Program, Gulen KrF, 2015-2019
Oppvekst
«Det som er godt for barnet, er godt for alle»
KrF vil:













Prioritere helsestasjon og barnevern
Arbeide for god følgje- og jordmorteneste
Støtte foreldra sitt val av omsorg for eigne born, og tilby gode barnehageplassar med
fleksibelt opptak, minst to opptak i året
Mobbing skal takast alvorleg og ryddast opp i
At skulane får ressursar til å gje god og tilpassa opplæring
Legge til rette for samarbeid mellom skulane, og at ungdomen frå Gulen skal bli godt kjente
med kvarandre og få ein Gulen-identitet
Ha god demokratiopplæring, ma. gjennom eit ungdomsråd med ansvar og eigne midlar
Tilby samlivskurs for foreldre
Gje gode tilbod innan avlasting, dagtilbod og bustad for menneske med særlege behov
At ein i solidaritet med dei som har rusproblem, skal førebygge misbruk, avgrense tilgang til
alkohol og har gode kontrollrutinar. Særleg vil vi ha eit førebyggande arbeid retta mot born
og unge
Busette fleire flyktningar
Tilby god norskopplæring og hjelp til integrering for dei flyktningane vi busett og for andre
innvandrarar.
Årleg løyving til trygge skulevegar
Eldre
Dagens eldre er spreke og aktive, og tilfører samfunnet mykje i form av frivillig arbeid. KrF vil legge til
rette for det, ma. med støtte til kulturelt arbeid, møteplassar og Frivillig-sentral.
For dei som ikkje lengre klarer seg sjølv, og treng omsorg, vil KrF:







Ha fleire avlastingsplassar og sjukeheimsplassar for demente
Gje dagtilbod til demente, td ved bruk av «Inn på tunet»
At organiseringa i open omsorg må ta omsyn til helsetilstand, avstandar og kompetanse.
Målet er at folk skal kunne bu heime så lenge dei vil og det er forsvarleg.
Samhandlingsreforma krev meir lokal behandling av sjuke. Det gjer at vi treng fleire, og ikkje
færre, sjukeheimsplassar og auka kompetanse hos dei tilsette
Gje pårørande høve til å vere ein ressurs, samtidig som dei får avlastning når dei treng det
Gje tilbod om omsorgsløn til pårørande der det blir sett på som best og er ønska frå dei
pårørande
Styrke habilitering- og rehabiliteringstenesta, td ved å tilby god fysio- og ergoterapiteneste


Tilby sørvis-skyss og tilrettelagt transport
Bruke og utvikle «den kulturelle spaserstokken»
Kultur og frivillig arbeid
«Det trengs ei heil bygd for å oppdra eit barn». Samhandling og møteplassar på tvers av bygdene,
generasjoner og interesser er ein av styrkane våre.
KrF vil:










Bygge symjebasseng og fleirbrukshall på Dalsøyra
At biblioteka skal ha lengre opningstid, vere møteplassar og gje gratis kulturtilbod
Oppmuntre og medverke til årleg «Ungdommens Kulturmønstring»
Ha ein kulturskule med eit breitt spekter av tilbod, gjerne i samarbeid med andre kommunar
Samarbeid mellom kommune, kyrkje og andre frivillige organisasjonar om kulturopplevingar
(td. tilskot til «Utkant» ol.)
Ikkje ha eigedomsskatt på kulturhus, grendahus og verna bygg
At frivillige lag og organisasjonar skal få bruke offentlege bygg gratis
Kyrkja er viktig for mange. KrF vil gje rammer som gjer at kyrkjene og kyrkjegardane vert
heldne vedlike og stelte på ein verdig måte. Vi vil ha eit samarbeid med kyrkja om både
barne- og ungdomsarbeid, diakoni og skulegudstenester.
Vidareutvikle Tusenårsstaden Gulatinget i samsvar med vedteken plan.
Støtte opp om Frivillig-sentralen
Næringsliv, miljø og utvikling
Gode, varierte og lønsame arbeidsplassar innanfor både private bedrifter og offentleg verksemd er
av stor verdi for kommunen.
KrF vil:










God og effektiv sakshandsaming
Oppdatert og godt planverk
Medverke til ei god mobil- og breidbandsdekning i heile kommunen
Godt vedlikehald på kommunale vegar
Utbetring av fv 57 som del av Kystvegen Bergen-Ålesund
Rassikring Brekke-Instefjord og utbetring til Rutledal
Landbruket er viktig både for busetting og for produksjon av mat. Vi vil gje tilskot til
melkekvotekjøp, ha kommunal landbrukskompetanse og aktivt påverke nasjonale rammer
for landbruket. Vi vil legge til rette for nisjenæringar og vere kjøpar av tenester som td.
dagtilbodet «Inn på tunet»
Stimulere til tiltak som hindrar attgroing, særleg langs vegane
Medverke til fleire utleigebustader og byggeklare tomter
Ta vekk eigedomsskatt frå område regulert for utbygging, før utbygginga tar til








Ha tiltak mot attgroing, og ha eit sterkt jordvern, særleg på god matjord.
Rasteplassar med god skilting og informasjon om kva ein kan sjå og oppleve i Gulen
Styrke samarbeidet mellom kultur og næring, og slik legge til rette for ma reiselivet
Energiøkonomisering på nye og gamle bygg
Legge til rette for fleire parkeringsplassar ved knutepunkt for offentleg transport
Kommunereforma – folkerøysting, oppgåver, kva tenester vi vil ha vil vere avgjerande
(avstandar)
Gå mot søndagsopne butikkar
Gje gode ordningar for folk som busett seg, td. etableringstilskot
Kommunereforma og kven ein eventuelt skal slå seg saman med vil vere ei viktig sak
framover. KrF har gått inn for folkerøysting om saka, og vil legge stor vekt på det som kjem
fram der og i den påbyrja prosessen.
KrF vil vektlegge gode tenester til folk, at reiseavstandane til tenestene ikkje blir for lange og
at tilbod som ein nyttar til dagen skal vere lokalisert i nærområdet. Ved ei samanslåing er det
mest truleg at vi finn saman med kommunar sør for oss. KrF går samstundes inn for ein
større region på Vestlandet, slik at det ikkje vil vere naudsynt for Gulen å byte fylke.