TORJUUH, MOH MÁKSOJEH SÄÄMI KIELÂLAAVÂ VUÁĐULD
Riehtiministeriö almoot uuccâmnáál säämi kielâlaavâ (1086/2003) 31 §:st uáivildum torjuid, moi várás lii taan ive
kevttimnáálá ohtsis 120 000 eurod. Torjuu puáhtá mieđettiđ sämikuávlu kieldáid, servikuddijd já palgâsáid sehe laavâ
18 §:st uáivildum priivaat uásipeelijd mainâšum laavâ heivitmist šaddee sierânâs lasekoloi luávdimân.
Rijjâhámásijd ucâmušâid kalga toimâttiđ riehtiministeriön majemustáá 31.3.2017 tme 16:15 postâčujottâsân
Demokratia-, kieli- ja perusoikeusasioiden yksikkö, PL 25, 00023 Valtioneuvosto. Ucâmušâid puáhtá toimâttiđ meid
šleđgâlávt riehtiministeriö kirjimkontturân šleđgâpostâčujottâsân: [email protected].
Ucâmušâst kalga čielgiđ taid sierânâs lasekoloid, moi luávdimân toorjâ occoo. Jis ucâmuš ráhtoo säämi kielâlaavâ 18 §
vuáđuld, ucâmušâst kalga čielgiđ meid, ete occee lii mainâšum lahâsaajeest uáivildum priivaat uásipeeli. Jis occen lii
priivaatvuoigâdvuođâlâš siärvus teikâ vuáđudâs, kalga ucâmušân lahteđ siärvusân teikâ vuáđudâsân kyeskee
registerváldus sehe majemustáá nanodum ruttâtuálulopâttem, toimâčielgiittâs já tilitärhistemmuštâluš.
Ucâmušlattiimist nuávdittuvvoo staatâtoorjâlaahâ (688/2001).
Lasetiäđuid addel ráđádâllee virgeolmooš Satu Kaskinen,
puh 029 515 0322 ([email protected]).