Slutt på sau i Oaldsbygda
8 NYHETER SUNNMØRSPOSTEN Fredag 2. januar 2015 Slutt på sau i Oaldsbygda • Sunnylvsbønder mista 90 dyr på beite her i fjor HELLESYLT I 13 år har to bønder i Sunnylven sendt sauene sine på sommarbeite til Oaldsbygda, ei fråflytta bygd i Sunnylvsfjorden. Men no er det slutt. – Om lag 90 av dyra vi sist sommar sende av garde, mest lam, kom ikkje heim att. Vi trur det anten er jerv eller laushundar som står bak, seier Jan Ove Tryggestad, bonde og ordførar i Stranda. Både han og naboen har fått avslag på søknaden om rovdyrerstatning i Oaldsbygda, noko som betyr eit tap på fleire hundre tusen kroner. Dei fekk avslag fordi dei ikkje kunne dokumentere at det var jerven som var den skuldige. Til det var kadavera for oppetne av fuglar og andre dyr. – Der sauene forsvinn, der kjem buskaset raskt KJELL LØSETH – Årsaka til at vi ikkje lenger vil sende dyr på beite i Oaldsbygda er ikkje at vi fekk avslag på søknaden om erstatning, men at vi ikkje vil gå på akkord med dyreetikken, seier Tryggestad. Ikkje tap før. Han legg til at tid- legare har dei omtrent ikkje hatt tap i flokken som har gått på beite her. Sjølv håpar Tryggestad å finne beite andre stader til sauene sine, men han legg til at det uansett ikkje blir så mange dyr som han har hatt til no. – Kunne de ha passa betre på sauene? – Nei, det er ikkje råd når dei går i Oaldsbygda, på ein veglaus stad på andre sida av fjorden. Vi har berre vore der i helgane, og då har vi heller ikkje sett alle dyra. For dei har gått over eit stort område. Han legg til at det er nettopp fordi dei ikkje kan sjå oftare etter sauene sine at dei no kuttar ut beitet i Oaldsbygda. HEIMTUR: Sauer på veg heim med ferje frå Oaldsbygda den tida dei framleis gjekk trygt på beite i Storfjorden. ARKIVFOTO: FREDRIK STADHEIM Attgroing. Det beklagar Kjell Løseth, leiar i Storfjordens venner: – Der sauene forsvinn, der kjem buskaset raskt. Og attgroinga øydelegg ein del av kulturlandskapet, meiner Løseth. Han seier det vanlegvis ikkje går så mange år før skogen kryp innover bøane når det er slutt på beitedyr i området. For sauer og geiter gjer ein viktig jobb med å halde skog og kratt unna bøane på dei mange fråflytta fjellgardane. – Vi såg det godt på Ytste Skotet. Der var det mykje sauer. Men då dei forsvann fekk vi problem med all småskogen, seier Kjell Løseth. TERJE ENGÅS [email protected] FAKTA • Oaldsbygda ligg på austsida av Sunnylvsfjorden, om lag midtvegs mellom Smoge og Lundanes. • Historikarane trur Oaldsbygda er ein eldgamal storgard, Oal, som først vart delt i tre, Øvstegard, Midgard og Seljeflot. Seinare kom også garden Stokke til. • Frådeling gjorde at det på desse fire gardane etter kvart vart ni bruk. KJELDE: HARALD KJØLÅS SLUTT: Jan Ove Tryggestad vil ikkje sende sauer til Oaldsbygda fleire gonger. STOKKE: Dette gamle biletet er frå garden Stokke i Oaldsbygda. FOTO UTLÅNT AV PER-JARLE HALSE I ÅLESUND.
© Copyright 2024