"Tilgjengeprisen" er ein pris som vert delt ut av kommunalt råd for menneske
med nedsett funksjonsevne i Fjell kommune.
Rådet er eit samhandlings- og rådgjevande organ for kommunen i saker som angår
funksjonshemma sine behov og interesser, og kommunen sitt formelle organ i arbeidet
med brukarmedverknad.
Formålet med tilgjengeprisen er å gjere eit kvart miljø tilgjengeleg for menneske med
nedsett funksjonsevne. Eit utvida omgrep av universell utforming vert lagt til grunn.
Tilgjenge til bygningar, informasjon, kultur, friluftsliv, idrett, familie, vener, kollegaer,
nærmiljø og serveringsstader.
"Tilgjengeprisen" kan delast ut til den einskildpersonen, organisasjonen, bedrifta eller
den offentlege etaten som har gjort ein særs verdfull innsats for å betra tilgjenge for
menneske med nedsett funksjonsevne i lokalmiljøet eller kommunen.
Nokre kriteria for kunna få tilgjengeprisen
• Tiltaket skal koma flest mogleg brukargrupper til gode.
• Kvaliteten (gjennomføringa) skal vera god.
• Kandidaten har synt ei positiv haldning til og/eller forståing for å leggja til rette for
universell utforming.
• Menneske med nedsett funksjonsevne har hatt innverknad på utforming av tiltaket
(brukarmedverknad).
Om vinnaren:
• På uteområdet er det lagt til rette for blinde og svaksynte med gode ledelinjer *)
som fører fram til inngangsdøra. For rullestolbrukarar og rørslehemma er der gode
parkeringsforhold og eit flatt inngangsparti gjer det lett å koma inn i bygget.
*) Ei ledelinje er ei samanhengande linje som skal leia frå eit punkt til eit anna. Ledelinja
skal kunna sjåast av svaksynte og følast av blinde.
• Innandørs er her òg gode ledelinjer med merksemdsfelt og farefelt.
• Ikkje så langt innanfor ytterdørene finn vi ei informasjonstavle over bygget. Denne
er tilgjengeleg både for svaksynte og blinde.
• Heisane er godt og universelt utstyrte med lyd, taktilt *) og blindeskrift
*) Skrift i hand som støtte til tale. Taktile teikn som støtte til tale.
• Trappene er merka med farefelt og info på rekkverka i taktilt.
• Dørene til toaletta er merka med taktil og blindeskrift.
• Òg innandørs er bygget godt tilrettelagt for rullestolbrukarar eller rørslehemma,
mellom anna med god plass til å svinga seg rundt med rullestol.
• Her er også gode plassar for plassering av rullestolar med tanke på å sjå det som
føregår nede på golvet.
Og vinnaren er: Sotra Arena v/Eigedomssjefen !!
Utdeling av maleri av Kjell Andersland: «
+ 5000 kr