttalersorneqarnissaat siunertarineqarpoq, tamatumalu saniatigut kinguaariit nikinnissaasa qulakkeerneqarnissaa eqqumaffigineqassalluni. Ikinnerussuteqartut Siumut inassuteqaatit akuersissutiginngilaat. Avataaneersunik inuiaqatigiinnik nalinginnaasumik paasisimasaqanngitsunik tikisitsisarneq tulluarsorinngilaat. Tamatuma saniatigut siulersuisuni ilaasortassanik piukkunnaateqarluartunik Kommunalbestyrelsissap isumagiumaaraa tatiginnillutik. Kommunalbestyrelse piginnittutut innuttaasut sinnerlugit kiffaanngissuseqartumik oqaaseqarsinnaaneq Siumumit pingaartinneqarpoq. Inassuteqaat Aningaasaqarnermut Ataatsimiititami ilaasortat amerlanerussuteqartut Kommunalbestyrelsimut inassuteqaatigaat: - kommunip aktienik ingerlatseqatigiiffiinik piginnittuunerup 2017-imiit Aningaasaqarnermut Ataatsimiititamut inissinneqarnissaa akuersissutigineqassasoq - atuutilersitsinissamut tamakkiisumik pilersaarutit akuersissutigineqassasut - kommunip aktianik piginneqatigiiffiini siulersuisuni piginnaasanut piumasaqaatit siunnersuutaasut akuerineqassasut - kommunip allaffissornikkut sulisui piginneqatigiiffiullu siulersuisui pisariaqartitsineq naapertorlugu siunissami piginneqataasutut ataatsimiittassasut Suliassamik saqqummiussineq Aningaasaqarnermut Ataatsimiititap 16. aggusti 2016-imi ataatsimiinnermini Aningaasaqarnermut Ataatsimiititamit kommunip piginnittuunermut periaasissaq nutaaq akuersissutigaa. Periaasissami kommunip soqutigisaanik kiisalu kommunip tamakkiisumik ilaannilluunniit aktianik piginneqataaffigisaani piginnittutut suliat ingerlanneqartarnissaannik qulakkeerinninnissaq siunertaavoq. Piginnittuunermut periaasissanut aktianik ingerlatseqatigiiffiit Nuup Bussii A/S, Iserit A/S aamma Nuuk Imeq A/S ilaatinneqarput. Piginnittuunermut periaasissap atuutilersinneqarnerata kingunerisaanik piginnittuuneq siunissami Aningaasaqarnermut Ataatsimiititamiilissaaq. Taamalu Aningaasaqarnermut Ataatsimiititaq Kommuneqarfik Sermersooq Kommunalbestyrelse Ulloq: 7. marsii 2017 Qup. | 26 kommune sinnerlugu aktianik piginneqatigiiffinnut pingasuusunut siulersuisunut ilaasortanik toqqaasassaaq. Tamatuma kingunerissavaattaaq kommunalbestyrelsinngortussap akunnerminni siulersuisunut ilaasortaanerit agguaanneqassanngimmata, tamannami siornatigut Kommuneqarfik Sermersuumi ileqquusimavoq. Siulersuisunili ilaasortat suliffeqarfimmi pineqartumi piginnaasanut pisariaqartinneqartunut sanilliunneqarlutik ilaasortanik inuttalersorneqassapput. Taamalu kommunip aktianik piginneqatigiiffiinut siulersuisunut ilaasortatut toqqarneqartussat 2017imiit pisortaqatigiit innersuussutaat tunngavigalugit toqqarneqartassapput. Aningaasaqarnermut Ataatsimiititap ivertinneqareerpata siullermeerluni ataatsimiinnerani kommunip aktianik piginneqatigiiffiinut ilaasortatut piukkunneqartut saqqummiunneqassapput, taamalu aktianik piginneqatigiiffiup ukiumoortumik ataatsimeersuarnissaa sioqqullugu taamaaliortoqassalluni. Aktianut piginneqatigiiffiit kommunimit pigineqartut 2017-imi maajip qaammataata affaani kingullermi ataatsimeersuarnissaat naatsorsuutigineqarpoq. Aaqqiissutissatut siunnersuut – suliatigut naliliineq Kommunip aktianik piginneqatigiiffiinut suliatigut piginnaasallit misilittagallillu pissarsiarineqarnissaanut atatillugu, kommunip aktianik piginneqatigiiffiini siulersuisunik ilaasortanik toqqaasarnermi siornatigut periusaasarsimasut allanngortinneqartariaqarput. Tamatuttaaq siulersuisuni ilaasortanik toqqaasarneq Aningaasaqarnermut Ataatsimiititamut nuunneqartariaqartoq nalilerneqarpoq, taamaalilluni siulersuisunut ilaasortaanermut atatillugu 'isumassarsiaqarnermiit iliuuseqarnissamut aqqutissaq naannerulerniassammat'. Siunissami ilaasortanik piukkunnartunik toqqaasarnerit najoqqutassatut siunnersuutigineqartut kiisalu piginneqatigiiffinni ataasiakkaani piginnaasassatut piumasaqaatit aallaavigalugit ingerlanneqartassapput (Ilanngussaq takuuk - tamakkiisumik ilaannilluunniit aktianik piginneqatigiiffinnik kommunimit pigineqartuni siulersuisuni ilaasortanik toqqaanermi najoqqutassiat nalinginnaasut kiisalu piginnaasanut piumasaqaatit). Kommune Nuuk Imermi ikinnerussuteqarluni piginneqataammat siulersuisunut piginnaasanut piumasaqaatinik suliaqartoqanngilaq, tassungalu atatillugu najoqqutassat nalinginnaasut innersuussutigineqarput. Ataavartumik aamma eqaatsumik ataqatigiissaarinissaq qulakkeerniarlugu kommunimi pisortaqatigiit aamma piginneqatigiiffiit aqutsisuisa akornanni piginneqataasut ataatsimiittarnissaat siunnersuutigineqarpoq. Pisariaqartitsineq naapertorlugu piginneqataasut ataatsimiittassapput, illuatungeriillu tamarmik ataatsimiinnissaq piumasarisinnaassavaat. Piginneqataasut ataatsimiittalernerisa kingunerisaanik piginneqatigiiffiit siulersuisuni kommunimit aalajangeeqataasinnaanngitsunik peqataasoqartarunnaassaaq, soorlu ullumikkut ISERIT A/S-imi taamaattoqartoq. Piginnittuunermut periaasissap atuutilersinneqarneranut periarfissaqarluassaaq, tassa 4. apriili 2017 kommunimut qinersisoqassammat aktianut piginneqatigiiffinnut siulersuisunut nutaanik ilaasortanik toqqaasoqartussaavoq. 4. apriili 2017-ip kingorna kommunalbestyrelsip nutaap ivertinneqareernerata kinguninngua aktianik piginneqatigiiffiit ataatsimeersuarnissaat naatsorsuutigineqarpoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 27 Aningaasaqarnikkut sulisoqarnikkullu naliliinerit Aalajangerneq aningaasaqarnikkut sulisoqarnikkullu annertunerusumik sunniuteqassanngitsoq nalilerneqarpoq. Inatsisitigut tunngavissaq allakkallu tunngaviusumik uppernarsaatitallit Kommuneqarfik Sermersuumi piginnittuunermut periaasissaq Aningaasaqarnermut Ataatsimiititamit 16. aggusti 2016-imi akuersissutigineqartoq. Ingerlariaqqinnissaq Piginneqatigiiffinni kommunimit pigineqartuni siulersuisuni ilaasortat akuerineqartarneri siunissami Aningaasaqarnernut Ataatsimiititamit akuersissutigineqartassapput imaluunniit ataatsimiititamit sinniisumit, aktianik piginneqatigiiffiup ileqqoreqqusai malillugit aktianik piginneqatigiiffiup ataatsimeersuarnerani, akuerineqartassapput. Tamatuma kingorna aalajangerneq pillugu kommunalbestyrelse ilisimatinneqartassaaq. Kommunip suliffeqarfiinut imminnut pigisunut aamma aningaasaateqarfinni siulersuisunut atatillugu taamatut iliuuseqartoqarnissaa naatsorsuutigineqarpoq. Qinersinerup kingorna piukkunneqartut allattorsimaffii Aningaasaqarnermut Ataatsimiititamut saqqummiunneqassapput. Aningaasaqarnermut Allatseqarfimmit oqaaseqaatit Aningaasaqarnermut Allatseqarfimmit oqaaseqaatinik pissarsiniartoqanngilaq. Innuttaasunik peqataatitsineq/attaveqaqatigiinneq Soqanngilaq. Ingerlatsivinnit allanit oqaaseqaatit Soqanngilaq. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Amerlanerussuteqartut Inuit Ataqatigiit Demokraatillu sisamaasut inassuteqaatit akuersaarpai. Tunaartarineqarluni inuit naleqquttut qaffasissunillu piginnaasallit pigilernissaannut aqqutissiuerusullutik. Taamatutttaaq kinguaariit nikinnissaanerannut qulakkeerinninnissinnaaneq eqqumaffigineqassasoq aalajagiunneqarpoq. Ikinnerussuteqartut Siumut pingasuusut aalajagiiffigisassamik itigartitsipput. Avataaniit tikisitsisarneq tulluarsorineqanngimmat, inuaqatigiinni naliginnaasumik ilisimasat pigineqartanngimmata. Taamatuttaaq Kommunalbestyrelsip nutaap ilumini nammineq piukkunnartunik nassaarsinnaanissaa tatigineqarmat. Inuiaqatigiit sinnerlugit Kommunalbestyrelsi piginnittutut oqariartuuteqarsinnaanera Siumumiit pingaartinneqarmat. Kommunalbestyrelsip aalajangiinera 30. aggusti 2016imeersoq: Kommunalbestyrelsip inassuteqaatit akuersaarpai. Siumumiit erseqqissaassutigineqarpoq kommunalbestyrelsimut ilaasortat piginnaasaqarluartut mattunneqarnissaat siunertaassanngimmat, kisiat inuit ataasiakkaat piginnaasat aallaaviussallutik. Kommuneqarfik Sermersooq Kommunalbestyrelse Ulloq: 7. marsii 2017 Qup. | 28 Ilanngussat 1. Siulersuisunut ilaasortanik toqqaanermut atatillugu najoqqutassat nalinginnaasut 2. ISERIT-imi siulersuisunut piginnaasanut piumasaqaatit 3. Nuup Bussiini siulersuisuni piginnaasanut piumasaqaatit Kommuneqarfik Sermersooq Kommunalbestyrelse Ulloq: 7. marsii 2017 Qup. | 29 04B Innarluutilinnut politikki 2017-2027 Aalajangiiffigisassaq J.nr.: 47.00.02 Isumaginninnermut, Suliffeqarnermut Inuussutissarsiornermullu Ingerlatsivik - pisortaq Grethe H. Nielsen / GRNI Suliassamik eqikkaaneq Isumaginninnermut, Suliffeqarnermut Inuussutissarsiornermullu Ingerlatsivik Innarluutilinnut Politikkissamik, 2017-2027-mut atuuttussamik, siunnersuusiorpoq. Innarluutilinnut Politikkimik ineriartortitsinissaq pillugu pineqartut qanimut suleqatigineqarnissaat qulakkeerniarlugu 2016-imi aamma 2017-imi innuttaasunut ataatsimiititsinerit kiisalu soqutigisaqaqatigiinnik ataatsimeeqatiginninnerit ingerlanneqarput. Suliaq 3. februaari 2014 aallartinneqarpoq, tassanilu suleqatigiissitamit qanoq Kommuneqarfik Sermersuup innarluutilinnut tunngasut anguniagai suliniutaalu pitsaanerpaamik ataqatigiissarneqarnissaat qulakkeerneqarsinnaaneri kiisalu pineqartut kikkuuneri paasiniarneqarlutillu aalajangersaavigineqarlutik sulissutigineqarpoq. Ingerlatsivik, innuttaasut soqutigisaqaqatigiillu suleqatiginerisigut, innarluutilinnut politikkimi maanna saqqummiunneqartumi qulequttanik kissaatinillu aalajangersaavoq. Isumaginninnermut, Suliffeqarnermut Inuussutissarsiornermullu Ataatsimiititap suliaq februaarip 17-ianni 2017 oqaluuseraa, Isumaginninnermut, inassuteqaatillu Suliffeqarnermut Inuussutissarsiornermullu Ataatsimiititami ilaasortanit amerlanerussuteqartunit akuersissutigineqarlutik. Siumumit taamaallaat akuersissutigineqarpoq, innarluutillit pillugit politikki inaarutaasumik Aningaasaqarnermut Ataatsimiititamut Kommunalbestyrelsimullu akuersissutigitinneqarnissaanut ingerlateqqinneqassasoq (inassuteqaatit aappaanni), kisianni innarluutillit pillugit politikkip inaarutaasumik akuerineqannginnerani partiit eqqartueqqaarnissaat kissaatigalugu. Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, amerlanerussuteqartut Inuit Ataqatigiit Demokraatillu sisamanik ilaasortallit inassuteqaatit akuersissutigaat, oqaaseqaatigalugu NGO-nik il. il. suleqateqarneq politikkimi immikkut immikkoortoqartinneqassasoq. Ikinnerussuteqartut Siumut pingasunik ilaasortallit taaseqataanngillat, isumaqaramik politikkissaq nutaaq Kommunalbestyrelsinngortussap nutaap akuersissutigippagu pissusissamisoornerussasoq ataqqinninnerullunilu. Inassuteqaat Aningaasaqarnermut Ataatsimiititami ilaasortat amerlanerussuteqartut Kommunalbestyrelsimut inassuteqaatigaat: - innarluutilinnut politikki akuerineqassasoq Suliassamik saqqummiussineq Kommuneqarfik Sermersooq kommunimi illoqarfinni nunaqarfinnilu tamani innuttaasunut tamanut najugaqarfitsialaassaaq - aamma innuttaasunut innarluutilinnut. Innarluutilinnut Politikki kommunimi innuttaasunut innarluutilinnut tamanut atuunnissaa anguniagaavoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 30 Siunissamut ungasinnerusumut, ukiunut 2017-imiit 2027-mut atuuttussamik, innarluutilinnut politikkiliortoqarpoq, tassanilu kommunip innarluutilinnut tunngasunut suliniutissai aalajangersarneqarput. Kommunimi ulluinnarni inuuniarnikkut, kulturikkut ileqqutigut aamma atukkatigut assigiinngissutsit ataqqillugit innarluutilinnut politikki suliarineqassaaq. Aaqqiissutissatut siunnersuut – suliatigut naliliineq Kommuneqarfik Sermersuumit innuttaasut innarluutillit sammisaqarluarsinnaallutik inuuneqarnissaat kissaatigineqarpoq, ulluinnarni akornutaasinnaasut aporfiusinnaasullu inuiaqatigiinni inuunermi periarfissanut assigiinngisitaartuunermullu ataqqinniffiusumi peqataatinneqarnermik taarserneqartarnissaat kissaatigineqarpoq. Kommunimi innarluutilinnut politikkimi 'Naalagaaffiit Peqatigiit Innarluutillit allatulli periarfissaqartitaanissaat pillugu najoqqutassatut maleruagassiaat' kiisalu 'Inuit Innarluutillit pisinnaatitaaffii pillugit Naalagaaffiit Peqatigiit isumaqatigiissutaat' tunngavigineqarput. ’Naalagaaffiit Peqatigiit Innarluutillit allatulli periarfissaqartitaanissaat pillugu najoqqutassatut maleruagassiaat' tunngaviusumik malittarisassaanni ilaatigut ima allassimasoqarpoq: ”Oqariartaaseq Innarluut (handicap) isumaqarsinnaavoq allat naligalugit inuiaqatigiit nalinginnaasumik inuuneranni peqataasinnaajunnaarneq imaluunniit peqataasinnaanerup annikillinera. Inuup susinnaassutsimik annikillisitsisimasup avatangiisaasalu akornanni atassuteqaqatigiinnikkut pissutsinut nassuiaasuuvoq.” Kommuneqarfik Sermersuup innuttaasunut innarluutilinnut politikkimi tallimanik toqqammavigineqartussanik qulequttanik ilassuteqarluni suliaqarnissaq aalajangerpaa: Taarsiisarnermut tunngaviusoq, tassani inuiaqatigiit innuttaasunut susinnaassutsimik annikillisitsisimasumut, susinnaassutsip annikillisimasup sunniutai annikillisinniarlugit, ikiuutinik tunniussisarpoq Susassareqatigiinnermut tunngaviusoq, tassa innarluutillip susinnaasaanik taarsiissutaasartut aamma ikiuutit akileraarutitigut aningaasaliiffigineqartarlutik taamalu tunngaviusumik akeqarneq ajorlutik aammalu pigisat isertitallu apeqqutaatinneqarneq ajorlutik. Immikkoortumi akisussaassuseq, tassa aaqqissuussaanerit, oqartussat suliffeqarfilluunniit tamarmik nalinginnaasumik innuttaasunut sullissisartut kiffartuussisartulluunniit, sullissinerit kiffartuussinerillu inunnut susinnaassutsimik annikillisitsimasumut atorneqarsinnaatitsinissaannut pisussaaffeqarput. Naligiissitaanermut tunngaviusoq, nammineq pisinnaasat aallaavigalugit iluaqutaanissamut periarfissaqartitsinissamut piginnaasanillu ineriartortitsinissamut periarfissaqartitsinissamut qulakkeerinninneq. Peqataatitsinermut tunngaviusoq, tassa innuttaasut pisinnaasat annikillisimasut sapinngisamik inuiaqatigiinni pisuni tamani peqataanissaannut periarfissaat qulakkeerneqarnissaannut tunngasuuvoq. Innarluutilinnut politikkimi immikkoortut ataatsimoorfiusut aaqqiissutinillu takutitsisut isiginiarneqarput, tassa inuuneq tamarmiusoq ataqatigiissorlu pilersinniarlugu aalajangersaasuusinnaasut - innuttaaqataasutut innuttaasutut allatut nalilittut sammisaqarluartutullu. Immikkoortut pingaarnerit isiginiarneqartut: 1. Piginnaanngorsaaqqinneq – Siumut Aqqut 2. Ineqarneq 3. Ornikkuminassuseq, teknologii aamma digitalimik attaveqaqatigiinneq Kommuneqarfik Sermersooq Kommunalbestyrelse Ulloq: 7. marsii 2017 Qup. | 31 4. Meeraq aamma meeqqamiit inersimasumut 5. Ilinniagaqarneq suliffeqarnerlu 6. Sunngiffik Aningaasaqarnikkut sulisoqarnikkullu naliliinerit Suliami matumani Aningaasaqarnermut Allatseqarfimmut oqaaseqaatinik pissarsiniarnissaq pisariaqanngitsoq Ingerlatsiviup nalilerpaa. Inatsisitigut tunngavissaq allakkallu tunngaviusumik uppernarsaatitallit Annertuumik innarluutillit ikiorserneqartarnerat pillugu Inatsisartut peqqussutaat nr. 7, 3.november 1994-imeersoq, kingullermillu Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 10, 31. maj 2010imeersumi allanngortinneqartoq. Ingerlariaqqinnissaq Innarluutilinnut politikkip akuerineqarnerata kingorna, ingerlatsiviup politikki tamanut saqqummiutissavaa, aamma tassunga atatillugu kommunip sulisui, taamatullu innuttaasut politikkimik qarasaasiakkut namminerlu ornigunnikkut pisinnaanissaat isumagissallugu. Kommuneqarfik Sermersuumi Innarluutilinnut Politikki innarluutilinnut tunngasunut immikkoortumut pilersaarusiornermik malitseqartinneqassaaq. Immikkoortumi pilersaarummi pingaartinneqartuni ataasiakkaani suliniutit aalajangersimasut ingerlanneqartullu aalajangersarneqassapput. Innarluutilinnut kattuffiit, Innarluutilinnut Siunnersuisoqatigiit, soqutigisaqaqatigiit, innuttaasunut ataatsimiititsinerit, innuttaasut innarluutillit aamma ilaqutaasut oqaloqatigisarneri tunngavigalugit annertunerusumik peqataatitsinissamut aamma innuttaasut innarluutilinnut ataatsimut akisussaassusermik aqqutit nutaat ataavartumik ineriartortinneqartarlutillu misiligutaasassapput. Aningaasaqarnermut Allatseqarfimmit oqaaseqaatit Suliami matumani Aningaasaqarnermut Allatseqarfimmut oqaaseqaatinik pissarsiniarnissaq pisariaqanngitsoq Ingerlatsiviup nalilerpaa. Innuttaasunik peqataatitsineq/attaveqaqatigiinneq Innarluutilinnut Politikkip suliarineqarneranni innuttaasut annertuumik, innarluutilinnut kattuffiit, Innarluutilinnut Siunnersuisoqatigiit, soqutigisaqaqatigiit kiisalu innuttaasut ataatsimiitinneqarneratigut, kiisalu ilaqutaasut innutaasullu innarluutillit oqaloqatigineratigut, peqataatitsineq ingerlanneqarpoq. Ingerlatsivinnit allanit oqaaseqaatit Suliami matumani ingerlatsivinnit allanit oqaaseqaatinik pissarsiniarnissaq pisariaqanngitsoq Ingerlatsiviup nalilerpaa. Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Amerlanerussuteqartut Inuit Ataqatigiit Demokraatillu sisamaasut inassuteqaatit akuersaarpaat, allannguutissatut ilanngullugu peqatigiiffiit assigisaallu immikkut suleqatigineqarnissaat ilanngunneqassasoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 32 Ikinnerussuteqartut Siumut pingasuusut taaseqataanngillat, toqqammavigalugu tulluarnerusorineqarmat ataqqinninnerullunilu kommunalbestyrelsip nutaap politikkissaq akuerippagu. Isumaginninnermut, Suliffeqarnermut Inuussutissarsiornermullu Ataatsimiititap aalajangernera tallimanngorneq 17. februaari 2017-imeersoq: Isumaginninnermut, Suliffeqarnermut Inuussutissarsiornermullu Ataatsimiititami ilaasortat amerlanerussuteqartut inassuteqaatit akuersissutigaat. Siumumit taamaallaat akuersissutigineqarpoq, innarluutillit pillugit politikki inaarutaasumik Aningaasaqarnermut Ataatsimiititamut Kommunalbestyrelsimullu akuersissutigitinneqarnissaanut ingerlateqqinneqassasoq (inassuteqaatit aappaanni), kisianni innarluutillit pillugit politikkip inaarutaasumik akuerineqannginnerani partiit eqqartueqqaarnissaat kissaatigalugu. Ilanngussaq 1. Innarluutilinnut Politikki Kommuneqarfik Sermersooq Kommunalbestyrelse Ulloq: 7. marsii 2017 Qup. | 33 04C Nunaqarfinnut immikkoortumut pilersaarut Aalajangiiffigisassaq J.nr: 16.03.02 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Suliassamik eqikkaaneq Nunaqarfinnut immikkoortumut pilersaarut Kommuneqarfik Sermersuumi nunaqarfinnik immikkuualuttunik allaaserinniffiuvoq, nunaqarfiillu assigiinngitsut qanoq ingerlanerinik periarfissaannillu misissueqqissaarinermik imaqarluni. Nunaqarfinnut immikkoortumut pilersaarut nunaqarfinni aqutsisut Tasiilami isumasioqatigiissinneqarneranni suliarineqarpoq, kingornatigullu isumasioqatigiinnermit tunniussuunneqartunik naleqqussarneqarluni. Nunaqarfinnut immikkoortumut pilersaarummut tapiliullugu allaffeqarfik suliap ingerlanneqarnissaanut missingiusiorpoq, tassuuna Nuummi allaffeqarfik, nunaqarfinni illoqarfinnilu allaffiit, nunaqarfinnilu peqatigiiffiit peqatigalugit inaarutaasumik pilersaarutip uummarissarneqarnissaa naammassineqarnissaalu qulakkeerniarlugu. Suliap ingerlanneqarnissaanut iluatsitsilluarnissamut pisariaqartinneqartut marluupput. 1 Nunaqarfinnut immikkoortumut pilersaarut assigiinngitsunit sulinermi sakkussatut aammalu 2 nunaqarfinni suliniutit aallartinneqartut "naqqaniit qummut" suliniutitut atorneqarsinnaassasut. Imaappoq, nunaqarfinni innuttaasut namminneq peqataanissaat ingerlatsisuunissaallu siuariartornissamut ineriartornissamullu qulakkeerinnittuussaaq. Suliap ingerlannissaanut allaffeqarfik aallarnisaataasumik alloriarnissanik sisamanik siunnersuuteqarpoq: Allaffeqarfimmi nunaqarfinnut tunngasunik assigiinngitsunik sulialinnit peqataaffigineqartumik suleqatigiissitaliorneq, nunaqarfinnut ataqatigiissaarisumit isumagineqartumik Ataasiinnarmik isaaffissalerlugu (One door policy) Najukkani ataqatigiissaarisulerlugu Nunaqarfiit attaveqaqatigiiffissaannik pilersitsineq Kisianni alloriarnissanut sisamanut taakkununnga suliniutissanullu allanut ataatsimut tunngatillugu imaappoq, tamakkua aallartinneqannginneranni nunaqarfinni innuttaasunut naleqalersitsinersut misissorneqassapput. Sanarfinermut Avatangiisinullu Ataatsimiititap suliaq marlunngornermi 24. januaari 2017-imi oqaluuseraa inassuteqaatillu akuersissutigineqarlutik. Suliaq Meeqqanut, Ilaqutariinnut Atuarfeqarnermullu Ataatsimiititami pingasunngornermi 1. februaari 2017-imi oqaluuserineqarpoq aamma Sanarfinermut Avatangiisinullu Ataatsimiititami 7. februaari oqaluuserineqarluni, ataatsimiititat tamarmik inassuteqaatit akuersissutigaat. Suliaq nunaqarfinni aqutsisuni pingasunngornermi ulloq 25. januaari aamma sisamanngornermi 26. januaari 2017-imi oqaluuserineqarpoq, nunaqarfinnilu aqutsisunit inassuteqaatit akuersissutigineqarlutik.Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu inassuteqaatit akuersissutigai allannguutitalerlugit, Kommuneqarfik Sermersooq Kommunalbestyrelse Ulloq: 7. marsii 2017 Qup. | 34 nunaqarfinnut nuuttut sulinermi peqataatinneqarluartassasut aammalu sulisut aqqi suliap Kommunalbestyrelsimut saqqummiutinnginnerani peerneqassasut. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - Nunaqarfinnut immikkoortumut pilersaarut akuersissutigineqassasoq - nunaqarfinnut nuuttut sulinermi peqataatilluarneqarnissaat ilanngunneqassasoq - Suliap ingerlannissaanut alloriarnerit sisamat siulliit suliarineqassasut ataasiakkaarlutillu akuersissutigineqassasut. - Tassaasut: o Allaffeqarfimmi nunaqarfinnut tunngasunik sulialinnik suleqatigiissitaliornissaq - o Ataasiinnarmik isaaffissalerlugu (One door policy) o Najukkani ataqatigiissaarisulerlugu o Nunaqarfiit attaveqaqatigiiffissaannik pilersitsineq Nunaqarfinnut tunngasunik suliallit assigiinngitsut suliassanik nunaqarfinnut immikkoortumut pilersaarummiittunik suliniutissanik amerlanerusunik ingerlatitseqqinnissaat Suliaq inaarutaasumik akuerisassanngorlugu Kommunalbestyrelsimut ingerlateqqinneqassasoq Suliassamik saqqummiussineq Septembari 2016imi Tasiilami nunaqarfiit isumasioqatigiissinneqarput, nunaqarfinnut aqutsisuni ilaasortanit, Sanarfinermut Avatangiisinullu Ingerlatsivimmi aqutsisunit Borgmesterimiillu peqataaffigineqartumik. Pilersaarutit aallartisarneqarnissaat malitseqartinneqarnissaallu pillugit nalornisoqarsimavoq, tamakkulu Tasiilami puullaaqissutigineqalersimallutik. Taamaattumik suliassaqarfimmi suliassat pillugit siunissami ingerlatsiviup illuatungeriit akornanni aalajangersimasumik ataatsimiititsisarnissat ataqatigiissaarinerit malinnaanerillu aallartinniarpai. Nunaqarfiit isumasioqatigiissinnerisa kingornagut Sanarfinermut Avatangiisinullu Ingerlatsivimmi pisortaq nunaqarfinni aqutsisut siulittaasuinik ataasiakkaanik ataatsimeeqateqarpoq, paasiniarluagassat malinnaatitsissutiginiarlugit. Nunaqarfinni aqutsisut isumasioqatigiissinneranni nunaqarfinnut immikkoortumut pilersaarutitut missingiut siulleq eqqartorneqarpoq, kingornagullu isumasioqatigiinnermit saqqummiussorneqartut allaffeqarfiup suliarai, nunaqarfinnullu immikkoortumut pilersaarummut missingiutip aappaa maanna politikkikkut suliarineqartussanngorlugu saqqummiunneqarpoq (Ilanngussaq takuuk Nunaqarfinnut immikkoortumut pilersaarut). Nunaqarfinnut immikkoortumut pilersaarut ima suliarineqarpoq quppernerni 6imiit - 61imut Kommuneqarfik Sermersuumi nunaqarfinni ataasiakkaani pingaarnertut taasariaqartut aallaavigalugit allaaserineri: 1. Sulisoqarfinnut tunngasut 2. Inuttut nukissat 3. Nunaqarfiit ataannarnissaminnut toqqammavissaat Kommuneqarfik Sermersooq Kommunalbestyrelse Ulloq: 7. marsii 2017 Qup. | 35 Quppernerni 62imiit- 64imut pingaarnertut misissueqqissaarinernut tunngasuupput, quppernernilu 65imiit - 68imut nunaqarfiit ineriartortinneqarnissaannut tunngasunik arlalinnik siunnersuuteqartoqarpoq. Quppernerni 69imiit – 132imut misissueqqissaarinermut tunngasunik paasissutissanut toqqammaviit pineqarput. Aaqqiissutissatut siunnersuut – suliatigut naliliineq Allaffeqarfimmit suliatigut nalilerneqarpoq, sulinissamut ataatsimoorussamik ataqatigiissaarinissap anguneqarnissaanut ingerlatsiviit tamaasa peqataatinnerisigut aaqqiissuteqaraanni pitsaanerussasoq, taamaasilluni suliassat assigiinngitsut ataqatigiissinneqarnissaat qulakkeerneqassammata. Taamaattumik saqqummiussap matuma nunaqarfinnut ataasiakkaanut ataatsimoortinnissaa, aammalu illoqarfinni nunaqarfinnilu atornerluineq pillugu Kommunalbestyrelsip aggustip 29ianni 2016 isumasioqatigiinnerannit suliniutissanut immikkoortunut pilersaarutit sinnerinut ataqatigiissinnissaa pingaaruteqarpoq. Nunaqarfinnut immikkoortumut pilersaarummut tapiliullugu allaffeqarfik suliap ingerlanneqarnissaanut missingiusiorpoq, tassuuna Nuummi allaffeqarfik, nunaqarfinni illoqarfinnilu allaffiit, nunaqarfinnilu peqatigiiffiit peqatigalugit inaarutaasumik pilersaarutip uummarissarneqarnissaa naammassineqarnissaalu qulakkeerniarlugu. Suliap ingerlanneqarnissaanut iluatsitsilluarnissamut pisariaqartinneqartut marluupput. Siullertut suliassaavoq nunaqarfinnut immikkoortumut pilersaarutip assigiinngitsunik suliarineqarnissaa tamanna Borgmesterip Allatseqarfiani nunaqarfinnut ataqatigiissaarisumik atorfinitsitsinikkut aallartilluareerpoq. Pisariaqartinneqartut aapparivaat, suliassat suliniutissallu ataatsimoorussineq (community building teori) tunngavigalugu aallartitinnissaat. Community building isumaqarpoq, najukkami innuttaasut inerisarneqarnissaat aammalu ataatsimoorussinissamik inerisaaneq. Eqqarsartaatsimi tassani najukkami innuttaasut nukittuut, nukittuumik ataatsimoorussinermik pisariaqartitsisut illuatungaanullu, aallaavigalugit eqqarsarluni sulineq pineqarpoq. Taamaattumik najukkami innuttaasut inerisarneqarneri, ataatsimoorussinermik nukittorsaaqataasussanik suliaqarnikkut ingerlanneqassaaq. Community building teori najoqqutaralugu sulinermi pingaaruteqartut ilagaat ”naqqaniit qummut” periuseqarluni sulinerit. Suliassat aallartinneqartussat najukkami innuttaasunit ingerlanneqassapput - taamaasillutik inuit suliamik iluaquteqartussat tassaassammata inuit namminneq suleqataasut. Suliaq iluatsilluarpat piginnittuunermik misigisimaneq annertunerulissaaq, aammalu anguniakkanut sanilliullugu suliap toraarsinissaanut periarfissaq annertunerulissalluni, pilersaarusiornerit aalajangiinerillu najukkami innuttaasunit aallaaveqarneri pissutigalugit. Suliap ingerlanneqarnissaanut alloriarfissatut siullertut makkua suliarineqarnissaat allaffeqarfimmit siunnersuutigineqarput: Allaffeqarfimmi nunaqarfinnut tunngasunik sulialinnik suleqatigiissitaliornissaq Ataasiinnarmik isaaffissalerlugu (One door policy) Najukkani ataqatigiissaarisulerlugu Nunaqarfiit attaveqaqatigiiffissaannik pilersitsineq Kommuneqarfik Sermersooq Kommunalbestyrelse Ulloq: 7. marsii 2017 Qup. | 36 Nunaqarfiit pillugit suleqatigiissitaq assigiinngitsuneersunik peqataaffigineqartoq Nunaqarfinnut immikkoortumut pilersaarutip aalajaatsumik piviusunngornissaa aammalu ataqatigiissaarisoqarnissaa suleqatigiissutigineqarnissaalu qulakkeerniarlugit siunnersuutigineqarpoq, ingerlatsivinnit assigiinngitsunit peqataaffigineqartumik suleqatigiissitaliortoqassasoq, ingerlatsivinni/immikkoortuni ataasiakkaani "nunaqarfinnut tunngasunik suliallit akisussaasut"nik suleqataaffigineqartumik, nunaqarfinnut ataqatigiissaarisoq ataqatigiisaarisoralugu. Suleqatigiissitami qulakkeerneqassaaq, suliassat ingerlatsivinni ataasiakkaani suliarineqartut, ataqatigiissaarnissaat, aammalu assersuutigalugu immikkoortunut pilersaarutinut tunngatillugu assigiinngitsut suleqatigiissutigineqarnissaat. Taamaasilluni pitsaanerusumik ataqatigiissitsisoqarsinnaavoq, nunaqarfinnilu ineriartortitsinissaq qitiutinneqassalluni. Immikkoortunut pilersaarutinut assigiinngitsunut inaarutaasumik piffissamik pilersaarutit, sulisussat atorluarnerpaajumallugit ataqatigiissarneqassapput, ass. qaqugu sanaartornermut tunngasunik suliallit illoqarfimmiissanersut najoqqutaralugit. Tamakku saniatigut suliassat aallartinneqartussat pitsaanerpaamik pissarsiaqarfiginissaat naammagisimaarneqarnissaallu eqqarsaatigalugit, najukkami innuttaasut peqataatinnissaasa qulakkeerneqarnissaat suleqatigiissitat suliassaraat. Nunaqarfinnut tunngasunik suliallit suliassaat ingerlateqqitassat tassaapput: Najukkani kajumissutsiminnik suleqataasussat siunnersuisoqatigiivinik pilersitsineq Peqatigiiffinnik ikorfartuineq Immikkoortunut pilersaarutinik ataqatigiissaarineq Suliniuteqarfissanik suliassanillu ataqatigiissaarineq, tamakkununnga ilanngullugit "illoqarfinni nunaqarfinnilu atornerluineq" Siunersioqatigiittartunik inerisaaneq Inunnik nukissalinnik toqaanerit Suliniutit kinguaariinnit assigiinngitsunit peqataaffigineqartut: Nunaqarfinnut immikkoortumut pilersaarummi suliniutissatut siunnersuutigineqartut ingerlateqqinneqarnissaat iliuusissatullu pilersaarusiornissaq Ataasiinnarmik isaaffissalerlugu (One door policy) Sulisunut ulluinnarni kommunimi sulisuunngitsunut tunngatillugu, suleqammik eqqortumik, apeqqutinut akissuteqarsinnaasumik, nassaarniartarneq ajornakusoorsinnaasarpoq. Nunaqarfinni suleqatinut, taamatullu nunaqarfinni innuttaasunut, pitsaanerpaamik sullissiniarnermi, nunaqarfinnut tunngatillugu ”ataatsimut isaaffissaqarnissaq, One door policy” atorneqarnissaa siunnersuutigineqarpoq. Imaappoq, nunaqarfinni allaffinni sulisut allaffeqarfimmi sulisumik inummik ataatsimik saaffigisaqartassapput, sulisullu taassuma allaffeqarfimmi sulisumik attaveqarfigisartagassaminik nassaarnissaa apeqqutaassaaq. Attaveqarfigisartagassaq tassaasinnaavoq nunaqarfinnut ataqatigiissaarisoq, imaluunniit ingerlatsivinni tamani akisussaasuusut. Taamaaliornikkut innuttaasunut nunaqarfinnilu sulisunut allaffeqarfimmut attaveqarneq ajornannginnerulersinneqarsinnaavoq, suliassallu ingerlanneqarnissaat eqaannerulersinneqarluni. Kommuneqarfik Sermersooq Kommunalbestyrelse Ulloq: 7. marsii 2017 Qup. | 37 Tamannali aallartitsinnagu nunaqarfinni sulisunut naleqalersitsissanersoq misissorneqaqqaassaaq. Najukkami ataqatigiissaarisut Nunaqarfinnut immikkoortumut pilersaarummi siunnersuutigineqarpoq Najukkani ataqatigiissaarisussanik nassaarniartoqassasoq, taamaasillutik taakkua iluaqutaasussamik isumassarsiorfigineqartarniassammata. Inunnik eqeersimaartunik suligasuartussanik pilersitsineq Nunaqarfinni teknikkikkut akisussaasunik toqqaaneq - namminersortut pisortallu suliffeqarfiutaanni assigiinngitsunut tunngatillugu ataqatigiissaarisussamik pingaarnersiuisussamillu. Siunnersuut ingerlariaqqinnikkut suliarissallugu aalajangiunneqarpat, illoqarfinni nunaqarfinnilu sulisut attuumassuteqartut suleqatigalugit isumaginnittussanik toqqaasarnissamut najoqqutassamik suliaqartoqassaaq. Aamma aqqusinniortut aqutsisui, atuarfinni aqutsisut assigisaalluunniit toqqarneqarsinnaapput. Eqqarsaatersorluartoqarnissaa kaammattuutigineqarpoq, kikkullu tamarmik qanoq atorluarneqarsinnaanersut misissorneqarluni, tassami kikkut tamarmik inissaqartinneqarput, atorfissaqartinneqarput tunniussassaqarlutillu. Attaveqaatit Nunaqarfiit pillugit suliassaqarfik Nuummi ilinniartitserusuppoq. Tamanna misissorluartariaqarpoq, immaqa nunaqarfinnut tunngatillugu imminnut avitseqatigiissinneqarpata naleqqunnerussagunarmat, nunaqarfinniillu allanit misilittakkat ilinniutigalugit. Nunaqarfiit akornanni misilittakkanik avitseqatigiittarfissamik pilersitsitsinissamut periarfissaq ingerlateqqinneqassaaq. Avitseqatigiittarfissaq peqataasussat peqatigalugit suliarineqassaaq. Avitseqatigiittartussat assersuutigalugu imigassamik atornerluisunut katsorsartinnissamut isumassarsititsisinnaapput, nunaqqatissarsiorlutik nunaqqataasimasunillu uternissamut pilerilersitsiniarlutik, meeqqanut inuusuttunullu suliassanik aallartitsisarlutik, timersorneq, inuttullu ajornartorsiutinik qitiutitsineq, kinguaariit arlallit suleqatigiissillugit assigisaannilluunniit ingerlataqartitsillutik. Nunaqarfinnut aqutsisuni tusarniaaneq 2017-imi januaarip naanerani ataatsimiinnerni, nunaqarfiit pillugit immikkoortumut pilersaarutip imarisai suleriaqqinnissamullu pilersaarutit nunaqarfinni aqutsisunut saqqummiunneqarput. Nunaqarfiit pillugit immikkoortumut pilersaarut nunaqarfinni aqutsisunit tamanit akuersissutigineqarpoq imalu oqaasertaliillutik: Tasiilami septembarip qaammataani 2016-imi nunaqarfiit isumasioqatigiissinneqarneranni qulequttat eqqartorneqartut pilersaarummi pingaartinneqassasut Nunaqarfiit pillugit ataqatigiissaarisumik atorfinitsitsinikkut nunaqarfiit allaffeqarfimmit eqqumaffigineqarnerulersimasut malugineqarsinnaasoq aammalu nunaqarfiit pillugit suliani pitsaanerusumik eqqartuinissaq siuariartoqarnissarlu qilanaarineqartoq Nunaqarfiit pillugit immikkoortumut pilersaarut suliaqarfiit akimorlugit sulinermi sakkussatut ataavartumik atugassianngortinneqassasoq nunaqarfiillu killiffii, ajornartorsiutaat, periarfissai iliuusaalu eqqarsaatigalugit siunissami nutarterneqartassasoq Kommuneqarfik Sermersooq Kommunalbestyrelse Ulloq: 7. marsii 2017 Qup. | 38 Nunaqarfinnit tapersersuinikkut suliniutit aallartinneqartut innuttaasut kajumissuseqarnerisigut ingerlatserusussuseqarnerisigullu nunaqarfinni siuariaateqarnissaat ineriartortinnissaallu qulakkeerneqassasut Nunaqarfinni atugassarititaasut nukittorsarneqarnissaat anguniarlugit, nunaqarfinni inuussutissarsiuteqarnikkut suliniutinik nutaanik pisariaqartitsineq Nunaqarfiit ineriartortinnissaannut takorluukkanik pilersaarutinillu inerisaqqinneqarsinnaasunik saqqummiussisoqariissasoq Nunaqarfinni tamani allaffeqarfiup iluani attaveqaammik pilersitseqqittoqarsinnaasoq, attaveqaataasup nunaqarfimmi allaffeqarnerup atugassanullu tunngatillugu paasisimasanik pigisaqassaaq taamaammat nunaqarfimmi sulisutut pingaarutilittullu atorneqarsinnaalluni. Maannakkut atorfeqartinneqartut piginnaasaat killeqartut nunaqarfinnut aqutsisunit maluginiarneqarput. Kommunalbestyrelse nunaqarfinni ersarinnerussasoq Sumiiffiit imminnut ungasinnerat qitiusumillu allaffeqarfiup Nuummi inissisimanera pissutaallutik, nunaqarfiit kommunip sinneranit avissaaqqasutut misinnartut Aningaasaqarnikkut sulisoqarnikkullu naliliinerit Attuumassuteqanngilaq. Inatsisitigut tunngavissaq allakkallu tunngaviusumik uppernarsaatitallit Nunaqarfinnut pillugit immikkoortumut pilersaarut Ingerlariaqqinnissaq Politikkikkut oqaluuserineqarnerata kingorna ingerlatsiviit akornanni, allaffeqarfiit nunaqarfinnilu aqutsisut akornanni kiisalu allaffeqarfiit qitiusut illoqarfinni allaniittullu akornanni ataqatigiissaarinerup akisussaaffigineqarnera nunaqarfinnik ataqatigiissaarisumut tunniunneqassaaq. Sanaartukkat suliarineqarnerisa akisussaaffigineri ingerlatsivinnit eqqortunit isumagineqaannassapput. Aningaasaqarnermut Allatseqarfimmit oqaaseqaatit Aningaasaqarnermut Allatseqarfiup nunaqarfinnut immikkoortumut pilersaarutip akuerineqarnissaa inassuteqaatigaa, politikkikkut allaffissornikkullu aalajangiinissamut pitsaasunik toqqammiviliisussaammat. Innuttaasunik peqataatitsineq/attaveqaqatigiinneq Nunaqarfinnut immikkoortumut pilersaarummut allaqqitassiaq siulleq septembarimi 2016 Tasiilami nunaqarfiit isumasioqatigiissinneqarmata eqqartorneqareerpoq. Ukioq 2017-imut ukiunullu tulliuttunut nunaqarfinnut aningaasaliissutissat suliarineqarnerini nunaqarfinni aqutsisut akuutinneqarput, tamatumalu saniatigut politikkikkut oqaluuserineqarnerinut atatillugu tusaaneqarlutik. Tamatuma saniatigut nunaqarfinnut immikkoortumut pilersaarummi suliallu ingerlanneqarnissaani innuttaasut peqataatilluarneqarnissaat siunniunneqarpoq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 39 Ingerlatsivimmit oqaaseqaatit Tamanut Kiffartuussivik, Susassaqartitsivik peqatigiiffilerinermut tunngasunut siunnersuutinut tunngatillugu peqataatinneqarpoq. Isumaginninnermut, Suliffeqarnermut Inuussutissarsiornermullu Ataatsimiititaq sinnerlugu Isumaginninnermut, Suliffeqarnermut Inuussutissarsiornermullu Ingerlatsivimmit Qeqertarsuatsiaat pillugit qupperneq 48-mut naqqiuteqartoqarpoq immikkoortullu makku peerneqarlutik: ”Ukioq 2013-imi Sermersooq Business Council ikiortigalugu inuussutissarsiutitigut ineriartortinneqarsinnaasutut periarfissat pingasut ataqatigiissaarisulerlugit pingaarnersiorneqarput kiisalu rubinisioratarnissap kinguneranik ujaqqanik qiperuinermut pikkorissartitsisoqarluni. Aalisakkerivik nutaanik piginnittoqalernikuuvoq, qalerallit saarulliillu tunisaalerlutik.” Immikkoortoq qulaaniittoq ima taarserneqassaaq: ”Rubinisiorfik pillugu 2014-imi IBA-mut isumaqatigiissusiortoqarpoq. Isumaqatigiissut naapertorlugu nunaqavissut sulisorinissaat, ilinniartitaanermut aningaasat ilinniartoqarnissarlu kiisalu kulturikkut sammisassaqartitsinernut aningaasat kiisalu sumiiffinni nerisassanik pisiortorfeqarnissat qulakkeerneqarput. Rubinisiorfissaq piffissami 2014-2016-imi suliarineqarpoq 2017-imilu upernaakkut ingerlalernissaa naatsorsuutigineqarluni. Nunaqarfimmi ujaqqanik qiperuisarfik iluarsartuunneqarpoq, maskiinat nutaat pisiarineqarput qiperuinermullu pikkorissaatitsisoqarluni.” Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap inassuteqaatit akuersaarpai, allannguutissatullu aalajagiunneqarpoq nunaqarfinnut tikittut ilanngutsitaanissaat ilanngunneqassasoq aammalu pilersaarummi sulisut aqqi piiarneqassasut, kommunalbestyrelsimut saqqummiunneqannginnerani. Isumaginninnermut, Suliffeqarnermut Inuussutissarsiornermullu Ataatsimiititap aalajangernera, marlunngornermi januaarip ulluisa 24ianni, 2017imeersoq: Isumaginninnermut, Suliffeqarnermut Inuussutissarsiornermullu Ataatsimiititap inassuteqaatit akuersissutigai. Meeqqanut, lIaqutariinnut Atuarfeqarnermullu Ataatsimiititap aalajangernera pingasunngornermi 1. februaari 2017imeersoq: Meeqqanut, Ilaqutariinnut Atuarfeqarnermullu Ataatsimiititap inassuteqaatit akuersissutigai. Sanarfinermut Avatangiisinullu Ataatsimiititap pingasunngorneq 1. februaari 2017-imi aalajangernera: Sanarfinermut Avatangiisinullu Ataatsimiititap inassuteqaatit akuersissutigai. Ilanngussat 1. Nunaqarfiit pillugit immikkoortumut pilersaarut Kommuneqarfik Sermersooq Kommunalbestyrelse Ulloq: 7. marsii 2017 Qup. | 40 04D Kommunimut pilersaarut 2028 Kommuneqarfik Sermersuumut Kommunimut pilersaarut 2028 Aalajangiiffigisassaq J.nr.: 1804 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Suliassamik eqikkaaneq Sanarfinermut Avatangiisinullu Ingerlatsiviup, kommunimut pilersaarummut iluarsiissutitut siunnersuut, Kommuneqarfik Sermersooq tamakkerlugu atuuttussaq, suliaraa. Siunnersuut ilaatigut kommunimut pilersaarutip atuuttup iluarsinerivaa, 2015-imut Pilersaarusiornermut periusissami aalajangerneqartutut, aammalu kommunimut pilersaarutip ukiut sisamakkaarlugit nutarterneqartarnissaanut atatillugu. Kommunimut pilersaarummut nutaatut siunnersuut qarasaasiakkut uani takuneqarsinnaavoq: http://sermersooq2028.odeum.com/ Sanarfinermut Avatangiisinullu Ataatsimiititap suliaq marlunngorneq 7. februari 2016-mi oqaluuseraa, inassuteqaatillu akuersissutigalugit.Suliaq Aningaasaqarnermut Ataatsimiititap ataatsimiinnerani 27. februaari 2017-imi oqaluuserineqarpoq, Ataatsimiititallu inassuteqaatit akuersissutigai allannguutitalerlugit piffissami aggersumi umiatsianut inissiisarfiit pillugit malittarisassaliortoqassasoq. Malittarisassatut siunnersuut tamanut tusarniaassutigineqassaaq, soqutigisaqaqatigiit kommunimit oqaloqatigineqassapput, kingornalu malittarisassat politikkikkut oqaluuserineqassallutik. Inassuteqaat Aningaasaqarnermut Ataatsimiititap Kommunalbestyrelsimut inassuteqaatigaa: - kommunimut pilersaarut akuersissutigineqassasoq - piffissami aggersumi umiatsianut inissiisarfiit pillugit malittarisassaliortoqassasoq - malittarisassatut siunnersuut tamanut tusarniaassutigineqassasoq, soqutigisaqaqatigiit kommunimit oqaloqatigineqassasut, kingornalu malittarisassat politikkikkut oqaluuserineqassasut Suliassamik saqqummiussineq Sanarfinermut Avatangiisinullu Ingerlatsivik Kommuneqarfik Sermersuumut nutaamik kommunimut pilersaarusiorpoq, pilersaarusiortarneq nunaminertanillu atuineq pillugu Inatsisartut inatsisaat nr. 17, 17. november 2010-meersoq naapertorlugu. Kommunimut pilersaarummut siunnersuut nutaaq, ukiuni sisamani kingullerni kommunimut pilersaarummut tapiliussami allannguutit aqqutigalugit suliaavoq, taamalu iluarsagaallunilu nutartigaavoq. Kommunimut pilersaarutip nutarternerani arlalialunnik allannguisoqarpoq, nutarterisoqarpoq aamma immikkoortut ilaannut ilanngussisoqarpoq. Pilersaarusiornermi toqqammavigineqartoq pioreersoq aallaavigalugu (Kommunimut pilersaarut 2024), immikkoortut ilaasa atorneqarnissaa nunaminertanillu akuersissuteqarnermut tunngasuni, kommune tamakkerlugu assigiinnik malittarisassaqartoqarnissaa qulakkeerniarlugu allaqqinneqarput iluarsartuunneqarlutillu. Kommunimut pilersaarummi immikkoortut ataasiakkaat assigiinngitsukkuutaanik allannguiffigineqarput: Kommuneqarfik Sermersooq Kommunalbestyrelse Ulloq: 7. marsii 2017 Qup. | 41 - Nutarterinermut atatillugu pingaarnertut ilutsimi oqaaseqatigiit aaqqissorneqarput kingunerisassallu iluarsaanneqarlutik. Pilersaarusiornermi tunngaviit pioreersut aallaavigalugit, nunaminertanik atugassiinermi aalajangersaanikkut allaqqiisoqarpoq aaqqiisoqarlunilu inatsimmi piumasaqaatit ingerlatseriaatsillu tunngavigalugit, qularnaarniarlugu kommunimi tamarmi nunaminertanik qinnuteqartoqartillugu sullissinermi assigiinnik malittarisassaqarnissaq. - "tunngaviusumik aalajangersakkat" nutaat nutartikkat, immikkoortut ilaanni tamani tamanut aalajangersakkatut naliginnaasutut atuuttussatut ilanngunneqarput, illoqarfinnut/nunaqarfinnullu aammalu nunaannarmut atuuttut. - immikkoortut ilaanni 444ni aalajangersakkat pingaarnerit sukumiisumik misissorneqarput. Aalajangersakkat suuneri najoqqutaralugit tamangajammik suliaapput - imaappoq, assigiissakkanik oqaasertalersorneqarput, assigiissakkanik malittarisassaqarnissaq qulakkeerniarlugu, kisianni inoqarfiit kommunimilu sumiiffiit assigiinngitsut ataqqillugit. Pilersaarutip nutarnerata nalaani aamma saqqaa ilusaalu qarasaasiakkut sukumiisumik naleqqussarneqarlunilu nutarterneqarpoq. Kommunimut pilersaarut kommunalbestyrelsimit, piffissami 21.10.2016 - 16.12.2016, sapaatipakunnerini arfineq-pingasuni tamanut tusarniaassutigineqarpoq. Piffissaq eqqorlugu tusarniaassummut akissutit 72-it tunniunneqarput, ataaserlu piffissaliussaq qaangiutereersoq tunniunneqarluni. Tusarniaassumut akissutit tamarmik suliassamik saqqummiussami ilanngunneqarput. Tusarniaassummut akissutini 65it tamarmik Nuummi najugaqarfinni umiatsianik inissiinissamut tunngasuupput, amerlanerillu atsiornernik katersinertut isikkoqarlutik. Taakkunani peqqutigineqartut amerlanerit katillugit tallimaasuni ataatsimik arlalinnilluunniit peqquteqartarput. Tamanna pillugu akerliliissutit ataatsimoortillugit suliariniarlugit ingerlatsivik aalajangerpoq, akerliliisunut tallimanik qulequtalinnik akissuteqartoqartarluni. Qulequttat tallimat tassaapput: 1. Maannakkut susoqassava? 2. Isumannaallisaaneq, najukkamit umiatsiaq nakkutigineqarsinnaassammat 3. Kulturimik piujuartitsinissamut tunngasoq 4. Umiatsiaatillit ataasiakkaat aningaasaqarniarnerat 5. Kommunimi illoqarfinnut najugaqarfinnullu allanut sanilliullugu immikkoortitsineq Tamatuma saniatigut Nuummi sanaartorfissat allallu eqiteriffiusuni immikkoortut pillugit tusarniaassummut akissuteqaatini apeqqutigineqarput. Tassunga atatillugu ingerlatsivimmit inassutigineqassaaq, pingaartumik Qinngutsinni eqiterinissamut atatillugu, immikkoortumut ineriartuutaasussamik, tulluarsaanissamut periusissiaqarnissamik periarfissanik misissuisoqassasoq. Tusarniaassummut akissutissat allat nunaminertamik atugassiisarnermut periutsimut tunngasuupput, allanneranullu allannguutissasut siunnersuutit, Nuna Tamakkerlugu Pilersaarusiornermut immikkoortortaqarfiup allannguutissatut siunnersuutissai ilanngullugit, aalajangersakkamut iluarsiissutigineqassapput. Aaqqiissutissatut siunnersuut – suliatigut naliliineq Sanarfinermut Avatangiisinullu Ingerlatsiviup kommunimut pilersaarutitut nutaatut siunnersuutip pilersaarusiornissamut, sanaartugassanik suliarinnittarnermut nunaminertanillu atuinissamik Kommuneqarfik Sermersooq Kommunalbestyrelse Ulloq: 7. marsii 2017 Qup. | 42 qinnuteqaatit suliarineqartarnerinut pitsaanerusumik nutartikkamillu toqqammavissaqalissasoq nalilerpaa. Kommunimut pilersaarutip atuuffiani matumani najugaqarfinni umiatsianik inissiinissamut ikaarsaariarnermut tunngasumik ilanngussisoqarnissaa ingerlatsivimmit inassutigineqarpoq. Taamaalilluni aaqqissutit allat pilersinneqarsinnaapput misilerarneqarlutillu, taamalu tusarniaassummut akissutini ernumassutaasut arlallit aaqqiissuteqarfiginiarneqassapput. Pingaartumik najugaqarfiit imminnut qanittunik pukkitsunillu sanaartorfissanik pilersitsinissaq siunertaralugu Nuummi Qinngutsinni eqiterarfiusumi periusissiornissaq ingerlatsivimmit inassutigineqarpoq. Aningaasaqarnikkut sulisoqarnikkullu naliliinerit 2028-imut Kommunimut pilersaarut toqqaannartumik kommunimit aningaasartuutigineqarnissaanut pissutissaqanngilaq, kommunip ingerlaavartumik pilersaarusiortarneranut ilaatinneqarmat. Inatsisitigut tunngavissaq allakkallu tunngaviusumik uppernarsaatitallit Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. novembari 2010-meersoq Ingerlariaqqinnissaq Pilersaarut Kommunalbestyrelsimit inaarutaasumik akuersissutigineqareerpat tamanut nalunaarutigineqassaaq. Inatsisartut inatsisaat nr. 17 § 25, imm. 4 malillugu piffissaliussaq sap. ak. aqqaneq-marlunnik sivisussuseqarpoq, taannalu maleruarneqassaaq kommunalbestyrelsimit pilersaarutip tamanut nalunaarutigineqarnissaanut inaarutaasumik akuersissutigineqarneraniit. Inatsisartut inatsisaat nr. 17 § 25 , imm. 2 naapertorlugu kommunimit kommunimut pilersaarutip tamanut saqqummiunneqartoq attuumassuteqartunut pisortanut oqartussanut kiisalu Namminersorlutik Oqartussani naalakkersuisunullu, taakkulu ataaniittunut, nassiunneqassaaq. Pilersaarut inaarutaasoq tamanut saqqummiunneqassaaq nittartakkami www.sermersooq2028.gl Aningaasaqarnermut Allatseqarfimmit oqaaseqaatit Aningaasaqarnermut Allatseqarfik suliamut oqaaseqaatissaqanngilaq, kommunimut pilersaarummik suliaqarneq Sanarfinermut Avatangiisinullu Ingerlatsiviup ingerlaavartumik pilersaarusiortarneranut ilaatinneqarmat. Innuttaasunik peqataatitsineq/attaveqaqatigiinneq Kommunimut pilersaarummut siunnersuut piffissami 21. oktobari – 16. decembari 2016 sapaatipakunnerini arfineq-pingasuni tusarniaassutigineqarpoq. Sanarfinermut Avatangiisinullu Ingerlatsivik aamma suliatigut soqutigisalinnut (titartaasartut, ineriartortitsisartut (developere) siunnersortillu allat) immikkut ittumik ataatsimiititsivoq, nittartakkamik nutaamik misiliinissaq kiisalu maanna atuuttumi kommunimut pilersaarummi allannguutit pingaarnersaat pillugit paasisitsiniaanissaq siunertaralugu. Ingerlatsivinnit allanit oqaaseqaatit Soqanngilaq. Kommuneqarfik Sermersooq Kommunalbestyrelse Ulloq: 7. marsii 2017 Qup. | 43 Siusinnerusukkut aalajangerneq Aningaasaqarnermut Ataatsimiititap februaarip 27-anni 2017-imi ataatsimiinnerani aalajangerneq: Aningaasaqarnermut Ataatsimiititap inassuteqaatit akuersaarpai, allannguutissatut aalajagerlugu piffissami qanittumi immikkut umiatisanik nunamut inissiisarneq pillugu malittarisassaliortoqassasoq. Malittarisassamut siunnersuut pisortatigoortumik tusarniaassutigineqassaaq, soqutigisallillu immikkut oqaloqatigalugit tusarniarneqassallutik, taakkua kingorna malittarisassat politikkikkut aalajagiiffigineqassapput. Sanarfinermut Avatangiisinullu Ataatsimiititap aalajangernera marlunngorneq 7. februaari 2017imeersoq: Sanarfinermut Avatangiisinullu Ataatsimiititap inassuteqaatit akuersissutigai. Ilanngussat 1. Akerliliissutinik suliaqarneq 2. Akerliliissutit 3. http://sermersooq2028.odeum.com/ 4. Kommunimut pilersaarut 2024-p allannguutaanik eqikkaaneq (Nassuiaat) Kommuneqarfik Sermersooq Kommunalbestyrelse Ulloq: 7. marsii 2017 Qup. | 44 04E Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaanik siunnersuut Kommunalbestyrelsimut ilaasortap Asii Chemnitz Narupip (IA) Kommunalbestyrelsimut siunnersuutaa Aalajangiiffigisassaq J.nr.: 01.01.07 Tamanut Kiffartuussivik - pisortaq Marie Fleischer / MFLE Suliassamik eqikkaaneq Kommunalbestyrelsimut ilaasortaq Asii C Narup (IA) februaarip 21-anni 2017 aalajangiiffigisassatut siunnersuummik Kommunalbestyrelsimut nassiussaqarpoq. Asii C Narupip kissaatigaa Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaanik siunnersuut Kommunalbestyrelsimi oqaluuserineqassasoq. Inassuteqaat Borgmesterip Allatseqarfiata Kommunalbestyrelsimut inassuteqaatigaa: - Asii Chemnitz Narupip siunnersuutaa Kommunalbestyrelsimi oqaluuserineqassasoq taamatullu suliap ingerlaqqinnissaa aalajangiiffigineqassasoq Suliassamik saqqummiussineq Kommunalbestyrelsimut ilaasortaq Asii C Narup (IA) februaarip 21-anni 2017 aalajangiiffigisassatut siunnersuummik Kommunalbestyrelsimut nassiussaqarpoq. Asii C Narupip kissaatigaa Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaanik siunnersuut Kommunalbestyrelsimi oqaluuserineqassasoq. Siunnersuuteqarnermut tunngavilersuut: ”Qinikkatut sulinermi sakkortuumik pisariaqanngitsumik nipeqartarneq, aammalu innuttaasunut politikkikkut aaqqiissutissanut imaluunniit innuttaasut qinikkat sulinerannik paasinnittarnerannut iluaqutaarpiarneq ajornerat nassuerutigalugu, Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaa piffissanngorsoraara." Siunertaq: Qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassat siunertarissavaat: Innuttaasunut kommunimullu politikkikkut pitsaanerpaanik aaqqiissuteqartoqarnissaanik ujartuinissaq Politikkikkut aaqqiagiinngissutigineqartut pitsaasumik suliarineqarsinnaaneri pillugit tamanut nittarsaasseqataanissaq - Qinikkatut sulinermi peqataanerup, politikkikkullu ingerlaatsit nuannersuunerinik nukittorsaaneq Qinikkanik assuarinnittarnerup annikinnerpaaffianiitilernissaa, innuttaasullu politikkikkut suleqataarusussuseqarnerulersinnissaat Kommuneqarfik Sermersooq Kommunalbestyrelse Ulloq: 7. marsii 2017 Qup. | 45 Kommunimi sulisunut qinikkallu sulinerminni atugarisaasa pitsaasuunissaannik qulakkeerinninneq Sooq maannakkorpiaq malittarisassaliussaagut? Politikkikkut oqalliseriaaseq sakkortusinikuummat. Isumaqarluinnarpunga, uagut, isumaqatigiinngittaraluaruttaluunniit, innuttaasunut pitsaanerpaanik aaqqiissuteqarnissatsinnut pisussaaffeqartugut. Taamaattumik oqalliseriaaseq attaveqaqatigeeriaaserlu soorunami tamatumunnga akornutaasariaqanngilaq. Naggataatigut neriuppunga, tamanna iluaqutigalugu kommunalbestyrelsimut ilaasortanngortussanut siunissami pitsaasumik suleqatigeeriaaseqarnissamut oqalliseriaaseqarnissamullu aamma tunngaviliisuujumaartoq, ukioq manna apriilip sisamaanni qinersereernerup kingornagut atuutilersussamik, aammalu ´qinikkatut sulinermi ataatsimoortumik malittarisassat´ Kommuneqarfik Sermersuumi qinigaarlaanut kommunimi sulinermi pitsaasumik najoqqutassanngorumaartoq. Politikkikkut oqallittarneq sakkortuujusinnaavoq, ersarissunik paatsuugassaanngitsunik isummertarnikkut nalunaaruteqartarnikkullu - kisianni ajorniarnerusariaqanngilaq, sangutitsiniaataanani, assuarliinerunani, nakkarsaanerunani il.il.. Oqalliseriaaseq suliamut, politikkikkullu assigiinngitsunik isummersortarnermut tunngatiinnarneqarsinnaavoq. Ataatsimoortumik malittarisassatut siunnersuutitaata imarisassai assersuutitut makkuusinnaapput: 1. Kommunalbestyrelsip iluani sulineq sunniivigeqatigiittarnerlu 2. Kommunalbestyrelsip avatangiisiminut sunniivigeqateqartarnera 3. Kommunalbestyrelsip allaffeqarfimmut sunniivigeqateqartarnera Neriuppunga siunnersuutiga saqqummiunneqassasoq, siunnersuutigaaralu allaffeqarfimmut ingerlateqqinneqassasoq, kommunalbestyrelsinngortussamut siunnersuummik saqqummiussisoqarnissaa eqqarsaatigalugu” Aaqqiissutissatut siunnersuut – suliatigut naliliineq Borgmesterip Allatseqarfiata innersuussutigaa, siunnersuut ataatsimiititamut susassaqartumut ingerlateqqinneqassanersoq, Kommunalbestyrelse aalajngissasoq. Aningaasatigut sulisoqarnikkullu naliliinerit Aningaasatigut sulisoqarnikkullu naliliinerit, suliap ataatsimiititamut susassaqartumut ingerlateqqinnissaanut, Kommunalbestyrelsip aalajangiinerani suliamut ilaatinneqassaaq. Inatsisitigut tunngavissaq allakkallu tunngaviusumik uppernarsaatitallit Kommunit aqunneqarnerat pillugu Inatsisartut inatsisaat nr. 22, 18. november 2010-meersoq: § 13. Kommunalbestyrelsimi ilaasortap kialuunniit kommunip susassaqarfii pillugit apeqqutit suulluunniit kommunalbestyrelsimut saqqummiussinnaavai aammalu tamakku pillugit aalajangiinissanut siunnersuutinik saqqummiussisinnaalluni. Ataatsimiititaliat borgmesterilu paasissutissanik taassuma piumasaanik, kommunalbestyrelsillu aalajangernissaanut inatsisitigut aalajangersakkat qaqugukkulluunniit malinneqartussaatitaasut pillugit kommunalbestyrelsimut nalunaaruteqassapput. Kommunalbestyrelsip suleriaasissaatut aalajangersakkami § 3: Ilaasortaq, kingusinnerpaamik ataatsimiiffissaq sioqqullugu ullut 14-it qaangiutsinnagit suliassamik suliarinneqqusilluni allakkatigut qinnuteqassaaq, suliassaq taanna borgmesterip ileqquusumik ataatsimiinnissap tullianut qaninnermut ullormut oqaluuserisassanut ilanngutissavaa. Kommuneqarfik Sermersooq Kommunalbestyrelse Ulloq: 7. marsii 2017 Qup. | 46 Ingerlariaqqinnissaq Kommunalbestyrelsip aalajangernera, Borgmesterip Allatseqarfianit allaffissornikkut suliarineqassaaq. Aningaasaqarnermut Allatseqarfimmit oqaaseqaatit Aningaasaqarnermut Allatseqarfik oqaaseqartinniarneqanngilaq. Ilanngussaq Soqanngilaq Kommuneqarfik Sermersooq Kommunalbestyrelse Ulloq: 7. marsii 2017 Qup. | 47 04F Piorsaavimmi sullitat nalilersuiffigineqarnissaat Kommunalbestyrelsimut ilaasortap Malene Lyngep (IA) Kommunalbestyrelsimut siunnersuutaa Aalajangiiffigisassaq J.nr.: 01.01.07 Tamanut Kiffartuussivik - pisortaq Marie Fleischer / MFLE Suliassamik eqikkaaneq Kommunalbestyrelsimut ilaasortaq Malene Lyngep (IA) 2017-imi februaarip 21-ianni aalajangiiffigisassatut siunnersuut Kommunalbestyrelsimut nassiuppaa. Malene Lyngep kissatigaa Piorsaavimmi sullitat nalilersuiffigineqartarnissaannik periarfissaq Kommunalbestyrelsip oqaluuserissagaa. Inassuteqaat Borgmesterip Allatseqarfiata Kommunalbestyrelsimut inassuteqaatigaa: - Malene Lyngep siunnersuutaa Kommunalbestyrelsimit oqaluuserineqassasoq aamma siunnersuut pillugu ingerlariaqqinnissaq aalajangiiffigineqassasoq Suliassamik saqqummiussineq Kommunalbestyrelsimut ilaasortaq Malene Lyngep (IA) 2017-imi februaarip 21-ianni aalajangiiffigisassatut siunnersuut Kommunalbestyrelsimut nassiuppaa. Malene Lyngep kissatigaa Piorsaavimmi sullitat nalilersuiffigineqartarnissaannik periarfissaq Kommunalbestyrelsip oqaluuserissagaa. Siunnersuuteqarnermut tunngavilersuut: ”Nuummi Piorsaavimmi arlaleriarlunga nammineq pulaartarninni paasivara inuusuttut neqeroorummik atuisuusut ikileriarsimasut. Tamanna tunngavigalugu maluginiagara allaffeqarfimmut apeqquteqaatigaara. Inuiaqatigiit innuttaasullu atugarisaat allanngorartuaannarput, taamaattumik neqeroorutitta siunertareqqaakkanut naleqqukkunnaarneri ilutigalugit nalilersortarnissaannut piareersimasariaqarpugut. Siunertaq: Isumaginninnermut, Suliffeqarnermut Inuussutissarsiornermullu Ataatsimiititami paasitinneqarpugut, assersuutigiinnarlugu inuusuttut eqqarsartaatsimikkut innarluutillit amerliartortut. Aammami kommunip avataani angerlarsimaffinnit innuttaasut amerliartortut angerlartittalernikuuvagut. Peqatigitillugu inuusuttortaqarpugut, suliffeqanngitsunik imaluunniit ilinniagaqarsimanngitsunik, inuunerminni ingerlariaqqinnissaminnut ikorfartortariaqartunik tapersersorneqartariaqartunillu. Inuusuttunut taakkununnga assigiinngitsunik tunuliaqutalinnut, assigiinngitsorujussuarnik pisariaqartitaqartunut neqeroorutit assigiinngitsut pigisariaqarpavut. Taamaattumik ataatsimut isigalugu, sulisoqarfitta siunertaat pisariaqartitanut suli naleqquttuunersut misissorneqartariaqarpoq. Taamaammat siunnersuutigerusuppara Piorsaavimmi illoqarfinni tamani sullitat siulliullugit nalilersuiffigineqassasut, neqeroorut sullitatsinnut naleqqunnersoq naleqqutinnginnersorluunniit uppernarsiniarlugu. Kommuneqarfik Sermersooq Kommunalbestyrelse Ulloq: 7. marsii 2017 Qup. | 48 Neqeroorut sullitatsinnut naleqqukkunnaarsimasoq paasinarsippat, taava Kommunalbestyrelsip eqqartortariaqarpaa suut suliniutigineqartariaqarnersut, inuusuttortatsinnut eqqortunik neqerooruteqarsinnaaniassagatta. Aaqqiissutissatut siunnersuut – suliatigut naliliineq Borgmesterip Allatseqarfiata innersuussutigaa, siunnersuut ataatsimiititamut susassaqartumut ingerlateqqinneqassanersoq, Kommunalbestyrelse aalajngissasoq. Aningaasatigut sulisoqarnikkullu naliliinerit Aningaasatigut sulisoqarnikkullu naliliinerit, suliap ataatsimiititamut susassaqartumut ingerlateqqinnissaanut, Kommunalbestyrelsip aalajangiinerani suliamut ilaatinneqassaaq. Inatsisitigut tunngavissaq allakkallu tunngaviusumik uppernarsaatitallit Kommunit aqunneqarnerat pillugu Inatsisartut inatsisaat nr. 22, 18. november 2010-meersoq: § 13. Kommunalbestyrelsimi ilaasortap kialuunniit kommunip susassaqarfii pillugit apeqqutit suulluunniit kommunalbestyrelsimut saqqummiussinnaavai aammalu tamakku pillugit aalajangiinissanut siunnersuutinik saqqummiussisinnaalluni. Ataatsimiititaliat borgmesterilu paasissutissanik taassuma piumasaanik, kommunalbestyrelsillu aalajangernissaanut inatsisitigut aalajangersakkat qaqugukkulluunniit malinneqartussaatitaasut pillugit kommunalbestyrelsimut nalunaaruteqassapput. Kommunalbestyrelsip suleriaasissaatut aalajangersakkami § 3: Ilaasortaq, kingusinnerpaamik ataatsimiiffissaq sioqqullugu ullut 14-it qaangiutsinnagit suliassamik suliarinneqqusilluni allakkatigut qinnuteqassaaq, suliassaq taanna borgmesterip ileqquusumik ataatsimiinnissap tullianut qaninnermut ullormut oqaluuserisassanut ilanngutissavaa. Ingerlariaqqinnissaq Kommunalbestyrelsip aalajangernera, Borgmesterip Allatseqarfianit allaffissornikkut suliarineqassaaq. Aningaasaqarnermut Allatseqarfimmit oqaaseqaatit Aningaasaqarnermut Allatseqarfik oqaaseqartinniarneqanngilaq. Ilanngussaq Soqanngilaq Kommuneqarfik Sermersooq Kommunalbestyrelse Ulloq: 7. marsii 2017 Qup. | 49 5. Immikkoortut matoqqasut 05A Nunaminertat inuussutissarsiuteqarfiusut Aalajangiiffigisassaq J.nr.: 17.02 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Kommuneqarfik Sermersooq Kommunalbestyrelse Ulloq: 7. marsii 2017 Qup. | 50 05B Umiarsualivik Suliniutinut pingasunut qinnuteqaat Aalajangiiffigisassaq J.nr.:18.04 Sanarfinermut Avatangiisinullu Ingerlatsivik - pisortaq Mike Jakob Kristiansen / MJKR Kommuneqarfik Sermersooq Kommunalbestyrelse 6. Taasariaqartut allat 7. Imaqarniliap akuerineqarnera Ulloq: 7. marsii 2017 Qup. | 51
© Copyright 2024