1. No category

E čhibjakoro siklojba tano jek zaedničko projekti maškar
o logopedia hem e bibliotekakere bukjarne (personali)
ki Västernorrlands län.
Dali tut isi tut disave misle bašo te čhaveskere lafengoro
hem čhibajakoro bajraribe?
Kontaktirin o najpaše logopedeskoro kher.
Mangeja li tu te čitine lila ke te dajakiri čhib? Puč ki tli
biblioteka.
Akava projekti finasiririnela pes taro Kulturakoro savet.
Grafikani forma: Jon Hällholm
Ilustracie: Elin Hällholm
Čhibajkoro
siklojba
Čitin zaedno tle čhaveja
ROMSKA ARLI
O ljila tane fantastična. Keda tu hem tlo/tli čhavo/čhaj
čitinena hem kerena lafi bašo so slučini pes ko ljil, odova ka
del pomoč e čhave/čhaja te bajrarel pli čhib a istovremeno
tano tumenge šukar hem zabavno so sijen zaedno. Sar
roditelji šaj tu te birine ako mangeja te čitine strana pali
strana ja palem ako tu pobut mangeja šaj te kere lafi e
čhaveja bašo o slike, te khele hem te izmisline.
čitin & khel
Keda tumen čitindžen jek ljil pobut puti, tu šaj te pokušine
te sikave ko slike vastea hem te mukhe te čhave te vakerel
so ulo ko leskoro dikhutno čhani. O vakereibe šaj hem isto
agjehar te anel te čhave te mislini ko ple iskustva, bašo so
ov ka magel te vakerel tuke. Tumen šaj te crtinen hem te
boinen zaedno palo odova so tumen čitindžen o ljil?
E paramisengoro vreme tano jek prilika kova so tu hem tlo
čhavo šaj te uživinen so sijen zaedno!
vakeribe zaedno
O lila mangaja svako puti te birina korkori. Agjehar tano hem
tle čhaveske. Keda o čhavo arakhela jen favoritno ljil mangela
ov te šunel i paramis jek palo jek far pobut puti. Ko asavko
čhani sikljola o čhavo te pendžarel i paramis hem e manušen
ki paramis hem akava kerela ov te ovel pobut aktivno ko čitibe.
muk tle čhave te birini
Mukh te čhave te iranel o strane ko ljil. Dikh sar tlo čhavo ka
reagreinel ki paramis so šunela hem tu šun so e čhave isi ole
te vakerel. De te čhave vreme te mislini hem te kerel lafi tari i
paramis, te odgovorini ko pučiba hem te pučel ov ple pučiba.
Keda tu ka de pučiba tle čhaveske, ma čhiv asavke pučiba
so ov ka odgovorinel tuke kartko sar ja ili na. Pokušin te de
ole asavke pučiba so ka pomožinen tle čhave te haljovel so
ovela/desini pes ki paramis: Koj odova so avela odori? Pučela
pes so ovela akana? Odova pomožini tle čhave te razvini pli
vakerbaskiri šajipe/veština.
mukh e čhave
te ovel aktivno
Ačhav o radio, Tv hem o telefoni. Mukh e čhave te dikhel
o slike hem o teksti. Čitinen o ljil zaedno ja palem ker lafi
e čhaveja bašo o slike hem fantasirin.
Sikav vasteja sako lafi ki strana ko isto vreme so tu čitineja
ko glaso. Ko asavko čhani sikljola o čhavo da o pišime lafija
odgovorinena bašo odova so tu vakereja.
neka ovel tumen jek
šukar momenti