1. No category

Nuuk 9/3-2017
Ileqquusumik
ataatsimeersuarnissamut aggersaaneq
ILEQQUUSUMIK ATAATSIMEERSUARNISSAMUT AGGERSAASSUT
GrønlandsBANKEN, Aktieselskab, ileqquusumik ataatsimeersuartitsissaaq marlunngornermi ulloq. 28. marts 2017 nal.
16.00 Nuummii GrønlandsBANKEN-ip qullersaqarfiani, makku oqaluuserisassaatillugit:
1.
Aningaaseriviup ukiumi qaangiuttumi ingerlasimanera pillugu siulersuisut nassuiaataat.
2.
Ukiumut nalunaarusiamik kukkunersiugaasumik, kukkunersiuisut nassuiaasiaannik akuerineqartussamik saqqummiussineq, siulersuisut pisortallu
akisussaajagaanissaannik nalunaaruteqarneq, siulersuisut aningaasarsiaannik akuersineq kiisalu sinneqartoorutit amigartoorutaasulluunniit qanoq
ukiumut nalunaarut akuerineqartoq naapertorlugu atornissaannik matussusernissaannilluunniit aaliangiiffigisassamik siunnersuuteqarneq.
3. Siulersuisut qanoq akissarsiaqartitsinissamik siunnersuutaat.
Aningaseriviup suliffeqarfittut iluamik ingerlatsinissaanut (corporate governance) inassutaasunik nutaanillu inatsisiliaasunut naapertuisumik ingerlatsinissamut atatillugu siulersuisut akissarsiaqartitsinissamut politikkimik allannguutissamik ataatsimeersuartunut akuerisassanngortitsillutik allannguinissamik akursaarinnipput.
Akissarsiaqartitsinermut tunngasut erseqqissaqquneqarput, takuneqarsinnaasunngorlugit, suut sinaakkusiaasut aammalu suut piumasaqataasut
aningaasarsiaareersut qaavisigut aningaaserivup tunniussaqarsinnaanissaanut.
Taaneqartut saniatigut aningaaseriviup akissarsiarititanut atasumik akuersinissamut suleriaasii politikkiliussaallu malinneqarnerinik nakkutilliinissaanut tunngasut maanna ilanngunneqarput.
4. Aningaaseriviup maleruagassaanik allannguinissamut siunnersuut.
Aningaaseriviup maleruagassaani § 8-mi imatut siunnersuuteqartoqarpoq, tassalu imatut ilusiliisoqassasoq atorunnaarsillugu ataatsimeersuarnernut
atatillugu pisussaaffiliinernik ukiumut ataatsimut attuttunngortitsisarnerit.
Naatsorsuutigineqartutut inatsisinik allannguinikkut ukioq ataaseq sinnerlugu akuersissutinik atorsinnaatitsisarneq inerteqqutaajunnaartussaavoq,
siunnersuullu saqqummiunneqarpoq periarfissiissutigiumallugu siunissami akuersissusiaasut ukioq ataaseq qaangerlugu atorneqarsinnaalersinnaanissaat.
5. Aningaaseriviup piginneqataassutinik pisisinnaanermut akuersinissamut siulersuisut siunnersuutaat.
Siulersuisut siunnersuutigivaat, ukiup tulliani ileqquusumik ataatsimeersuartitsinissap tungaanut aktiatigut 10%-it tikillugit aningaaserivik pisinerup
nalaani børs-imi naligititaasoq taannalu aallaavigalugu 10%-inik qummut ammulluunniit nikissinnaanerup iluani pisisinnaasoq. Maleruagassani § 7
naapertorlugu periarfissiissutaasoq naapertorlugu piginneqataasunit siunnersuutinik saqqummiussisoqarsimanngilaq.
6. Siulersuisunut ilaasortassanik qinersineq:
§ 13-imi allassimasut naapertorlugit tunuartussapput Gunnar í Liða, Christina F. Bustrup aamma Lars Holst.
Siulersuisulli uku pineqartut Gunnar í Liða, Christina F. Bustrup aamma Lars Holst-ip qinigaaqqissasut siunnersuutigivaat.
Qinigassanngortinneqartut tunuliaqutaat kiisalu piumasarisaasut, siulersuisunut isertitsinissamut, ullormi oqaluuserisassat imm. 6-ianni takuneqarsinnaapput.
7. Kukkunersiuisussanik avataaneersunik qinersineq.
Siulersuisunit siunnersuutigineqarpoq Deloitte, Statsautoriseret Revisionspartnerselskab, kukkunersiuinermut ataatsimiisitaliamiit inassutaasut
malillugit, toqqaqqinneqassasoq. Kukkunersiuinermut ataatsimiititaliaq pingajuusunit sunnerneqarnikuunngilaq isumaqatigiissuteqarfigineqarsimananilu, ataatsimeersuartut kukkunersiuisussanik qinersinissaanut sunniuteqarsinnaasunik.
8. Tamalaat.
Ullormi oqaluuserisassat, siunnersuutit tamakiisut ukiumullu nalunaarut ulluni 14-inik ataatsimeersuarnissaq sioqqullugu aningaaseriviup, Imaneq 33-imi
Nuummi, qullersaqarfiani tamanut takuneqarsinnaasunngorlugit saqqummersinneqassapput.
Piginneqataasut – kingusinnerpaamilli ataasinngorneq 27. marts – GrønlandsBANKEN-imi Nuummiittumi ataatsimeersuarnermut oqaluuserissanik
isissutissanillu tunniussivigineqarsinnaapput. Aamma taaneqartut aningaaseriviup immikkoortortaqarfiani sorlermiluunniit pissarsiarineqarsinnaassapput.
Ataatsimeersuarnissamut atatillugu piumasaqaataavoq isissutissat piniarneqassasut kingusinnerpaamik ataasinngornermi 27. marts 2017 tunniunneqartussanngorlugit.
Maluginiaqquneqarpoq, taamaallaat piginneqataasut, kingusinnerpaamik ataatsimeersuarneq sioqqullugu aningaaseriviup piginneqataasunik allattuiffiani
atimikkut allanneqarsimasut imal. piffissap taaneqartup iluani piginneqataasutsinik uppernarsaasigaasumik pissarsisimanerminnik uppernarsaasiisinnaasut,
ataatsimeersuarnermi taaseqataasinnaatitaammata. Allanneqarsimanissamilli piumasarisat atuutinngillat aktianut atit atorlugit pigineqartunut, taakku
pissarsiarineqarsimappata tunniussinerunngitsumik.
Aningaaseriviup piginneqataassutitut pigisai DKK 180.000.000-nit DKK100-ukkuttaartunngorlugit allassimasutut pigineqarput. Piginneqataassullu ataaseq
DKK 100-usoq ataatsimik taasissutitut naleqarpoq.
GrønlandsBANKEN-ip 2016-imut naqitanngorlugu nalunaarutaa aammalu ataatsimeersuarnermi piginnaatitsissutit aningaaseriviup Nuummi qullersaqarfianut allagaqarnikkut piniarneqarsinnaapput. Ukiumullu nalunaarut aamma atuarneqarsinnaavoq iserfigalugu www.banken.gl.
Nuuk, ulloq 9. marts 2017
SIULERSUISUT
2
OQALUUSERISASSAT IMMIKKOORTUT 3-IANNUT ILANNGUSSAQ
GrønlandsBANKEN-imi akissarsiaqartitsinermut politikki
GrønlandsBANKENip akissarsiaqartitsinermut politikkiani ilaatinneqarput siulersuisut, qullersaq sulisullu, aningaseriviup navialiffigisinnaasaanut atatillugu pingaaruteqartumik sunniutilimmik inissisimasut aammalu aningaaserivimmi sulisuusut sinneruttut allat.
Akissarsisitsisarnermut politikki aqqutigalugu GrønlandsBANKEN-imi navialisinnaanerup isumannaatsumik aaqqissugaalluartumillu ingerlanneqarnissaa isumannaarniarneqarpoq aammalu anguniarneqarluni piffissaq ungasinnerusoq isigalugu aningaaseriviup piginnittaanut iluanaarutisiassaqartitsinissaq. Saniatigullu
aningasarsiaqartitsinermut politikkiliornermi inatsisit atuuttut aammalu suliffeqarfimmik aqutsilluarnissamut (Corporate Governance) atatillugu inassutigisaasut
malinneqarput.
Siulersuisut
Siulersuisunut aningasarsiaritinneqartartut qaavisigut allanik tunniussisoqarneq ajorpoq, apeqqutaatinneqarani aaliangersimasumik akissarsiat, piginneqataasutsit, periarfissat soraarnermusiassallunniit pineqarneri.
Qullersaq/Pisortaq
Qullersamut/Pisortamut aningaasarsiarititaasut soraarnermusiassallu, ukiumoortumik akiliunneqarluni aallarsinnaanerit, bileqartitaaneq, telefoneqartitaaneq
aammalu interneteqartitaaneq isumaqatigiissuteqarneq naapertorlugu angissusilersugaasumik tunniunneqartarput. Pisortarlu atorfeqartitaanermini taaneqartut qaavisigut akissarsialersorneqarneq ajorpoq.
Siulersuisut pisortarlu soraarnermut atatillugu pissarsiassaanik isumaqatigiissuteqarnikuupput, tunuarnermut/soraarnermut atatillugu tunniunneqartussanik.
Pineqartut annertussusissaat tunniunneqarnissaallu aqunneqarput piffissalersugaasumik pisortap atorfeqartitaaneranik aammalu aningaaseriviup qanoq
angusaqarneranik angissusiligaallutik aningaaseriviit angeqqatitut sanilliunneqarsinnaasut akornanni tunniuttagaannut. Soraarnermi tunniunneqartussat affai
aningaaserivimmi piginneqataassutaapput affaalu tigussaasumik aningaasaallutik katillugit qaammatini 0-24-ini aningaasarsiatut naleqartut.
Navialiffiusinnaasut iluini pingaarutilimmik akisussaaffillit
Aningaaseriviup avataanit piumasarisaasunut atatillugu aqutsinera aammalu aningaseriviup nakkutiliinissaanik aqutsinera inuttalersugaavoq inunnik naviliasinnaanermut atatillugu annertuunik akisussaaffeqartinneqartunik, taamatullu inissisimasuupput aningaaserivimmi pisortamut tulliusoq, naatsorsuuserinermilu
pisortaq.
Sulisut, aningaasiviup navialisinnaaneranut sammisunik malunnaatilimmik akisussaatitaasut, aningasarsiarisami qaavatigut nikerarsinnaasunik, soorlu piginneqataassutsinik, periarfissiissutinik imal. sorarnermusiassanik, tigusassaqartitaanngillat.
Taaneqartutulli inissisimasut nikerartumik akilerneqarsinnaapput ajungitsorsiatut ukiumut annerpaamik 100.000 koruuniusunik. Taamatut tunniussisinnaanermi
apeqqutaaput suliat tunngaviusumit annertunerusimanerat, angusarissaartitseqataasimanerat aammalu aqutsinermi pitsaasumik takutitsisimanerat. Navialiffiusinnaasunut annertuumik akisussaatitaasut aningaasanik ajunngitsorsiarsitinneqarsinnaanerat uuttoqqissaarneqarsinnaasunik tunngaveqanngillat soorlu tuniniaarnerup imal. ingerlatsinerup iluini allaaveqartumik aammalu ajunngitsorsialiinermi aallaviuneq ajorlutik angusat qanoq issimaneri.
Sulisut allat
Qiimmassaasiissutitut ajungitsorsiarititat
GrønlandsBANKEN qiimmaassaassissutitut ajunngitsorsianik tunniussisinnaavoq tamakkiisumik naliliineq tunngavigalugu, tunniunneqarsinnaasullu amerlanerpaamik 100.000 kr.usinnaapput. Tunniussat katillutik annerpaamik aningaaseriviup aningaasarsiatut tunniuttagaasa 2%-erisinnaavaat. Tunniusinermi nalilersorneqartarput ukiup ingerlanerani qanoq sulilluarsimatigineq, tunngaviliussamit annertunerusumik sulisariaqarsimaneq, naammaginarluinnartumik takutitsisimaneq
aammalu aqutsisutut takutitsilluarsimaneq, ajunngitsorsiatullu tunniussinerit pisarput tuniniaanermi, ingerlatsinermi imal. ingerlatsinermi angusat allatullu uuttorneqarsinnaasut tunngaviginagit.
Tamanut ajunngitsorsianik tunniussinerit
GrønlandsBANKENimi sulisut allat eqqarsaatigalugit ataatsimut tunniunneqarsinnaasunik kaammattuutitut tunniussassanik pilersitsisoqarnikuuvoq, taakkulu
tunniunneqarsinnaapput assersuutigalugu aningaasaqarnermut sullissallu naammaginnisimaarnerannut atatillugu uuttorneqarsinnaasumik angusat tunngavigalugit. Ataatsimoortumik ajunngitsorsiarititat atorlugit sulisut aningaaseriviup piffissaq ungasinnerusoq isigalugu ataatsimoorluni suliniuteqarnermut atasumik
tunniunneqartarput. Taamatut tunniunneqartut annerpaamik aningaaseriviup tamakkiisumik aningaasarsiatut tunniuttagaasut 4%-erisinnaavaat sulisummullu
ataatsimut annerpaamik 20.000 kr.-usinnallutik. 2016-imi sulisunut ataasiakkaanut tamanutimmikkut tunniunneqartut 15.000 kr.-upput. Ukiut tamaasa pineqartoq nalilersuiffigineqartussanngorlugu qaqinneqartarpoq.
Qulaani malittarisassiarineqartut atuupput aningaaseriviup atorfilittaminut akissarsiaritittagaanut tunngapput sulisunut siunnersuisartunut, kredit-isisitsisartunut
sallunaaveeqquserisartunullu allatulluunniit illusinernut atatillugu sillimmasiornermik suliaqartartunut, isumannaarumallugu pisoqassanngimmat aningaaseriviup
navialissinnaaneranut qaffassaataasinnaasunik. Taasat saniatigut aningaasarsisitsisarneq aallaaveqanngilaq illusiliiniarnermut allatullu tunisaqarnernut atatillugu
qinnuteqaatit qassiunerik qassillu pilersinneqarsimanerik tunngaviligaasumik.
Akissarsisitsisarnernut ataatsimiititaliaq
GrønlandsBANKEN akissarsisitsisarnernut ataatsimiititaliamik pilersitsinikuuvoq, tassanilu issiapput siulersuisuni siulittaasoq, siulittaasup tullia aammalu sulisunit
sinniisitut toqqagaasoq.
Akissarsianut ataatsimiititaliap ukiumoortumik misissorlugillu nalilersortarpai siulersuisunut pisortamullu akissarsiarititaasimasut sulinermini ilaatigut aningaaserivinni allani pisartunut sanilliussuinikkut. Akissarsiallu pillugit ataatsimiititaliap alaatsinaallugillu isumannaarniartarpaat annertuumik navialiffiusinnaasuni akisussaasuusunut aningaasarsiaritaasartut aningaasarsisitsinermut politikkkimut naapertuuttumik ingerlanneqarneri. Inatsisitigut piumasarisaasut, niuernerup ilusaata
imaanannngissusia aningaasarivimmilu ineriartorneq misissorneqartarput takuniarlugu navialiffiusinnaasuni akisussaasunik inuttaliisimanerit naammaguunnersut
imal. qaffattariaqarnersut. Akissarsiat pillugit ataatsimiititaliap aamma nakkutigissavai aningaasarsiat qaavisigut nikerartumik annertussuseqartumik tunniussisarnerit, tassanilu isumannagassaralugu taamatut qaavatigut akissarsisitsisoqassanngimmat, akissarsialiisinnaanermut politikkimik tikkuunneqartut avaqqullugit.
3
Ukiumoortumik akissarsisitsisarnermut politikkimik misissuisarneq akuersisarnerlu
Akissarsisitsisarnermut ataatsimiititaliap ukiut tamaasa akissarsialiisarnermut politikki misissortassavaat allannguutissanillu siunnersuuteqartarlutik, taamatullu
pisoqartillugu siulersuisunut akuersisussanngortitsillutik saqqummiussaqartassapput.
Siulersuisullu suliami saniatigut ukiumoortumik akissarsisitsisarnermut politikki misissortassavaat taanna aningaaseriviup ilusiligaanera aningaseriviup ineriartorneranut naapertuuttumik malinnaatissinnaajumallugu.
Akissarsisitsisarnermut politikkimik allannguisoqartillugu taamatut ittut siulersuisunut saqqummiunneqarlutik akuerisassanngortinneqartassapput kingornalu
ataatsimeersuartunut akueqqitassanngortinneqartassallutik.
Akissarsisitsisarnermut politikkimik malinninnissaq tamatuminngalu nakkutigininneq
GrønlandsBANKEN-imi siulersuisut pisussaaffigaat akissarsisitsisarnermut politikkimik pilersitsisarnissaq.
GrønlandsBANKEN-imi siulersuisut akissarsisitsisarnerup naapertuuttumik malinneqarnissaanut nakkutiginninnissamullu maleruagassanik aaliangiisassapput,
ilaatigut isumannaarumallugu minnerpaamik ukiumut ataasiartumik akissarsiaqartitsinermut inatsisip malinneqarnera pinersoq. Misissuinermi paasisat angusallu
siulersuisunut nalunaarutigineqartassapput.
13. februar 2017
Akissarsisitsisarnermut atatillugu ataatsimiititaliaq
Gunnar í Liða
Siulittaasoq
Kristian Lennert
Siulittaasup tullia
Yvonne Kyed
Siulersisuni ilaasortaq
ULLORMUT OQALUUSERISASSAT IMM. 6-IANNUT ILANNGUSSAQ
GrønlandsBANKEN-ip siulersuisunut inuttassarsiuinermi aallaavittut tunngaviusumik kissaatigisaa tassaavoq ilaasortat ataatsimut isigalugit aningaasanut tunngasunik naatsorsuutinullu tunngasunik siammasissumik ilisimasaqarnissaat, niuernermik misilittagarnissaat aammalu Kalaallit Nunaanni inuiaqatigiinni pissutsinik
sukumiisumik ilisimasaqarnissaat. Siulersuisunut ilaasortassanik nutaanik pissarsiornerit piumasarisaasutut taaneqartut malillugit pisarput taamallu aaliangersimasunik suleriaatsinik pituttugaanngitsumik ingerlanneqartarlutik.
28. marts 2017 ataatsimeersuarnermi qinigassanngortittut akornanni ataani pineqartut qinerneqaqqittussatut inassutigineqarput:
Gunnar í Liða, inunngortoq 13. april 1960.
Siulersuisuni ukunani ilaasortaasoq: Gist aamma Vist P/F (siulittaasutut)
Gunnar í Liða cand.polit.-itut ilinniarsimavoq 1988-imiillu 2010 tikillugu Savalimmiuni aningaaserivinni atorfeqarsimalluni. 2010-p naanerata tungaanut Savalimmiuni sillimmasiisarfiit annersaanni pisortaavoq, tunuarnissami tungaanut. Saniatigullu Gunnar í Liða Savalimmiuni piginneqatigiiffinni siulersuisuni suliaqartarnermigut misilittagartoorsuuvoq immikkullu ilisimasaqarfigilluarlugit Atlantikup avannaani aningaasaqarniarnermut aningaasalersuisarnermullu attuummassuteqartut.
Siulersuisunut ilaasortaalersoq 6. april 2005. Kingullermik qineqqinneqartoq 2015.
Lars Holst, inunngortoq 15. februar 1952.
Siulersuisuni ilaasortaaffigivai: Vestjysk Bank A/S (næstformand)
Arkitektgruppen A/S
Vækstfonden
Lars Holst naatsorsuuserinermi HD-uvoq, Executive MBA-ullunilu. Aqutsinermik ilinniarsimavoq Stanford University-mi aammalu IMD Business Schoolimi. Lars Holst Nykredit-imi atorfeqarsimavoq ukiuni 1987-2014 aammalu 1995-imiit 2014-imi soraarninngornini tikillugu taarsigassiisarnernut tunngasuni
pisortaagallarsimalluni. Lars Holst aamma qallunaat nunaanni aningaaserivinni illuutileqatigiiffinnilu siulersuisuni issiasarsimavoq aammalu Grønlandsudvalg-imi
illuliornernut taarsigassiisarnermut tunngasunik suliaqarinnittartuni ilasortaasimalluni (2004-2014), Finansrådets Kreditudvalg-imilu issiasimalluni (2010-2014).
Siulersuisunut ilaasortaalersoq 25. marts 2015.
Christina F. Bustrup, inunngorsimasoq 16. august 1973.
Pisortaaffigivaa:
Nærpension A/S
Christina F. Bustrup cand. Art-itut ilinniarsimasuuvoq saniatigullu pisortatut sulinissamut IMD Business School, Franklin Covey aammalu Center for Ledelsemi
ilinniarsimalluni. Ullumikkut Christina F. Bustrup Nærpension A/S-imi pisortaanertut issiavoq. Taanna inuunermik sillimasiisarnernut soraarnermusinermullu
sammisut iluini aningaaserivippassuarnut siunnersuisarnermi suleqataasarpoq. Nærpension A/S 31. december 2010-miilli AP Pension-imit tamakkiisumik pigineqalersimavoq. Siusinnerusukkut Christina F. Bustrup ukiorpaalunni AP Pension-imi COO-jusimavoq (sullissanut sammisuni pisortaalluni).
Siulersuisuniullu ilaasortaalersimasoq 25. marts 2015.