1. No category

NAUSTDAL SENTERPARTI
KOMMUNALVALPROGRAM 2015 – 2019
– Med hjarte for heile kommunen
• Gode bu- og oppvekstvilkår.
• Styrka tenestetilbod.
• Opprusting av kommunale vegar.
• Barnehageopptak heile året.
• Meir ungdomsmedverknad.
www.sp.no
www.sp.no
HELSING FRÅ ORDFØRAR KANDIDAT
ERLEND HAUGEN HERSTAD
Gjennom satsing på grøne arbeidsplassar, grøne bøar og
grøne idar skal vi skape ei grøn berekraftig, livskraftig og
framtidsretta bygd. Vi har alle føresetnader for å skape
eit samfunn der folk kan leve lykkelege liv, med nærleik
til tenester, jobb og heim. I Senterpartiet har vi utvikling
og framdrift i heile landet som ein del av vårt verdigrunnlag, Naustdal er på mange måtar ideal bygda til
Senterpartiet, ei bygd i vekst, ei bygd i utvikling og som
ikkje er redd for å satse på næring. Om du ynskjer at
Senterpartiet skal vere med å halde ei hand på rattet dei
neste fire åra so ynskjer vi di stemme.
Godt val!
2
HELSE OG SOSIAL
Senterpartiet vil oppretthalde primærhelseteneste slik dei er i dag. Kommunehelsetenesta
er viktig for å førebyggje, behandle og følgje opp hjelpebehov, også innanfor psykisk helse
og rusvern. Senterpartiet vil at kommunen framleis skal ha hovudansvaret for pleie- og
omsorgstenestene.
Senterpartiet vil arbeide for:
• Å samlokalisere helsetenestene i Naustdal for å styrkje fag- miljø og auke fagkompetanse i kommunen. Dette vil skape fleire attraktive kompetansearbeidsplassar.
• Å sikre helse- og omsorgstenester med god kvalitet.
• Å styrkje det førebyggjande arbeidet innanfor psykisk helsevern, rusvern og
barnevernet i kommunen.
• Å sjå dei eldre som ein ressurs og ivareta deira interesser gjennom god dialog med
bl.a. frivilligsentralen, eldrerådet og pensjonistlaget.
• Einerom til alle som ynskjer det.
• At frivilligheitssentralen skal ha gode og føreseielige rammer for koordinering av aktivitet.
• At innbyggarane skal ha ein trygg kvardag.
• Å ha ei vidareføring av «aktiv på dagtid»
•Terapibasseng
3
SKULE OG OPPVEKST
Borna er framtida vår. Senterpartiet vil at alle barn skal ha eit læringsmiljø tilpassa og tilrettelagt for individet. Etter fleire store investeringar, meinar Senterpartiet at vi skal satse på
innhaldet i skulen og korleis ein skal styrke det faglege tilbodet til elevane i skulen. Både skule
og barnehage må opplevast som ein god og trygg stad å vere for å lære. Det må takast omsyn
til den enkelte sine ressursar og interesser. Det må leggast til rette for eit godt og variert
fritidstilbod i eit trygt og positivt nærmiljø.
Senterpartiet vil arbeide for:
• Barnehage opptak heile året
• Å auke ressursane på material- og bemanningssida i skulane og barnehagane.
• Høg kvalitet i skulen og ei tilpassa opplæring for alle elevar.
• At barn og unge, gjennom ungdomsrådet, får sterk innflytelse i saker som vedkjem dei,
mellom anna gjennom å gje ungdomsrådet talerett i kommunestyre
• Aktivt og positivt barne- og ungdomsarbeid i heile kommunen, som td Speidaren, 4H,
Barnas Turlag, fritidsklubbar osv.
• Å styrke det positive miljøet kring Rampen ungdomsklubb. At det får utvikle seg eit breitt
tilbod av ulike aktivitetar er viktig for å skape eit friskt, trygt og haldningsskapande
ungdomsmiljø.
• Å sikre fortsatt full barnehagedekning med eit godt tilbod for alle som
ynskjer barnehage.
• Barnehageopptak heile året.
• At vi skal ha tre skular i Naustdal.
• Gje ungdomsrådet talerett i kommunestyre i saker som vedkjem ungdom.
4
NÆRINGSLIVET
Naustdal ligg sentralt plassert med gode kommunikasjonar og har store moglegheiter til å få
vekst i busetnad og arbeidsplassar. Her er gode bu- og oppvekstmiljø. Unik natur gjev rike
moglegheiter for sport, friluftsliv, jakt, fiske. Ei vellukka satsing på næringsutvikling handlar i
stor grad om å utnytte dei rike natur-, kunst- og kulturressursane, det gode bu- og oppvekstmiljøet i eit kreativt samspel med næringslivet, ungdomen, kobla med høg kompetanse på
ulike områder. Vi ynskjer å sjå på kunst, kultur og reiseliv i ein samanheng, og i eit næringsog folkehelseperspektiv.
For å få vekst i næringsutviklinga må ein gje rom for å tenkje nytt. Ein må satse på eit mangfald
av arbeidsplassar og utvikling av det uprøvde innafor opplevings- og reiselivsnæringa. Det må
satsast på dei som har gode idear og som ønskjer å skape noko sjølv.
Engebøprosjektet
– blir viktig for heile regionen. I Senterpartiet er det rom for både tilhengarar og skeptikarar til
dette prosjektet. No er avgjerda gjort på regjeringshald og vi vil forhalde oss sakleg til dette.
No gjeld det å arbeide for at vi får mest mogeleg att lokalt, samt flest mogeleg ringverknadsarbeidsplassar i tilknytning til denne verksemda.
Landbruket er ein viktig næringsaktør og faktor for busetjing i kommunen. Senterpartiet
ynskjer eit landbruk for framtida, meir mat basert på meir lokale ressursar vil sikre eit grønare
Naustdal.
Senterpartiet vil arbeide for:
• Ei utvikling der dei gode grunder-ideane får god støtte og oppfølging av kommunen.
• Satsing på kunst og kulturbasert næringsutvikling.
• Reiseliv som t.d. prosjektet i Dalen, og bygge vidare på dette i heile kommunen.
• Ei best mogeleg utnytting av småkraft-potensialet i heile kommunen og arbeide for betre
rammevilkår for denne næringa.
• Å styrke satsinga på skoguttak med fleire skogsvegar.
• Legge til rette for næringsareal både i sentrum og ellers i kommunen.
• fleire grøne arbeidsplassar i kommunen.
• Å styrke landbruksrådgivinga, helst med eigen landbrukssjef.
5
INFRASTRUKTUR / SAMFERDSLE
Gode vegar er med å oppretthalde bulysta. Dårlege vegar gjer det motsette. Det har dei siste
åra vore asfaltert lite i kommunen. Vi ynskjer å snu denne trenden.
Senterpartiet vil arbeide for:
• Opprusting av dei kommunale vegane og årleg asfaltere ein del av grusvegane i
kommunen. Dette vil redusere vedlikehaldskostnadane på sikt.
• Fiber til alle innbyggarane i kommunen.
• Å få eit betre kollektivtrafikk-tilbod på kveldstid.
• At fylkes og riksvegnettet blir jamnleg vedlikehalde.
• Å trygge forholda for mjuke trafikantar langs riksveg 5.
• Ålesundbrua må vere ein del av kystvegsatsinga.
KOMMUNALT EIGARSKAP
Senterpartiet vil at Naustdal kommune skal ha eit aktivt eigarskap som aksjeeigar og eigendomsforvaltar gjennom:
• Sikre seg eigendomar ein treng for framtidige investeringar (td. for Friskhus, NBU,
idrettsanlegg).
• Fornuftig eigarskap av kraftaksjar, ein må vere restriktive på sal.
6
KULTUR OG FRITID
Kunst og kultur som merkevare...
Budeia på Sanden er utan tvil ein av dei mest markante merkevarene vi kan byggje vidare på
for å setje kommunen på kartet både nasjonalt og internasjonalt og som identitetsbyggjar for
naustedølane. Bruk av Sanden til ulike arrangement er viktig for både frivillige og profesjonelle
aktørar innanfor kultur og opplevingsaktivitetar. Dette er viktig for alle. Det vil skape ringverknadar til beste for livskvalitet, folkehelse og kan vere ein innfallsport til nye næringar.
Også Vevringutstillinga er ei god merkevare for kommunen og kunstutstillinga står i ei nasjonal
særstilling. Det blir viktig for kommunen å støtte opp om denne i åra som kjem. Vi håpar det
særs verdifulle som Vevring har utvikla i samhald og dugnadsånd kring Vevringutstillinga, vert
ein styrke inn i framtida.
Kommunen si rolle: Det meste av kulturlivet i Naustdal er drifta av frivillige. Kommunen skal
vere ein viktig støttefunksjon for alle frivillige lag og organisasjonar både i sentrum og ute i
grendene. Utan frivillig aktivitet «tørkar» lokalsamfunnet inn og vert eit fattigare samfunn.
Kommunen er i oppstartsfasen i å lage kommunedelplan for kultur. Senterpartiet vil arbeide
for at dei frivillige får ein viktig plass i denne.
Senterpartiet vil arbeide for
• At satsinga på kunst og kultur held fram og at kulturstillinga vert oppretthalde.
• Aktive frivillige lag og organisasjonar i heile kommunen.
• Musikkskulen får eit breiare tilbod til korps / skulemusikken, grupper og einskilde utøvarar.
7
NATURRESSURSAR OG MILJØ
Naustdal er rikt på naturressursar, og Senterpartiet ynskjer ei ansvarleg forvaltning av desse
som gjev varige verdiar. Det er viktig med heilskapleg miljøtenking, basert på lokal kunnskap.
Kommunen må ta på alvor dei globale klimautfordringane, gjennom ein god klima og
energiplan.
Senterpartiet vil arbeide for:
• Å styrkje den lokalstyrde arealforvaltninga.
• Utskifting av kommunalt teknisk utstyr skal helst vere elektrisk.
• Å sikre grunneigarane si tradisjonelle forvaltning av eigedomar og ressursar.
• At Naustdalsvassdraget vert forvalta etter langsiktig, heilskapleg miljøtenking til beste for
alle interessegrupper.
• At kommunen skal vere ein pådrivar for å ha ein framtidsretta klima- og energipolitikk.
• At miljøoppfølgjingsprogrammet i samband med utsleppsløyvet til Nordic Mining, skal
følgjast tett opp av kommunen.
NÆRMILJØ OG BUSETNAD
Senterpartiet vil leggje til rette for bustadbygging i heile kommunen og slik sikre desentralisert
busetnad. Nærmiljø med god kontakt mellom generasjonane vil styrkje trivselen og gje kjensle
av tryggleik for alle. Naustdal skal bli Førdes beste vestkant der einkvar ynskjer å bu. Vi skal og
ta ansvar for å busette flyktningar som Noreg har påteke seg å ta imot, dette er vårt ansvar for
å hegne om menneskeverdet.
Senterpartiet vil arbeide for:
• Å profilere Naustdal positivt og få fleire til å flytte til kommunen.
• Å gje innbyggjarane gode høve til naturopplevingar i nærmiljøet.
• Trygge og gode oppvekstvilkår.
• Å støtte opp om lokalt lagsarbeid.
• Høg kvalitet på bustadbygging.
• Busetting av flyktningar.
• Å satse på løyvingar til Husbanken
8
KYRKJA
Naustdal og Vevring kyrkjer er våre viktigaste historiske bygg. Desse kunst- og kulturverdiane
må takast vare på som ein del av vår felles kulturarv. I ei tid med stor utvikling og endringar, er
det viktig å ta vare på og vidareføre dei grunnleggande verdiane samfunnet vårt er bygd på.
Difor meiner Senterpartiet at vi må ha eit nært samspel med kyrkja.
NAUSTDAL
– med kultur for utvikling
Kommunen har lukkast med å legge til rette for ei større unik bustadbygging i Mallasvik – Sæle
området. Fleire spennande bustadprosjekt er under utvikling i sentrum. Derfor er det svært
viktig at det i eit regionalt perspektiv vert satsa på kvalitetar som gjer at ungdom og barnefamiliar finn det attraktivt å busetje seg i kommunen. Satsing på frisksenter, eit godt barnehagetilbod og ein god læringsarena i grunnskulen er viktig for å gjere Naustdal attraktiv i eit
Sunnfjord-perspektiv. Fokus og satsing på kunst- og kulturaktivitetar gjennom Vevringutstillinga og Kjartanistan, saman med Rampen Ungdomsklubb, idrettstilbodet, frivillige lag
og organisasjonar vil styrke Naustdal sitt omdøme. Senterpartiet vil sikre at denne satsinga
skal halde fram. Med knappe økonomiske rammer meinar Naustdal SP at eit tettare interkommunalt samarbeid vil styrke kompetansen og fagtilboda i kommunane. Tida er inne for
å vurdere nærmare korleis ei samanslåing i Indre-Sunnfjord vil kunne vere positivt for innbyggarane, innafor utvikling av kompetanse og kvalitet på tenestetilbodet og næringarbeidet.
SP ynskjer ein god og involverande prosess der ein ser på fordelar og ulemper med
samanslåing. Ei eventuell samanslåing må vere ønska av folket i Naustdal.
9
KANDIDATAR
1. kandidat Erlend Haugen Herstad, ordførarkandidat, alder 28 år, bustad
Birkeland, valkampsekretær og kjøkkenmedarbeider. Sentralstyremedlem i
Senterungdomen og leiar i Naustdal SP, har sotte 2 år som fast kommunestyrerepresentant i Naustdal. Har tidligare hatt verv i Elevorganisasjonen i
Sogn og Fjordane. Andre verv i Naustdal, nestleiar for frivilligheitssentralen,
medlem i komité for oppvekst og kultur, medlem i styringsgruppa for
utbygging ved NBU. Likar å spele fotball, drive med politikk og kompetitiv
dataspeling. Dei viktigaste politiske sakene, kommunesamanslåing, nærpolitikk (skule, helse og nødtjenester må vere nær der folk bur) samt fiberutbygging til heile kommunen.
2. kandidat Lena Kristin Eliassen, alder 35 år, bustad Instedalen, sambuar
med Vegard, og mamma til Ronja 2 år. Utdanna førskulelærar og jobbar
som pedagogisk leiar i Lunden barnehage i Naustdal. Oppteken av skule og
barnehage, å ta heile Naustdal i bruk, gode forhold for tilsette.
3. kandidat Eiliv Erdal, sambuar, 46 år, bustad Sentrum, bonde og sjølvstendig næringsdrivande. Leiar i Nausta elveeigarlag. Likar Jakt og fiske.
Brenn for jordvern, skule, opptatt av at der skal bu folk i heile kommunen og
at kommunen skal kunne tilby eit breidt tilbod alle innbyggarane.
Det er særs viktig at ein støttar opp om næringslivet i kommunen.
4. kandidat Ståle Fimland, alder 44 år, bustad Fimland. Oppteken av landbruk, bygdeutvikling og busetnad.
5. kandidat Hilmar Kvame, alder 32 år, gift, bustad Kvame, leiar i Naustdal
produsentlag Tine, mjølkeprodusent og anleggsmaskinførar. Bryr seg om
samferdsle, distrikts- og næringspolitikk.
10
6. kandidat Laila Britt Lien, 48 år,bustad Espeland, sambuar, bonde og
ansatt på blomstersenter, tidligare engasjement i fagforbundet FAU og aktiv
i bygdekvinnelaget. Likar å drive med handarbeid, matlaging og drive med
dugnad. Brenn for skule og barnehage, barn og ungdom, sysselsetting,
arbeidsplass-skaping, bygdeutvikling. Særskilt oppteken av familie politikk.
7. kandidat Hallgeir Kalland, 29 år, bustad Kalland, sambuar, bilmekanikar og
bonde. Bryr seg om distrikta, skulestruktur og nærings politikk.
8. kandidat Ragnhild Kringlen, 21 år, bustad Kringla, oppteken av gardsdrift,
internasjonal solidaritet og landbrukspolitikk. Likar å gå tur.
9. kandidat Jan Erik Horstad, alder 38 år, bustad Horstad. Sjølvstendig
næringsdrivande/Bonde. Interessert i friluftsliv og idrett. Politiske felt:
Landbruk og anna næringsliv. Skule og oppvekst. Eldreomsorg.
Naustdal i framtida.
10. kandidat Solbjørg Steiro Herstad, 52 år, Midtredalen, gift. Farmasøyt
Apotek1 Førde. Leiar Midtredalen Bygdekvinnelag. Interesser:
Trim/trening/turar, handarbeid Nærmiljø og distriktspolitikk.
11
Naustdal Senterparti
Kommunevallista 2015 – 2019
Nr. Namn
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
Erlend Haugen Herstad
Lena Kristin Eliassen
Eiliv Erdal
Ståle Fimland
Hilmar Kvame
Laila Lien
Hallgeir Kalland
Ragnhild Kringlen
Jan Erik Horstad
Solbjørg Steiro Herstad
Johnny Bernhard Aarseth
Ann Kristin Solås
Kjell Klopstad
Johnny Følling
Harald Kalland
Anne Grete Hukset Vonen
Øyvin Mortensbakke
Cecilie Linn Heggelund
Stian Andal
Helge Olav Gjøringbø
Jostein Løtuft
Kjetil Veien
Jorunn Andal Rørstadbotnen
Odd Arne Hamre
Trygve Ramsdal
Vidar Heggheim
Naustdal Senterparti
vil ynskje deg
eit godt val!
Naustdal Senterparti
v/Erlend Herstad – leiar
6817 Naustdal
E-post: [email protected]
Mobil: 91 64 47 40
senterpartiet.no
INNMELDING
Bli SP-medlem – send «SP» til 2360.
(for deg under 30) Bli Senterungdoms-medlem send «SUL» til 2360