1. No category

Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Saqqaa
Sanarfinermut Avatangiisinullu
Ataatsimiititaq
Oqaluuserisassanut
Marlunngorneq ulloq 7. feburaari 2017 nal. 14.00
Ilaasortat
Ado Holm (IA)
Pipaluk Lynge (IA)
Justus Hansen (D)
Tim Serritzlev (S)
Vittus Mikaelsen (S)
Ataatsimeeqataasinnaanatik nalunaartut
Ado Holm (IA)
Sinniisussatut aggersakkat
Storm Ludvigsen (IA)
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 2
Oqaluuserisassat
1. Oqaluuserisassat akuerineqarnerat............................................................................................. 3
2. Nalunaarutit ................................................................................................................................ 4
02A Siulittaasumit ........................................................................................................................... 4
02B Ingerlatsivimmit ........................................................................................................................ 4
3. Ilisimatitsissutit ............................................................................................................................ 5
4. Aalajanngiiffigisassat................................................................................................................... 6
04A Sanaartorfissaq 12 Illoqarfiup ilaanut pilersaarusiorfimmi 4A2-2-mi, Taqissorfik ...................... 6
5. Suliassat Aningaasaqarnermut ataatsimiititami aamma Kommunalbestyrelsimi
aalajangiiffigisassat ......................................................................................................................... 8
05A Kommunimut pilersaarut 2028 ................................................................................................. 8
05B Kommunip pilersaarutaanut tapiliussamut siunnersuut 3A6-1, Qasigiannguit, Nuuk .............. 11
05C Kommunimut pilersaarummut tapiliussaq 20B5-1, Paamiuni Inuussutissarsiuteqarfik
Umiarsualivillu ............................................................................................................................... 14
6. Immikkoortut matoqqasut .......................................................................................................... 17
06A Kapisilinni B-711-imik tunisineq ............................................................................................. 17
06B Qeqertani umiarsualiviup ineriartortinnera, Nuuk ................................................................... 17
7. Taasariaqartut allat ................................................................................................................... 18
8. Imaqarniliap akuerineqarnera.................................................................................................... 18
Kommuneqarfik Sermersooq
Sanarfinermut Avatangiisinullu Ataatsimiititaq
1. Oqaluuserisassat akuerineqarnerat
Ulloq: 7. feb. 2017
Qup. | 3
Kommuneqarfik Sermersooq
Sanarfinermut Avatangiisinullu Ataatsimiititaq
2. Nalunaarutit
02A Siulittaasumit
02B Ingerlatsivimmit
Ulloq: 7. feb. 2017
Qup. | 4
Kommuneqarfik Sermersooq
Sanarfinermut Avatangiisinullu Ataatsimiititaq
3. Ilisimatitsissutit
Soqanngilaq
Ulloq: 7. feb. 2017
Qup. | 5
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 6
4. Aalajanngiiffigisassat
04A Sanaartorfissaq 12 Illoqarfiup ilaanut pilersaarusiorfimmi 4A2-2-mi,
Taqissorfik
Aalajangiiffigisassaq
Jnr: 18.01/4A2-2
Sanarfinermut Avatangiisinullu Ingerlatsivik – pisortaq Mike Jakob Kristiansen / MJKR
Suliassamik eqikkaaneq
Shalmi A/S nunaminertamik atugassinneqarnissamik immikkut ittumik akuersissuteqarfigeqqulluni
qinnuteqaateqarpoq, inissianik quleriinnik 12-inik inissiartalimmik sanaartorfissami 12-imi,
Illoqarfiup ilaanut pilersaarusiorfiusumi 4A2-2, Taqissorfik, Qinngorput, inissisimasumi. Illoqarfiup
ilaanut pilersaarusiorfimmi inissiat 6-9, 3-4 -nik quleriillit sanaartorfissami pineqartumi
sananeqarsinnaapput.
Inassuteqaat
Sanarfinermut Avatangiisinullu Ingerlatsiviup Sanarfinermut Avatangiisinullu Ataatsimiititamut
inassuteqaatigaa:
-
-
Illoqarfiup ilaanut pilersaarusiorfimmi 4A2-2, Taqissorfik immikkut ittumik
akuersissuteqartoqassasoq § 3.3.” Sanaartorfissat B inissianik 6-9 sanaartorfissatut
immikkoortinneqarput.” inissiallu 12-it sananeqarsinnaatitaapput.
Piumasaqaatigineqassasoq, sanaartorfissaq B-mi piumasaqaatigineqartut saniatigut biilinut
inissiisarfiit pingasunik ilaneqassasut.
Suliassamik saqqummiussineq
Shalmi A/S nunaminertamik atugassinneqarnissamik immikkut ittumik akuersissuteqarfigeqqulluni
17. novembari 2016 qinnuteqaateqarpoq, inissianik quleriinnik 12-nik inissiartalimmik
sanaartorfissami 12-mi, Illoqarfiup ilaanut pilersaarusiorfiusumi 4A2-2, Taqissorfik, Qinngorput,
inissisimasumi.
Inissiat amerlassusii illoqarfiup ilaanut pilersaarusiorfiusumi atuuttumi, sanaartornermi ataatsimi
inissiat pingasuusussaanerannit inissialiassatut piumasarineqartunit amerlanerupput.
Sanaartornissami sanaartorfissami quleriit amerlassusissaat malinneqarpoq, imaappoq illoqarfiup
ilaanut pilersaarusiorfimmi akuerineqartut saniatigut inissiat anginerit ikinnerit pineqarput,
akerlianillu inissiat mikinerit amerlanerusut sananeqassallutik. Illoqarfiup ilaanut
pilersaarusiorfiusumi piumasaqaatigineqartut naapertorlugit silataasa uuttuutaat
allanngussanngillat.
Suliaq eqqaamiunut tusarniaassutigineqarnikuuvoq, erseqqissaatigineqarluni, inissialiassat
amerlassusii qinnuteqaatigineqartut kisimik, illoqarfiup ilaanut pilersaarusiorfiusumut kisimik
naapertuutinngitsuusut.
Aaqqiissutissatut siunnersuut – suliatigut naliliineq
Sanaartorneq illoqarfiup ilaanut pilersaarusiorfiusumut, quleriit qassiunissaanik
aalajangersakkanut, illup portussusissaanut sanaartorfissallu angissusianut naapertuutissaaq.
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 7
Ingerlatsiviup nalilerpaa, qinnuteqaatigineqartoq sumiiffimmi inissianik angisuunnik 9-nik
sananissamit mikisunik 12-nik sanasoqarneratigut najugallit malunnartumik
amerleriaateqarnissaanik kinguneqassanngitsoq.
Illoqarfiup ilaanut pilersaarusiorfiusumi inissiat amerlassusaannut naleqqiullugu biilinut
inissiisarfissat amerlassusissaannik piumasaqaatit suliassami qulakkeerneqarpoq.
Suliamut matumunnga assingusumi 2008-meersumi immikkut ittumik
akuersissuteqartoqarnikuuvoq, sanaartorfissaq 11-mi inissianik arfinilinnik
sanaffigineqarsinnaasunngorlugu, illoqarfiup ilaanut pilersaarusiorfiusumi sanaartorfissaq 11-mi
inissiat 2-4-nik amerlassuseqarnissaannik piumasaqaateqartoqaraluartoq taamanikkut
piumasqaatigineqarmat, sanaartorfissap angissusia inissiallu amerlassusissaat
allannguuteqartinneqassanngitsut.
Aningaasaqarnikkut sulisoqarnikkullu naliliinerit
Soqanngilaq
Inatsisitigut tunngavissaq allakkallu tunngaviusumik uppernarsaatitallit
Kommunimut pilersaarummut tapiliussaq: 4A2-2, Taqissorfik.
Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17.
november 2010-imeersoq.
Sermersooq2024.gl (Kommunimut pilersaarut)
Illuliortaatsimut politikki 2016
Ingerlariaqqinnissaq
Suliaq Sanarfinermut Avatangiisinullu Ataatsimiititami aamma Aningaasaqarnermut Ataatsimiititami
eqqartorneqassasoq. Tamatuma kingornagut aalajangerneq Nunaminertanut Illuliornermullu
Oqartussaasunit qinnuteqaateqartumut tusarniaaffigineqartunullu nalunaarutigineqassaaq.
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfimmit oqaaseqaatinik pissarsiniartoqanngilaq.
Innuttaasunik peqataatitsineq/attaveqaqatigiinneq
Suliaq eqqaamiorisanut tusarniaassutigineqarnikuuvoq, piffissamilu 16. decembarimiit 3. januaarip
tungaanut tusarniaasoqarnerani akerliliissutinik tigusaqartoqarnikuunngilaq. Kingusinnerusukkut
tusarniaanermut akissuteqaatit 21. januaari aamma 30. januaari tiguneqarput. Piffissaliunneqartoq
qaangiutereersoq tiguneqarnerat pissutigalugu ilaatinneqassanngillat.
Ingerlatsivinnit allanit oqaaseqaatit
Soqanngilaq
Ilanngussat
1. Nunap assinga 2 Sanaartorfissat normui Illoqarfiup ilaanut pilersaarut 4A2-2 Taqissorfik
2. Sanaatorfissaq 12 pilersaarusiornera
3. Sanaartorfissaq 12 takussutissartaa
4. Sanaartorfissaq 12 takussutissartaa
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 8
5. Suliassat Aningaasaqarnermut ataatsimiititami aamma
Kommunalbestyrelsimi aalajangiiffigisassat
05A Kommunimut pilersaarut 2028
Kommuneqarfik Sermersuumut Kommunimut pilersaarut 2028
Aalajangiiffigisassaq
J.nr.:1804
Sanarfinermut Avatangiisinullu Ingerlatsivik – pisortaq Mike Jakob Kristiansen / MJKR
Suliassamik eqikkaaneq
Sanarfinermut Avatangiisinullu Ingerlatsiviup, kommunimut pilersaarummut iluarsiissutitut
siunnersuut, Kommuneqarfik Sermersooq tamakkerlugu atuuttussaq, suliaraa.
Siunnersuut ilaatigut kommunimut pilersaarutip atuuttup iluarsinerivaa, 2015-imut
Pilersaarusiornermut periusissami aalajangerneqartutut, aammalu kommunimut pilersaarutip ukiut
sisamakkaarlugit nutarterneqartarnissaanut atatillugu. Kommunimut pilersaarummut nutaatut
siunnersuut qarasaasiakkut uani takuneqarsinnaavoq: http://sermersooq2028.odeum.com/
Inassuteqaat
Sanarfinermut Avatangiisinullu Ingerlatsiviup Sanarfinermut Avatangiisinullu Ataatsimiititamut
inassuteqaatigaa:
- Sanarfinermut Avatangiisinullu Ataatsimiititamit kommunimut pilersaarut
akuersissutigineqassasoq
- Sanarfinermut Avatangiisinullu Ataatsimiititamit siunnersuut akuersissutigineqartoq
Aningaasaqarnermut Ataatsimiititamut Kommunalbestyrelsimullu
akuersissutigisassanngorlugu ingerlateqqinneqassasoq
Suliassamik saqqummiussineq
Sanarfinermut Avatangiisinullu Ingerlatsivik Kommuneqarfik Sermersuumut nutaamik kommunimut
pilersaarusiorpoq, pilersaarusiortarneq nunaminertanillu atuineq pillugu Inatsisartut inatsisaat nr.
17, 17. november 2010-meersoq naapertorlugu.
Kommunimut pilersaarummut siunnersuut nutaaq, ukiuni sisamani kingullerni kommunimut
pilersaarummut tapiliussami allannguutit aqqutigalugit suliaavoq, taamalu iluarsagaallunilu
nutartigaavoq. Kommunimut pilersaarutip nutarternerani arlalialunnik allannguisoqarpoq,
nutarterisoqarpoq aamma immikkoortut ilaannut ilanngussisoqarpoq.
Pilersaarusiornermi toqqammavigineqartoq pioreersoq aallaavigalugu (Kommunimut pilersaarut
2024), immikkoortut ilaasa atorneqarnissaa nunaminertanillu akuersissuteqarnermut tunngasuni,
kommune tamakkerlugu assigiinnik malittarisassaqartoqarnissaa qulakkeerniarlugu
allaqqinneqarput iluarsartuunneqarlutillu.
Kommunimut pilersaarummi immikkoortut ataasiakkaat assigiinngitsukkuutaanik
allannguiffigineqarput:
- Nutarterinermut atatillugu pingaarnertut ilutsimi oqaaseqatigiit aaqqissorneqarput
kingunerisassallu iluarsaanneqarlutik.
Pilersaarusiornermi tunngaviit pioreersut aallaavigalugit, nunaminertanik atugassiinermi
aalajangersaanikkut allaqqiisoqarpoq aaqqiisoqarlunilu inatsimmi piumasaqaatit
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 9
ingerlatseriaatsillu tunngavigalugit, qularnaarniarlugu kommunimi tamarmi nunaminertanik
qinnuteqartoqartillugu sullissinermi assigiinnik malittarisassaqarnissaq.
- "tunngaviusumik aalajangersakkat" nutaat nutartikkat, immikkoortut ilaanni tamani tamanut
aalajangersakkatut naliginnaasutut atuuttussatut ilanngunneqarput,
illoqarfinnut/nunaqarfinnullu aammalu nunaannarmut atuuttut.
- immikkoortut ilaanni 444ni aalajangersakkat pingaarnerit sukumiisumik misissorneqarput.
Aalajangersakkat suuneri najoqqutaralugit tamangajammik suliaapput - imaappoq,
assigiissakkanik oqaasertalersorneqarput, assigiissakkanik malittarisassaqarnissaq
qulakkeerniarlugu, kisianni inoqarfiit kommunimilu sumiiffiit assigiinngitsut ataqqillugit.
Pilersaarutip nutarnerata nalaani aamma saqqaa ilusaalu qarasaasiakkut sukumiisumik
naleqqussarneqarlunilu nutarterneqarpoq.
Kommunimut pilersaarut kommunalbestyrelsimit, piffissami 21.10.2016 - 16.12.2016, sapaatipakunnerini arfineq-pingasuni tamanut tusarniaassutigineqarpoq. Piffissaq eqqorlugu
tusarniaassummut akissutit 72-it tunniunneqarput, ataaserlu piffissaliussaq qaangiutereersoq
tunniunneqarluni. Tusarniaassumut akissutit tamarmik suliassamik saqqummiussami
ilanngunneqarput.
Tusarniaassummut akissutini 65it tamarmik Nuummi najugaqarfinni umiatsianik inissiinissamut
tunngasuupput, amerlanerillu atsiornernik katersinertut isikkoqarlutik. Taakkunani
peqqutigineqartut amerlanerit katillugit tallimaasuni ataatsimik arlalinnilluunniit peqquteqartarput.
Tamanna pillugu akerliliissutit ataatsimoortillugit suliariniarlugit ingerlatsivik aalajangerpoq,
akerliliisunut tallimanik qulequtalinnik akissuteqartoqartarluni.
Qulequttat tallimat tassaapput:
1. Maannakkut susoqassava?
2. Isumannaallisaaneq, najukkamit umiatsiaq nakkutigineqarsinnaassammat
3. Kulturimik piujuartitsinissamut tunngasoq
4. Umiatsiaatillit ataasiakkaat aningaasaqarniarnerat
5. Kommunimi illoqarfinnut najugaqarfinnullu allanut sanilliullugu immikkoortitsineq
Tamatuma saniatigut Nuummi sanaartorfissat allallu eqiteriffiusuni immikkoortut pillugit
tusarniaassummut akissuteqaatini apeqqutigineqarput. Tassunga atatillugu ingerlatsivimmit
inassutigineqassaaq, pingaartumik Qinngutsinni eqiterinissamut atatillugu, immikkoortumut
ineriartuutaasussamik, tulluarsaanissamut periusissiaqarnissamik periarfissanik
misissuisoqassasoq.
Tusarniaassummut akissutissat allat nunaminertamik atugassiisarnermut periutsimut
tunngasuupput, allanneranullu allannguutissasut siunnersuutit, Nuna Tamakkerlugu
Pilersaarusiornermut immikkoortortaqarfiup allannguutissatut siunnersuutissai ilanngullugit,
aalajangersakkamut iluarsiissutigineqassapput.
Aaqqiissutissatut siunnersuut – suliatigut naliliineq
Sanarfinermut Avatangiisinullu Ingerlatsiviup kommunimut pilersaarutitut nutaatut siunnersuutip
pilersaarusiornissamut, sanaartugassanik suliarinnittarnermut nunaminertanillu atuinissamik
qinnuteqaatit suliarineqartarnerinut pitsaanerusumik nutartikkamillu toqqammavissaqalissasoq
nalilerpaa.
Kommunimut pilersaarutip atuuffiani matumani najugaqarfinni umiatsianik inissiinissamut
ikaarsaariarnermut tunngasumik ilanngussisoqarnissaa ingerlatsivimmit inassutigineqarpoq.
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 10
Taamaalilluni aaqqissutit allat pilersinneqarsinnaapput misilerarneqarlutillu, taamalu
tusarniaassummut akissutini ernumassutaasut arlallit aaqqiissuteqarfiginiarneqassapput.
Pingaartumik najugaqarfiit imminnut qanittunik pukkitsunillu sanaartorfissanik pilersitsinissaq
siunertaralugu Nuummi Qinngutsinni eqiterarfiusumi periusissiornissaq ingerlatsivimmit
inassutigineqarpoq.
Aningaasaqarnikkut sulisoqarnikkullu naliliinerit
2028-imut Kommunimut pilersaarut toqqaannartumik kommunimit aningaasartuutigineqarnissaanut
pissutissaqanngilaq, kommunip ingerlaavartumik pilersaarusiortarneranut ilaatinneqarmat.
Inatsisitigut tunngavissaq allakkallu tunngaviusumik uppernarsaatitallit
Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17.
novembari 2010-meersoq
Ingerlariaqqinnissaq
Pilersaarut Kommunalbestyrelsimit inaarutaasumik akuersissutigineqareerpat tamanut
nalunaarutigineqassaaq.
Inatsisartut inatsisaat nr. 17 § 25, imm. 4 malillugu piffissaliussaq sap. ak. aqqaneq-marlunnik
sivisussuseqarpoq, taannalu maleruarneqassaaq kommunalbestyrelsimit pilersaarutip tamanut
nalunaarutigineqarnissaanut inaarutaasumik akuersissutigineqarneraniit.
Inatsisartut inatsisaat nr. 17 § 25 , imm. 2 naapertorlugu kommunimit kommunimut pilersaarutip
tamanut saqqummiunneqartoq attuumassuteqartunut pisortanut oqartussanut kiisalu
Namminersorlutik Oqartussani naalakkersuisunullu, taakkulu ataaniittunut, nassiunneqassaaq.
Pilersaarut inaarutaasoq tamanut saqqummiunneqassaaq nittartakkami www.sermersooq2028.gl
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfik suliamut oqaaseqaatissaqanngilaq, kommunimut
pilersaarummik suliaqarneq Sanarfinermut Avatangiisinullu Ingerlatsiviup ingerlaavartumik
pilersaarusiortarneranut ilaatinneqarmat.
Innuttaasunik peqataatitsineq/attaveqaqatigiinneq
Kommunimut pilersaarummut siunnersuut piffissami 21. oktobari – 16. decembari 2016 sapaatipakunnerini arfineq-pingasuni tusarniaassutigineqarpoq.
Sanarfinermut Avatangiisinullu Ingerlatsivik aamma suliatigut soqutigisalinnut (titartaasartut,
ineriartortitsisartut (developere) siunnersortillu allat) immikkut ittumik ataatsimiititsivoq,
nittartakkamik nutaamik misiliinissaq kiisalu maanna atuuttumi kommunimut pilersaarummi
allannguutit pingaarnersaat pillugit paasisitsiniaanissaq siunertaralugu.
Ilanngussat
1. Akerliliissutit suliarineqarneri (Ilanngussaq 1. kingusinnerusukkut nassiunneqassaaq)
2. Akerliliissutit
3. http://sermersooq2028.odeum.com/
4. Kommunimut pilersaarut 2024-p allannguutaanik eqikkaaneq (Nassuiaat)
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 11
05B Kommunip pilersaarutaanut tapiliussamut siunnersuut 3A6-1,
Qasigiannguit, Nuuk
Aalajangiiffigisassaq
J.nr.: 06.03
Sanarfinermut Avatangiisinullu Ingerlatsivik – Pisortaq Mike Jakob Kristiansen MJKR
Suliassamik eqikkaaneq
Sanarfinermut Avatangiisinullu Ingerlatsivimmit matumuuna kommunip pilersaarutaanut
tapiliussamut siunnersuut 3A6-1, Qasigiannguit Nuuk, akuersissutigeqqullugu
saqqummiunneqarpoq.
Kommunip pilersaarutaanut tapiliussamut siunnersuut suliarineqarpoq suliniutitut siunnersuut
Akornanni – inissiat 90-it tunuliaqutaralugu, taanna pilersaarusiornermut inatsimmik allannguineq
ulloq 01/01-2016 naapertorlugu, kommunalbestyrelsimit akuersissutigineqarpoq ulloq 04/10 2016.
Siunnersuut inissianik nutaanik assigiinngitsunik angissusilinnik assigiinngitsunillu pigineqartunik
90 miss. sanaartortoqarnissaanut periarfissiivoq, taamatullu sumiiffimmi meeqqerivimmik meeqqat
ukioqqortussusiinut agguataarnagit inissiiviusartumik, sumiiffik ullumikkut taaneqartarpoq
Qasigiannguit.
Siunnersuut kommunimut pilersaarummut naapertuuppoq, sumiiffik tamarmi inissianik
sanaartorfittut naatsorsuussaalluni.
Inassuteqaat
Sanarfinermut Avatangiisinullu Ingerlatsivimmit makku Sanarfinermut Avatangiisinullu
Ataatsimiititamut inassuteqaatigineqarput:
- Kommunip pilersaarutaanut tapiliussamut siunnersuut 3A6-1, Qasigiannguit, Nuuk
akuersissutigeqqullugu
- siunnersuut akuersissutigineqartoq Aningaasaqarnermut Ataatsimiititamut
nassiunneqaqqullugu sapaatip-akunnerini arfineq-pingasuni tamanut
tusarniaassutigineqarnissaanik siunertaqarluni.
- suliassaq ilisimatitsissutitut Kommunalbestyrelsimut ingerlateqqinneqassasoq
Suliassamik saqqummiussineq
Kommunalbestyrelsip ulloq 4. oktober 2016 aalajangiuppaa Akornanni inissianik 90-inik
sanaartortoqarnissaanik pilersaarut akuersissutigineqassasoq, sanaartornermut inatsit nutaaq
aallaavigalugu, taamaaliornikkullu periarfissiilluni ukiuni marlunni nunaminertap
innimernerneqarsinnaasoq piffissami tassani nunaminertaq pillugu kommunimut pilersaarummik
suliaqartoqarluni. Kommunip pilersaarutaanut tapiliussamut siunnersuut manna tassa
suliarineqarpoq kommunalbestyrelsip suliniummik akuersissuteqarnera tunuliaqutaralugu.
Kommunip pilersaarutaanut tapiliussamut siunnersuut aallaavigalugu inissiat assigiinngitsunik
angissusillit assigiinngitsuniillu pigineqartut pilersinneqarsinnaapput.
Nunaminertap kujasinnerusortaani illut inissianik mikinernik imaqassapput, pingaarnertut
ilinniartunut ilaqutariinnullu isertitakinnerusunut naatsorsuussaassallutik, nunaminertap
avannarpasissortaani illut ilaqutariinnit ataatsinit marlunnillu najugarineqartussat
sanaartorneqassapput, taakkua naatsorsuutigineqarput nammineq pigineqarnissaat.
Immikkoortortat marluk akornanni piginneqatigiilluni inissiat sanaartorneqassapput. Piginnittut
assigiinngitsut piuneranni naatsorsuutigineqarpoq ineqartut assigiinngiiaarnerannut
ilapittuutaanissaat, tamanna ingerlatsivimmit pitsaasutut nalilerneqarpoq kommunimillu
ineriartortitseqqinnissamut pilersaarummut naapertuulluni.
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 12
Nunaminertami paaqqinnittarfimmit meeqqat ukioqqortussusiinut agguataarnagit
inissiiviusartussamik pilersitsisoqarsinnaavoq, najugaqarfillu aqqusineeqqamik
ataqatigiissinneqassaaq taamatullu silami eqqissisimaarfiusinnaasut ataatsimoorussat,
taakkununnga ilanngullugit skatertarfik, illoqarfimmut tamarmut iluaqutaasussaq,
naatsorsuutigineqarluni meeqqanit inuusuttuaqqanillu kajumigineqarluni tamanit
orninneqartarsinnaassasoq.
Siunnersuummik suliaqarnermi illut pioreersut isikkiveqaannarnissaat pingaartinneqarpoq, aamma
illut sanaartugassatut pilersaarutaasussat annerpaamik 2,5-inik quleriiussapput
assigiinngisitaartunik angissuseqarlutik quleriiaanit, uigulukuttunut taamatullu illunut ilaqutariinnit
ataatsinit marlunnillu najugaqarineqartutut.
Ineqarfissatut sanaartugassat akunneqarlutik suliarineqasapput tamaani naapittoqarsinnaassassaaq aamma nunamut tamaaniittumut attuumassuteqassapput. Tamanna kommunip sanaartukkat
ilusissaattut politikkianut nutaamut naapertuuppoq.
Aaqqiissutissatut siunnersuut – suliatigut naliliineq
Inissiaqarfittut nutaatut Sanarfinermut Avatangiisinullu Ingerlatsivimmit nalilerneqarpoq, akuleriinnik
sanaartorfiusoq assigiinngitsunik ilutsinik piginnittoqartillugu inissiallu angissusaat
assigiinngitsuutillugit, inissiaqarfitsialaanissaa suli ilimagineqarpoq. Ilanngullugu suliniutip
pitsaaqqutissaatut nalilerneqarpoq tamaani nunaminertat eqqissisimaartarfiit ilanngunneqarsimanerat, soorlu pisuinnaat aqqutaat taamatullu skatertarfissamut puttasunik ikaartarfissaq.
Sanarfinermut Avatangiisinullu Ingerlatsivimmit naliliisoqarpoq nunaminertamik ilusiliinissaq
kommunip sanaartukkat ilusissaattut politikkianut nutaamut naapertuuttoq, aamma sanaartukkat
qaninnerunissaannut siunnerfimmut aqqutaassasoq pingaarutilik. Sanaartukkat qaninnerunissaat
illoqarfimmi sanaartugaareersunut tatiseqqinnissaa naatsorsuutigineqarpoq, pingaartumik
sanaartorfissamut ungasinngitsumi aqqusineq kaajallariap eqqaaniittunut aamma Sanarfinermut
Avatangiisinullu Ingerlatsivimmit naliliisoqarpoq, illoqarfiup allineqarneranut atatillugu aqqusinermi
angallannermut pilersaarummik nutaamik eqqarsaatersortoqarnissaa.
Aningaasatigut sulisoqarnikkullu naliliinerit
Kommunip pilersaarutaanut tapiliussamut siunnersuut suliarineqarneq aningaasatigut
kinguneqanngilaq.
Inatsisitigut tunngavissaq allakkallu tunngaviusumik uppernarsaatitallit
Kommunip pilersaarutaanut tapiliussamut siunnersuut suliarineqarpoq makku tunngavigalugit:


Inatsisartut inatsisaat nr. 17, 17. november 2010-meersoq sanaartugassanik
pilersaarusiorneq aamma nunaminertanik atorneq (Pilersaarusiorneq pillugu inatsit)
Kommunip pilersaarutaa digitaliusoq www.sermersooq2024.gl
Ingerlariaqqinnissaq
Pilersaarut pillugu siunnersuut tamanut tusarniaassutigineqassaaq piffissami xx.xx.2017 –
xx.xx.2017.
Tusarniaanermut piffissarititaasoq naammassippat pilersaarutitut siunnersuut tusarniaasitsinermit
akerliunermik nalunaarutinik tigusanik ilallugu kiisalu ingerlariaqqinnissamut innersuussummik ilalik
Sanaartornermut Avatangiisinullu Ataatsimiitamut – Aningaasaqarnermut Ataatsimiititamut –
Kommunalbestyrelsimiillu inaarutaasumik aalajangiiffigineqartussanngorlugu
ingerlateqqinneqassaaq.
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 13
Inaarutaasumik pilersaarusiaq tamanit takuneqarsinnaassaaq ilaatigut kommunip nittartagaani
www.sermersooq.gl
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfik oqaaseqaatinik saqqummiussaqanngilaq.
Innuttaasunik peqataatitsineq/attaveqaqatigiinneq
Pilersaarut pillugu siunnersuummik akuersinermut atatillugu ulloq 27/10-2016 Katuap
Inersuaaraani innuttaasunik ataatsimiititsisoqarpoq, suleqatigiissitanik/soqutigisaqaqatigiinnik
pilersitsisoqarluni nunaminertamut aqquserngup inissisimaffissaata suliarineqarneranik
tusarniaaffigineqarsimasunik.
Kommunip pilersaarutaanut tapiliussamut siunnersuut sapaatip-akunnerini arfineq-pingasuni
tamanut tusarniaassutigineqassaaq, tamanna illoqarfimmi nalunaarutigineqarumaarpoq taamatullu
kommunip tusarniaassutaasunik saqqummersitsiviani.
Ilanngussat
1. Kommunip pilersaarutaanut tapiliussamut siunnersuut 3A6-1
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 14
05C Kommunimut pilersaarummut tapiliussaq 20B5-1, Paamiuni
Inuussutissarsiuteqarfik Umiarsualivillu
Aalajangiiffigisassaq
J.nr.:1804.20B2-B5
Sanarfinermut Avatangiisinullu Ingerlatsivik – pisortaq Mike Jakob Kristiansen / MJKR
Suliassamik eqikkaaneq
Sanarfinermut Avatangiisinullu Ingerlatsiviup matumuuna Kommunimut pilersaarummut tapiliussaq
20B5-1, Paamiuni Inuussutissarsiuteqarfik Umiarsualivillu akuersissutigisassanngorlugu
saqqummiuppaa.
Kommunimut pilersaarummut tapiliussaq suliarineqarpoq suliassap Paamiut Nordhavn –
Kommuneqarfik Sermersuumi inerisaavissap nutaap siunnersuutigineqarneranut atatillugu,
tamannalu kommunalbestyrelsip novembarip 15ianni 2016 akuersissutigaa,
pilersaarusiortarnermut inatsisip 01/01-2016 allanngortinneqarnera naapertorlugu.
Siunnersuut Paamiut Nordhavnip allineqarnissaanut periarfissaqalersitsivoq, taamaasillunilu
tunisassiorfissat nutaat inuussutissarsiornermullu suliaqarfiit anginerusut periarfissaalissapput.
Immikkoortoq tamaat inuussutissarsiuteqarnermut umiarsualiveqarnermullu atugassaammat
pilersaarut kommunimut pilersaarummut naapertuuppoq.
Inassuteqaat
Sanarfinermut Avatangiisinullu Ingerlatsiviup Sanarfinermut Avatangiisinullu Ataatsimiititamut
inassuteqaatigaa:
-
-
Kommunimut pilersaarummut tapiliussatut siunnersuut 20B5-1, Paamiuni
Inuussutissarsiuteqarfik Umiarsualivillu, akuersissutigineqassasoq
siunnersuut akuersissutigineqartoq sapaatip-akunnerini arfineq-pingasuni
tusarniaassutigineqarnissaa siunertaralugu Aningaasaqarnermut Ataatsimiititami
akuersissutigineqarnissaanut ingerlateqqinneqassasoq
suliaq ilisimatitsissutitut Kommunalbestyrelsimut ingerlateqqinneqassasoq
Suliassamik saqqummiussineq
Kommunimut pilersaarummut tapiliussaq suliarineqarpoq Paamiut Nordhavnimi
umiarsualiveqarfiup 4,5 ca missinginiit 7,8 ha-it missaannut allineqarnissaa siunertaralugu.
Matumuuna sumiiffik tamanna inuussutissarsiuteqarfissatut umiarsualivimmilu suliffeqarfiliorfissatut
tunisassiorfiliorfissatut, aalisakkeriveqarfissatut, sanaluttarfissatut, talittarfeqarfissatut,
quersuaqarfissatut allaffeqarfiliorfissatullu immikkoortinneqarpoq - utaqqiissaasumillu
ujaqqeriveqarfiliorfissatut. Tamakku tamarmik kommunimut pilersaarummut
akuersissutigineqareersumut naapertuupput.
Kommunimut pilersaarummut tapiliussami sumiiffik katillugit arfineq-marlunnik
immikkoortortaqarpoq:
Immikkoortoq A:
Tunisassiorfik, containerinut umiarsualivik, talittarfik kiffartuussiviit
inaalitsiviillu.
Immikkoortoq B:
Tunisassiorfik, inuussutissarsiuteqarfik, iluarsaasarfik,
entreprenøreqarfik, kiffartuussiviit inaalitsivillu.
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 15
Immikkoortoq C:
Teknikkimut tunngasut, utaqqiisaasumik ujaqqerivik ammasoq.
Kingusinnerusukkut atorneqarfissaa: Tunisassiorfik,
inuussutissarsiuteqarfik, containerinut umiarsualivik, talittarfik kiisalu
kiffartuussiviit inaalitsivillu.
Immikkoortoq D:
Kommunip asfaltileriffia
Immikkoortoq E:
Tunisassiorfik, inuussutissarsiuteqarfik, iluarsaasarfik, containerinut
umiarsualivik, kiisalu kiffartuussiviit inaalitsivillu.
Immikkoortoq F1 aamma F2: Umiarsualiveqarfissat siunissami immerneqarnissaannut periarfissaq
Illut sanaartorneqartut 20 m. qaangissanngilaat, naammassillugu nunamiit qaliata nuuanut 20 m.
qaangissanngilaa.
Pilersaarummut tapiliussami aamma Kangerlusussuup Aalisakkeriviullu akornanni
aqqusinniornissaq ilaatinneqarpoq.
Aaqqiissutissatut siunnersuut – suliatigut naliliineq
Pilersaarummut tapiliussaliornermi illoqarfimmi piorsaaffiusumi Paamiuni
inuussutissarsiuteqarfinnik nutaanik pilersitsiortortoqarnissaanik qulakkeerinninnissaq
siunertarineqarpoq. Nunaminertat ilusilersorneqarnerinut atatillugu tunngaviit tullinnguuttut makku
piviusunngortinneqarnissaat aamma tapiliussami siunertarineqarpoq:
- Pilersaarusiorfiusumi inissialiortoqarsinnaanngilaq.
- Illut sanaartorneqartut naammassillugu nunamiit qaliata nuuanut 20 m. qaangissanngilaa.
- Illut qalipaataat sakkukitsuussapput.
- Illut isumatusaartumik, atuuffissaannut naleqqussarlugit ilusilersorneqassapput.
Aningaasaqarnikkut sulisoqarnikkullu naliliinerit
Kommunimut pilersaarummut tapiliussamik siunnersuusiorneq aningaasatigut
kinguneqartitsissanngilaq.
Inatsisitigut tunngavissaq allakkallu tunngaviusumik uppernarsaatitallit
Kommunimut pilersaarummut tapiliussatut siunnersuut tullinnguuttut uku tunngavigalugit
suliarineqarpoq:


Pilersaarusiorneq aamma nunaminertat atorneqartarneri pillugit Inatsisartut inatsisaat nr.
17, 17. november 2010-imeersoq (Pilersaarusiornermut inatsit).
Kommunimut pilersaarut digitaliusoq www.sermersooq2024.gl
Ingerlariaqqinnissaq
Pilersaarutissatut siunnersuut, nunaminertamik inniminniinissamut qinnuteqaateqartoqarsimappat,
piffissami 23.01.2017 – 20.03.2017 tamanut tusarniaassutigineqassaaq. Imaappoq, piffissaq
tusarniaaffiusoq qulaani taaneqartumiit kingusinnerusukkut pisinnaavoq.
Tusarniaanissamut piffissaritinneqartoq qaangiutereerpat, akerliliissutit pissarsiarineqartut
ingerlatsivimmit nalilersorneqareerpata, ingerlariaqqinnissamullu inassuteqaateqartoqareerpat,
Sanarfinermut Avatangiisinullu Ataatsimiititamut – Aningaasaqarnermut Ataatsimiititamut –
Kommunalbestyrelsimullu pilersaarutissatut siunnersuummut inaarutaasumik
akuersissuteqartoqarnissaanut, innersuussut ingerlateqqinneqassaaq.
Inaarutaasumik pilersaarut tamanut saqqummiunneqarumaarpoq, ilaatigut kommunip
nittartagaanut www.sermersooq.gl-imut
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfik oqaaseqaatissaqanngilaq
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 16
Innuttaasunik peqataatitsineq/attaveqaqatigiinneq
Suliassatut siunnersuut Paamiut Nordhavn – Kommuneqarfik Sermersuumi ineriartortitsivissaq
nutaaq tusarniaassutigineqareernikuuvoq, tusarniaanermilu akissuteqaatit sisamat
pissarsiarineqarput. Aammalu tassunga atatillugu Paamiuni ulloq 01/12-2016
paasissutissiinertalimmik ataatsimiititsisoqarpoq.
Kommunimut pilersaarummut tapiliussaq sapaatip-akunnerini arfineq pingasuni tamanut
tusarniaassutigineqassaaq, tamannalu najukkami nalunaarutigineqarlunilu kommunip
tusarniaanermut quppersagaatigut allagarsiissutigineqassaaq.
Ilanngussaq
1. Kommunimut pilersaarummut siunnersuutitut tapiliussaq 20B5-1, Paamiuni
Inuussutissarsiuteqarfik umiarsualiveqarfillu
Kommuneqarfik Sermersooq
Sanarfinermut Avatangiisinullu Ataatsimiititaq
Ulloq: 7. feb. 2017
Qup. | 17
6. Immikkoortut matoqqasut
06A Kapisilinni B-711-imik tunisineq
Aalajangiiffigisassaq
J. nr. 33.03
Sanarfinermut Avatangiisinullu Ingerlatsivik – pisortaq Mike Jakob Kristiansen / MJKR
06B Qeqertani umiarsualiviup ineriartortinnera, Nuuk
Suliniutinut pingasunut qinnuteqaat
Aalajangiiffigisassaq
J.nr.:18.04
Sanarfinermut Avatangiisinullu Ingerlatsivik – Pisortaq Mike Jakob Kristiansen/ MJKR
Kommuneqarfik Sermersooq
Sanarfinermut Avatangiisinullu Ataatsimiititaq
7. Taasariaqartut allat
8. Imaqarniliap akuerineqarnera
Ulloq: 7. feb. 2017
Qup. | 18