Nordre - Jentekolonien
8 kultur Nordre • laurdag 2. mai 2015 Hjelpte trengande i Ukraina Skodje Lions klubb er komen heim etter ein ny tur til Ukraina. Denne gongen var det byen Dubno som fekk nyte godt av overskotet til klubben. I fleire år har Skodje Lions klubb aktivt jobba med å hjelpe trengande i Ukraine. Nyleg kom utsendingar frå klubben attende til Skodje etter å ha vore på vitjing i byen Dubno i Ukraina. Kvart år sel Skodje Lions klubb «Skodjekalenderen» med gamle bileter frå Skodje. Overskotet frå salet i år vart om lag 60.000 kroner, heile overskotet gjekk til byen Dubno. Støtter dei som treng det Hovudmålet til Lions er å hjelpe eldre og sjuke, samt å arbeide for at ungdom ikkje skal starte med narkotika og andre rusmidlar. Difor valde klubben i år å nytte pengane som var samla inn på eit hospits for døyande og aktivitetshuset for ungdom i byen Dubno. Harald Vågene, leiar for Skodje Lions klubb, fortel at klubben ynskjer å hjelpe både trengande og næringsliv i Ukraina. – Ved at vi sjølve reiser ned og kjøper den hjelpa dei treng i lokale butikkar, støtter vi både dei som treng hjelp og det lokale næringsliv. Det siste året har kursen på lokal valuta gått sterkt ned på grunn av Russland sin invasjon i landet, og vi får sjølvsagt då endå meir for pengane. Dette fører også til enno meir naud og fattigdom i landet, seier Vågene. God mat og ny vaskemaskin Denne gongen har klubben støtta dei sjuke på «Hospits for døyande» med midlar til ekstra god mat ein gong i mellom, i tillegg til at dei fekk kjøpe ei vaskemaskin til hospitset. Den gamle maskina hadde brote saman og utan maskin til vask av sengetøy og klede, var det ikkje så enkelt for dei tilsette. – Vi var der i august i fjor, MARKISER PERSIENNER SCREEN • GARASJEPORTER VÅRkupp! utvalgte produkter –15-35% Kjetil Gammelsæter tlf: 913 01 210 eller ring sentralbordet tlf: 911 50 200 www.fasadeprodukter.no byggestart Ungdommar frå House of youths hjelper til med å byggje den nye sportsparken. Foto: Galina Kovalchuk då gav vi 17 rom varmt og kaldt vatten og ein vask på kvart rom. Prisen vart 10 til 11.000 kroner. Ein får mykje for pengane i Ukraina. Vi har sett at alt er montert, så vi ser at alt kjem dit det skal. I år ynskja vi å gi ekstra god og næringsrik mat til dei 35 bebuarane. Vi løyvde pengar, så vi kjøpte ei ny vaskemaskin. Dei vart utruleg glade. Vaskemaskina er kjøpt og kome på plass, fortel Vågene. Sportspark for leik og sport For ungdommen i byen hadde klubben valt å satse på ting som vil auke sportsaktiviteten i byen. Aktivitetshuset fekk sportsutstyr til ei gruppe på 12 unge, soveposar, telt, ryggsekker, kompass og liknande. I august i fjor støtta Lions aktivitetshuset med 10 nye datamaskiner. Dei har 80 forskjellige ungdomsgrupper på huset. Alt er frivillig, og gratis for familiar. Det er i hovudsak fattige familiar som er innom. – Dei har mange aktivitetar, men dei har ikkje pengar til å utvikle seg. I år valde vi å støtte alle ungdomane i byen ved å lage ein sportspark. Den er under arbeid og vil stå ferdig til 1. Juni. Då er det «barnas dag» i byen. Det blir to baner rett ved sia av kvarandre. Prisen vart 50 til 60.000 kroner, vi hadde ikkje nok pengar i år. Men firmaet som bygger forskotterer sportspark Egil Grindvik og aktivitetslærer Galina Kovalchuk testar ein park i byen Rivne. Parken er lik den som skal byggast i byen Dobno. Foto: Harald Vågene 25 % og vi betaler resten neste år. Kommunen har allereie rydda området og lagt til rette med straum og anna. Arbeidet med sjølve klatrelinene er allereie i gong og vil vere ferdig til 1. juni når byen feira «Barnas dag», fortel Vågene, og legg til at klubben ynskjer å tekke alle som har støtta arbeidet ved å kjøpe kalenderen og elles på ulike måtar. Kristoffer Antonsen [email protected] sportspark Egil Grindvik og aktivitetslærer Galina Kovalchuk testar ein park i byen Rivne. Parken er lik den som skal byggast i byen Dobno. Foto: Harald Vågene
© Copyright 2024