Oqaluuserisassat
Kommuneqarfik Sermersooq
Kommunalbestyrelse
Ulloq: 10. dec. 2015
Saqqaa
Kommunalbestyrelsip
Immikkut ittumik ataatsimiinnera
Oqaluuserisassat
Sisamanngorneq 10. decembari 2015 nal. 12.30
Ilaasortat
Mille Søvndahl Pedersen (IA)
Charlotte Ludvigsen (IA)
Storm Ludvigsen (IA)
Uju Petersen (IA)
Charlotte Pike (IA) oqarasuaatikkut
Allan Pertti Frandsen (IA)
Poul Hansen (D)
Justus Hansen (D) oqarasuaatikkut
Ane Egede Mathæussen (S)
Per Berthelsen (S)
Tim Serritzlev (S) oqarasuaatikkut
Peter Davidsen (S)
Nikolaj Heinrich (S)
Vittus Maaru Mikaelsen (S) oqarasuaatikkut
Ingvar Motzfeldt (S) oqarasuaatikkut
Anni K. Rasmussen (S) oqarasuaatikkut
Erling Madsen (A) oqarasuaatikkut
Ataatsimeeqataasinnaanani nalunaartoq
Asii Chemnitz Narup (IA)
Malene Lynge (IA)
Sinniisussatut aggersagaq
Adolf Holm (IA)
Pipaluk Lynge (IA)
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 2
Oqaluuserisassat
1. Oqaluuserisassat akuerineqarnerat............................................................................................. 3
2. Nalunaarutit ................................................................................................................................ 4
02A Borgmesterimit nalunaarutit ..................................................................................................... 4
02B Ataatsimiititanit ataavartunit nalunaarutit.................................................................................. 4
3. Ilisimatitsissutit ............................................................................................................................ 5
03A Mittarfiliornissamik kissaateqarneq pillugu Inatsisartut Sanaartornermut ataatsimiititaliaanik
oqaloqatiginninnissamut sassarneq ................................................................................................ 5
03B KANUKOKA-mit ilaasortaajunnaarneq – Kommunit Nakkutilliisoqarfiat.................................... 7
4. Apeqquteqaatit ............................................................................................................................ 9
5. Aalajanngiiffigisassat................................................................................................................. 10
05A Destination East Greenlandip Tunumi takornariaqarnikkut siuarsaataasumik sulianut
aningaasanik atuinissaat pillugu.................................................................................................... 10
6. Immikkoortut matoqqasut .......................................................................................................... 18
06A Carl Egedip Aningaasaateqarfia aamma Augo Lyngemut eqqaaniutitut aningaasaateqarfik .. 18
06B Viking Greenland A/S-ip akiliisinnaajunnaarnerata kingunerisaanik patajaallisaanissamut
kommunimit suliniuteqarnissap aallartisarneqarnera ..................................................................... 19
7. Taasariaqartut allat ................................................................................................................... 20
8. Imaqarniliap akuerineqarnera.................................................................................................... 21
Kommuneqarfik Sermersooq
Kommunalbestyrelse
1. Oqaluuserisassat akuerineqarnerat
Ulloq: 10. dec 2015
Qup. | 3
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 4
2. Nalunaarutit
02A Borgmesterimit nalunaarutit
02B Ataatsimiititanit ataavartunit nalunaarutit
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 5
3. Ilisimatitsissutit
03A Mittarfiliornissamik kissaateqarneq pillugu Inatsisartut
Sanaartornermut ataatsimiititaliaanik oqaloqatiginninnissamut
sassarneq
Ilisimatitsissut
J.nr.: 12.00.01
Tamanut Kiffartuussivik - pisortaq Marie Fleischer / MFLE
Suliassamik eqikkaaneq
Borgmester Asii Chemnitz Narup ataasinngorneq novembarip 22-anni Inatsisartut Sanaartornermut
ataatsimiititaliaani oqaloqatiginninnissamut qaaqquneqarpoq. Mittarfissaq pillugu Kommuneqarfik
Sermersuup tusarniarneqarnissaa, aammalu mittarfiup tallineqarnissaanut Kommuneqarfik
Sermersooq aningaasatigut akileeqataanissamut piumassuseqarnersoq tusarusullugu
ataatsimiititaliap kissaatigaa .
Inassuteqaat
Aningaasaqarnermut Ataatsimiititap Kommunalbestyrelsimut inassuteqaatigaa:
- ilisimatitsissut tusaatissatut tiguneqassasoq
Suliassamik saqqummiussineq
Borgmester Asii Chemnitz Narup ataasinngorneq novembarip 22-anni Inatsisartut Sanaartornermut
ataatsimiititaliaani oqaloqatiginninnissamut qaaqquneqarpoq. Ataatsimiititaliap, kommunit
sinnerinik pingasunik ataatsimeeqateqareersup, siunissami mittarfiit aaqqissuussaanissaat pillugu
Kommuneqarfik Sermersuup tusarneqarnissaa kissaatigisimavaa.
Borgmesterip oqaloqatigineqarnissaminut sassartinneqarnermini pisortaaneq Steffen Ulrich-Lynge,
aningaasaqarnermut pisortaq Lars Møller-Sørensen aamma attaveqarnermut pisortaq Lars
Damkjær najuuttoralugit peqataavoq.
Borgmesterip kommunip isumaa saqqummiuppaa; Nuummi takinerusumik mittarfittaartoqarnissaa
kissaatigineqartoq. Manna tikillugu mittarfik 1799 meterisut takitigisoq pillugu pilersaarut
sulissutigaa, taannaagami kommunimit aningaasalersuisoqassappat pisortaqatigiit naliliinerat
malillugu piviusorsiortoq, kisiannili Nuummi 2199 meterisut takissusilimmik mittarfiliortoqassappat
kommunip aaqqiissutissatut pitsaanerusutut isumaqarfigaa, timmisartunik assigiinngitsunik
amerlanerusunik miffigineqarsinnaalernissaanut ammaassissammat, nunalu tamakkerlugu
ataqatigiinnerusumik mittarfinni aaqqissuussinissamut ataqatigiinnerulersitsissammat.
Nunami namminermi attaveqarnermut iluaqutissatut suliniutit manna tikillugu Kommuneqarfik
Sermersuup aallartissimasai Borgmesterip saqqummiuppai. Ilaatigut nutaamik
umiarsualiviliornermut aqqusinniassamut 140 millioner koruunit illikartinneqarsimasut,
umiarsualiviup mittarfiullu akornanni inuussutissarsiornikkut ataqatigiinneq, aammalu mittarfik
tallineqassappat aqquserngup allanngortinneqarnissaanut 23 millioner koruunit
illikartinneqareersut.
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 6
Nuummi mittarfiup tallineqarnissaanik kissaateqarnermut Kommunalbestyrelsip
isumaqatigiissummut tapersersuinera Borgmesterip erseqqissaatigaa, aammalu sutigut tamatigut
sulinerup ikorfartorneqarnissaanut kommune piareersimasoq.
Neqeroorutip assinga Naalakkersuisunut siusinnerusukkut saqqummiunneqareerpoq.
Aaqqiissutissatut siunnersuut – suliatigut naliliineq
Ataatsimiigiaqataasut naliliipput, Kommuneqarfik Sermersuumit saqqummiunneqartut
ilassilluarneqartut. Naalakkersuisoqatigiinni partiit ataatsimiititaliami ilaasortaatitaasa oqaatigaat,
Nuummi mittarfik 2199 meterisut takitigisoq tapersersoritsik, ilaasortallu sinnerisa inaarutaasumik
aalajangiisoqannginnerani amerlanerusunik paasissutissinneqarnissartik kissaatigaat.
Aningaasaqarnikkut sulisoqarnikkullu naliliinerit
Inatsisitigut tunngavissaq allakkallu tunngaviusumik uppernarsaatitallit
Ingerlariaqqinnissaq
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfik oqaaseqaatissaqanngilaq
Siusinnerusukkut aalajangiineq
Aningaasaqarnermut Ataatsimiititap aalajangernera decembarip pingajuat 2015-imeersoq:
Aningaasaqarnermut Ataatsimiititap ilisimatitsissut tusaatissatut tiguaa, suliarlu ilisimatitsissutitut
Kommunalbestyrelsimut ingerlateqqillugu
Ilanngussat
1. Inatsisartut Sanaartornermut ataatsimiititaliaanik ataatsimeeqateqarnissami Borgmesterip
oqaasissaatut najoqqutaq
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 7
03B KANUKOKA-mit ilaasortaajunnaarneq – Kommunit
Nakkutilliisoqarfiat
Ilisimatitsissut
J.nr.: 00.06.01
Tamanut Kiffartuussivik - pisortaq Marie Fleischer / MFLE
Suliassamik eqikkaaneq
Kommunalbestyrelsip 10. novembari 2015 ataatsimiinnerani qulinik amerlanerussuteqartut
KANUKOKAmit ilaasortaajunnaarnissaq attatiinnarniarlugu aalajangerput, ikinnerussuteqartut
qulingiluat KANUKOKAmi ilaasortaaginnarnissartik kissaatigaat. Tamatuma saniatigut
ikinnerussuteqartut, aqutsinermut inatsimmi § 19 aamma 65 naapertorlugu, suliap
Nakkutilliisoqarfimmut ingerlateqqinneqarnissaa kissaatigaat.
Inassuteqaat
Aningaasaqarnermut Ataatsimiititap Kommunalbestyrelsimut inassuteqaatigaa:
- ilisimatitsissut tusaatissatut tiguneqassasoq
Suliassamik saqqummiussineq
Kommunalbestyrelsip 10. novembari 2015 ataatsimiinnerani qulinik amerlanerussuteqartut
KANUKOKAmit ilaasortaajunnaarnissaq attatiinnarniarlugu aalajangerput, ikinnerussuteqartut
qulingiluat KANUKOKAmi ilaasortaaginnarnissartik kissaatigigaat. Tamatuma saniatigut
ikinnerussuteqartut, aqutsinermut inatsimmi § 19 aamma 65 naapertorlugu, suliap
Nakkutilliisoqarfimmut ingerlateqqinneqarnissaa kissaatigaat.
Kommunalbestyrelsimi ikinnerussuteqartut KANUKOKAmi ilaasortaaginnarnissamut atatillugu
aalajangiineq namminneq Nakkutilliisoqarfimmut nalilersortinneqarnissaanut
ingerlatitsisinnaanersut aammalu Kommunalbestyrelsimi ikinnerussuteqartut kissaatigimmassuk
kommunip allaffeqarfiata (borgmesterip) suliaq Nakkutilliisoqarfimmut nalilersortinnissaanut
ingerlateqqittussaatitaaneraa Tamanut Kiffartuussivimmit Advokatfirmaet Malling & Hansen
Dammimut nalilersoqquneqarpoq.
Aaqqiissutissatut siunnersuut – suliatigut naliliineq
Naalakkersuisut namminneq ingerlatsivimminnik nakkutilliisartut namminnerlu iliuuseqartarnikkut
taamaaliortartut aalajangersimasumillu naammagittaalliuuteqarnissamut aalajangersagaqanngitsoq
Advokatfirmaet Malling & Hansen Dammip erseqqissaatigaa.
Kommunimi aalajangersimasumi suliamik aalajangersimasumik "kikkut tamarmik"
Naalakkersuisunut misissueqqusillutik saaffiginnissuteqarsinnaammata, Kommunalbestyrelsimi
ikinnerussuteqartut allaffeqarfimmik (borgmesterimik) taamatut saaffiginnissuteqaqqusinissamut
tunngavissaqanngitsoq Advokatfirmaet Malling & Hansen Damm naliliivoq.
Ikinnerussuteqartut imaluunniit Kommunalbestyrelsimi ikinnerussuteqartut Naalakkersuisunut
suliamik misissuisitsinissartik kissaatigippassuk taamaaliuunnarsinnaapput.
Aningaasatigut sulisoqarnikkullu naliliinerit
Soqanngilaq.
Inatsisitigut tunngavissaq allakkallu tunngaviusumik uppernarsaatitallit
Kommunit aqunneqarnerat pillugu Inatsisartut inatsisaat nr. 22, 18. november 2010-meersoq
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 8
Ingerlariaqqinnissaq
Soqanngilaq.
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfik oqaaseqaateqartinneqanngilaq.
Siusinnerusukkut aalajangiineq
Aningaasaqarnermut Ataatsimiititap aalajangernera decembarip pingajuat 2015-imeersoq:
Amerlanerussuteqartut, IA aamma Demokraatit, ilisimatitsissutit tusaatissatut tiguaat.
Ikinnerussuteqartut, Siumut, inassuteqaatit tusaatissatut tigunngilaat, ikinnerussuteqartullu
kommunalebestyrelsimi ulloq 10. novembarimi ataatsimiinnermi immikkoortoq 05A pillugu
oqaaseqaataat attallugu.
Ilanngussat
1. Eqqartuussissuserisut Malling & Hansen Dammip inatsisitigut naliliinera
Kommuneqarfik Sermersooq
Kommunalbestyrelse
4. Apeqquteqaatit
.
Ulloq: 10. dec 2015
Qup. | 9
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 10
5. Aalajanngiiffigisassat
05A Destination East Greenlandip Tunumi takornariaqarnikkut
siuarsaataasumik sulianut aningaasanik atuinissaat pillugu
Aalajangiiffigisassaq
J.nr.: 64.03.02/10
Isumaginninnermut, Suliffeqarnermut Inuussutissarsiornermullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Kommunalbestyrelse 17. marsi 2015-imi aalajangerpoq, Destination East Greenlandip (DEG)
namminersortunngorsarneqarnissaanut periarfissat arlaannaanulluunniit attuumassuteqanngitsumit
misissorneqassasut (ilanngussaq 1). Tamanna tunngavigalugu ingerlatsiviup Deloitte
misissuitillugulu nalunaarusiortippaa Deloittemit nalunaarusiaq). Deloittemit nalunaarusiaq 13.
oktobari 2015-imi naammassineqarpoq. Nalunaarusiaq naapertorlugu, DEG-p
namminersortunngorsarnissaanut periarfissat ersarissarneqarput. Tamatuma saniatigut ukiuni
qaangiutereersuni kiffartuussinissamut isumaqatigiissut aqqutigalugu aningaasat DEG-mit
atorneqartut nalunaarusiatigut nassuiaatigineqarput taamaalillunilu kiffartuussinissamut
isumaqatigiissut aqqutigalugu aningaasat eqqunngitsumik atorneqartarneri inerniliunneqarlutik.
Deloittep nalunaarusiaata inernerisa kingunerisaanik, suliap ingerlariaqqinnissaa pisariaqarpoq,
taamaattumillu suliap saqqummiunneqarnerani matumani ilaatinneqarluni.
DEG-mit oqaaseqaat 23. oktobarimi Kommuneqarfik Sermersuumi tiguneqarpoq, oqaaseqaammilu
Deloittep nalunaarusiaani inernernut DEG-p akerliliissutai nassuiaaserneqarlutik. Deloitte 27.
oktobarimi oqaaseqaasiorpoq, tassani ilaatigut DEG-p akerliliissutai nalilersorneqarput.
Tamatumalu kingunerisaanik kiffartuussinissamut isumaqatigiissut aqqutigalugu aningaasat DEG-p
atugai inatsisilerinikkut Eqqartuussissuserisutut suliffeqarfik Malling & Hansen Damm
ingerlatsivimmit qinnuigineqarpoq nalilersueqqullugu.
Qulaani taaneqartut tunngavigalugit, suliap saqqummiunneqarnera una, immikkoortut
pisoqaassusai naapertorlugit agguataarneqarpoq: 1) Suliap qanoq ingerlanneqarsimaneranik
eqikkaaneq, 2) Deloittep nalunaarusiaa, 3) Deloittep nalunaarusiaanut DEG-p siulersuisuinit
akerliliissutit, 4) DEG-p siulersuisuisa akerliliissutaannut Deloittep akissuteqaatai, 5)
Eqqartuussissuserisut Malling & Hansen Dammip inatsisitigut naliliinera.
Deloittep nalunaarusiaani inerniliussat naapertorlugit, DEG-mut Tunumilu takornariaqarnerup
suliassatigut siuarsaasoqarnissaanut kommunimit aningaasaliissutit kommunip periusaanut
atatillugu, suliniutinik arlalinnik aalajangiinissamut inassuteqartoqarnissaanik tunngaviliipput.
Suliaq Isumaginninnermut, Suliffeqarnermut Inuussutissarsiornermullu Ataatsimiititap ulloq 25.
novembari 2015 ataatsimiinnerani suliarineqarpoq.
Inassuteqaat
Aningaasaqarnermut Ataatsimiititap Kommunalbestyrelsimut inassuteqaatigaa:
- DEG-p namminersortunngorsarnissaanut periarfissat pillugit Deloittep nalunaarusiaa
ilisimatitsissut tusaatissatut tiguneqassasoq,
Kommuneqarfik Sermersooq
Kommunalbestyrelse
-
-
-
Ulloq: 10. dec 2015
Qup. | 11
DEG-p siulersuisuinit oqaaseqaat, Deloittemit oqaaseqaat aammalu Eqqartuussissuserisoq
Malling & Hansen Dammimit oqaaseqaat ilisimatitsissutitut tiguneqassasut,
Kommuneqarfik Sermersooq tunngaviusumik akileeqqusisinnaagaluartoq,
kiffartuussinissamut isumaqatigiissut aqqutigalugu aningaasat eqqunngitsumik
atortarsimanerinut akileeqqusinissamut Kommuneqarfik Sermersooq suliakkiissanngitsoq,
kommune kiffartuussinissamut isumaqatigiissut isumaqatigiissuteqartarnernullu inatsit
naapertorlugit, DEG-mut uppernarsaasarnissamik sukannersumik piumasaqaateqassasoq,
taannalu tunngavigalugu aningaasaliissutaasut atortarnerinut sunniutaanullu tamakkiisumik
malinnaavigineqarnissaat siunertaralugu 2015-imi kvartalit pingajuanni sisamaannilu
kiffartuussinissatigut akiliuteqarnissamut tunngaviliisuussasoq
Tunumi takornariaqarnerup suliassatigut siuarsaasoqarnissaanut kommunimit
aningaasaliissuteqartarnermut periaatsimik nutaamik peqalernissaanut tunngaviusumik
aalajangiisoqassasoq, taamatummi aalajangiinikkut 2016-imiit aningaasaliissutit marluk
atulissapput: 1) takornariaqarnikkut paasissutissiisarnermuinnaq aningaasartuutinut
matussusiisussamik tunngaviusumik tapiissutitigut DEG peqatigalugu kiffartuussinissamut
isumaqatigiissutip aningaasaliiffiginissaanut aningaasaliissutissat, 2) aningaasaliissutissat
Isumaginninnermut, Suliffeqarnermut Inuussutissarsiornermullu Ingerlatsivimmit
aqunneqarlutik, tassanilu inuit, suliffeqarfiit peqatigiiffiillu qinnuteqarnerisa aammalu
naatsorsuutit nalunaarusiallu saqqummiutereernerisa kingorna, Tunumi takornariaqarnikkut
suliatigut siuarsaanissamut atugassanik tapiisoqarsinnaalluni,
Suliassamik saqqummiussineq
Kommunalbestyrelse 17. marsi 2015-imi aalajangerpoq, Destination East Greenlandip (DEG)
namminersortunngorsarneqarnissaanut periarfissat arlaannaanulluunniit attuumassuteqanngitsumit
misissorneqassasut (ilanngussaq 1). Tamanna tunngavigalugu ingerlatsiviup Deloitte
misissuitillugulu nalunaarusiortippaa Deloittemit nalunaarusiaq). Deloittemit nalunaarusiaq 13.
oktobari 2015-imi naammassineqarpoq. Nalunaarusiaq naapertorlugu, DEG-p
namminersortunngorsarnissaanut periarfissat ersarissarneqarput. Tamatuma saniatigut ukiuni
qaangiutereersuni kiffartuussinissamut isumaqatigiissut aqqutigalugu aningaasat DEG-mit
atorneqartut nalunaarusiatigut nassuiaatigineqarput taamaalillunilu kiffartuussinissamut
isumaqatigiissut aqqutigalugu aningaasat eqqunngitsumik atorneqartarneri inerniliunneqarlutik.
Deloittep nalunaarusiaata inernerisa kingunerisaanik, suliap ingerlariaqqinnissaa pisariaqarpoq,
taamaattumillu suliap saqqummiunneqarnerani matumani ilaatinneqarluni.
Deloittep nalunaarusiaanut akissuteqarnermi DEG-p siulersuisuinit oqaaseqaammik
nassiussisoqarpoq, oqaaseqaammilu akerliliissuteqartoqarpoq Kommuneqarfik Sermersuumi
pisortaanermut 23. oktobari 2015-imi nassiunneqartumik. DEG-p akerliliissutaanut Deloittep
akissuteqaatai oqaaseqaatinngorlugit, 27. oktobarimi ingerlatsivimmit tiguneqarput. Suliap
ilungersunartuunerata nassataanik, tamatuma kinguneranik ingerlatsivik naliliivoq, naliliinerlu
naapertorlugu Kommuneqarfik Sermersuup DEG-llu akornanni isumaqatigiissuteqarnerisa suliffiup
avataani inatsisilerituumit nalilersorneqarnissaanut ersarissaasoqassalluni, matumani Deloittep
inerniliussai ilanngullugit.
Suliap ingerlanerara tamarmi paasinissaa siunertaralugu, arlaannaanulluunniit
attuumassuteqanngitsumik nalunaarusiaq pillugu Kommunalbestyrelsip aalajangiinissaa pitinnagu,
suliap ingerlanerata nassuiaatigineqarnissaa ingerlatsivimmit nalilerneqarpoq pissusissamisoortoq.
Qulaani taaneqartut tunngavigalugit, suliap saqqummiunneqarnera una, immikkoortut
pisoqaassusai naapertorlugit agguataarneqarpoq: 1) Suliap qanoq ingerlanneqarsimaneranit
eqikkaaneq, 2) Deloittep nalunaarusiaa, 3) Deloittep nalunaarusiaanut DEG-p siulersuisuinit
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 12
akerliliissutit, 4) DEG-p siulersuisuata akerliliissutaannut Deloittep akissuteqaatai, 5)
Eqqartuussissuserisut Malling & Hansen Dammip inatsisitigut naliliinera.
1) Suliap ingerlanneqarsimanerata eqikkarneqarnera
Kommunit aqunneqarnerat pillugu Inatsisartut inatsisaat nr. 22, 18. november 2010-meersoq
naapertorlugu, kommunip aningaasaliissutaasa atorneqarneri Kommuneqarfik Sermersuumit
misissorneqartassapput. Tamatumunnga atatillugu Isumaginninnermut, Suliffeqarnermut
Inuussutissarsiornermullu Ataatsimiititap DEG arlaleriarlugu qinnuigisarpaa, kommunip
aningaasatigut tapiissutai DEG-mit atorneqartarneri pillugit nassuiaaqqullugu. Matumani DEG-p
2014-imi kvartalit aappaanni nalunaarusiaata ataatsimiititap oqaluuserisaanut
innersuussisoqarsinnaavoq, tassanilu DEG ataatsimiititamit kaammattorneqarpoq
inuussutissarsiornikkut siunnersuineq pillugu kiffartuussinissamut isumaqatigiissummi kisitsisitigut
anguniakkat qanoq angussanerai ersarissaaqqullugu. Kiffartuussinissamut isumaqatigiissutip
amigartumik malinneqarnera pillugu, aningaasanik utertitsinissamut periarfissatut
misissuisoqarnissaa ataatsimiititamit kissaatigineqarpoq (ilanngussaq 2). DEG-p 2014-imi ukiumut
nalunaarusiaa naapertorlugu, inuit 39-t inuussutissarsiorneq pillugu siunnersorneqarput, tassani
inuit 70-it missaanniittut siunertaasimallutik. 2013-imut ukiumut nalunaarusiamut atatillugu (17/11
2014-imi tiguneqartoq), nalunaarusiaq kiffartuussinissamut isumaqatigiissummi siunissami
ersarissarneqassasoq, tassa imaalillugu ukiumut nalunaarusiaq ukiumullu naatsorsuutit ataatsimut
saqqummiunneqartalernissaat ataatsimiititamit kissaatigineqarluni. Qulaani taaneqartut
tunngavigalugit, 2015-imut Kiffartuussinissamut isumaqatigiissummi DEG-mut kiffartuussinikkut
aningaasaliissutaasut ersarissarneqassapput, taakkulu pissapput DEG-p qaammatit
pingasukkaarlugit nalunaarusiaata tiguneranit taamaallaat, nalunaarusiamilu DEG-p suliai
nassuiaatigineqassallutik kiisalu DEG-p ukiumut nalunaarusiaa ukiumullu naatsorsuutai ataatsimut
saqqummiunneqassallutik kingusinnerpaamik apriilip naanerani (ilanngussaq 3).
2014-imut kiffartuussinissamut isumaqatigiissut atorlugu aningaasaliissutissanik DEG-p
qinnuteqarneranut atatillugu, Kommunalbestyrelse 27. januaari 2014-imi aalajangerpoq,
kiffartuussinissamut isumaqatigiissut aqqutigalugu aningaasat kikkut iluaqutigineraat DEG-p 2014imi juunip naanerani nassuiaateqarfigissagai, kiisalu DEG-p
namminersortunngorsarneqarnissaanut periarfissat misissorneqarnissaat aamma
aalajangerneqarluni (ilanngussaq 4). Tamatumunnga atatillugu Isumaginninnermut,
Suliffeqarnermut Inuussutissarsiornermullu Ingerlatsiviup DEG-mi pisortaq 17. juuni 2014-imi
allagaqarfigaa, allakkatigullu Kommunalbestyrelsip aalajangernera nassuiaatigineqarluni. DEG
piaartumik nassuiaateqarnissaa ingerlatsivimmit piumasarineqarpoq. DEG-p piumasarineqartoq
qisuariarfiginngilaa, tamatumalu kingorna Kommunalbestyrelse 17. marsi 2015-imi aalajangerluni,
DEG-p namminersortunngorsarneqarnissaanut periarfissat arlaannaanulluunniit
attuumassuteqangnitsumik misissuisoqassasoq.
2) Deloittep nalunaarusiaa
Deloittep nalunaarusiaa (ilanngussaq 5) naapertorlugu aningaasaateqarfiup suliaasa
tamakkiisumik ilaannakortumilluunniit namminersortunngorsarneqarnissaannut periarfissat
misissuiffigineqarput, kiisalu Kommuneqarfik Sermersuup DEG-llu akornanni kiffartuussinissamut
isumaqatigiissutaasoq naapertorlugu suliariumannittussarsiuussisoqarsimanersoq
tunniussisoqarsimanersorlu. Misissuinermittaaq DEG-p suliaata sunniutaasa uuttorneri
qulaajarneqassapput. Unammillernikkut equsoortoqartarneranut ajornartorsiutit
pakkersimaarniarlugit, DEG-mut suliassanut tapiissutitut aningaasaliissutit aammalu
pilerisaarinissamut aningaasaliissutit ersarissumik immikkoortissinnaanissaat Kommuneqarfik
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 13
Sermersuumut pingaaruteqarnerpaapput. Taamaattumik Deloittep misissuinermini sulianut
tapiissutitut aningaasaliissutit pilerisaarinermullu aningaasaliissutit immikkoortissinnaajumallugit
uppernarsateqararnissaat anguniakkanut ilaavoq.
Deloitte naapertorlugu DEG-p suliaata sunniutai uuttussallugit ajornarput, suliassaqarfimmi
paasissutissatut toqqammavigisat killeqarmata. Tamatuma saniatigut Deloittemit
erseqqissarneqarpoq, takornariaqarnerup siammasissumik nalinginnaasumillu siuarsarnissaanut
DEG-p suliatigut annertuumik suliassarigaa, aammalu toqqaannartumik sunniutai
takutikkuminaattuusut. Deloittep nalunaarusiaani takuneqarsinnaavortaaq, suliffeqarfiit
aalajangersimasut salliunneqartartut, tamatumalu kingunerisaanik takornarialerisut tamarmik
tapiissutinik assigiimmik pineqarneq ajortut.
Aammattaaq Deloittep erseqqissaatigaa, Arctic Artimut atatillugu DEG-p pilerisaarinikkut
aningaasaliissutai ukiut sisamat iluini katillugit ukiuni pingasuni amigartooruteqartarsimasut,
aammalu Kommuneqarfik Sermersuumit tapiissutit ilaat atorlugit amigartoortutinut matussusiinertut
atorneqartarsimasut, tamannalu kiffartuussinissamut isumaqatigiissummut kiisalu Inatsisartut
inatsisaannut nr. 23, 18. december 2003-meersumut naapertuutinngitsoq.
Deloitte naggasiilluni allappoq, DEG-p suliaasa namminersortutut aallartinneqarnissaat
maannakkut piffissaanngitsoq, taamaattorli siunnersuutigalugu aaqqiissutissat arlariissasut:
Delottep siunnersuutigaa, suliat ilaat atorunnaarsinneqassasut, suliat allat peqatigiiffinnut
ingerlateqqinneqassasut, pilerisaarinermut tunngasut namminersortutut aktiaatilimmut
anpartsselskabiutilimulluunniit tunniunneqassasut, kommunip tapiissuteqartarneranut atatillugu
suliniutaanerusunut tapeeriaatsimik aaqqiisoqassasoq.
Kiffartuussinissamut isumaqatigiissut aqqutigalugu aningaasaliissutit eqqunngitsumik
atorneqartarnerinut tunngatillugu inerniliinerup kingunerisaanik, suliamik aallartitsinissaq
pisariaqarsimavoq, taannalu ataani nassuiaatigineqarpoq.
3) DEG-mi siulersuisut Deloittep nalunaarusiaanut akerliliinera
Ulloq 23. oktobari 2015-imi DEG-p siulersuisui Kommuneqarfik Sermersuumut oqaaseqaammik
nassiussaqarput (ilanngussaq 6), taannalu naapertorlugu Deloittep nalunaarusiaa kukkunilittut
amigaateqartutullu nassuiaaserneqarpoq. Oqaaseqaammi akerliliissutit ataani imaapput.
Aallaqqaasiullugu oqaatigineqassaaq, Deloittemit paasissutissiissutigineqarmat, DEG-mi
pisortaqatigiit Deloittep nalunaarusiaani oqaaseqaataasimasunut naammassineqangajassimasunut
oqaaseqarfigineqarnissaanut periarfissinneqarsimasut, oqaaseqaatillu kingusinnerusukkut
allannguutitaqartinneqarlutik.
DEG-mit erseqqissaatigineqarpoq, kiffartuussinissamut isumaqatigiissut atorlugu aningaasaliissutit
pilerisaarinissamullu aningaasaliissutit kisiisa aningaasaliissutaaneq ajortut, aammali allanit
aningaasaliisoqartartoq. Matumani Grønlandsbanken, Erhvervsfonden aamma Kramer-Fonden
taaneqarput. Taamaattumik pilerisaarinermi amigartoorutit matussuserniarlugit kiffartuussinissamut
isumaqatigiissut aqqutigalugu aningaasaliissutinit Deloittemit matussusiisoqartarneranik
isumaqartoqarnera, DEG-mit akerlerineqarpoq, tamatumunnga atatillugu DEG-p erseqqissaatigaa
kapitali 4-mi "Aningaasaqarnermut takussutissami" isertitat kukkusumik naatsorsorneqarsimasut
nutaamillu takussutissamik ikkussillutik, ilaatigut tassani takuneqarsinnaalluni ukiumut 171.000
koruuninik DEG sinneqartooruteqartarsimasoq (ilanngussaq 6).
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 14
DEG-mit erseqqissaatigineqarportaaq, Deloittep nalunaarusiaani kapitali 7-mi "Pilerisaarinermut
suliassanut" tunngatillugu, akissarsianut aningaasartuutit naatsorsorneri eqqunngitsumik
nassuiaatigineqarsimasut, tassanilu takornariaqarnermut paasissutissiisarnermi sulisut
naatsorsuinermi ilaatinneqarsimanatik. Tamatuma saniatigut DEG-mit erseqqissaatigineqarpoq,
aningaasartuutit "Fragt og porto i Arctic Art" "Aningaasartuutit allat" ataannut Deloittep
ilanngussimagaa, kiisalu naatsorsuutini suliassaqarfittut immikkoortutut takussutissanngortillugu.
Tamatumunnga atatillugu DEG nutaamik naatsorsuusiorpoq (ilanngussaq 6).
DEG-mit erseqqissaatigineqarportaaq, kontup pilersaarutaanut agguagaq Deloittep
takusinnaasimagaa, tassanilu suliassanut ataasiakkaanut aningaasartuutit naatsorsorneqartarput,
taannalu naapertorlugu suliassanut ataasiakkaanut sulisunik atuisarnerup allaaserineranik
paasissutissanik soqanngitsoq Deloittep isumaqarnera DEG-mit akerlerineqarluni, Deloittep
nalunaarusiaani qupperneq 14. DEG-p erseqqissarpaa, naatsorsuusiortarnermut inatsisit malillugit
DEG-mi naatsorsuuserivik sulisartoq, taamaattumik tapiissutit qanoq atorneqartarnersut
ersarissumik nassuiaatigineqarlutik. Taamaattumik DEG-mi siulersuisut Deloittep inerniliussaanut
akerliupput, inerniliussaq ilaatigut imaammat, aningaasaateqarfiup pingaarnertut suliassai
eqqarsaatigalugit tapiissutit atortarnerinut naatsorsuutinik pissarsisinnaasimaneq ajornarsimasoq
("Tapiissutinik aningaasaliisarnermi" kapitali 9 naapertorlugu).
4) DEG-mi siulersuisut akerliliissutaannut Deloittep akissuteqaataata saqqummiunnera
Ulloq 27. oktobari 2015-imi Deloittep oqaaseqaataa ingerlatsivimmit tiguneqarpoq, tassanilu DEGp siulersuisuisa naqqeeqqusissutaat akissuteqarfigineqarlutik, (ilanngussaq 7).
Oqaaseqaat inernilerneqarpoq, DEG-p naatsorsuutai nutaat tiguneqaraluartut, ukiuni arlariinni
amigartooruteqarneq piusartoq. Tamatuma saniatigut Deloittemit erseqqissaatigineqarpoq,
naatsorsuutit tamarmik ilimagisat uppernarsarneqanngitsut naapertorlugit
tunngaveqartinneqarmata, aammalu kiffartuussinissamut isumaqatigiissut atorlugu
aningaasaliissutitigut ingerlatsinerit pilerisaarinermullu aningaasaliissutitigut ingerlatsinerit
akulerullugit ingerlanneqartarneri suli piusut. Deloittemilli naliliineq naapertorlugu, DEG-p
eqqunngitsumik kiffartuussinissamut isumaqatigiissut atorlugu aningasaliissutinik atuisarnera
ajortumik siunertaqarnani piussasoq ilimagineqarsinnaasoq. Deloittemit siunnersuutigineqarpoq,
ukiumut naatsorsuutit agguataarnissaannik piumasaqaateqartoqartalersinnaasoq,
kiffartuussinissamut isumaqatigiissut aammalu pilerisaarinermut suliassat immikkoortillugit, kiisalu
piffissamik nalunaarsuineq atorneqalissasoq, taamaalillunimi pilerisaarinermut suliassat
kiffartuussinissamullu isumaqatigiissutitigut suliassat ersarinnerusumik
takuneqarsinnaalissammata.
Amigartoorutit allat aningaasaliissuteqarnerisigut (Grønlandsbanken, Erhvervsfonden aammalu
Kramer-Fonden) matussusiisarnermut DEG-p oqaaseqaataanut atatillugu, tapiissutitut
aningaasaliissutit pillugit paasissutissat Deloittemit pissarsiarineqarput. Deloitte naapertorlugu,
tapiissutitut aningaasaliissutit aalajangersimasunut siunertanut atorneqartussanngorlugit
aningaasaliissutaasarput. Taamaattumik pilerisaarinermut tunngasutigut
amigartooruteqartoqassappat, kiffartuussinissamut aningaasaliissutitigut ingerlatsineq
aqqutigalugu aningaasaliisoqartarnissaanik naatsorsuuttariaqarpoq.
Deloittep nalunaarusiaani inerniliussat innersuussutillu attanneqarput, matumani tapeeriaatsinut
assigiinngitsunut tunngasut ilanngullugit.
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 15
5) Eqqartuussissuserisut Malling & Hansen Dammip inatsisitigut naliliinera
Ingerlatsivik sinnerlugu Eqqartuussissuserisut Malling & Hansen Damm inatsisitigut naliliivoq,
suliaq qulaani pineqartoq nalilerneqarluni, matumani kiffartuussinissamut isumaqatigiissut atuuttoq
naapertorlugu siunertaanngitsunut aningaasaliissutit atorneqarsimanersut ilanngullugit, kiisalu
suliat isumaqatigiissutitigut nalunaarusiortarnikkullu sukumiisumik Kommuneqarfik Sermersooq
piumasaqaateqarsinnaanersoq ilanngullugu (ilanngussaq 8). Oqaaseqaammi naliliinermut
tunngaviusumik aallaavigineqartoq tassaavoq, kiffartuussinissamut aningaasaliissutit DEG-mut
tapiissutaanngitsut, kisiannili Kommuneqarfik Sermersooq sinnerlugu DEG-p sulitinneqartarneranut
atugassat, taannalu kiffartuussinissamut isumaqatigiissutip quppernerani siullermi
takuneqarsinnaavoq.
Inerniliineq naapertorlugu, kiffartuussinissamut isumaqatigiissut atorlugu aningaasaliissutit
pilerisaarinermullu aningaasaliissutit immikkut naatsorsuutitigut suliarineqartassasut.
Inerniliunneqarportaaq kommunip aningaasaliissutigisai tunngaviusumik Kommuneqarfik
Sermersuup uterteqqusinnaagai, ilaatigut aningaasaliissutit kiffartuussinissamut isumaqatigiissut
naapertorlugu siunertamut atorneqarsimanngippata. Innersuussutigineqarporli marlunnik
peqquteqartumik tamanna malinneqarsimanngitsoq: 1) Aningaasaliissutit amerlassusaat sulianut
naleqqiullugit utertitsisoqassappat aningasartai sukumiisumik uppernarsaatitaqartinneqassasut. 2)
Naliliineq naapertorlugu DEG ajunngitsumik siunertaqarluni iliuuseqarsimavoq.
Kommuneqarfik Sermersuup DEG-llu akornanni isumaqatigiissutip nalilerneranut atatillugu,
ilanngullugu inerniliunneqarpoq kiffartuussinissamut isumaqatigiissut naapertorlugu DEG-p
suliassatut ingerlatai pillugit Kommuneqarfik Sermersooq paasissutissanik sukumiisunik
piniarsinnaatitaasoq, matumani suliassat ataasiakkaat sukumiisumik nalunaarusiortarnerinut
tunngasut ilanngullugit.
Aaqqiissutissatut siunnersuut – suliatigut naliliineq
Deloittep nalunaarusiaa naapertorlugu takuneqarsinnaavoq, DEG ukiuni 2011-mi, 2013-imi 2014imilu aningaasanik atuisimasoq, ilaatigut DEG-p pilerisaarinermut suliassatigut amigartoorutit
matussuserniarlugit kiffartuussinissamut isumaqatigiissut atorlugu kommunip aningaasaliissutai
matussusiinermut atorneqartarsimallutik. Tamanna Deloittep nalunaarusiaani kapitali 7-mi
allaaserineqarpoq, pissutsillu arlallit 385.707,- koruuninik naatsorsuineq naapertorlugu
atorneqarsimassangatinneqarlutik. Taamatut iliuuseqarneq kiffartuussinissamut
isumaqatigiissutaasimasumut maannalu atuuttumut naapertuutinngilaq, matumani ilanngullugu
Inatsisartut inatsisaat nr. 23, 18. december 2003-meersoq. Kiffartuussinissamut isumaqatigiissut
atorlugu aningaasaliissutaasut eqqunngitsumik atorneqarsimaneri pillugit Kommuneqarfik
Sermersooq DEG-mut utertitseqqusissuteqarsinnaatitaavoq (takuuk Inatsisartut inatsisaat nr. 23,
18. december 2003-meersumi § 14), ingerlatsiviullu naliliinera naapertorlugu 100.000 aamma
400.000 koruunit missaanniissangatinneqarlutik. Utertitseqqusisoqassappat DEG-p
naatsorsuutaani naatsorsuinermut ilanngussat ataasiakkaat naapertorlugit taamaallaat
suliassanngortitsisoqarsinnaavoq, taakkulu ataasiakkaarlugit misissorneqareersimassallutik
nalilerneqareersimassallutillu. Taamatut misissuineq aningaasartuuterpassuarnik
nassataqartussaammat, DEG-lu ajortumik siunertaqarani iliuuseqarsimanera naatsorsuutigalugu,
innersuussutigineqarpoq DEG utertitseqquneqassanngitsoq.
Eqqunngitsumik aningaasaliissutinik atuineq pillugu Deloittep nalunaarusiaani inerniliussat
innersuussutigalugit, innersuussutigineqassaaq kiffartuussinissamut isumaqatigiissut
isumaqatigiissusiortarnermullu inatsit naapertorlugit, DEG uppernarsaasiortarnissamik
sukannersumik piumaffigineqassasoq, taanna tunngavigalugu 2015-imi kvartalit pingajuanni
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 16
sisamaannilu kiffartuussinissamut aningaasaliinissamik toqqammaviliissaaq. Taamaaliornikkut
atuineq sunniutaalu malinnaavigineqarsinnaapput. Taamaalilluni qaammatit pingasukkaarlugit
nalunaarusiortarnerni uppernarsaatinik ilanngussisoqartarnissaanik
piumasaqaateqartoqartalissaaq, uppernarsaatinilu kiffartuussinissamut isumaqatigiissut atuuttoq
naapertorlugu aningaasartuutit isumaqatigiissutitigut matussuserneqartarnissaannik
takussutissiissaaq. Pisariaqassappat qaammatit kvartalit sisamaasut iluini, DEG-p suliaanut
aningaasartuutaanullu ukiup qanoq ilinerata qanoq sunniuteqarfiginerai nassuiaasiorsinnaavoq.
Kvartalimi pineqartumi suliamut aningaasartuutaasumullu tunngatillugu uppernarsaanikkut DEGmut aningaasaliisarneq pisinnaalluni. Naliliineq naapertorlugu, uppernarsaasiortoqartarnissaanut
piumasaqaatit Kommuneqarfik Sermersuumit atorunnaarsinneqarsinnaapput kiffartuussinissamut
isumaqatigiissummi aalajangersakkat takukkit (pingaartumik § 1, § 3.3, § 3.4, § 3.5 aamma § 5.2)
aammalu isumaqatigiissuteqartarnermut inatsit, naliliineq Eqqartuussissuserisut Malling & Hansen
Dammimit uppernarsarneqarput (ilanngussaq 8).
DEG-lu suleqatigiittarnermit misilittakkat tunngavigalugit, kiisalu ajornartorsiutaasut qulaani
taakkartorneqartut ilanngullugit, ingerlatsivimmit innersuussutigineqarpoq Kommuneqarfik
Sermersooq Tunumi takornariaqarnikkut siuarsaanissamut aningaasaliisassasoq.
Innersuussutigineqarpoq tunngaviusumik aalajangertoqassasoq, ilaatigut 2016-imi
aningaasaliissutit marlunnut agguataarneqassasut: 1) tunngaviusumik tapiissuteqarnikkut DEG-lu
kiffartuussinissamik isumaqatigiissutitigut aningaasaliissut, tassuunakkut takornariaqarnermi
paasissutissiisarnermut taamaallaat atorneqartussanngorlugit, 2) tapiissutitut aningaasaliineq
taannalu Isumaginninnermut, Suliffeqarnermut Inuussutissarsiornermullu Ingerlatsivimmit
aqunneqassaaq, Tunumi takornariaqarnikkut siuarsaanissamut inuit, suliffeqarfiit peqatigiiffiillu
qinnuteqarnerisa kingorna tapiissuteqartoqartarsinnaalluni. Innersuussutigineqarpoq DEG kisiat
periarfissinneqassanngitsoq aammali allat qinnuteqartarsinnaasut, takornariaqarnerup
siuarsarneqarnissaa eqqarsaatigalugu, aammalu DEG-p namminersortunngorsarneqarnissaanut
ineriartortitsinissaq eqqarsaatigalugu. Tunngaviusumik aalajangertoqassappat, tamatuma kingorna
Isumaginninnermut, Suliffeqarnermut Inuussutissarsiornermullu Ataatsimiititamut
atuuttussanngorlugu inassuteqartoqassaaq, matumani Tunumi takornariaqarnerup
siuarsarnissaanut kommunip tapiisarnera siunissami qanoq issarnersoq pillugu, matumani
Kommuneqarfik Sermersuup DEG-llu akornanni 2016-imi kiffartuussinissamut
isumaqatigiissutissaattut siunnersuut ilanngullugu.
Aningaasatigut sulisoqarnikkullu naliliinerit
Ukioq manna allanngortoqarnissaa ilimagineqanngilaq. 2016 aallarnerfigalugu Tunumi
takornariaqarnerup siuarsarneqarnissaanut siunnersuutigineqartutut aningaasaliissutissat
allaffissornikkut isumagineqarnissaannut sulisunik amerlanerusunik Isumaginninnermut,
Suliffeqarnermut Inuussutissarsiornermullu Ingerlatsivik atuinissaa ilimanaateqarsinnaavoq,
tamannalu Tunumi takornariaqarnerup siuarsarneqarnissaanut kommunip tapiisarneranut nutaamik
periuseqartoqarnera pillugu kingornagut suliamik saqqummiussassaliornikkut
paasissutissiissutigineqassaaq.
Inatsisitigut tunngavissaq allakkallu tunngaviusumik uppernarsaatitallit
Kommuneqarfik Sermersooq (KS) aamma Destination East Greenland (DEG) akornanni
kiffartuussinissamik isumaqatigiissut.
Kommunit inuussutissarsiutini il.il. aningaasaliinermikkut inuussutissarsiutinik
ineriartortitseqataanissaminnut periarfissaat pillugit Inatsisartut Inatsisaat nr. 23, 18. december
2003-meersoq.
Kommunit aqunneqarnerat pillugu Inatsisartut inatsisaat nr. 22, 18. november 2010-meersoq.
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 17
Ingerlariaqqinnissaq
Inassuteqaat ataatsimiititamit akuersissutigineqassappat, suliap saqqummiunneqarnerani
inassuteqaatigineqartutut annertussusillit taakkulu tunngavigalugit kvartalit pingajuannut
sisamaannullu tunngatillugu kiffartuussinikkut aningaasaliisoqassaaq. Tunumi takornariaqarnerup
siunissami siuarsarneqarnissaanut kommunip aningaasaliisarnera pillugu ingerlatsivik
Isumaginninnermut, Suliffeqarnermut Inuussutissarsiornermullu Ataatsimiititamut
siunnersuusiussaaq, matumani Kommuneqarfik Sermersuup DEG-llu akornanni 2016-imut
kiffartuussinissamik isumaqatigiissusiornissaannut siunnersuut ilanngullugu suliarissavaa.
Aningaasaqarnermut Allatseqarfimmit oqaaseqaatit
Aningaasaqarnermut allatseqarfiup siunnersuussutigineqartoq innersuussutigaa aamma
siunissami pisariaqarpoq pitsaanerusumik misissuisoqartarnissaa DEG-mut
aningaasat atorneqartussat kommunimit akiliunneqarnerisigut.
Siusinnerusukkut aalajangiineq
Aningaasaqarnermut Ataatsimiititap aalajangernera decembarip pingajuat 2015-imeersoq:
Aningaasaqarnermut Ataatsimiititap inassuteqaatit 1-imiit 4-mut kiisalu inassuteqaat 6 akuerai.
Inassuteqaat 5imut:
Oqaaseqaatigalugu:
Aningaasaqarnermut Ataatsimiititap inassuteqaatit akuerai oqaaseqaatigalugu, takornariaqarnikkut
suliatigut siuarsaanissamut aningaasaliissutissat Isumaginnermut, Suliffeqarnermut
Inuussutissarsiornermullu Ingerlatsivimmit aqunneqarallassasut, Ineriartornissamut
Piujuaannartitsinissamullu Allatseqarfik pilersinneqarpat, suliat attuumassutilinnit arlalinnit
suliarineqartartut qulaajarneqarnerannut atatillugu aammalu suliassat sumut inissinneqartarnerat
pillugit qulaajaasoqareerpat aqunneqarallarnera naliliifigineqassaaq.
Suliaq pillugu:
Oqaaseqaatigalugu, Kommunalbestyrelsimi oqaluuserineqannginnerani Isumaginninnermut,
Suliffeqarnermut Inuussutissarsiornermullu Ingerlatsivimmit amigartoorutaasut
uppernarsarneqaqqaassasut.
Isumaginninnermut, Suliffeqarnermut Inuussutissarsiornermullu Ataatsimiititap aalajangernera 25.
novembari 2015-imeersoq:
Ataatsimiititaliap inassuteqaatit akuersissutigai, aamma
Suliaq Aningaasaqarnermut Ataatsimiititamut Kommunalbestyrelsimullu i
aalajangiiffigisassanngorlugu ingerlatinneqassasoq.
Ilanngussat
1. Kommunalbestyrelsip 17. marsi 2015-imi ataatsimiinneranit suliap takussutissartaa
2. Isumaginninnermut, Suliffeqarnermut Inuussutissarsiornermullu Ataatsimiititap 11. aggusti 2014imi ataatsimiinneranit suliap takussutissartaa
3. Kiffartuussinissamut isumaqatigiissut 2015
4. Kommunalbestyrelsip 27. januaari 2014-imi ataatsimiinneranit suliap takussutissartaa
5. Deloittep nalunaarusiaa ”Destination East Greenland - Namminersortunngorsaanissamut
periarfissat, oktobari 2015”
6. Deloittep nalunaarusiaa pillugu DEG-p siulersuisuanit oqaaseqaatit
7. DEG-p siulersuisuata oqaaseqaataanut Deloittep oqaaseqaataa
8. Eqqartuussissuserisut Malling & Hansen Dammip inatsisitigut naliliinera
9. DEG-p sinaakkutissatut piumasaqaatai pillugit ilassutitut tunuliaqutitut oqaaseqaatit
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 18
6. Immikkoortut matoqqasut
06A Carl Egedip Aningaasaateqarfia aamma Augo Lyngemut
eqqaaniutitut aningaasaateqarfik
Legatimik tunineqartussatut innersuussutit
Ilisimatitsissut
J.nr.: 05.01.05 / 05.01.06
Borgmesterip Allatseqarfia – pisortaq Marie Fleischer / MFLE
Kommuneqarfik Sermersooq
Kommunalbestyrelse
Ulloq: 10. dec 2015
Qup. | 19
06B Viking Greenland A/S-ip akiliisinnaajunnaarnerata
kingunerisaanik patajaallisaanissamut kommunimit
suliniuteqarnissap aallartisarneqarnera
Ilisimatitsissut
J.nr.: 06.02.01
Aningaasaqarnermut Sulisoqarnermullu Kiffartuussivik – pisortaq Lars Møller-Sørensen / LMS
Kommuneqarfik Sermersooq
Kommunalbestyrelse
7. Taasariaqartut allat
Ulloq: 10. dec 2015
Qup. | 20
Kommuneqarfik Sermersooq
Kommunalbestyrelse
8. Imaqarniliap akuerineqarnera
Ulloq: 10. dec 2015
Qup. | 21
© Copyright 2025