Sats fornybart pa Svalbard! Kol er den mest forureinande av dei fossile energikjeldene vi har. FN sin klimaskjef uttalt at Noreg bør stenge kolgruvene på Svalbard. KrFU er einig, og meiner det er på tide at kolgruvene erstattast med ei stor fornybarsatsing på Svalbard. Truverdigheit og prinsipp Trass i at Noreg elles er ein forkjempar for miljøvennleg og fornybar energi har staten brukt millionar kvart einaste år på å subsidiere utvinning av kol på Svalbard. Etter at dei raudgrøne opna ei ny kolgruve er det i dag tre gruver på Svalbard. Drifta, som blir utført av Store Norske, er verken klimamessig eller økonomisk berekraftig, og selskapet har mottatt millionar i driftsstøtte. I Noreg er så godt som alle parti einige om at vi skal nå 2-gradersmålet. Dersom vi skal gjere det må 2/3 av dei kjende fossile energikjeldene bli liggande under bakken, og spesielt viktig er det at så mykje kol som mogleg vert liggjande. Å avslutte kolgruvedrifta vil vise at Noreg tar klimaproblema på alvor, noko som vil gje Noreg ei sterkare røyst i det internasjonale klimaarbeidet og i relasjon til statar med større utslepp frå gruvedrift. Det vil òg gje ei meir prinsipiell tilnærming til det føreståande uttrekket av Oljefondet frå selskap som driv med kol og anna fossil energi. Fornybarsatsing Dersom Noreg og i framtida skal ha eit legitimt krav på å utvinne ressursane på Svalbard er ein nøydd til å gjere dette på ein måte som er berekraftig. Alle veit at Norge ikkje kan halde fram med utvinning av kol på Svalbard i all framtid. Derfor er det òg strategisk lurt å starte ei økonomisk berekraftig omstilling allereie no. Svalbard representerer i dag tunge bidrag innan klimaforsking, i tillegg til at havområda kring øygruppa er rike på fornybare ressursar. På Svalbard ligg det godt til rette for vindkraft, solkraft og andre typar fornybar energiproduksjon. Kolgruvene bør erstattast med ei satsing på fornybar energi på Svalbard. Suverenitetskravet på Svalbard kan ikkje baserast på ein solnedgangsindustri. Vi må basere suverenitetskravet på morgondagens løysingar.