Haustens bøker frå Samlaget 2012
Haustens bøker frå Samlaget 2012 SKJØNNLITTERATUR: ATLE BERGE: STOCKHOLMSYNDROMET Stockholmsyndromet er ein roman om to sjelevenner frå kvar sin kant av universet: Planten Mju har flykta frå det gamle livet sitt på ein komet, og enda opp på jorda. Der bur Helene Alsterqvist, norsklektor, også ho kjenner seg fanga i den meiningslause kvardagen. Alsterqvist får ansvar for språkopplæringa til Mju, og dei endar snart opp som venner. Då Atle Berge debuterte med Muntergang i 2010, skreiv ein indignert bokmeldar at forlaget «har lete forfattaren lage lapskaus av indrefilet, russiske erter og andre luksusingrediensar». No har vi gjort det igjen! Stokcholmsyndromet er ein roman om høgverdige emne som språk og einsemd, med ein tivolikomet, ei mistrantropisk stemme og to dystre romvesen i hovudrollene. Atle Berge (f. 1986) er frå Hjelmtveit i Nordhordland. Han debuterte med romanen Muntergang i 2010. Han står også bak barnebokserien om Barcelona-gjengen. ROMAN | Pris ca kr. 359,- | ISBN: 9788252181869 | I sal 1 MARIT KALDHOL: DARWINS SPORVAR Intenst om mor og dotter I eit rom med vindauge mot havet ligg ei kvinne for døden. Dottera Sally vaker over henne. Medan ho ventar på at døden skal kome og hente henne, minnest Sally då mora reiste frå stad til stad med teaterframsyninga si. Sally måtte vere med. Ho leika med trådar, dikta med saumar, streva med puslebitar i baksetet av bilen. I byen ved kysten blei alt brått heilt annleis. På kvar sine vis leitar mor og dotter fram fortida, og det blir tydeleg at det finst eit sår i dette forholdet. To ulike lagnader, som begge krinsar rundt svik og tap av kjærleik. Marit Kaldhol (f. 1955) har sidan debuten i 1983 gitt ut ei rekkje prislønte bøker for barn, ungdom og vaksne. I 2006 og 2010 fekk ho Kulturdepartementets pris for barne- og ungdomslitteratur, sist for ungdomsromanen Søkeord: Ayotzintli. ROMAN | Pris ca kr. 379,- | ISBN: 9788252181494 | Utg. oktober 2 RØNNAUG KLEIVA: ARMENIA, ALBANIA, ARGENTINA Sjølvbiografisk reiseroman om menneske på tvers av grenser I denne romanen, bygd opp av korte notat og forteljingar, følgjer vi hovudpersonen Rønnaug gjennom fleire land. Kontrastane er store når ho reiser gjennom både vanlege feriebyar og farlege utkantområde. Det handlar om å reise åleine i verda som vestleg kvinne. Rønnaug treffer gamle vennar og elskarar undervegs, og boka tematiserer det å bli eldre. Med varme og humor, og i sin velkjente nøkterne stil, kombinerer Kleiva den indre eksistensielle og den ytre geografiske reisa på ein elegant måte. Rønnaug Kleiva (f. 1951) er forfattar, dramatikar og barnebokforfattar frå Vartdal på Sunnmøre. Ho debuterte i 1985 med diktsamlinga Animasjon, og har seinare gitt ut over 20 bøker i ymse sjangrar for vaksne og barn. ROMAN | Pris ca kr. 369,- | ISBN: 9788252178630 | I sal 3 RAGNHILD KOLDEN: KRIGENS SKUGGE Dramatisk om søstre i etterkrigstida På ein togperrong ein stad i Gudbrandsdalen står Dagny og ventar på søster si, Tea. Alle følgjer med dei, alle veit at det er tyskertøsa som kjem. Krigen kastar skugge over freden, både for dei som har vore på rett side og dei som var landssvikarar. Somme slepp unna straff, andre får svi i det uendelege. Det handlar om å gløyme og gå vidare, eller hugse og hemne. Og bygdedyret lever sitt eige infame liv, uavhengig av krig og fred. Ragnhild Kolden (f. 1956) er frå Bøverdalen i Lom og bur i Oslo. Ho debuterte hausten 2010 med romanen I krig og kjærleik. ROMAN | Pris ca kr. 359,- | ISBN: 9788252181944 | Utg. oktober 4 ARNFINN KOLERUD: KOM IKKJE INN I MITT HUS Morosamt og sært om ihuga nynorskingar Berre ein siste, liten trassig landsby i nordvest klamrar seg til nynorsken. Resten av landet held seg til bokmål og engelsk. Bendik Uføre veddar huset sitt på at han skal få heile det norske folket til å samle på nynorske diktarkort. Det skal han greie med hjelp av makelause premiar og Enella Frø, ei dame som har forlese seg på dikt og som er sterkt plaga av tankesprang. Snart vekker dei nynorske diktarkorta harme og glede og tjuvar over heile landet. Austlendingane held krisemøte og ein minister i regjeringa må ta sin globus og gå. Arnfinn Kolerud (f. 1968) er frå Isfjorden i Romsdal. Han debuterte i 1996 med Berre ikkje brøyteplogen kjem og har seinare skrive bøker for både barn, unge og vaksne. Kom ikkje inn i mitt hus er andre bok i Vassbygda-trilogien. Første bok, Når ein først skal skyte nokon, kom i 2010. ROMAN | Pris ca kr. 379,- | ISBN: 9788252181562 | Utg. oktober 5 JAN ROAR LEIKVOLL: BOVARA Eventyrleg roman frå klostermiljø Jan Roar Leikvoll er blitt samanlikna med internasjonale forfattarar som Cormac McCarthy, og hans kompromisslause og kritikarroste forfattarskap er blant dei mest spennande her til lands. Frrok er gartnar i klosteret ved landsbyen Bovara, men når hans v . Og tilveret hans blir kasta heilt på hovudet når ei prostituert jente på flukt . Frrok gøymer henne i kjellaren, og oppdagar med eitt at han har makt over liv og død. Bovara er ein eventyrleg roman om makt, svik og kjærleik. Nok ein gong foreinar Leikvoll det vakre og det grusame i sin særeigne skrivestil. Jan Roar Leikvoll (f. 1974) debuterte med romanen Eit vintereventyr i 2008. Både den og Fiolinane (2010) utspelar seg i fantastiske univers, men er samstundes brutalt realistiske og eksistensielle. Leikvoll er frå Frekhaug i Nordhordland og har gått på Skrivekunstakademiet i Hordaland. ROMAN | Pris ca kr. 369,- | ISBN: 9788252178616 | I sal 6 INGELIN RØSSLAND: KIRSEBÆRSNØ Kjærleiksroman Cathrine driv frisørsalong i kjellaren i huset der ho bur saman med mannen og tenåringsdottera. Ho har alltid levd småbylivet, og vore lykkeleg med det. Men det har komme ei uro over henne som er i ferd med å overskygga dei små gledene i livet. Ho er ikkje ein gong førti år, var dette alt? Så når nye-dyrlegen Alex spradar inn på frisørsalongen for ein hårklipp, er ho overmoden for å falla. Vil ho orke å stå i mot, når det er så enkelt å gi etter? Ingelin Røssland (f. 1976) er frå Tysnes i Sunnhordland. Ho har fått ei rekkje prisar for sine ungdomsbøker og blitt omsett til fleire språk. Kirsebærsnø er Røsslands første roman for vaksne. ROMAN | Pris ca kr. 379,- | ISBN: 9788252181609 | Utg. september 7 HERMANN STARHEIMSÆTER: DER NÅDEN FINST ’Den nynorske terroristen’ Claus Hjelle er tilbake i Sogn etter terapitimar i Oslo. I desse timane har det kome opp ting som han absolutt må snakka med mora om. Men Claus finn ikkje det rette tidspunktet, og dagane og vekene går. I mellomtida møter han Johnny att, ein han gjekk saman med på skulen, og det oppstår ein vennskap mellom dei to som alltid har vore så ulike. Denne vennskapen får uventa følgjer for Claus Hjelle. Der nåden finst er tredje og siste band i serien om den tidlegare journalisten Claus Hjelle og hans kamp med språket og galskapen. Boka er eit frittståande framhald av Nordvegen (2003) og Nattbussen (2007). Hermann Starheimsæter (f. 1950) debuterte i 1980 med diktsamlinga Lungeblæretre og har gjeve ut bøker i dei fleste sjangrar. Som romanforfattar har han heilt frå den prislønte Han gjorde det (1990) arbeidd med å finne gyldige språklege uttrykk for psykiske grensetilstandar. ROMAN | Pris ca kr. 379,-| ISBN: 9788252181791 | Utg. oktober 8 ESSAY, LYRIKK, DRAMA: KAISA AGLEN: KVAR I KROPPEN SIT INGENTING Kaisa Aglen debuterer med ei samling konsentrerte dikt, der bilde og tankar tar store sprang på ein uanstrengt måte. Undersøkinga av forsvinning i ulik forstand står sentralt, og boka tematiserer makt og undertrykking. kva vi leitar etter , om eg legg meg slik , om du held meg fast , her eg skal ikkje skrike , innover i skriket , og utgang , med munnen i puta dei lange passasjane , dun mellom tennene , flyg , fell i hand , mot morgonen , vegg Kaisa Aglen i Trondheim der ho har studert filosofi. Dette er den første boka hennar. LYRIKK | Pris ca kr. 269,- | ISBN: 9788252181531 | I sal 9 SIW-ANITA KIRKETEIG: ALT KJØD ER GRØNT GRAS Sorgarbeid i skrift om tapet av ei bestemor I debutboka skriv Kirketeig fram eit poetisk landskap som dreier rundt ei tapserfaring, kor både konkrete og metafysiske spørsmål knytte til døden, naturen, kroppen, tru og ikkje-tru, blir utforska gjennom eit språkleg arbeid. Språket si manglande evne til å gripe det tapte blir spegla i det stadige arbeidet med dei same grunnbileta og omgrepa. namnet ditt er i munnen min det visnar frå munnen ein kvit sødme namnet ditt rotnar ein slik sødme av vond smak i munnen min kvit ein blome som mugnar Siw-Anita Kirketeig (f. 1988) er frå Dale i Sunnfjord, men bur i Bergen. Ho har tidlegare gått på Skrivekunstakademiet i Hordaland, og er for tida student ved Kunsthøgskulen i Bergen. Dette er debutboka hennar. LYRIKK | Pris ca kr. 269,- | ISBN: 9788252180817 | Utg. oktober 10 JULIANE RUI: SYSTRER KAN BLI LIKE GAMLE Denne diktboka handlar om barndom, om søsken og familie, om korleis ein hugsar hendingar og episodar frå fortida, og korleis ein kan formidle dette. Korleis kan ein strukturere eit bilde av ein felles barndom? frå reiser vil eg hugse luktene og landskapet, fugleartar eg såg eg vil sakne årstidene heime eg forblir reservert, nokre gjester vil vere velkomne no og da, helst annonsert kjærasten min vil forlate meg til slutt (eg er lei for det) eg kjem ikkje til å finne ein annan kjæraste, som barndom, ferdig i notatblokkene vil eg teikne tre som blåser, vindens nærvær tynne liner mørkna av gjentatte strøk, som skuggar, ikkje dekt av snø lauvtre, men ingen enkeltlauv skjelna Juliane Rui (f. 1982) kjem frå Vestfold og Telemark. Ho debuterte med Den hesten er av snø hausten 2011. LYRIKK | Pris ca kr. 259,- | ISBN: 9788252179873 | Utg. oktober 11 ANJA UTLER: BRINNA (a.t.) Anja Utler (f.1973) har sidan debuten i 1999 blitt eit sentralt namn i den tyske samtidspoesien. brinna er den tredje diktsamlinga hennar. Dikta i denne boka er ein jakt på lydkonstruksjonar som kan vere både sensuelle og flyktige/oppbrytande/splittande. Det postindustrielle gruvelandskapet er også til stades i dikta, slik Utler hugsar det frå heimtraktene. For første gong på norsk. Gjendikta og med etterord av Arild Vange. Anja Utler (f. 1973) kjem frå Schwandorf i Bayern, og bur i dag i Wien. Ho debuterte med diktsamlinga aufsagen i 1999, og er i dag ein av dei viktigaste tyske samtidspoetane. brinnen kom i 2006. Utler har studert slaviske språk og litteratur i St. Petersburg og tok i 2003 doktorgrad om kvinnelege russiske modernistiske poetar. Same år mottok ho Leonce-und-Lena-Preis, den viktigaste prisen for unge tyskspråklege lyrikarar. LYRIKK | Pris ca kr. 269,- | ISBN: 9788252177695 | Utg. oktober CD WRIGHT: SKAKE Poesien til CD Wright er mørk, sexy og lada. Den har ein fot i det narrative, og ofte kan vi ane eit forløp, skimte ein situasjon – men like fort kan vi miste fotfestet og til dømes undre på kvar ” ” ” ” befinn seg. Dette er dikt som borer seg djupt ned i eksistensen til eit plan der vald og erotikk ikkje enkelt lèt seg skilje, og der mytologi kan oppstå. For første gong på norsk. Gjendikta av Gunstein Bakke. CD Wright (f. 1949) er professor i engelsk ved Brown University. Ho har skrive elleve diktsamlingar, og har laga fleire bøker saman med fotograf Deborah Luster, no seinast One Big Self: Prisoners of Louisiana. Ho har mottatt Lannan Literary Award. Wright bur på Rhode Island. LYRIKK | Pris ca kr. 269,- | ISBN: 9788252180060 | Utg. november 12 SKODESPEL: WITOLD GOMBROWICZ: YVONNE | VIGSLA | OPERETTE Witold Gombrowicz er rekna som ein av det tjuande århundrets viktigaste forfattarar. Teaterstykka er briljante; språket er sprelsk, scenene dynamiske og hovudpersonane manipulatorar. Handlinga og utviklinga av idear er som oftast gestalta i konfliktar, kampar eller skuggekampar. I tillegg er det slåande korleis ”det pinlege” blir nytta dramaturgisk: eit etikettebrot, feil klede, ein upassande lyd, feil svar eller ikkje noko svar i det heile fører til absurde situasjonar som publikum identifiserer seg med. Her oppstår den menneskelege identiteten i ein vekselreaksjon som samspel eller motspel, som jo er skodespelaren sitt nøkkelord. For Gombrowicz betyr det å vere menneske å spele eit menneske. Denne innsikta gjer han til ein høgst aktuell dramatikar. Witold Gombrowicz (1903–1969) er ein av Polens største forfattarar. Han debuterte i 1933 med den sprelske og sære novellesamlinga Memoarer fra en tid av umodenhet. Størst suksess hadde han med Ferdydurke (1937). Romanane og dramatikken hans var svartelista i Polen til seint på 1970-talet. Omsett av Knut Andreas Grimstad. DRAMATIKK | Pris ca kr. 359,- | ISBN: 9788252175998 | Utg. september 13 POCKET: MARIT EIKEMO: SAMTALE VENTAR Drivande godt om å falle utanfor Elisabeth Brenner er eksjournalist på attføring. Gjennom NAV får ho ein ny sjanse i arbeidslivet: ho skal samle dialektprøvar på industristaden Einvik. Hit kjem ho ein mørk kveld i november og flyttar inn på arbeidarbrakka. Dei som bur i den vesle byen er nysgjerrige og ivrige etter å hjelpe, og ho blir snart kjend med mange. Men arbeidet er verken godt eller effektivt. Brenner greier ikkje skilje jobb og privatliv, og får stadig større problem med relasjonane på staden. Aldeles utmerket! ... en usedvanlig fin og tankevekkende roman. Sigrun Hodne, Stavanger Aftenblad Genuint morsomme romaner er ikke hverdagskost. Marit Eikemos nye bok er det; morsom på en helt ekte måte. Leif Ekle, NRK Marit Eikemo (f. 1971) er frå Odda. Ho gav ut sin første roman, Mellom oss sagt, i 2006. Den kritikarroste oppfølgjaren, Arbeid pågår, kom i 2009. Marit Eikemo har vore informajonssjef, journalist og redaktør (Syn og Segn). Ho er no leiar for Litteratursymposiet i Odda. POCKET | Pris ca kr. 149,- | ISBN: 9788252180695 | Utg. august 14 RAGNAR HOVLAND: STILLE NATT Kritikarrost Hovland i pocket! plan. Dette noko har ein klar samanheng med ei dramati familien si historie. Stille natt er ein stor og vakker roman om kjærleik, tap og mørke familiehemmelegheiter. Ragnar Hovland i litterær storform ... Med «Stille natt» har han, i alle fall etter mi meining, levert ein av dei beste romanane sine nokosinne. Kanskje den aller beste. Bjarne Tveiten, Fædrelandsvennen Oppslukande ... Ein betre Hovland-roman enn Stille natt har eg ikkje lese. Ole Karlsen, Dag og tid Ragnar Hovland (f. 1952) er forfattar, humorist, skribent og ukulelespelar. Full av spenstige innfall, merkverdige karakterar og populærkulturelle referansar har han i snart 30 år gitt ut meir enn 40 bøker i alle sjangrar. POCKET | Pris ca kr. 149,- | ISBN: 9788252180688 | Utg. august 15 RUNE TIMBERLID: SANCT SVITHUNS GÅTE Vår mann i vest, Rolf Randen, er på utlån frå lensmannskontoret i Førde for å patruljere kysten i ein open gummibåt, på jakt etter terroristar som trugar landet. Eit meiningslaust oppdrag, tenkjer han og vil heller dykke ned til det gamle hurtigruteskipet Sanct Svithun som blei bomba utanfor Ervika i 1943. Under eit dykk finn Randen ein død mann i sjøen ved ei sandstrand nær Vestkapp. Samstundes forsvinn ei kvinne, og gamle gullmyntar dukkar opp. Rolf Randen er igjen i sentrum av eit storslagent drama som har forgreiningar til Stalins Gulag-leirar, andre verdskrig og den spanske armada – og bak ligg den mektige naturen i Selje og spelar med. Rune Timberlid (f. 1950) er journalist og kriminalforfattar. Han har sidan debuten i 1991 skrive fleire bøker om politibetjent Rolf Randen frå Høyanger, m.a. Deadline (2006) og Operasjon Siskin (2008). Timberlid er busett i Førde og arbeider som informasjonssjef i Lotteri- og stiftelsestilsynet. POCKET | Pris ca kr. 149,- | ISBN: 9788252181258 | I sal 16 BARN OG UNGDOM: BILETBØKER 2-6: ANNA R. FOLKESTAD: UNNI OG GUNNI Ny sjarmerande småbokserie Unni og Gunni er to gode venner som likar forandring. Dei er ikkje redde for å setje i gang med nye prosjekt, og finn alltid ei løysing på utfordringane dei møter under vegs. I haust kjem dei to første bøkene i serien om desse søte pingvinane. Her er kvardagssituasjonar og humor som passar for barn frå 2 år og oppover. Titlar i serien: Unni og Gunni reiser Unni og Gunni malar Unni og Gunni gjer det fint (utk. 2013) Anna R. Folkestad (f. 1983) debuterte i 2011 med bildeboka Henrik And, som kjem på russisk i 2012. 17 ANNA R. FOLKESTAD: UNNI OG GUNNI REISER Unni og Gunni ser på himmelen. - Me burde på ein måte kome oss litt vekk, seier Unni. - Einig, seier Gunni. - Me reiser! ropar Unni. Men ein treng litt utstyr for å reise. Og korleis veit ein kor ein skal? Unni og Gunni finn fram kart og kompass og anna utstyr. Så flyr dei framover, bakover, over, under, opp og ned – og til slutt landar dei ein heilt ny stad. BILETBOK | Pris ca kr. 149,- | ISBN: 9788252180305 | I sal ANNA R. FOLKESTAD: UNNI OG GUNNI MALAR Unni og Gunni ser på huset. - Me burde på ein måte fått litt farge på det, seier Unni. - Einig, seier Gunni. - Me malar! ropar Unni. Men ein treng litt utstyr for å male. Og har dei nok fargar? Unni og Gunni finn fram koster og stiger og anna utstyr. Så blandar dei raudt og blått, gult og raudt, blått og gult – det blir vel fint, kan du tru! BILETBOK | Pris ca kr. 149,- | ISBN: 9788252180497 | I sal 18 INGUNN RØYSET & ANNLAUG AUESTAD (ill.): PRINS STORM Varm bildebok som hyllar fantasien og retten til å vere seg sjølv – Prinsen min, seier mamma, og stryk Storm over håret. Storm ser seg i spegelen. Han har fint hår. Og stort. Men veslesøster meiner han ser ut som han kjem frå ein annan planet! Bestefar synest han skal klippe seg, tanta at han er for vill. Til slutt er huset fullt av folk som ikkje skjønar nokon ting. Dei veit ikkje at Storm er ein prins! Og ein marsbuar! Ein riddar! Og Tarzan, apekongen. Illustratør Annlaug Auestads gir ei varm og leiken framstilling av Ingunn Røysets tekst om guten som ikkje passar heilt inn, men heldigvis, inst inne, veit kor han høyrer heime. Frå 3–6 år. Ingunn Røyset er debutant. Annlaug Auestad har tidlegare illustrert ei rekkje bøker og står sjølv bak bildebøkene Kor er Neppe? og Kuvenninner på Samlaget. BILETBOK | Pris ca kr. 229,- | ISBN: 9788252181425 | Utg. september 19 KARI STAI: JAKOB OG NEIKOB. TJUVEN SLÅR TILBAKE Jakob og Neikob på nye eventyr Det prislønte radarparet Jakob og Neikob har hatt suksess i både inn- og utland, på barne-tv og som app. Jakob seier alltid JA til alt, og Neikop seier alltid NEI. Men tjuven som har rømt frå fengselet bryr seg verken om JA eller NEI. Når Jakob og Neikob tar opp jakta på tjuven blir dei lurte begge to, og Jakob må sitje i fengsel for første gong. Heldigvis går det bra til slutt denne gongen også, og Jakob lærer at av og til må ein seie NEI. Ei visuelt spennande og humoristisk bildebok for nye og gamle Jakob og Neikob-venner. Kari Stai (f. 1974) kjem frå Inderøy i Nord-Trøndelag. Ho er illustratør, forfattar og biletkunstnar. Stai debuterte med barneboka Jakob og Neikob i 2008. For den mottok ho mellom anna Kulturdepartementet sin debutantpris og Inderøy mållag sin målpris. BILETBOK | Pris ca kr. 229,- | ISBN: 9788252180480 | I sal 20 KENNETH STEVEN & ØYVIND TORSETER (ill.): HISTORIA OM KORLEIS HUNDEN FEKK VÅT SNUTE Fabelaktig vri på Nohas Ark Då vatnet flommar over landet, bygger gamle Noah ei svær ark og tar om bord småkryp, husdyr og ville dyr av alle slag. Mens dei driv ute på havet skjer det forferdelege, båten spring lekk! Kva i all verda gjer ein då? Noah veit råd. Denne bildeboka er i tekst og bilde ei livlig gjenfortelling av den gamle fabelen om korleis hunden fekk snute. Illustrert av Øyvind Torseter. Kenneth Steven (f. 1968) er frå Dunkeld i Perthsire, Skottland. Han er lyrikar, barnebokforfattar og gjendiktar. Han har omsett bøker frå norsk til engelsk. BILETBOK | Pris ca kr. 229,- | ISBN: 9788252180459 | Utg. september 21 FRÅ 6 ÅR: TERESA GRØTAN OG ELLA OKSTAD (ill.): KLARA KAN MYKJE RART OM MAT Andre bok i sjarmerande og lærerik serie Visste du at ein tilset kalvemage i mjølka når ein lagar ost, og at sukker har blitt brukt som både pengar og medisin? Eller kor mykje honning ein får frå 30 000 bier? Klara er på sommarferie hos besteforeldra som driv gard, og får hjelpe til i gardsbutikken. Men det er lite kundar, og Klara meiner dei må utvide vareutvalet. Saman med bestemor oppsøker ho både eit ysteri og ein sjokoladeekspert, og undervegs lærer Klara mykje rart om mat. Det kjem til nytte når ho skal skaffe kundar til butikken! Bøkene om Klara formidlar spennande kunnskap om ting som omgir barn i kvardagen. Dei er illustrerte av Ella Okstad, og eignar seg både for høgtlesing og å lese sjølv. Teresa Grøtan (f. 1974) er journalist og har tidlegare m.a. gitt ut Globaliseringsboka. Ho er frå Stokmarknes i Vesterålen og bur i Bergen. Den første boka om Klara, Klara kan mykje rart om klede, kjem snart ut i Danmark. 6-9 ÅR | Pris ca kr. 199,- | ISBN: 9788252180473 | I sal 22 TONE NØRVÅG: POLITIHUNDEN FALK PÅ NATTEVAKT Politihunden Falk på nye eventyr Ei lettlesen og spennande bok om politihunden Falk, som bur saman med politidama Hanne og familien hennar. Denne gongen skal dei på nattevakt. Falk gler seg! Men det første som skjer er at dei nesten køyrer på ein gut som er ute og syklar utan lykt. Det blir byrjinga på ei lang natt, der Falk må slåst med ein innbrotstjuv og hjelpe Hanne i jakta på ein rømling. Dette er den andre boka i serien om etterforskarparet Falk og Hanne. Boka er illustrert av teikneserieskapar og illustratør Odd Henning Skyllingstad, og er midt i blinken for både gutar og ‒ 0 Illustrert av Odd Henning Skyllingstad. Tone Nørvåg jobbar som politi på Sunnmøre og kjenner stoffet sitt godt. Ho skildrar både politiarbeidet og livet med hund med innsikt og humor, og det er tydeleg at ho elskar begge delar. 8 – 10 ÅR | ISBN: 9788252181913| Pris ca kr. 179,- | Utg. september 23 10 – 12 ÅR: ANNE VIKEN: ELISE OG MYSTERIET MED DEI DØDE HESTANE Då onkel Kalle får sommarjobb som veterinær i den bortgøymde Tordenbygda, reiser tretten år gamle Elise frå byen for å vere med som assistent. Der treffer ho den pensjonerte veterinæren Gamle-Mathias og verdas galnaste prest. Elise er forferdeleg glad i hestar, og finn fort ut at dei kvite hestane i Tordenbygda ikkje er som andre hestar. Ingen veit kvar dei kjem frå. Og livet som veterinær er mykje farlegare enn Elise hadde førestilt seg. Elise og mysteriet med dei døde hestane er ei spennande og energifylt historie som tar dyrlegedraumen på alvor. Anne Viken er sjølv utdanna veterinær, og kjennskapen og kjærleiken til både dyra og yrket er sterkt til stades i romanen. Denne historia er midt i blinken for hesteinteresserte og dyreglade frå 10 til 13 år. Anne Viken er veterinær, statsvitar, bloggar og skribent. Elise og mysteriet med dei døde hestane er debutboka hennar. 10 – 12 ÅR | Pris ca kr. 199,- |ISBN: 9788252178500 | I sal 24 FAKTA BARN: ERNA OSLAND OG INGER LISE BELSVIK (ill.): VENNER MED VENGER Ein dag oppdagar Dina ein fugl utanfor vindauget sitt - den blir den hemmelege vennen hennar. Saman med kameraten William bestemmer ho seg for å finne ut meir om fuglar og begynner å notere i ei lita bok. Inger Lise Belsvik har gitt 20 norske fuglar eit kunstnarleg uttrykk som både fangar fuglanes særtrekk og sjel. Alle fuglane blir presenterte undervegs i forteljinga, og i tillegg i ein eigen faktadel bak i boka. Dette er ei enkel, svært vakker og velskriven bok som inspirerer barn til å uforske, observere og lære om naturen. Erna Osland (f. 1951) debuterte i 1987 med ungdomsromanen Natteramnen og har skrive ei rekkje kritikarroste bøker for barn, ungdom og vaksne. Erna Osland har fått fleire prisar for bøkene sine, bl.a. Brageprisen og Norsk litteraturkritikarlags barnebokpris. Illustrert av Inger Lise Belsvik. 9-12 ÅR FAKTA | Pris ca kr. 249,- | ISBN: 9788252181753 | Utg. september 25 FANTASY: LENE KAABERBØL: VILLHEKS: VIRIDIANS BLOD Bok nr. 2 i Villheks-serien! “D !D ” Villheksa Shanaia er fortvilt og sterkt såra. Ho er i ferd med å mista Vestmark, heimstaden sin, til onde Kimæra. Shanaia ber Clara om hjelp. Clara anar det verste, men reiser likevel til den røffe og vêrbitne kysten i Vestmark. Og det ho møter der er både uvisst og livsfarleg. Frå 10 år. Lene Kaaberbøl (f. 1960) starta karriera si som forfattar i ein alder av 15 år. Sidan den gong har ho skrive ei rekkje bøker, og er i dag forfattar på heiltid. Kaaberbøl har tidlegare utgitt serien om Skammarens barn, og ho har blant anna vunne Disney-prisen for W.I.T.C.H-serien Frå dansk ved Øystein Rosse. FANTASY | Pris ca. kr 199,- | ISBN: 9788252179880 (nn), 9788252179927 (bm) | I sal 26 ASBJØRN RYDLAND: MØRKEMANAREN Mørk og spennande tredjebok om Drakeguten Koll er tilbake i Kervad etter den dramatiske turen til Vilkafjord, men heime er ingenting som før. Ingen vil tru på han når han varslar om mistenkelege framandfolk i skogen rundt drakehola. Det varer ikkje lenge før heile Kervad er full av utsendingar som har høyrt rykte om skatten i hola. Vil dei verkeleg berre gjere forretningar, eller har dei andre planar? Saman med Faria, dotter til smeden, tar han kampen opp mot mørkret som trugar. Kreftene han får frå Nordavinden blir endå ein gang nyttige, ò … Bøkene om Drakeguten er fantasybøker med svært høg litterær kvalitet. Les også: Drakeguten – første bok om Drakeguten Med eld i hjartet – andre bok om Drakeguten Asbjørn Rydland (f. 1976) er frå Seim i Hordaland og bur i Oslo. Han fekk Nynorsk barnebokpris for serien om Drakeguten i 2012. FANTASY | Pris ca kr. 279,- | ISBN: 9788252181760 | Utg. september 27 UNGDOM: ROBERT MUCHAMORE: MENNESKET OG DYRET Bok nummer 6 i CHERUB-serien Kvar dag døyr tusenvis av dyr i laboratorieforsøk. Somme seier at desse eksperimenta gir oss viktig vitskapeleg kunnskap, mens andre er villige til å gjere kva som helst for å hindre dei. James og Laura Adams hamnar mellom borken og veden. Dei er CHERUB-agentar. Profesjonelt opplærte og med ein svært viktig fordel: Vaksne får aldri mistanke om at barn og ungdommar spionerer på dei. – Muchamore-bøkene er de beste jeg har lest. Det er virkelighet og litt oppdiktet, men det merker man ikke fordi det er så spennende. Eirik, 12 år, Manglerud skole Mennesket og dyret er den femte boka i serien om CHERUB. Dei tidlegare bøkene i serien heiter Rekrutten, Kokainkongen, Flukta, Drapet og Heilag galskap. Frå 12 år. Frå engelsk ved Øystein Rosse Robert Muchamore (f. 1972) jobba som privatetterforskar i mange år, men slutta då bøkene hans gjorde suksess. Han er no utgitt på over tjue språk, og har selt fleire millionar bøker. 12 – 15 ÅR | Pris ca kr. 189,- | ISBN: 9788252175462 | Utg. september 28 LARS MÆHLE: FUCK OFF I LOVE YOU Spennande og tankjevekkande roman om val og vold Vemund er ein vanleg 16-åring. Likevel viklar han seg inn i eit usunt miljø rundt eit treningssenter. Kvifor? Leiaren i gruppa, Two-Face, er ein fascinerande, men skremmande skikkelse. Han avgjer alle viktige vegval med myntkast: På den eine sida av mynten står det «I Love You». Da blir valet godt. På den andre sida står det «Fuck Off». Da blir … Fuck Off I Love You er ei sterk og spennande forteljing som tar opp viktige spørsmål: Kor mykje kan vi styre livet vårt? Kva gjer vi ut frå fri vilje? Og kva blir bestemt ut frå faktorar vi ikkje kan rå over? Lars Mæhle (f. 1971 på Sunndalsøra) debuterte med ungdomsromanen Keeperen til Tunisia (2002). Den prislønte filmen Keeper’n til Liverpool (2010), er basert på denne boka. Mæhle har etter det skrive ei rekkje bøker for barn og ungdom. Fantasyromanen Landet under isen (2009) blei tildelt Kulturdepartementets litteraturpris, UPrisen (Ungdommens Kritikerpris), Fabelprisen, og også nominert til Brageprisen. UNGDOM | Pris ca kr. 249,- | ISBN: 9788252181838 | I sal 29 TOR ARVE RØSSLAND: SVARTE-MATHILDA II Grøssande oppfølgjar! Den første boka om Svarte-Mathilda blei nominert til Uprisen og har blitt ein favoritt i skulebiblioteka. No kjem bok nummer to om Elisabeth og den demoniske Svarte-Mathilda, som gøymer seg i ein spegel. Etter dei fryktelege opplevingane i første bok, gler Elisabeth seg denne gongen til nokre veker på språkskule i Italia. Ho og venninna Gry blir innlosjert i eit herskapshus i utkanten av Verona, men anar fort at ikkje alt er som det skal vere i familien dei bur hos. Kvifor oppfører dei seg så rart? Og kva betyr den mystiske meldinga frå bibliotekaren Viggo? Har han funne ut meir om Philip si forsvinning? Parallelt med denne historia blir vi endå ein gong tatt med tilbake til Hardanger på 1800-talet, til garden Langetun der legenda om Svarte-Mathilda har sine røter. Tor Arve Røssland (f. 1971) skriv bøker for barn og unge, og er mest kjent for serien om den vesle kultfiguren Pode. Første boka om Svarte-Mathilda vart nominert til Uprisen. UNGDOM | Pris ca kr. 249,- | ISBN: 9788252180503 | Utg. september 30 TERJE TORKILDSEN: DYSTOPIA IV Dramatisk avslutning av populær spenningsserie I denne fjerde og siste boka i Dystopia-serien er dei fire gjenlevande ungdomane komne bort frå dei verste flaumramma områda ved kysten. Dei er tilbake i ein sivilisasjon der telefon og internett fungerer, transportnettet er i orden, pengane har verdi og det er varer i butikkane. Men handelsblokaden og mangelen på ID-papir skaper likevel problem for dei. Dei reiser til Victors eksentriske onkel i Berlin for å få hjelp, men er han til å stole på? Og er det verkeleg ingen andre enn dei som veit om diamantane? Dystopia-serien er ein motorveg av ei lesaroppleving, skreddarsydd for utolmodige og spenningsglade lesarar. Dystopia III vann Uprisen 2012. Dette er den fjerde og siste boka i serien. J U :” spennende bok. Det var lett å leve seg inn i historien og ” Terje Torkildsen (f. 1971) debuterte i 2008 med ungdomsromanen Marki Marco, som vann UPrisen. I 2009 kom den første boka i firebokserien Dystopia 2014. Torkildsen vann Uprisen for andre gong for Dystopia III i 2012. UNGDOM | Pris ca kr. 229,- | ISBN: 9788252175578 | I sal 31 SAKPROSA: ASTRID SVERRESDOTTER DYPVIK: DET VAR DDR. FORTELJINGAR OM EIT NEDLAGT LAND Kamp om historia Framleis kan den karakteristiske hakkete lyden av ein gammal DDR-totaktsmotor utløyse panikkanfall med skjelving og hjartebank hjå folk som fekk kjenne diktaturet på kroppen. DDR vart borte i løpet av natta 9. november 1989, men folk lever framleis med merke etter overvaking, tortur, hjernevask og fluktforsøk. Då DDR forsvann starta ein kamp om historia. Korleis kan me forstå DDR i dag 20 år etter muren fall? Korleis skal DDR forståast, korleis skal vi hugse denne tida? Astrid Sverresdotter Dypvik har gått journalistisk til verks for å sjå på kampen om DDR-historia. Det har blitt ei rystande og rørande bok der me kjem tett på ulike lagnader. I boka møter vi alt frå stasimedarbeidarar og leiande personar i kommunistpartiet i DDR, til menneske som vart offer for eit brutalt diktatur. Astrid Sverresdotter Dypvik (f. 1977) er journalist og historikar. I dag er ho tilsett i Nationen, men ho har tidlegare arbeidd i både Morgenbladet, Klassekampen og Dag og Tid. HISTORIE | Pris ca kr. 349,- | ISBN: 9788252178760 | Utg. september 32 KRISTIN FRIDTUN: NORSK ETYMOLOGISK OPPKOK. DU VEIT IKKJE KVA DU SNAKKAR OM Basketak med kvardagsorda Kristin Fridtun herjar med kvardagsdorda, spretter dei opp og ser kva som gøymer seg inni. Orda speglar måten me sansar og skjønar verda på, og Fridtun let dei ikkje få ha løyndomane sine i fred. Ho tek føre seg mellom anna kropp, natur, kjensler, folk og fe. Fridtun granskar heilt daglegdagse ord som hovud, sjel, hjarta, minne, dør, verd, fisk og utfordring. Boka er skriven humoristisk, lett og ledig. Dette er ei bok som gjev språklege aha-opplevingar, det er ei bok for alle som snakkar, men òg for den språkinteresserte. Dette er boka for deg som ikkje veit kva du snakkar om! Kristin Fridtun (f.1987) er student og skribent. Ho har master i norrøn filologi, er oppvaksen med bokmål, men skifta til nynorsk i 2006. Fridtun er fast spaltist i Dag og Tid, og har vore bidragsytar i ymse tidsskrift og bøker. Ho kjem frå Elverum, men er busett i Trondheim. SPRÅK | Pris ca kr. 329,- | ISBN: 9788252181296 | Utg. august 33 OTTAR GREPSTAD: DRAUMEN OM MÅLET. TILSTANDSRAPPORTAR FRÅ NORGE OG NOREG Med språket som innsats Denne boka er skriven med språket som innsats. Ved inngangen til Språkåret 2013 gir den profilerte språkpolitikaren Ottar Grepstad ut boka for den som ønskjer påliteleg informasjon og nye tenkjemåtar om språk i Noreg. Direktøren ved Nynorsk kultursentrum gir seg ikkje før han har funne dei avgjerande fakta eller dei ukjende historiene. Boka er blitt til over tolv år som årstalar om den språklege tilstanden i Noreg. Dette er både ein journal frå 2000-talet og historiske perspektiv på ei samtid vi trudde vi kjende. I det siste kapitlet samlar forfattaren trådane til ein sterk argumentasjon for nynorsk i det språklege mangfaldet. Draumen om målet er skriven med den overraskande snerten og dei leikande sentensane som er Grepstads litterære vassmerke, og som fekk kritikarane til å rose bøker som Viljen til språk (2006) og Avisene som utvida Noreg (2010). Ottar Grepstad (f. 1953) er direktør ved Ivar Aasen-tunet i Ørsta. Grepstad har tidligare vore forlagsredaktør, redaksjonssjef og ass. forlagssjef i Det Norske Samlaget, redaktør i Syn og Segn 1984-1988, og har vore forfattar og medforfattar av fleire bøker og talrike artiklar i tidsskrift og aviser. SPRÅK | Pris ca kr. 429,- | ISBN: 9788252177879 | Utg. september 34 OLAUG NILSSEN: KJØKENBENKREALISME. ÆRLEGE HISTORIER OM TIDSKLEMMA Usminka om småbarnsliv Ofrar du barna for eit umenneskeleg karrierejag? Lar du dei veksa opp i barnehagen? Eller er du så dum at du vel vekk karriere, pensjonspoeng og inntekt? Kjøkenbenkrealisme ei bok full av ærlege historier om familieliv i dag. Du møter heimeverande, deltids- og fulltidsarbeidande og får eit uvanleg innblikk i korleis småbarnsforeldre i dag organiserer kvardagen. Her vert ikkje småbarnstida idyllisert, men både søvnmangel, frustrasjonar, samanbrot og gleder kjem fram. Boka handlar òg om småbarnsmora Olaug Nilssen. Det er ei rørande historie om hennar veg frå mykje jobbing og reising til å innsjå at ho måtte vere meir heime. Olaug Nilssen valde annleis etter at ho fekk barn, særleg etter at det synte seg at den eine sonen hennar har særskilte behov. Olaug Nilssen (f. 1977) er trebarnsmor. Ho debuterte med romanen Innestengt i udyr i 1998. Sidan den gong har ho skrive bøker i ulike sjangrar og markert seg som ei uvanleg og viktig stemme i norsk litteratur. Særleg kjend er Nilssen for romanen Få meg på, for faen som òg er filmatisert. Nilssen har blant anna vore leiar på Skrivekunstakademiet i Bergen. Ho kjem frå Solheimsdalen i Førde, men bur no i Bergen. SAMTID OG DEBATT | Pris ca kr. 349,- | ISBN: 9788252181319 | Utg. oktober 35 PER INGE TORKELSEN: HUMOR E INGEN SPØK Eg ska begeistra deg. Eg ska få deg i godt humør, enten du vil eller ei. Eg ska servera någen kjekke historiar; snåle, tankevekkande, løgne, og anderledes. Eg ska gje deg kunnskab du kan gleda deg øve, artige anekdotar du kan briljera med i det nesta selskabet. Du ska få folk te å slappa av, åbna seg og trivas trygt. Eg ska lera deg kordan godt humør, latter og optimisme ska beriga resten av livet ditt. Dette e ikkje tungsindigt, det e lyst og lett. Lett å forstå, og lett å bruga. Hvis du ikkje bler i godt humør av dette, så banke eg … Etter meir enn 20 bøker og eit halvt hundreår i humoren og samfunnsdebattens teneste vil Per Inge Torkelsen heller rose enn erte på seg folk. Krydra med ikkje-injurierande døme og anekdotar frå mange års kurs og foredrag for organisasjonar og næringsliv, byr han på ei positiv handbok i kunsten å gi ros. Rikt illustrert med oftast relevante foto. Per Inge Torkelsen (f. 1953) er komikar, skodespelar, forfattar, radiokåsør, politikar og sjølverklært klovn. Han har gitt ut fleire bøker, mellom anna Den store, stygge eldre boka og Ikkje heilt rektige. HUMOR | Pris ca kr. 349,- | ISBN: 9788252181388 | Utg. september 36 EINAR ØKLAND: NORSKE MALEBØKER Læremiddel – Kunstformidling – Tidtrøyte - Lokkemiddel Eit fargerikt pionerverk som med 150 illustrasjonar dokumenterer og synleggjer eit allment kjent, men usynleggjort og sterkt underkjent kulturhistorisk fenomen: vel 100 år med norskproduserte malebøker for barn. Einar Økland har i 40 år kartlagt og samla fleire hundre titlar som er langt større enn det som finst i offisielle register. I si kronologiske og perspektivrike framstilling viser han døme på dei utanlandske forløparane før vi frå 1890-talet får dei første norskproduserte produkta. Boka viser korleis store og mindre forlag nytta ei rad kjende og mindre kjende kunstnarar i produksjonen av ein boksjanger som ingen hittil har analysert og som berre sporadisk er registrert. Boktypen er blitt neglisjert og avvist som triviell av kunstfaglege, litteraturhistoriske og pedagogiske miljø, og pga omfang, ofte under 16 eller 8 sider, med kartongomslag med ryggstifta rygg, har jamvel forlag og trykkeri rekna den som så lite viktig at avleveringsplikta til UB ofte er blitt forsømt. Som bruksbøker er sjangren dessutan å rekne som sjølvdestruerande, men Økland har valt å vise både ubrukte forelegg og ” ” Einar Økland (f. 1940) er ein av dei mest allsidige og originale forfattarane i norsk litteratur. Han har sidan debuten i 1963 gitt ut nærmare 80 bøker innafor dei fleste sjangrar og motteke ei lang rekkje prisar, m.a. Doblougprisen i 2000 og Gyldendalprisen i 2006. KULTURHISTORIE | Pris ca kr. 429,- | ISBN: 9788252178777 | Utg. oktober 37 SAKPROSA, POCKET: MARTA NORHEIM: FRIKSJONAR. ESSAY FRÅ KULTURELLE GRENSEOMRÅDE Om kritikk, kunst og litteratur Kritikaren Marta Norheim utforskar dei uklare sonene som dannar seg i skjeringspunkta mellom kunst og samfunn, mellom natur og kultur. Dette fører fram til spørsmal som: Kvifor er det så mange vampyrar i populærkulturen og så mange personlege historier i skjønn-litteraturen? Er den som likar dårlege bøker eit dårleg menneske, eller er det dei som tenkjer slik som er dei dårlege? Kva har skjedd når deltakaren oppfører seg som ein tilskodar, og korleis kan eg vite at ei bok er god? Blir vi overflatiske av å storforbruke sosiale medier eller blir vi meir sosiale? Kva er forresten gale med overflata? Og kva er i gjære når det misbrukte ordet natur tek til å dukke opp i samfunnsdebatten? Alle essaya er nyskrivne. Marta Norheim er kunnskapsrik og humoristisk, og skriv ein lett og ledig nynorsk prosa. Atle Kittang, Klassekampen POCKET | Pris ca. kr 149,- | ISBN: 9788252182354 | I sal IDAR LIND: KVINNENE I RINNANBANDEN Ei ukjend kvinnehistorie Sydama Ragnhild Strøm var den første kvinna som vart verva av Henry Rinnan til tysk teneste. Heilt frå Rinnanbanden vart etablert på nyåret 1942, spelte kvinnene ei sentral rolle. Nesten ein fjerdedel av dei drygt 70 medlemmene var kvinner. Fleire av kvinnene som gjekk inn i arbeidet for Rinnan, trudde dei gjorde ein heiderleg innsats for motstandsrørsla. Andre sympatiserte ope med fienden. Idar Lind fortel historia om kvinnene i banden av angivarar, torturistar og drapsmenn, ei historie som ikkje er fortald før. POCKET | Pris ca kr. 149,- | ISBN: 9788252182347 | Utg. september 38 HOBBY: TOVE FEVANG: KLASSISK BARNESTRIKK. NORSKE MØNSTER 2-8 ÅR Strikk med nostalgi Tove Fevang har vore i arkivet til Sandnes ullvare og henta tradisjonelle oppskrifter heilt tilbake til 50-talet. Det har vorte ei bok med kjende plagg og mønster tilpassa vår tid. Oppskriftene vekkjer minne og er som ei lita vandring gjennom nyare strikkehistorie. Her finn du kofter og gensrar, men òg sokkar, huver og strikkebukser. Oppskriftene passar frå to til åtte år, og alle modellane er strikka i ullgarn som toler vask i maskin. Boka inneheld òg gode forklaringar for den som ikkje er heilt stø i ulike teknikkar. Tove Fevang er utdanna innan tekstil, broderi og design. Ho arbeider med handarbeid som designar, forfattar og frilansjournalist, og har gjeve ut ei rekkje bøker innan handarbeidsfeltet. Fevang er busett i Asker. HOBBY | Pris ca kr. 399,- | ISBN: 9788252181371 | Utg. oktober 39 ORDBOK: ALF HELLEVIK, MARGUNN RAUSET OG AUD SØYLAND: NYNORSK ORDLISTE, 11. utgåva Nynorsk ordliste er klassikaren blant ordlistene. Ho kjem no i ny og revidert utgåve i tråd med den nye rettskrivinga for nynorsk. Nynorsk ordliste har 35 000 oppslagsord med fulle bøyingsformer, ei liste over bokmålsord med nynorske synonym og ein minigrammatikk. Ein finn også råd om god nynorsk språkbruk. Ordlista kjem i to utgåver, hefta og plastinnbunden. ORDBOK | Pris ca kr. 134,- (hft), kr. 147,- (ib)| ISBN: 9788252181654 (hft), 9788252181647 (ib) | 464 sider | Utg. september ALF HELLEVIK, HÅVARD HJULSTAD, MARGUNN RAUSET OG AUD SØYLAND: ORDBOK FOR GRUNNSKOLEN, nynorsk, 6. utgåva Ordboka kjem no i ny og revidert utgåve i tråd med den nye rettskrivinga for nynorsk. Her er 10 000 oppslagsord med fulle ordformer. Til oppslagsorda høyrer det ordforklaringar, synonym og brukseksempel. Ordboka inneheld ei omfattande brukarrettleiing, øvingar i å bruke ordlista og viktige hugsereglar. ORDBOK | Pris ca kr. 150,- | ISBN: 9788252181678 | 160 sider | Utg. september 40 TRUDE DAVIDSEN BJERGA OG JOSTEIN STOKKELAND: ENGELSK-NYNORSK/ NYNORSK -ENGELSK ORDBOK ENGELSK-BOKMÅL/BOKMÅL-ENGELSK ORDBOK, 2. utgåva Ny og utvida utgåve med 36 000 oppslagsord. Ordboka er oppdatert med engelske og norske nyord. Ho gir gode og presise ordforklaringar og har med mange brukseksempel som viser orda i bruk. Alle ord står oppførte med ordklasse, norske substantiv også med kjønn. Ordboka har med ein minigrammatikk med nyttige opplysningar om korrekt språkbruk. Nynorskutgåva er i tråd med den nye rettskrivinga. ORDBOK | Pris ca kr. 198,- | ISBN 9788252173611 (nn), 9788252173628 (bm) | 468 sider | Utg. september KRISTOFFER KRUKEN: NORSK PERSONNAMNLEKSIKON, 3. utgåva Ny og kraftig utvida utgåve av den autoritative ordboka om personnamn. Namna blir grundig forklarte, med tyding (etymologi), og det blir opplyst om når dei har vore tekne i bruk og kvar i landet dei helst har vore brukte. Den nye utgåva byggjer på eit grundig og systematisk arbeid med gransking av mange ulike kjelder. Framstillinga er halden i eit enkelt språk slik at ikkje ein treng kjenne til spesiell terminologi for å nytte boka. ORDBOK | Pris ca kr. 599,- | ISBN: 9788252173680 | 544 sider | Utg. oktober 41 HØGARE UTDANNING: JAN EIVIND MYHRE: NORSK HISTORIE 1814 TIL 1905 Å byggje ein stat og skape ein nasjon Bandet skildrar hundreåret då Noreg gjekk frå unionsstatus til å bli ein sjølvstendig nasjon. Landet og innbyggjarane blei bundne tettare saman, i ein statsfellesskap og ein nasjonal fellesskap. Dette skjedde gjennom omfattande utbygging av kommunikasjonar og nasjonale institusjonar. Samstundes tok vi steget inn i det moderne, i ein industriell kapitalisme som prega alle sider av økonomien og gjorde landet til eit av dei rikaste i verda. HØGARE UTDANNING | Pris ca kr. 389,- | ISBN: 9788252174434 | Utg. oktober OLA SVEIN STUGU: NORSK HISTORIE ETTER 1905 Vegen mot velstandslandet Dette er den fjerde og siste boka i det nye historieverket til Samlaget. Bandet dekkjer tida etter unionsoppløysinga i 1905. I denne perioden har Noreg hatt ein sterk velstandsvekst. Ein viktig tråd i framstillinga er å vise korleis dette har gått til, ikkje minst korleis internasjonale tilhøve har lagt rammer og føringar for norsk utvikling. Næringar retta mot sjøen har vore sentrale gjennom heile perioden, og utanrikspolitikken har heller søkt tilknyting vestover enn sørover mot kontinentet. Noreg har også utvikla ein høg grad av sosial tryggleik og eit lågt spenningsnivå jamført med andre land, og drøftinga av dei politiske, sosiale og kulturelle tilhøva som har gjort dette mogleg, får brei plass i framstillinga. Det blir òg drøfta i kva grad okkupasjonsåra 1940 til 1945 var meir enn ein parentes i historia. HØGARE UTDANNING | Pris ca kr. 389,- | ISBN: 9788252174441 | I sal 42
© Copyright 2024