Dei særprega og naturskjønne Dolomittene, som i 2009 vart ein del av UNESCO sin verdskulturarv, ligg heilt nord i Italia mot grensa til Austerrike. Dei mest kjende toppane er Schlern, Sella, Drei Zinnen og Marmolada. Området Schlern-Rosengarten-Latemar og Drei Zinnen er naturparkar som tilbyr et stort utvalg av fotturar og klatreruter. På vår tur skal vi bu på gjestehus og hotell på vegen vår gjennom fjellheimen og bagasjen vert frakta kvar dag. Dermed kan vi slappe av og nyte turane enda meir. I Sydtyrol vil du finne deg godt til rette med god mat, gode vinar, venlege mennesker, vakker natur, og ei spennande historie. På turen vår vandrar vi fra aust til vest. Kvar dag vil gje deg ei ny overrasking. Vi startar turen på Pragser Wildsee, ein unik alpin innsjø nær Toblach. Drei Zinnen er målet vårt neste dag. Du har høyrt om den kjende skistaden Cortina d'Ampezzo? No får du oppleve dette vakre området. Utsikta frå Pordoj passet til majestetiske peak Marmolada er eineståande. Neste attraksjon er Seiser Alm, ei vakker høgfjellsslette som er omkransa av majestetiske fjell, og vert omtala som dei norske skijentene sitt treningsparadis. Vi kryssar Seiser Alm og vandrar inn i Rosengarten som vi skal utforske neste dag. Vi avsluttar ein opplevingsrik tur med vandring gjennom det historiske sentrum av Bozen (Bolzano), hovudstaden i provinsen Syd-Tyrol som vert kalla «porten til Dolomittene». Dag 1, torsdag 30/7 Flyreise Oslo - Innsbruck Flyavgang frå Gardermoen kl.13.10 via Wien med ankomst Innsbruck kl. 17.15. Her ventar buss og turguide og vi set kursen mot Italia. Vi passerer Brennerpasset og køyrer gjennom småbyen Vipiteno som ligg eit par mil inn i Italia før vi passerer Bruneck og kjem fram til turiststaden Toblach der vi skal bu i to netter. Vi sjekkar inn på eit koseleg gjestehus der vi får servert ein god middag. Dag 2, fredag 31/7 Pragser Wildsee Etter ein god italiensk frukost er vi klar for den første vandreturen vår. Den fører oss til den berømte Pragser Wildsee (1,494 moh), ein av dei vakreste innsjøane i Dolomittene. Vi skal utforske området omkring innsjøen på en sti som heiter Eduard-Fischer-Steig der vi passerer ulike hytter og har utsikt til den vakre sjøen og til fjelltoppane i nærleiken. Attende til gjestehuset vårt i Toblach for ein god middag og ei god seng. Dagens vandring tek om lag 5 timar og har ein høgdeskilnad på 500m. som vi vandrar opp og ned. Dag 3, laurdag 01/8 Drei Zinnen Ein god frukost er viktig framfor ei litt lang dagsetappe. Vi set kursen mot dei kjende fjellformasjonane «The 3 zinnen». Vandringa startar i Landro som ligg 1400 moh. og vi vandrar på stien «the Riezental» til ei fantastis utsikt mot dei tre steintårna med sine skinande, lyse og loddrette veggar. Overnatting på hotell i Cortina. Denne dagen tek vandreturen 7 timar og stigninga er 1000 m. opp og ned. Dag 4, søndag 02/8 Cortina d'Ampezzo Cortina d'Ampezzo er den kjende skistaden som var vertsskap for vinter OL i 1956 - ein vakker stad å vitje. Vandreturen tek oss til den kjende Dibona-hytta som er oppkalla etter ein berømt fjellguide frå Cortina. På det høgaste punktet har vi ei eineståande utsikt over den vakre Cortina-dalen. Attende til hotellet i Cortina for triveleg samvære og ei god seng etter ein herleg dag! Vandreturen tek 7 timar og høgdeskilnaden er 900 meter opp og ned. Dag 5, måndag 03/8 Gruppo di Sella - Grödner Tal Også i dag startar dagen med ein god frukost før vi kjem på plass i bussen og ein flott køyretur tek oss til Passo Pordoi som ligg på 2242 moh. Her tek vi gondol til Sass Pordoi der vi nyt synet av brefronten på den kjende fjelltoppen Marmolada som ligg 3342 moh. før vi vandrar langs fjellryggen til Grönder Pass. Overnatting og fellesmiddag på hotell i vintersports-staden Grödner Tal. Vandring: 7 timar og høgdeskilnad på vandringa er 900 meter opp og ned. Dag 6, tysdag 04/8 Seiser Alm Vi startar dagen med ein vandretur gjennom Grödner Tal. Deretter tek vi bussen til Seiser Alm, den største blomsterenga i Europa med sine 57km2 som ligg på ei høgde mellom 1680 og 2350 moh. Vi kjem til å oppleve ein unik blomsterflora og ei mengde husdyr som beitar i dei vakre, spektakulere omgjevnadane. Vandreturen tek oss forbi Schlernhäuser (2457 moh) og den flottaste turisthytta i Tyrol der vi har eit fantastisk utsyn mot den 10 km. lange fjellkjeda Rosengarten, Vi kryssar Tschafatschsattel (2069 moh) og vandrar ned til den vesle , koselege alpebyen som ligg 1175 moh. Fellesmiddag og overnatting på hotell i Weisslahnbad. Vandretid om lag 6 timar med høgdeskilnad 300 m. opp og 1000 m. ned. Dag 7, onsdag 05/8 Rosengarten Frukost på hotellet før vi køyrer til Karrer pass der vi tek gondolen til Paolina Hut som ligg på 2.125 moh. Vi er no midt i dei legendariske Rosengarten fjella og tek fatt på ein rundtur i Rotwand, ein av dei største fjellveggane Alpane som er kjent for mange vanskelege klatreruter (som vi ikkje skal prøve...). Undervegs er det mange turisthytter og vi stoggar på ei av dei for ein god lunsjpause. Retur til Weisslahnbad for ein god middag, ein koseleg kveld og den gode senga. Vandring i 6 timar og høgdeskilnad 950 meter opp og ned. Dag 8, torsdag 06/8 Bozen - Innsbruck Vandreturen går diverre mot slutten og vi forlet dei høge fjellområda og køyrer mot Bozen gjennom imponerende kløfter og vakre små landsbyar. Byen Bozen har mykje å tilby. Vi tek ein spasertur gjennom det historiske sentrum og kanskje kjøpe nokre vakre suvenir. Kanskje vil nokon vitje arkeologimuseet der den over 5000 år gamle Ismannen "Ötzi" ligg. Tidleg på ettermiddagen set vi kursen mot Innsbruck der Austrian Airlines har avgang kl.18.55 og vi er attende på Gardermoen i 23.00-tida om kvelden. REISEFAKTA Turpris: Kr. 16.365,Tillegg for enkeltrom Kr. 1.900 Antal dagar 8 Avreisedato 30/7 2015 Returdato 06/8 2015 Irekna i turpris:  Fly t/r Oslo - Innsbruck  7 netter i gjestehus/hotell  Transfer flyplass til start vandring/ret.  Bagasjetransport alle dagsetappar  Frukost alle dagar  5 middagar (dag 1, 2, 5, 6 og 7)  Billettar for fjellheisar  Autorisert engelsktalande fjellførar  Reiseleiar som er med på heile turen Ikkje irekna i turprisen : NB! Viktig ! : Høver denne turen for meg ? Den daglege høgdeskilnaden varierar frå 300 meter til 1000 meter som skal vandrast oppover og nedover og dagsetappane er mellom 5 og 7 timar kvar dag. Du må være i god form, ikkje ha høgdeskrekk og vere vant til å vandre i litt ulendt terreng. Av og til på vandringa kan det bli naudsynt å bruke hendene til å sikre deg i bratt terreng, men ingen av vandrerutene krev sikring i tau, eller bruk av stegjern. Du slepp å bære tung sekk på vandringane, men må ha med dagstursekk med ekstra klær, drikke m.m. Korleis er værtilhøva i Alpane på denne tid av året ? Sommaren i Alpane er vanlegvis ei blanding av varme og tørre periodar og periodar med regn og/eller torden. Du kan vanlegvis vandre i shorts og t-skjorte, men må ha med ekstra klær for vandring i høgda. I 2 – 3000 meters høgde kan det til og med bli kuldegrader og snø i juli/august. Ullklær, vanntette klær, lue og hanskar er difor obligatoroisk på ein slik tur. Meir informasjon og detaljert utstyrsliste vert utsendt etter at du har meldt deg på turen. Ikkje vent med å melde deg på, her vert det trangt om plassen !