1. No category

Sida: 1 av 3
Kelderash
Aktivitetsrapporter
Aktivitetsrapporter (izveštaj o
aktivnostima/raport de activitate)
E manušenge kaj dine penge anava thodine e Arbetsförmedlingen
(služba za zapošljavanje/agenția de ocupare a forței de muncă) si te den
andre lil pala kodo sar roden buči. Kodole lileste si te ramon sa so
kerdjan svake čoneste te roden buči. O lil ažutil amen te das tumen maj
lačo dumo sar te roden jekh buči.
Soske aktivitetsrapporter?
So maj but keren te roden buči, maj but baxt kam avel tumen te arakhen
la. Kodolo lil ažutil tumen te džanen džal o rodipe la bučako. E gadženge
e Arbetsförmedlingen vo si čačo fundo e dumesko kaj trubuj te den
tumen.
Kana tume džan e gadžende e Arbetsförmedlingen, den duma lenca pala
kodo so kerdjan te roden buči thaj činaven lenca savo dumo trubuj
tumen. O aktivitetsrapporter, e handlingsplan (planesa akcijenge) vaj o
etableringsplan (planesa sar te džan andre), si o fundo kodolestar sar
tume kam arakhen jekh buči.
So te ramov ko aktivitetsrapporter?
Ame kamas te džanas sa so tume keren te roden buči. Ko
aktivitetsrapporter si te ramon save buči mangljan thaj sa so kerdjan te
arakhen buči. Kadja porunčin momenti tumare trajeske, thaj vi so si ando
tumaro handlingsplan vaj etableringsplan. Šaj ramon ko lil vi aver djela
so kerdjan te arakhen buči, a manaj ando handlingsplan vaj
etableringsplan.
Misaljake, šaj ramon ko aktivitetsrapporter:
 buči savi mangljan
 divana la bučake kaj sanas
 lila save bičaldan te mangen buča biakhardo (vaj geljan e
gadžende te mangen buči)
 sar lačardjan o manaj sar roden buči
 divana kaj sanas te roden buči
 divana e gadženca pala ažutipe
 kursurja save mangljan vaj phiradjan
 buči siklipeski bilovengi savi mangljan vaj phiradjan a o gadžo e
Arbetsförmedlingen sas dakordo
 siklipe e thaneste la bučake kaj phiradjan (a činadjan kodo maj
anglal e gadžesa e Arbetsförmedlingen), vi so kerdjan kadja
Sida: 2 av 3
 te si ke geljan ko than la bučako te sikljon vareso, thaj vi sar kadja
inkljesto
 te si ke kerdjan buči, sode (misaljake, sode časurja)
Kana te dav andre murro aktivitetsrapporter?
Si te den andre tumaro aktivitetsrapporter maškar o 1-to thaj o 14-to
djes svake čoneske. Musaj te ramon so kerdjan o čon maj anglal. But si
važno ke ramon sa so kerdjan maj anglal sar te bičalen les andre, ke šaj
den les andre numaj jekhvar po čon.
Misaljake:
Maškar o 1-to thaj o 14-to djes e čoneske April si te den andre lil pala
kodo so kerdjan ando čon Mart.
Maškar o 1-to thaj o 14-to djes e čoneske Maj si te den andre lil pala kodo
so kerdjan ando čon April.
E manušenge so si len etableringsplan vaj den-pes lenge love te astaren
jekh šefto, naj te den andre o aktivitetsrapporter svako čon. Maj but
pala kodo šaj dikhen e arbetsformedlingen.se vaj šaj phučen e
gadžendar.
So nakhel te si ke či dav andre murro
aktivitetsrapporter?
Te si ke tumen len vaj mangen love ke san bibučango a či den andre
tumaro aktivitetsrapporter kana trubuj, ame kam phenas tumare akassa (arbetslöshetskassa) (fond osiguranja za slučaj
nezaposlenosti/fondul asigurărilor de șomaj). A-kassa kam dikhel
tumaro bajo taj kadja činel te si ke tume musaj xasarel e love save len ke
san bibučako.
Te si ke tume len kotor jekhe programesko rodipeske bučake thaj kadja
len love, a či den andre tumaro lil kana trubuj, vi kadja šaj xasaren e love
save len ke san bibučako. O Arbetsförmedlingen kam dikhel tumaro bajo
thaj kadja činel pala kodo.
Kaj si o aktivitetsrapporter a sar te dav les andre?
O formularo e aktivitetsrapporter si e "Min sida" (Murri rig) e
arbetsformedlingen.se. Te putren "Min sida" (Murri rig), trubuj jekh
račun/cont, a šaj keren les akana, te si ke vo naj tumen sa-gata. Trubuj
Sida: 3 av 3
jekh elektronski čaja savi šaj lel andi tumari banka vaj ando porezna
uprava/agenția de administrare fiscală. Šaj putren o forumularo kana
godi kamen thaj ramon o lil šopnja-šopnja. Šaj vi dikhen tumare purane
lila.
Te si ke naj tumen kompjutor vaj internet, šaj ramon tumaro
aktivitetsrapporter e komputorende e Arbetsförmedlingens.
Te si ke si sigutno, tumaro aktivitetsrapporter šaj den andre fizičko sar lil
vaj mujesa e Arbetsförmedlingens. Na bičalen les po telefono vaj email.
Maj but šaj dikhen pala kodo e
arbetsformedlingen.se/aktivitetsrapportering. Si vi jekh video savo
sikavel tumenge so te keren. Phučen e gadžes e Arbetsförmedlingen vaj
akharen amen po 0771–416 416 te si ke si tumen maj phučimata.