Samtale mot meistring - Hordaland fylkeskommune
8 Marsteinen torsdag 1. oktober 2015 Samtale mot meistring Kva utdanning eller yrke passar for deg? Kvar går vegen din vidare? På Stord sit to damer som gjerne vil hjelpa deg å finna svara, og tilbodet er heilt gratis. Karriererettleiar er tittelen, og Birgit Braseth og Marie Isdahl er innehavarane. Dei har til no hatt nærare 200 samtalar med vegsøkjarar, som dei kallar dei som kjem til rettleiing hos Karriere Sunnhordland. – Når ein møter ulike overgangsfasar i livet, kan det vera greitt å ha nokon å snakka med om vala vidare. Det kan vera overgangar knytt opp mot alt frå jobb og utdanning til pensjonisttilværet. Det heile handlar om å læra å ta gode val for deg sjølv, seier Braseth. Ho har bakgrunn som lærar, høgskulelektor i pedagogikk og IKT, og har tidlegare òg arbeidd med ulike tiltak for NAV. Kollega Isdahl er utdanna lærar, og har ti års røynsle frå NAV. – Eit overordna mål for karriererettleiing, sett frå eit samfunnsperspektiv, er at folk skal bli mest mogleg stabile i arbeidslivet. Det er viktig for den einskilde å oppleva meistring og trivnad både på arbeidsplassen og under utdanninga, men alle opplever ikkje at det er slik. Nokon blir sjukmeldt, eller droppar ut av utdanninga dei har valt. Dei kan ha godt av å snakka litt med oss i høve til kvar vegen skal gå vidare. I desse nedbemanningstider, står mange òg plutseleg utan jobb. Kan hende er det tjue år sidan sist du skreiv ein søknad eller CV, eller kanskje har du aldri vore på eit jobbintervju? Då kan det og vera greitt å snakka med oss om korleis ein førebur seg. Pilotprosjekt Tilbod om gratis karriererettleiing kom i januar i år, og er i fyrste omgang eit pilotprosjekt over to år. Det er Hordaland fylkeskommune som står bak prosjektet, som førebels berre er å finna i dei åtte Sunnhordlandkommunane. Etter planen skal det koma fleire karriererettleiingssenter i fylket. – Me er veldig glade for at me fekk byrja her. Regionen vår er i stor omstilling med tanke på oljerelatert sektor, og me vonar å få halda fram utover pilotperioden òg, seier Braseth. Karriererettleiarane held til ved Stord vidaregåande skule på Saghaugen, og der tek dei i mot alle som ynskjer samtale. – Sjølv om me òg handterer dei som måtte dukka opp utan forvarsel, ynskjer me helst at folk bestiller time. Det gjer dei anten ved å ringa oss, eller gjennom nettstaden vår, seier Braseth.May Linn Clement [email protected] Karriererettleiarane Marie Isdahl og Birgit Braseth vil gjennom samtalar hjelpa dei som står fast, vidare i livet. Biletet har damene sjølve teke. Kvalitetsutvikling i kulturskulen På kulturskuleforum på Bekkjarvik Gjestgiveri førre fredag vart det retta fokus på ein ny rammeplan som vil bidra til kvalitetsutvikling. Det vart òg diskutert om det er mogleg å få til eit samarbeid mellom UKM og kulturskulane. Kristin H. Geiring, som er rådgjevar i Norsk kulturskuleråd for Hordaland, fortalde at det er viktig å få fram at kulturskulen ikkje berre er ein skule, men òg eit ressurssenter for heile kommunen. Ho meinte at KS (Kommunenes sentralforbund), som er ein interesseorganisasjon for kvalitetsutvikling i kommunen, er positive til den nye planen. – Det er ein tydeleg vilje til utvikling, sa ho. Kulturskulen sitt tilbod skal ha høg kvalitet både fagleg og pedagogisk, står det i rammeplanen, som ligg på kulturskulerådet si nettside. Det kjem fram at rammeplanen kan hjelpa kulturskulen å definera korleis dei skal skapa større fleksibilitet i organiseringa av ulike tilbod, samt bidra til klårare skildringar av mål. Geiring fortalde at kulturskuleforumet i hovudsak er eit leiarforum, kor det er mogleg å dela erfaringar. Audun Alvsåker, som er kulturskulerektor i Austevoll kommune, deltok òg på forumet. Korleis blir eit eventuelt samarbeid? Det vart diskutert fordelar og ulemper med eit samarbeid mellom kulturskulen og Ungdommens kulturmønstring (UKM). Moglegheita til å stå på ein større scene var ein av fordelane. Gode opplevingar vart også vektlagt som ein fordel. Ei utfordring som kom fram var at ein del klassiske artistar ikkje fann tilbodet til UKM attraktivt nok. Mangel på riktig utstyr kunne vera ein av grunnane til dette. Thea Nordbak Gloppen (14) Fleire hovud tenkjer betre enn eitt. På kulturskuleforumet var desse samla: Bjørn Andersen og Kristin H. Geiring frå Norsk kulturskuleråd for Hordaland, Mathias Herland og Thea Nordbak Gloppen, som har representert Austevoll i UKM, Marianne Ose Askvik frå UKM Hordaland, Audun Alvsåker, som er kulturskulerektor i Austevoll kommune og avtroppande ordførar Renate Møgster Klepsvik. Gloppen har teikna biletet du kan sjå. og Mathias Herland (13), som kom heilt til fylkesmønstringa i Trondheim tidlegare i år, delte dei positive erfaringane sine med salen. – Det var kjekt og spesielt å få opptre med storband, sa Mathias. Forumet vart opna av ordførar Renate Møgster Klepsvik, som prata varmt om kulturskulen. Magnhild Rommetveit Fivelstad [email protected]
© Copyright 2024