1. No category

Leikanger
KYRKJELYDS
BLAD
Nr. 1 - 2013 Årgang 67
Pilegrimsvandring
med
Bjørg
Sterke inntrykk for konfirmantane
Lys vaken trusopplæring
Egil Hovland lever
Kyrkjeringane i Leikanger feirar førti
Sogn og Fjordane fyller 250 - lokal markering i Leikanger
Leikanger kyrkjelydsblad nr 1 2013
1
Oversikt over tilsette,
kontaktadresser og
telefonar:
Administrasjon Leikanger OG Sogndal
kyrkjekontor
Besøks-/postadresse:
Kyrkjevegen 6, Stedjetunet,
6856 Sogndal
Tlf sentralbord: 57 67 99 85, faks: 57 62 98 91
Kyrkjeverje:
Jorunn Merete Haukås-Eide
Telefon mobil: 404 76 682
E-post: [email protected]
[email protected]
Kontortid kvar dag unnateke onsdag.
Soknepresten i Leikanger og Norum:
Egon Askvik
[email protected] Tlf. 907 63 554
Treffetid etter avtale - måndag fri.
Kyrkjetenar/klokkar/ reinhaldar:
Sandra Pearce
[email protected] Tlf. 951 60 890
Fredag fri
Organist:
Diccon Pearce
[email protected] Tlf. 57654157/974 35 982
Kontor i bustad - fredag fri
Soknerådsleiar:
Anne Kristin England
[email protected], Tlf: 950 46 062
Leiar i Leikanger og Sogndal fellesråd:
Marit Lunde Mundal
Kommunal representant for Leikanger i
fellesrådet:
Ole Simen Nesdal
Leige av kyrkjelydshuset:
Kirsti Svangstu
[email protected] Tlf:915 82 293
www.facebook.com/leikangerkyrkja
www.kyrkja.no Kyrja sentralt sin nettstad
www.kyrkja.no/bjorgvin Bjørgvin
bispedømme sine heimesider
www.leikanger.kommune.no/kyrkja
Informasjon om Leikanger kyrkje, tilsette og
gudstenesteliste
http://www.sogndal.kyrkja.no Informasjon
om kyrkja i Leikanger og Sogndal
Leikanger kyrkjelydsblad
organ for Leikanger sokneråd
Redaktør: Egon Askvik
Redaksjonsnemnd:
Signe Eikenes og Kirsti Svangstu
Kasserar for bladet: Reidar Tjønn
Layout: Elianne Eggum
Trykk Husabø prenteverk
Neste nummer kjem i september. Frist for
innsendt stoff er 20. august.
2
Leikanger kyrkjelydsblad nr 1 2013
Ei tid for å dansa
Har du sett sola dansa? Rart spørsmål
synest du kanskje. For ho gjer jo ikkje
det. Sola ho skin, strålar, varmar og
gjer godt, men dansa gjer ho no ikkje.
Eg har nok ikkje sett sola dansa, men
no må eg innrømma at eg ikkje har
sett så godt etter heller. Kanskje eg
skal gjera det i påska? Det er nemleg
då det blir påstått at sola gjer det.
Ikkje kvar dag, men ein heilt bestemt.
Fyrste påskedag om morgon då dansar sola. Det var i middelalderen
dei oppdaga dette forunderlege fenomenet, og fleire stader i landet
vårt har det vore tradisjon å dra til fjells grytidleg om morgonen
1.påskedag. Dei ville sjå sola stå opp. Dei ville oppleve henne dansa
over fjelltoppane.
Eg veit ikkje kva du tenkjer om dette fenomenet ? Kan vera dei tok
litt sterkt i dei som påstod dette ? Eg er ikkje så sikker på om dei ville
støtta teorien på meteorologisk institutt, eller kva den engasjerte
astrofysikaren Knut Jørgen Røed Ødegaard ville sagt.
Men det får vera. Det er ikkje så nøye. Det er forklaringa eg synest er
så flott. Kva det var som gjorde at ein meinte at sola dansa akkurat
denne dagen. Og kva var det då? Jau, ho dansa i glede over at Jesus
stod opp frå grava. Ho jubla over Jesus sin seier over døden. Ho
kunne ikkje halde seg i ro i glede over morgonen som kom med
lyset og livet, og som planta håp midt på vår jord. Så er det mogeleg
dei tok litt sterkt i dei som meinte sola dansa, men det som hendte
1.påskedag er grunn god nok for både den eine og den andre til å
bevega litt på seg.
Påskeforteljinga inneheld sterke kontrastar. Her er sorg og glede,
nederlag og sigrar, sjokk og trøyst, fortviling og håp. Slik kan vi òg
oppleve livet. Dagane kan vera så ulike, men påska vil minne oss om
at det finst ein soloppgang. Det finst ein kjærleik som er sterkare enn
døden, og eit håp som står som fjellet fast.
Det gjer ikkje livet enkelt. Han har så rett
Forkynnaren i Gamle testamentet som
seier at alt har si tid. ” Ei tid til å gråta, ei
til å le, ei tid til å syrgja og ei til å dansa”
Men når tida for å dansa er der, så kan
ein kanskje - saman med sola – våga seg
frampå og ta nokre trinn.
Den gode bodskapen 1. påskedag møter
oss med, er i alle fall ein god grunn til å
gjera det .
Bård Haukedal er fungerande prost
i det nye prostiet: Sogn prosti
God påske !
Ei annleis påske
Bjørg Sæter var på pilegrimsvandring i Spania og fortel her om møte med
andre påsketradisjonar enn dei me er vane med.
Leikanger kyrkjelydsblad nr 1 2013
3
Glade menneske tek imot prosesjonen med Maria 1. påskedag
D
et er palmesøndag kveld, mørkt
og stappfullt av folk i gatene i
den spanske byen Zafra. Vi ventar
på prosesjonen. Folk er glade. Dei
pratar og ler – og ventar. Ei dame
prøver å forklare meg det meste om
spansk påske i eit rivande tempo
på spansk. Eg fangar nokre bitar
eg forstår her og der og set det
saman med dei bitane eg har fanga
tidlegare. Eg held på å få eit bilete av
Så går kyrkjedørene opp. Flåten
med den lidande Jesus kjem til syne.
Den er fleire hundre år gamal. Sakte
– i fleire timar – skal den berast
gjennom gatene. Flåten med den
sørjande Maria føljer. Det er masse
lys, brokadeklede med gulltrådar og
baldakinar med duskar som ”dansar”
når dei femti berarane gjer tinga sine
rett. Folk klappar og jublar.
Eg er på veg aleine til fots opp
regner. Månader med førebuing er
forgjeves. Langfredag ser vi vaksne
menneske som gret av glede på TV
fordi det slutta å regne og den store
prosesjonen i Sevilla kunne gå som
planlagt. Eg forstår at dette er alvor.
Eg ser store prosesjonar og små
prosesjonar. Natt til langfredag får
eg og vere med i ein stille prosesjon
sjølv, og er i seng klokka tre om
natta.
Flåtane med Maria og Jesus møtest på Plaza Major i Cáceres
kva spansk påske er. Den er førebudd
lenge. Folk har jobba i komitear, øvd
i korps, trena på å bere, sydd klede,
pussa messing og sølv, kjøpt inn
lys og blomar og bygd opp flåtane
som skal berast gjennom gatene.
No har dei unge kome heim frå
studiestadene og familiane samlas.
4
Leikanger kyrkjelydsblad nr 1 2013
gjennom Spania frå Cadiz ved havet
i sør til havet oppe i nordvest. Det
skal ta meg to månader. Dermed får
eg med meg påska ”på langs” – ei
svært annleis påske enn eg er van
med heime. Regnet kjem. Vi ser
gråtande barn i kostymene sine på
TV. Prosesjonane kan ikkje gå når det
Maria held den døde Jesus. Blomar omgir dei på
alle kantar.
Eg er på messe i kyrkja i Valdesalor
- ein bitte liten flekk av ein landsby
på jorda. Det er påskeaftan
og midnattsmesse. Kyrkja er
påskepynta. I morgon skal dei bære
sine to små flåtar gjennom byen.
Tjue damer, ein mann (dei andre
spelar kort på baren), ein gut, fem
pilegrimar og presten går ut av kyrkja
og tenner det store påskelyset frå
fatet med eld utanfor døra. Så inn,
og alle tenner sine små lys frå det
store. Det er akkurat som heime!
Langfredag. Her var det 60 personar som bar
flåten.
Dei les tekstane for denne spesielle
kvelden - akkurat dei same tekstane
som heime. Eg kjenner at eg høyrer
til i ein verdsvid kristen fellesskap.
Ein liten flekk på jorda - små flekkar
over heile jorda - akkurat det same
- akkurat denne spesielle kvelden.
"Eg er lyset for verda." "Kristus er
oppstaden." "Ja, han er sannelig
oppstaden!" - Over heile verda akkurat no - også i Valdesalor...
Påskemorgon. Bekmørkt. Eg er
grytidleg på vegen etter ei natt på ei
treningsmatte i garderobeanlegget
på idrettsplassen i Valdesalor. Vil så
gjerne nå påskedagsprosesjonen i
Cáceres. Det er bitande kaldt, men
sakte, sakte kjem lyset og varmen
– og sola – ei skikkeleg påskesol!
Eg når fram i tide. På Plaza Major
i Cáceres sig det på med folk. Det
må vere fleire tusen etter kvart. Vi
ventar. Så høyrer vi musikkorpsa
og ser flåten med Maria kome inn
på plassen. Ho er kledd i kvit kjole,
fargen for glede. Frå motsett side
kjem flåten med den oppstadne
Jesus. Også han er kledd i kvitt. Midt
på plassen møtest dei. Folk er heilt
stille. Så bøyer Maria seg for sonen
sin! Hundrevis av ballongar går til
vers mot ein knallblå himmel. Folk
jublar og klappar. Musikkorpsa spelar
opp ein glad melodi og så ”dansar”
flåtane med Maria og Jesus på Plaza
Major i Cáceres, og fleire tusen
menneske nynnar og svingar med!
Noko slikt har vi ikkje i Norge…
Barn er barn! Dei kjedar seg litt, rullar opp hettene
og leikar med lysa.
Så er eg på vegen att. Det er framleis
første påskedag. I handa har eg
Norsk salmebok. Den har eg bore på
i tre veker for denne dagen. Eg går
og går og syng og syng alle dei vakre,
kjende, kjære påskesalmane våre.
For noko slikt har dei ikkje i Spania…
Langfredag. Maria kledd i svart og gull sørgjer over sonen sin.
Leikanger kyrkjelydsblad nr 1 2013
5
Den januarkvelden me aldri gløymer
M
e hadde om Eg-perla i Kristuskransen. Den perla
som fortel av me er verdfulle.
Difor vart me noko overraska då gjesten denne kvelden
opna med desse orda:
”Eg heiter Rita Kalstad og eg er ingen ting”.
Frå då av hadde ho over 100 konfirmantar, og leiarar, sin
fulle konsentrasjon. Her var dei samla frå frå Sogndal,
Fjærland, Kaupanger, Norum og Leikanger.
Ho fortalde korleis ho for fire år sidan på dramatisk vis
so å seia mista livet to gonger. Ho vart fortald at ho aldri
kunne gå meir. Men då dei sette inn rullestolen til henne
for at ho skulle venna seg til synet, ba ho dei ta han ut.
”Eg skal aldri oppi den”, sa ho.
Rita fortalde korleis ho hadde mista så mykje. Helsa si og
jobben sin som ho var så glad i. Rita var diakon i Sogndal
og var med i konfirmantarbeidet her i fleire år.
For to år sida miste ho også mannen sin. Det vart det
største tapet. ”Eg kjenner meg so svak og eg veit ikkje om
eg greier sjå på meg sjølv som verdfull, sjølv om eg veit
at eg er det”, sa Rita, som også hadde med seg dotter si,
Maria, denne kvelden.
Me sat likevel att med inntrykket av ein ”fightar” som
nekta gje seg, sjølv om ho kjende både på tvil og avmakt
og var sint på Gud.
Ei av konfirmantane sette ord på det. Framfor heile
forsamlinga reiste ho seg og sa ”Du må ikkje seia at du
ikkje er noko. For du er noko her i kveld. Med det du har
fortald”. Maria hadde også ordet og minna mor si på kor
betydningsfull ho var for familien, henne og barnebarnet
ho hadde fått.
Rita uttrykte stor takksemnd til konfirmantane for den
respektfulle og lyttande måten dei hadde møtt henne på.
”Eg må innrømma at eg kvidde meg voldsomt til å møta
dåke, men det var heilt unødvendig” smilte ho. Rita
var likevel tvilande til i kor stor grad ho ville orka å gjera
dette framfor andre forsamlingar. Det var krevjande.
For oss som var der, var det som å ha fått ei stor gåve.
Det sette i gong så mange tankar og refleksjonar om
kva livet er og om kva me er verd når me ikkje kan vera
”nyttige”.
Mange hadde spørsmål og ville snakka vidare med Rita etter
foredraget.
6
Leikanger kyrkjelydsblad nr 1 2013
Tekst/foto: Egon Askvik
Frå konfirmanttur i Sogndalsdalen.
Kva farge har Gud? Maleskrinet må fram på kyrkjelydshytta
Konfirmantnatt i
Sognahallen.
Dårleg vèr la ingen dempar på turen
Pugging
Det var fotballcup gjennom natta. Her er laget med heiagjeng.
Olaug og Vikeke frå 10.klasse var med som hjelpeleiarar
gjennom natta.
På konfirmantkvelden i februar skulle dei ti boda lærast
utenat. Ingrid Fredheim prøver seg, medan Aleksander
Langeteig ser litt skeptisk ut.
Til saman 200 konfirmantar var saman i Sognahallen natta mellom 8. og 9.mars. Her var det eit variert og spennande program
gjennom heile natta. Dei som var med frå Leikanger gav uttrykk
for at dei koste seg.
Munnleg eksamen, men sokneprest Kjell Sæter som
sensor. Dette ser ut til å gå bra!
Leikanger kyrkjelydsblad nr 1 2013
7
T
Gud gir – vi deler
Om trusopplæringa i
Leikanger
rusopplæringa i Leikanger jobbar mot eit mål:
At barn og unge, gjennom å dele tru og undring, skal
lære å kjenne den treeinige Gud og vekse i trua på Han.
At barn og unge kjenner seg heime i kyrkjelyden, og
erfarer eit raust og godt fellesskap der.
Vi ynskjer å bidra til at foreldre ser seg sjølv som viktige
medarbeidarar i trusopplæringa, og å leggje til rette for
eit godt samarbeid med dei.
I kyrkjelyden fins det allereide godt innarbeidde tiltak
som dreg oss mot dette målet:
Dåpssamtalar, Babysong (0-1 år), Borna sin påskefest
med utdeling av bøker til 6 åringar, Hausttakkefest
med utdeling av bøker til 4 åringar, Lys vaken med
Bibelutdeling (11 år) og konfirmasjons-opplæring (14-15
år).
Av nye tiltak, pr.idag, har vi eigne samlingar for 4 og 6
åringar i samband med utdeling av bøker. I tillegg får 6
åringane invitasjon til Skulestartmarkering, dagen før
1.skuledag.
Spennande fellestiltak med andre sokn er òg i gong;
Tårnagenthelg (9 år) i Stedje kyrkje, og PANGSTART-LEIR
(11 -13 år), i veka før skulestart, på Lyngmo.
8
Leikanger kyrkjelydsblad nr 1 2013
Kyrkja har alltid drive trusopplæringsarbeid, og
det fekk fornya fokus då Leikanger sokn fekk
trusopplæringsmidlar, saman med sokna i Sogndal
i 2010. Dette var i tråd med trusopplæringsreforma
som stortinget vedtok i 2004, og som hadde som mål
å gje alle barn og unge mellom 0-18 år ei systematisk
og samanhengande trusopplæring. Trusopplæring er å
forstå synonymt med dåpsopplæring, og skal leggje til
rette for at barn og unge kan utrustast til å leve i dåpen
og si kristne tru.
Ein føresetnad for midlane ein fekk var at det skulle
utarbeidast ein lokal plan for Leikanger sokn. Planen
fekk form og innhald gjennom aktiv utprøving av tiltak.
I utgangen av 2012 vart han sendt inn til biskop Halvor
Nordhaug. Der vart han godkjend, og biskopen omtalte
planen som svært god.
Ynskjer du å vite meir om desse tiltaka og planen for
Leikanger sokn?
Har du lyst å vere med som frivillig medarbeidar i dette
viktige arbeidet?
Ta kontakt med Egon Askvik (sokneprest; 90763554) eller
Guri Høstaker Nordheim (trusopplærar; 466 37 889).
Vi ser fram til å snakke med deg!
Guri H. Nordheim
D
et er alltid spennande om årets 11 åringar vil vere med på ”Lys vaken” i kyrkja. Det ville dei! 25 elleveåringar
var klare, og det heile starta i kyrkja med ei fellessamling før vi gjekk på dei ulike stasjonane. Det var fire svært
ulike stasjonar; ein i tårnet der vi studerte inskripsjonar og laga ”tårnmusikk” med klokkene. Ein stasjon var i
prestegarden, der dei møtte ein bibelsk person. Her møtte dei ”Peter”, som fortalde om det han hadde opplevd
saman med Jesus. På ein stasjon skulle dei leite etter ord i ei mørklagt kyrkje. Det hjalp å bruke lommelykt og
refleksar, og orda vart til saman eit bibelvers. Den siste stasjonen var i Kyrkjelydshuset der dei skulle lære bøna” Vår
Far”, gjennom ulike oppgåver.
Så var det tid for pizza i kyrkjelydshuset, og vidare jobbing i grupper. No var det gudstenesta neste dag som
skulle førebuast og alle elleveåringane var i sving med ulike oppgåver til seint på kveld. Etter dette tok vi alle
kvelden- heime, før vi møtte kvarandre att til frukost, søndagmorgon. Nokre av elleveåringane skulle vidare på
handball-turnering i Aurland, medan resten av gjengen gjorde seg klar til gudsteneste. Dei hadde fått utdelt ulike
ansvarsoppgåver som dei meistra på ein svært god måte. Det vart ei fin gudsteneste, der det òg vart markert at alle
elleveåringane no var heldige eigarar av sin eigen Bibel.
Takk for laget, elleveåringar! Takk for innsatsen konfirmantar, ungdomsleiarar og vaksne leiarar, som gjorde ein
kjempejobb denne helga!
Guri H. Nordheim
Leikanger kyrkjelydsblad nr 1 2013
9
Jonsok i kyrkja
J
onsokafta fell dette året på ein sundag. Me vil difor markera dagen i kyrkja med ei ettermiddaggudsteneste kl.16.
Det vert ei skikkeleg sommargudsteneste der me pyntar med blomar og fyller kyrkja med song og musikk.
Og etterpå er det bål !
Konfirmantane våren 2013
Konfirmasjonsdagen er pinsedag 19.mai
Kl.11
Halvard Fossheim
Ingrid Fredheim
Olav Henjum
Eirik Husabø
Amanda Asphaug Husum
Magdalena Røysum Langeteig
Aleksander Langeteig
Aurora Nes
Beate Fondenes Vangsnes
Kl.13
Kristin Molvær
Tord Magnus Næss
Sander Thorsnes Talle
Hanna Vangsnes
Torbjørn Hamre
Tommy Bäckström Vikdal
Gjermund Elias Yndesdal
Hans Bulling Johansen
STØTT
Kirkens Nødhjelps
fasteaksjon 2013
Støtt Kirkens Nødhjelp og skap forandring.
Saman med andre. For andre.
For kvarandre.
KIRKENS NØDHJELPS FASTEAKSJON
SAMAN
FORANDRE
17.-19. mars 2013
Send GAVE på sms til 2468 (200 kr) eller
eller ring 820 44 088 (200 kr) eller
benytt kontonummer 1594 22 87493
10
Leikanger kyrkjelydsblad nr 1 2013
Takk gode Gud for alle ting!
Takk gode Gud for alle ting, først for bror Sol så lys og fin.
Han vekker oss hvert morgengry og er ditt tegn for oss i sky.
Halleluja, halleluja. Takk for alle dine under!
D
ette er første verset av salme 281 i Norsk Salmebok, ein av dei mange salmane Egil Hovland har tonesett. Egil
Hovland gjekk bort 5.februar i år, over 90 år gamal. Med han er ein av dei største og mest allsidige komponistane
det siste hundreåret borte.
Hovland utdanna seg til organist og starta si gjerning i Glemmen kyrkje i Fredrikstad i 1949. På 50-talet studerte
han komposisjon hjå dyktige komponistar i inn- og utland. Og resultata kom i form av orkesterverk, store vokalverk,
kammermusikkverk, messer, kantater, motettar, kyrkjespel og orgelverk. Har du sunge i kor eller spelt i orkester er
det stor sjanse for at du har framført ein eller fleire av Hovland sine komposisjonar. Som komponist utfordra Hovland
vante reglar i musikken. Han ynskte å kome menneske i møte med musikken ved å gjere den enklare, meir venleg og
kanskje også meir romantisk. På 70-talet utvikla han sin personlege stil.
Tilbake til salmeboka. Hovland har med sine 51 melodiar flest ulike salmetonar i salmeboka, mens Lindemann sine
melodiar er nytta til flest salmar (ein del salmar har same melodi). Egil Hovland har skrive musikk til alle samanhengar:
frå dåp til gravferd, frå pasjon til høgtid. I siste del av salmeboka finn vi motettar til kyrkjeåret, og fleire av desse er
skrivne av Hovland. Dette er tonesette bibeltekstar, og fleire av dei er inspirerte av gregoriansk song.
Egil Hovland har samarbeidd med både norske og svenske diktarar. Ei av dei er svenske Britt G Hallquist. Vi finn fleire
av hennar salmar i salmeboka vår, og den mest kjende av desse er Måne og sol på nr. 943. Denne tonen kom til
gjennom ein draum Hovland hadde. I draumen stod han i studioet sitt der det hang bilde av dei kappekleddde borna i
barnekoret hans i Glemmen kyrkje. Plutseleg «løsna» dei unge songarane som englar frå biletet:
”Jeg sto med et noteark i hånden, og var mest forundret
over synet, forteller han. Etter hvert "landet" de små
engelene som noter på arket, og der de falt ned, sto
melodien til "Måne og sol" notert. Det var bare for meg
å renskrive det.»
PS: I juni feirar Vereide kyrkje sitt 900-års jubileum. Då
framfører kyrkjekoret «Dette er dagen som Herren har
gjort» frå Signingsmusikken (Nidarosdomen 1991).
Tekst: Signe Eikenes
Leikanger kyrkjelydsblad nr 1 2013
11
Norgesturne!
The Alleluia Ringers
The Alleluia
Ringers
of Concordia
University
Wisconsin,
of Concordia
University
Wisconsin USA
USA
Dr. John Behnke,
Director
Dr. John Behnke, Director
21. maiNorway
Nittedal Tour
2013
22. mai
Sandefjord
24. mai
Lillehammer
21. Mai
Nittedal
26. mai
Valldal
22.
Sandefjord
27. Mai
mai
Leikanger
24.
Lillehammer
29. Mai
mai
Markus
Kirke, Oslo
26. Mai
Valldal
“Alleluia Ringers” frå Concordia
University Wiscponsin,
USA, vitjar Leikanger og har konsert i kyrkja
27. Mai
Leikanger
måndag 27.mai kl.1930.
Markus
Dei har29.
voreMai
på turné i Noreg to
gonger føprKirke,
(1995 ogOslo
2003)
Orkester består av 14 studentar, dirigenten Dr. John Behnke og støtteapparat.
Dei spelar handklokker, noko som er sjeldant å høyre hjå oss.
Konserten er gratis, men det vert teke opp kollekt.
Kyrkjelyden har teke på seg å skaffa dei privat overnatting.
Kan du ta imot to eller fleire til overnatting måndag 27. – tysdag 28. mai?
Gje melding til Diccon [email protected]
12
Leikanger kyrkjelydsblad nr 1 2013
Kyrkjeringane fyller
førti
K
yrkjeringane hadde fellesmøte fyrste torsdag i
advent. Det vert kalla adventsmøte. Ute var kvelden
blåkald, men inne i Kyrkjelydshuset lunt, varmt og godt.
Ettersom det i 2012 var 40 år sidan kyrkjeringane kom
i gang, ville me markere dette, men på ein enkel måte.
Nokre historiske sider leita me fram. Kanskje er det
mange som ikkje veit så mykje om kyrkjeringane, og kva
dei står for? Her er litt om oss:
Frå 1965 – 1975 var Oddmund Hjermann presten vår.
Hjermann hadde eit varmt ynskje om å få skipe til eit
støttelag som kunne samle inn pengar til inventar og
bruksting til kyrkja. På møtet i Leikanger sokneråd
21. oktober 1971, valde soknerådet ei nemnd som
skulle prøve å få i gang kyrkjeringar. Desse vart med i
nemnda: Eldbjørg Åm, Anne Lise Lie, Else Husabø og
Oddmund Hjermann. Som me skjønar, var dette ei
svært effektiv nemnd, for i januar 1972 var opplegget
for kyrkjeringane klart.
Tre ringar skulle det vere, ein i ytre-, ein i midtre- og
ein i indrebygda. Møtedagen skulle vere andre måndag
i månaden, og gå på omgang i heimane. Det skulle
vere enkel servering slik at ingen såg vanske med
å ha desse møta. Likeeins vart det bestemt at det
skulle vere to fellesmøte i året, eit om våren og eit
før jul. På fellesmøta skulle me ha utlodding, men på
måndagsmøta samlar me inn pengar.
Fellesmøte er det høgste organ. Her vert det løyvd
pengar til ymse føremål etter ynskje frå soknerådet. I
40 år har det vore slik! Me i ringane har koselege møte
både i heimane og i Kyrkjelydshuset.
Kyrkjeringane har samla inn 532.517 kroner i desse
40 åra. Noko av det me har løyvd pengar til desse åra
er: Lysekrone, messehaklar, piano, gåve til bårehus,
benkeputer, preikestolteppe, flomlys m.m.
I 2012 har me gjeve 80 000 kroner til lesepultklede
og projektor – der me får tekstar, salmar og liturgi på
veggen framme i kyrkja.
Er det nokon som har lyst å vere med i kyrkjeringane,
er de hjarteleg velkomne. Me treng fleire. Kom med
strikkety, snakkety og pengepung!
Helsing indre kyrkjering.
Leikanger kyrkjelydsblad nr 1 2013
13
Helsing frå nyvald soknerådsleiar
F
yrst ei stor takk til Dagny Ugulsvik Alvik for arbeidet ho
har gjort som leiar i Leikanger sokneråd i 2012. Eg har
overteke leiarvervet etter Dagny. Eg er født og oppvaksen i
Leikanger. Leikanger Kyrkje er ”mi” kyrkje, der dei 3 barna
mine er døypte og konfirmerte og dei 2 barnebarna er
døypte.
Det siste året har eg hatt arbeidsplassen min i Sogn og
Fjordane Fylkeskommune. Eg vart valt inn i soknerådet
hausten 2011. Sakene i 2012 var til dels krevjande, men og
interessante , spesielt kan nemnast den nye liturgien som vart
vedteken hausten 2012.
Vi som er i soknerådet arbeidar godt saman og deler
oppgåvene mellom oss. Dette gjer at ein som leiar opplever å
har god støtte i dei andre. Eg håpar de vil ta kontakt med meg
for eventuelle spørsmål eller med gode råd og innspel til oss
som sit i soknerådet.
Eg ynskjer alle ei god påske.
helsing Anne Kristin Aarskog England
Praksisstudentar i Leikanger kyrkjelyd
I
tida 12.mars-6.april skal teologistudentane Ingrid Øygard og Ingrid Synnevaag har praksis i Leikanger kyrkjelyd. Det betyr at dei skal vera med på gudstenester, kyrkjelege handlingar og andre aktivitetar i kyrkjelyden.
Du vil møta dei på babysong, tysdagstreff, konfirmanttime, kyrkjeringane og på sjukeheimen.
Begge er 22 år går 6.semester på teologi på Menighetsfakulttet i Oslo.
Ingrid Synnevåg (t.v.) er frå Stavanger og her har ho
også jobba eitt år med born, ungdom og kor før ho
starta på studiet. Ho synes det er litt skummelt å
skulla verta prest, men at det kjennest veldig riktig. –
Å forkynne Guds rike er en herlig tanke, seier ho
Ingrid Øygard er frå Vatne på Sunnmøre, Ho synes
det å vera på veg mot å bli prest er ein spanande
prossess. Ho ser fram til å kunna sjå endå meir av kva
Gud kan bruka henne til.
Begge er oppvaksne i kyrkja og ser veldig fram til no
å koma ut i praksis og møta folk. – Det kjennes litt på
tide, seier dei.
Biskopen bed oss om å ta vel imot studentane.
14
Leikanger kyrkjelydsblad nr 1 2013
SOGN OG FJORDANE 250 ÅR
I
2013 skal det feirast at fylket vårt er 250 år! Den
19.september 1763 vart Bergenhus Amt delt i to, og
Joachim de Knagenhjelm vart fyrste amtmann i Nordre
Bergenhus amt. Dei fyrste hundre år låg hovudsete på
Kaupanger, og nokre av amtmennene føretrakk til og
med å bu i Bergen. Men i 1861 vart amtmennene trufast
buande på Leikanger – noko som ga grunnlaget for rolla
Leikanger spelar i fylket i dag.
Hovudmarkeringa av jubileet i Leikanger finn stad den
19.september i år. Dette vil bli ein flott dag med mange
ulike typar arrangement og aktivitetar, og sjølv om
programmet ikkje er spikra ennå, kan vi love noko for
einkvar smak. Amtskontoret på Fylkesmannsgarden
vil vere ferdig restaurert og vere open heile dagen,
slik at folk kan få omvising i bygget. Elles vil det bli
arrangert folketog, «torgdag» utanfor Saften og flotte
arrangement i hallen vår både på dagtid og kveldstid. For
ungdommar er det kanskje særleg ungdomskonserten på
Verdas lengste eplekake. No skal Sogn og Fjordane feirast.
Foto: Ørjan Talle
kvelden som vil trekke. Hovudarrangementet til fylket i
Leikangerhallen kl.14 kan vere vel verdt å få med seg for
alle!
Elles skjer det mykje i fylket i jubileumsåret. Forutan
at Sogn og Fjordane teater og riksteateret set opp
produksjonar med lokal tilknyting, vil det vere
skrivekonkurranse for ungdom, musikkarrangement,
kåring av årets gründer med meir. I tillegg er det
ynskjeleg at alle i fylket som arrangerer noko som
kan knytast opp til jubileumsåret registrerer dette på
fylkeskommunen si side: www.sfj.no Då får fleire vite
om kva som blir arrangert i denne regionen! Godt
jubileumsår- og set av 19 september!
Tekst: Anne Britt Lauvsnes
Joachim de Knagenhielm
Leikanger kyrkjelydsblad nr 1 2013
15
Frå kyrkjeverja
LAUSE GRAVSTEINAR
år det vårast vil få i gang eit prosjekt med
sikring av gravsteinar. Då vil me gå over alle
gravsteinane og sjekke tilstanden. Når me veit kor
mange gravsteinar dette gjeld, vil me innhente
pris frå firma som tek på seg slikt arbeid, og avtale
når, korleis og til kva pris arbeidet skal bli gjort. Dei
som har lause gravsteinar vil få tilsendt eit brev
som seier kva det vil koste å få sikra steinen. Dei
som ynskjer å gjere dette på eiga hand, vil få ein
frist på når det skal vere gjort.
N
KYRKJA
Mange har nok også sett at kyrkja er veldig
målingssliten og treng sårt til kalking. Det er
merker på veggen etter vatn som har kome frå
taket. Det er løyvt midlar på kommunebudsjettet
som skal gå til vedlikehald av kyrkja. Først vil ein
gå opp med lift for å sjå på skadane på taket, og så
vil ein etter det sjå kva dette vil koste og kor mykje
det er høve til å få gjort i år. Førsteprioritet er å
få reparert lekkasjeskaden, og så kjem måling og
tjørebreiing av kyrkja som nummer to.
Jorunn Merete Haukås-Eide
kyrkjeverje i Sogndal og Leikanger
Påske i Leikanger
Skjærtorsdag
Kl.19 Gudsteneste med nattverdmåltidet og fotvaskinga i sentrum.
Joh.13,1-17 Predikant: Stud teol. Ingrid Synnevaag.
Langfredag
Kl.11 Gudsteneste med nattverd på Leikanger sjukeheim
Kl.19 Pasjonsgudsteneste. Vandregudsteneste der me høyrer lidingssoga frå evangelisten Lukas 22,39-23,46
Påskedag (sommartid – hugs å stille klokka !)
Kl.11 Høgtidsgudsteneste.
Kristus er sanneleg oppstaden!
Glede og jubel pregar gudstenesta. Stud.teol. Ingrid Synnevåg er
liturg. Dåp. Takkoffer til Normisjon.
Sundag 7.april
Kl.11 Borna sin påskefest.
Konfirmantane legg opp og leier
denne gudstenesta saman med
presten Egon Askvik og
kyrkjelydspedagog Guri H.
Norheim.
6-åringane særleg innbedne.
Eige opplegg for dei også kl.1015.
Takkoffer til kyrkjelydsarbeidet
16
Leikanger kyrkjelydsblad nr 1 2013
Glede og sorg
Vigde:
25.12.12
Døypte:
02.12.2012
25.12.2012
13.01.2013
27.01.2013
10.02.2013
Gravlagde:
21.12.2012
28.12.2012
04.01.2013
16.01.2013
18.01.2013
18.01.2013
25.01.2013
01.02.2013
22.02.2013 Henrik Røyseth og Irene Røneid
Astrid Husum
Håkon Røyseth
Lilly Solbakken
Isak Wold England
Dennis Synnevåg Kåsa
Anne Lise Lie
Sara Øvrebø
Thora Gjerland
Knut Skjånes
Brita Synneve Støyva
Borgny Eithun
Gunhild Fagerheim
Olav Hamarsnes
Sigrun Brekke
f.1921
f.1926
f.1922
f.1928
f.1939
f.1917
f.1915 (bisetting)
f.1922
f.1925
Dåp og vigsel juledag: Frå venstre: Egon, gudmor og fadder
Inghild Røyseth, dåpsbarnet Håkon Røyseth, fadder Per Inge
Seime, mor og brud Irene Røneid Røyseth, far og brudgom
Henrik Røyseth, Fadder Else Marie Huuse og Fadder Øystein
Røneid (foto: Gry Hilde Verlo)
Leikanger kyrkjelydsblad nr 1 2013
17
Støtt våre
Støtt våre
støttespelarar
støttespelarar,
dei auto
Leikanger
Telefon 576 53 100
- dei støttar
[email protected]
oss! støttar oss!
www.leikangerauto.no
Tlf: 57 65 11 00
Aarskog
Sognefjordvegen 130
Tlf 57 65 34 77
www.sognefrukt.no
6863 Leikanger
Faks 57 65 40 05
[email protected]
Fylkets største pakkeri av frukt
Alt innan plantevern, gjødsel, kraftfôr,
beskjeringsutstyr, tre og planter
Opningstider:
mån-fredag 1030-1800
laurdag
1030-1630
sundag
1200-1800
Tlf: 57 65 36 22
18
Leikanger kyrkjelydsblad nr 1 2013
bakeri og konditori AS
Telefon 576
422
Tlf: 53
57 67
10 37
Tlf 57 82 97 00
www.ssf.no
Tipping - RiksToTo
9-21 (20)
Opningstider:
mån, tys, tors og fredag 09-1630
onsdag 15-20
laurdag etter avtale
Tlf: 57 65 35 70
!
a
l
v
a
t
s
g
Oppsla
uset
ONGEN i kyrkjelydsh l og
BABYS
g
ti
torsda
å fram
er kvar 13 og held p
1r
frå kl.1 dag 9.mai.
henna
g
s
r
o
o
e
t
c
r
d
me
Pea
r
Sandra
jelpara
Det er ktiske medh n i
ra
ge
gode p for babyson post:
r
e
å
t
som s r. Sandra har r mob
e
lle
g
Leikan gningen.no e
so
holli@ 90
8
0
6
951
nytt
TI
tta eit
S
e
r
O
p
R
p
P
o
NYTT
t ned
t det
ars var prosti er lag m
m
.
6
å
r
F
gn
ello
Ytre So
delt m
prosti. ike sokna for d og Indre
ul
an
og dei d, Nordhordl
or
Sunnfj
n
Sogn.
er Sog
ss heit na i
o
å
j
h
k
et
også so
e prosti
Det ny omfattar no g Balestrand
o
og
mune
prosti
Vik kom ne.
u
komm
N
GARDE
E
J
K
R
Y
K
på
AD PÅ
DUGN ge dugnaden dag
rs
e
l
o
r
t
Den å
er i år
n
e
d
r
a
kyrkjeg
il.
25.apr
med
ontakt Knut
k
e
n
r
or
Ta gje ansvarleg
2 938 f
s
1
d
a
1
n
5
g
9
du
tlf
Grinde nformasjon.
r
mei i
REFF
DAGST
S
Y
T
E
SIST
I VÅR
og
2.april
g
a
d
s
Ty
il
16.apr
tysdag 4 i
-1
kl.1130 shuset.
yd
kyrkjel n!
e
Velkom
PÅ
EMENT
ABONN DSBLADET
LY
gode
KYRKJE ldig mange
ve
Me får eldingar på
m
e
attend sbladet.
yd
kyrkjel
iro i
yttar g 00
n
k
l
o
f
t
2
d om a
inst kr.
Me be det og gir m e.
tt
la
dette b nement + stø er me
n
et
for abo ir mykje og d
g
Mange for.
e
m
a
takks
?
ÅR I ÅR men på
6
U
D
FYLLER særleg velko pril.
u
.a
Då er d sta sundag 7
ne
gudste bok.
du
Då får
l.11,
yrjar k reldre
b
a
t
s
e
fo
n
Gudste 015 er du og ng. Og
li
.1
men kl n til 6-årssam på skulen
e
r
m
sta ta ar i
velko
u skal
d
kk
r
ø
f
skulese
d
dagen
e
m
t me
samlas
kyrkja.
Frivillig kontigent/gåve
Minner om kontonummer for fast gjevarteneste.
Konto til kyrkjelydshuset er: 3781.07.30189
Konto til Leikanger kyrkjelyd er: 3705.17.74427
ÅR
IFEST I ar vedteke å
A
M
7
IKKJE 1 r sokneråd h st i kyrkjefe
ge
Leikan a til 17-maip
i
k
.
s
t
før
ikkje
e åre
et dett er i år dagen
s
u
h
s
d
ly
gen
.
lovsda
Grunn konfirmasjon
g
pinse o
Konto til Leikanger kyrkjelydsblad er: 3781.07.30316
Takk til dei som er faste givarar. Me treng fleire.
Ta kontakt med banken og bed om eit månadleg
trekk frå privat konto til kyrkjelyden sin konto
3705.1774427.
Leikanger kyrkjelydsblad nr 1 2013
19
Kyrkjekalender mars-august 2013
Mars
Sundag 17. mars Maria bodskapsdag Luk.1,39-45
Kl.19.00 Marimesse. Ung messe med konfirmantane, stud.teol. Ingrid Øygard og sokneprest Egon
Askvik. Takkoffer til kyrkjelydsarbeidet.
Etter gudstenesta vert det enkel kyrkjekaffi
Skjærtorsdag 28.mars Joh.13,1-17
kl.19.00 Kveldsgudsteneste. Stud.teol. Ingrid Synnevåg og sokneprest Egon Askvik.
Langfredag 29.mars Luk.22,39-23,46
kl.19.00 Pasjonsgudsteneste. Vandregudsteneste.
Påskedag 31.mars Joh.20,1-10
Kl.11.00 Høgtidsgudsteneste. Stud.teol. Ingrid Synnevåg og sokneprest Egon Askvik.
Takkoffer til Normisjon. Dåp.
April
Sundag 7. april 2. s. i påsketida Joh.20,24-31
kl.11.00 Borna sin påskefest. Konfirmantane leier gudstenesta. Kyrkjelydspedagog Guri H
Nordheim og sokneprest Egon Askvik. 6-åringane får bok. Takkoffer til kyrkjelydsarbeidet.
Kyrkjekaffi/saft
Det vert også ei samling for 6-åringane/foreldra kl.1015.
Sundag 21.april 4. s. i påsketida
kl.19.00 Keltisk songkveld.
Mai
Sundag 5.mai 6. s. i påsketida Matt.6,7-13
Kl.11.00 Gudsteneste. Fung. prost Bård Haukedal. Takkoffer til Kirkens Bymisjon, Bergen
Fredag 17.mai Grunnlovsdag Luk.17,11-19
kl.10.15 Festgudsteneste. Takkoffer til Sjømannskirken - Norsk kyrkje i utlandet.
Sundag 19.mai Pinsedag Joh.14,23-29
kl.11.00 Konfirmasjon. Takkoffer til kyrkjelydsarbeidet
kl.13.00 Konfirmasjon. Takkoffer til kyrkjelydsarbeidet
Juni
Sundag 2.juni 2.sundag i treeiningstida Joh.3,1-13
kl.11.00 Gudsteneste. Takkoffer til Redd Barna.
Sundag 23.juni Jonsokafta Joh.1,1-8
kl.16.00 (merk tida) Blomstergudsteneste i kyrkja. Song- og musikkinnslag. Takkoffer til
Barneheim Melås i SørAfrika.
Juli/August
Sundag 7.juli
kl.11.00 Gudsteneste. Takkoffer til foreningen LEVE, etterlatte etter selvmord
Sundag 21.juli
kl.11.00 Gudsteneste. Takkoffer til Kirkens bymisjon Bergen
Sundag 4.august
kl.11.00 Gudsteneste
Sjå oppdaterte gudstenestelister på http://www.leikanger.kommune.no/kyrkjekalender.4850977-172067.html