1. No category

ØRSTA KOMMUNE
politisk sekretariat
Plan- og miljø for vidare ekspedering
Saksnr
2013/1054
Løpenr.
3647/2015
Saksansvarleg
WANGEN
Arkiv
03
Dato
13.03.2015
Melding om vedtak i formannskapet 10.3.2015, sak 28/15
OFFENTLEG ETTERSYN: DETALJREGULERINGSPLAN FOR PETTERMARKA
Saksprotokoll i Ørsta formannskap - 10.03.2015
VEDTAK:
Ørsta formannskap, som planutval, syner til framlegg til detaljreguleringsplan for
Pettermarka. Med heimel i plan- og bygningslova § 12-10, gjer planutvalet med dette vedtak
om å legge framlegget ut til offentleg ettersyn slik det ligg føre på plankart sist revidert
03.03.15 og med tilhøyrande føresegner.
Før utlegging til offentleg ettersyn må det leggast fram justerte illustrasjonar, jf. endringane
som forslagsstillar har innarbeidd i dei øvrige plandokumenta.
Frist for å kome med merknader vert sett til 6 veker frå kunngjeringsdato.
Handsaminga (9 r.f.)
Monika Barstad Rebbestad bad om at gildskapen hennar vart vurdert då ho er medeigar i
selskap som er part i saka.
Ho gjekk frå møtet medan gildskapen vart vurdert.
(8 røysteføre)
Monika Barstad Rebbestad vart samrøystes kjend ugild.
(8 røysteføre)
Rådmannen si tilråding vart vedteken med 8 mot 0 røyster
Rett utskrift
Inger Johanne E. Løeng
Politisk sekretær
Postadresse:
6153 ØRSTA
[email protected]
700 49 700
700 49 711
www.orsta.kommune.no
939461450 MVA
3992.07.30144
ØRSTA KOMMUNE
SAKSFRAMLEGG
Sakshandsamar:
Matias Kårstad
Utvalsaksnr.
28/15
Utval
Ørsta formannskap
Arkivsak: 2013/1054
Løpenr.: 1964/2015
Møtedato
10.03.2015
Saka gjeld: OFFENTLEG ETTERSYN: DETALJREGULERINGSPLAN FOR
PETTERMARKA
TILRÅDING TIL VEDTAK:
Ørsta formannskap, som planutval, syner til framlegg til detaljreguleringsplan for
Pettermarka. Med heimel i plan- og bygningslova § 12-10, gjer planutvalet med dette vedtak
om å legge framlegget ut til offentleg ettersyn slik det ligg føre på plankart sist revidert
03.03.15 og med tilhøyrande føresegner.
Før utlegging til offentleg ettersyn må det leggast fram justerte illustrasjonar, jf. endringane
som forslagsstillar har innarbeidd i dei øvrige plandokumenta.
Frist for å kome med merknader vert sett til 6 veker frå kunngjeringsdato.
Utskrift til:
Plan- og miljøavdelinga for vidare ekspedering
Saksvedlegg:
Plankart i to vertikalnivå
Føresegn
Planomtale
Illustrasjonar
Innkomne merknader og medverknad
Kommentar til merknadane
Uprenta saksvedlegg:
ROS-vurdering
Radonundersøking
Vurdering natur, Miljø og samfunn
Vurdering naturmagfald
Støyrapport
Vegprofilar
Div. saksdokument
Saksopplysningar:
AG Plan- og arkitektur AS har, på vegne av forslagsstillar Ørsta Byggservice AS, utarbeidd
framlegg til detaljreguleringsplan for Pettermarka på Engeset. Føremålet med planarbeidet er
å legge til rette for bustadbygging med naudsynte fellesareal til parkering, uteopphald/leik
m.m. Forslagsstillar ønskjer å legge til rette for konsentrert utbygging for deler av
planområdet.
Den 11.07.2013 var det helde oppstartsmøte med Ørsta kommune. I møtet var det peika på
universell utforming, born- og unge sine interesser, vegløysingar, støy og naudsynte
rekkefølgjekrav som aktuelle problemstillingar ved utarbeiding av planframlegget. Det var
konkludert med at planarbeidet ikkje vil utløyse krav om konsekvensutgreiing.
Den 18.07.2013 vart det varsla oppstart av planarbeidet. Fleire naboar og offentlege mynde
har hatt innspel/merknader til planarbeidet. Desse er vurderte og kommenterte av
forslagsstillar i plandokumenta. Samfunnsutvalet (SFU) hadde følgjande uttale til
oppstartsvarslinga:
Samfunnsutvalet (SFU) syner til varsel om oppstart av detaljreguleringsplan for
”Pettermarka”, gnr/bnr 15/10, 451 og 828. SFU har ingen avgjerande merknadar til at det
vert sett i gang planarbeid for området, men vil likevel peike på følgjande moment:
 Det er naturleg å tenke høg utnyttingsgrad i sentrumsnære område, men utbygginga
må likevel tilpasse seg omgjevnadane og det eksisterande bumiljøet.
 Tilkomstvegen må utformast etter krav til kommunale vegar, og leggast slik at den har
tilstrekkeleg avstand til eksisterande bygg med omsyn til snøopplag m.v.
 Det må leggast til rette for tilstrekkeleg leikeareal for ev. nye einingar jf. kdp for
bumiljø, og det må knytast rekkefølgjekrav til opparbeiding av dette.
 Forslagsstillar må vurdere moglegheita for å nytte fornybare energikjelder jf.
klimaplanen, og området må utformast med eit særleg fokus på tilgjenge for alle.
 Fastsetjing av namn på reguleringsområdet må fremjast for vedtak i kommunen, jf lov
om stadnamn § 5.
Vurdering og konklusjon:
Gjeldande reguleringsplan for området er frå
1989. Området er her sett av til frittliggande
småhus med ein tilkomstveg i slynge. Dei
omkringliggande områda har tilsvarande
føremål. Tilkomsten er føresett frå
Engesetvegen. I søraust ligg Mosmarkvegen utan
regulerte avkøyrsler. Det er regulert areal til
støyskjerming langs Mosmarkvegen. I framlegg
til kommunedelplan for Ørsta sentrum og
Hovdebygda som har vore lagt ut til offentleg
ettersyn er gjeldande reguleringsplan for området
føresett vidareført uendra.
I planframlegget er den vestlege delen av området foreslått for frittliggande småhus
(einebustader) med garasje. Mønehøgd og gesimshøgd er foreslått tilsvarande som i gjeldande
reguleringsplan. Utnyttingsgrada er sett til max 30%-BYA. Tilkomsten til denne delen av
planområdet er føresett gjennom to korte tilkomstvegar frå Engesetvegen. Den sørlegaste
tilkomstvegen er trekt litt mot nord i høve gjeldande plan, slik at regulert køyreveg i
hovudsak ligg nord for tomtegrensene mot eksisterande tomter i sør. Det er likevel vist
snøopplag (anna veggrunn) som går inn på tomtene, men ikkje ut over det som allereie er
regulert som vegareal. Det er også lagt opp til ein leikeplass med tilstrekkeleg areal for desse
tomtene.
I den austlege delen av planområdet er det foreslått konsentrert utbygging med to ”tomter” for
konsentrerte småhus (4 bueiningar i BKS1 og 6 bueiningar i BKS2) og ei ”tomt” for lavblokk
(8 bueiningar i BBB). For dei konsentrerte småhusa er den foreslåtte byggjehøgda tilsvarande
som for einebustadområda, medan gesimshøgda for lavblokka er auka til 8m. I lavblokka er
det også opna for inntil 3 etasjer. Utnyttingsgrada for dei tre tomtene er sett til max. 50%BYA for BKS1, max. 55%-BYA for BKS2, og max. 80%-BYA for BBB (blokka). Den høge
utnyttingsgrada kjem av at reguleringsplanframlegget er meir detaljert enn tilsvarande planar.
Til dømes er gangareal, parkeringsområde og uteopphaldsareal viste som eigne føremål. Reell
utnyttingsgrad for den konsentrerte delen av planområdet er oppgitt til om lag 30%-BYA.
Fleire av naboane har ytra at dei ikkje ønskjer ei fortetta utbygging i området. Kommunen ser
generelt positivt på fortetta utbygging, men ein må likevel ta omsyn til dei omkringliggande
bustadane, jf. strategi nedfelt i samfunnsdelen og retningsline i framlegg til kommunedelplan
for Ørsta sentrum og Hovdebygda. Området ligg svært sentralt plassert inntil ein av dei
viktigaste samlevegane i sentrum (busstrase) og nær skule/barnehage. Dette området er frå før
utbygd med einebustader. Ved å dele planområdet i to, og plassere einebustader i den eine
delen og konsentrerte bustader i den andre har forslagsstillar forsøkt å tilpasse seg
omgjevnadane. Ein må likevel rekne med at den konsentrerte delen kan oppfattast som eit
framandelement i området.
Eit anna grep for å minske ulempene for det eksisterande bumiljøet er å legge tilkomsten til
den konsentrerte delen til Mosmarkvegen. I utgangspunktet bør Mosmarkvegen haldast mest
mogleg avkøyrslefri. Likevel ser ein at Engesetvegen er tungt belasta av trafikk allereie, og
det er gjennomført trafikksikringstiltak. Å tilføre denne vegen ei stor auka trafikkmengde
vurderer rådmannen som uheldig. For å minske ulempa ved å etablere kryss frå
Mosmarkvegen har det vore diskutert om ein burde forkøyrsregulere vegen på strekninga.
Dette må i tilfelle handsamast som ei eiga sak etter veglova. Det vil ikkje verte opna for
gjennomkøyring mellom Mosmarkvegen og Engesetvegen.
Deler av parkeringsarealet for dei konsentrerte areala er føresett i ”parkeringskjellar” under
leikeplass og uteopphaldsareal. Kvar av bueiningane skal ha ein parkeringsplass i
parkeringskjellar. I tillegg er det lagt til rette for nokre parkeringsplassar utandørs. Totalt er
det lagt opp til 1 parkeringsplass pr. 2-romsleiligheit, og 2 plassar for dei leiligheitene som er
større. Dette er i samsvar med gjeldande parkeringsvedtekt for Ørsta kommune.
Uteopphaldsareal (MUA) er samla til fellesområde mellom bygningane. Dette gjer at kvar
leiligheit ikkje har tilgang til eit privat uteområde, slik det er i ein del andre konsentrerte felt.
Det er sett av areal til leik i tilknyting til uteopphaldsområdet. Minstekravet til leikeplassar i
Ørsta kommune er 50 m² jf. KDP for bumiljø, noko som skulle tilseie 900 m² til leik. Det er
innarbeidd tilstrekkeleg areal til leik i planframlegget. Samla sett vurderer rådmannen areala
for leik og uteopphald som tilstrekkeleg.
Det er gjort ei justering i planframlegget for å oppfylle parkeringskravet og
leikeplass/uteopphaldsareal. Dette medfører ei justering av dei vedlagde 3D-illustrasjonane.
Desse er ikkje retta opp enno, men vil ligge føre ved utlegging til offentleg ettersyn.
Endringane er innarbeidde i dei øvrige plandokumenta.
Ut ifrå vurderingane over rår rådmannen til å legge planframlegget ut til offentleg ettersyn
slik det ligg føre på plankart sist revidert 03.03.15, med tilhøyrande føresegn.
Wenche Solheim
rådmann
Arnstein Nupen
konst. leiar plan- og utviklingsstaben