1. No category

Doarjagat, mat máksojuvvojit sámi giellalága vuođul
Vuoigatvuohtaministeriija almmuha ohcanláhkai sámi giellalága (1086/2003) 31 §:s dárkkuhuvvon
doarjagiid, maid várás dán jagi lea ruhta oktiibuot 120 000 euro. Doarjaga sáhttá mieđihit sámiid
ruovttuguovllu gielddaide, searvegottiide ja bálgosiidda ja maiddái lága 18 §:s dárkkuhuvvon
priváhta oassebeliide máinnašuvvon lága heiveheamis boahtán sierra lassigoluid máksima várás.
Friijahápmásaš ohcamušaid galgá doaimmahit vuoigatvuohtaministeriijai maŋimustá 31.3.2017
dmu 16:15 poastačujuhussii Demokratiija-, giella- ja vuođđovuoigatvuođaáššiid ovttadat, PL 25,
00023 Valtioneuvosto. Ohcamuša sáhttá doaimmahit maiddái elektrovnnalaččat
Vuoigatvuođaministeriija registrerenkantuvrii šleađgapoastačujuhussii: [email protected].
Ohcamušas galgá čilget daid sierra lassigoluid, maid máksima várás doarjja ohccojuvvo. Juos
ohcamuš bargojuvvo sámi giellalága 18 §:a vuođul, ohcamušas galgá čilget maiddái, ahte ohcci lea
máinnašuvvon láhkačuoggás dárkkuhuvvon priváhta oassebealli. Juos ohccin lea
siviilavuoigatvuođalaš ovttastupmi dahje vuođđudus, ohcamuššii galgá laktit ovttastumi dahje
vuođđudusa guoski registtarváldosa ja maiddái maŋimuš nannejuvvon ruhtadoalloloahpaheami,
doaibmačilgehusa ja ruhtadoallodárkkistanmuitalusa.
Ohcanmeannudeamis čuvvojuvvo stáhtadoarjjaláhka (688/2001).
Lassidieđuid addá ráđđádalli virgeolmmoš Satu Kaskinen,
tel 029 515 0322 ([email protected])