1. No category

E Švedija ka ovel neve
ljilale hem hurde love
/
VE IN
LO IR
O OL
H R
IK T
D ON
K
O
VE
LO
S V E R I G E S
R I K S B A N K
1-kruna
2-krune
5-krune
10-krune
E Švediaj ka ovel neve ljilale
hem hurde love
Ko 2015 hem ko 2016 berš e Švedija ka ovel
neve ljilale hem hurde love. Ka ovel amen
hem jek 200 krunengiri nevi lovin (novčanica).
Plus odova ka ovel amen pale i mangli duje
krunengiri, oj ka kerel pe pale. E lilale lovinen
ka ovel nevo siguribaskoro detali kori so ka ovel
olen pošukar arakhibe protiv falcifikatiribe a o
hurde love ka oven potikne hem polokhe.
O lilale lovina hem o hurde love ka aven ko
duj vare: ko oktombar 2015 hem ko oktombar
2016. Ko jek periodi ka oven hem o akanutne
ljilale love, o neve hem o hurde love hem ka
koristinen pe ko isto vreme.
O akanutne ljilale love hem o hurde love hari
po hari na ka važinen (e 10 krunengiri na ka
meninel pe). Te na reskirine te ačhon tut khere
o ljilale love so na ka važinen, pokin olencar
panda akana ja pale čhiv olen ki banka.
Keda ka ovel tut ko vasta o neve ljilale love,
phag olen hem kontrolirin te dikhe tej čače.
Ki olende šaj dikhela pe kaj o boje meninena
pe hem o slike iranena o motivi.
Stefan Ingves
Saphuvjakoro bankakoro šefi
Septembar 2015
Dikh e Švedijakere neve lilale love ko amaro app
Oleske vakerela pe „Kolla pengarna“ hem ov
šaj huljarela pe bilovengoro ko App Store och
Google play.
Neve ljilale love ko oktombar
2015
Ko 1 oktombar 2015 berš, ka ikalel i Riksbanken
neve 20-, 50- hem 1000-krunengere ljilale love
neve motivencar. Plus odova ka ovel amen
jek nevi 200- krunengiri. Šaj te lel hari vreme
džikote te avel te vasteste jek nevi ljilali lovin
(novčanica), odoleske so o akanutne ljilale love
ka oven jek vreme barabar e nevencar.
Motivi angluni strana
Hramondžika Astrid Lindgren
Motivi paluni strana
Småland, kori so barili i
Astrid Lindgren
Motivi angluni strana
o Poeti,tonengorokerdžija
hem umetniko Evert Taube
Motivi paluni strana
Bohuslän, jek kotar
e Evert Taubeskoro
inspiracijakoro than
Motivi angluni strana
Režiseri Ingmar Bergman
Motivi paluni strana
Gotland (Fårö), kori
so sine e Ingmar
Bergmaneskoro kher
Motivi angluni strana
Generalno sekretari ko
Khedime Nacie hem
dženo ki Švedikani
Akademia Dag
Hammarskjöld
Motivi paluni strana
Lappland, baši
akaja natura o Dag
Hammarskjöld
sikadža baro interesi
Bandžar o ljilale love te
dikhe kaj tane čače
E neve ljilale loven isi neve siguribaskere detalija
kola ka keren te ovel pharo te falcifikujnen pe.
Te bandžardžan i lovin (novčanica) šaj dikhea
dali tani čači.
Siguribaskoro thav
Jek vertikalno thav trine
pendžerencar. Ko pendžere
isi slika so ovela javer a keda
bandžarea e ljilale loven o
motivija iranena pes.
Menibe e slikengere boje
Slika so keda bandžarea
ola meninela pohari pli
boja tari žuto ki zeleno.
Siguribaskoro thav
O neve 200 hem 1000 krunengere ljilale love isi
olen jek vertikalno siguribaskoro thav.
• E thave isi trin pendžere.
• Ko pendžere isi slike so dvižinena pe hem
keda bandžarea e ljilale loven hem iranena
ple motivija maškar o ”KR” hem i kraleskiri
satadik.
• E siguribaskoro thav tano čhivdo ki levo
strana taro portreti ki angluni strana.
• E thave isi razna boje ko razna lovengere
valorija.
Slika so meninela pli boja
O neve ljilale love isi olen jek slika so meninela
pli boja hem so phandela pe e dženea soj ko
love. Ki slika isi hem e valoreskiri cifra. Keda
manuš bandžarela e ljilale loven, i slika hem
e valoreskiri cifra meninena pli boja po hari
tari žuto ki zeleno. I slika tani čhivdi ki desno
strana taro portreti ki lovengiri angluni strana.
20-krunengiri lovin
Ljil
50-krunengiri lovin
Panidžali (brodi)
200-krunengiri lovin
Filmeskiri klapa
1000-krunengiri lovin
Maslinengiri granka
E lovinen isi hem javera siguribaskere
detalija. Poviše informaciaj bašo odova isi ko
Riksbankakoro webbthan:
riksbank.se/kollapengarna
O love so na ka važinen palo
30-to juni 2016
O akanutne 20-, 50- hem 1000-krunengere
lovina šaj te koristine olen sa dži ko 30-to
juni 2016, tu šaj platinea olencar ja pale te
čhive olen ko bankakoro konto. Palo 30-to
juni 2016 na ka šaj te pokine akale lovinencar
(novčanicencar). Ama tu ka šaj te čhive olen
ko bankakoro konto sa dži ko 31 avgusti 2016.
Ma bistre te kere akava ko vreme. Šaj o
kinibaskere dučane hem o banke te ovel
olen granice kobor šaj te len keš love. Bašo
poviše informacija kontaktirin tle banka ja
pale e dučana.
Palo o 31 avgusti 2016 šaj i Riksbanken te lel
tutar o purane love te pokindžan jek taksa taro
100 krune.
Odoleske i banka mora te čhivel
tuke pučiba
Keda ka mange te čhive love ki banka ja pale te
bičhale love, tu mora te ove spremno te odgovorine
kotar tuke o love hem te sikave jek identifiribaskiri
karta so važinela. Ko disave situacije i banka ka
mangel te dikhel dogovor, fakture ja pale javer
dokumentacija so sikavela kaj tuke ale o love.
Akaja kontrola mora te kerel pe mada nane sumnja
kaj phaglja pe o zakoni. O cili akale lovethojbaskere
zakonea tano te čhinavel pe te oven koristime o
banke ja pale o javera financiribaskere firme bašo
lovengoro thojbe, mangela te phenel pe o love taro
phagutne buča te oven irame ko obična love hem te
čhiven pe ko bankakoro konto hem te upotrebinen
pe. Akala regularija važinena sa e financiribaskere
firme ki EU.
Hem i Riksbanken ikerela pe ko zakoni bašo
lovengoro thojbe.
So ovela e 100- hem 500krunengere lovinencar hem
e hurde lovencar?
Ko oktombar 2016 ka lel i Riksbanken te
ikalel o neve 100- hem 500-krunengere lovina
(novčanice) a isto adžahar neve 1-, 2- hem
5-krunengere hurde love. O 10-krunengiri ka
ačhol sar soj
O 100- hem 500-krunengere lovina (novčanice)
hem o akanutne sa o hurde love osim o 10
krune, palo 30 –to juni 2017 na ka važinen.
E 10 krunengere ka
ačhon sar soj.
Poviše informacija bašo o lovina (novčanice)hem hurde
love so ka aven ko 2016 berš hem bašo okola so na ka
važinen ko 2017 berš, ka del pe tuke ko javer berš.
Koristin tle hurde love panda
akana!
Ma bistre kaj ko 2017 berš sa o hurde love
osim kotar o 10-krune na ka važinen. Te isi
tut pherdo asavke hurde love dikh te koristine
olen panda akana. Adžahar na ka reskirine te
ačhon tut hurde love so na ka važinen. Šaj o
banke hem o kinibaskere dučane te ovel olen
ograničibe kobor ola šaj te len akala hurde
love, ma bistre te kere odova ko vreme.
Buteder informacija
• E Riksbankakoro webbthan:
riksbank.se/kollapengarna
• Facebook: facebook.com/kollapengarna
• App: Rode ”Kolla pengarna” ko tlo app
dučani
Baši Riksbanken
I Riksbanken tani e Švedijakiri centralikani banka.
Amen keraja o lilale lovina (novčanice) hem o hurde
love. Amen hem keraja buti te šaj o love te ikeren pes
ko plo vrednost hem te šaj o pokiniba (platiba) te kerel
pe sigurno hem efektivo.
Važna datumija
Oktombar 2015
Oktombar 2016
1-kruna
2015
2016
Na važinena palo 30
juni 2016
2-krune
2017
5-krune
2018
Na važinena palo 30
juni 2017
1-kruna
2-krune
5-krune
Dikh e Švedijakere neve lilale love
ko amaro app
E Riksbankakere appea ”Kolla pengarna” tu šaj te
dikhe e Švedijakere neve lilale love. Sikljov sar šaj
te pendžare jek čači lilali lovin (novčanica) ja pale
khel amaro nevo lilale lovengoro khelibe. Ko appi
šaj dikhea hem jek brošura sar glasovno ljil hem ov
šaj čitinela (drabarela) pe ko but javera čhibja.
O appi šaj te huljarel pe bilovengoroko App Store
och Google play.
Ki Švedija ovena neve lovina
(novčanice) hem hurde love
riksbank.se/languages
S V E R I G E S
R I K S B A N K