K
Aktørane i oktober 2015
K
Stig Ulv (gitar)
Deltakarar på improvisasjonsseminaret
Morten Bollerud (trekkspel, piano)
Arild Andenes (trompet)
Øystein Egset (streng, perkussjon)
Julie Sofie Reite (drama)
Solveig Othilie Skare (drama)
Sigurd Eide Ovesen (drama)
Constanze Lindner (forteljing)
Rundhild Hånes Aksnes (forteljing)
Benedicte Maurseth (fele)
Knut Hamre (fele)
Martin Schiessler (fiolin)
Kai Evensen (cello)
Bert Handrick (piano, dirigent)
K
Volda kyrkjekor
Volda sokneråd
Kyrkjemusikalsk råd i Volda
Kantor i Volda
Rådhusgata 6a
6102 Volda
Telefon: 48894180 eller 91353050
E-post: [email protected]
PROGRAM
22. — 25. oktober 2015
Program
Torsdag 22. oktober 2015
DUR - konsert med Stig Ulv
Lokalt plateslepp
Volda kyrkje kl. 19.30, billett 200,- kr
Fredag 23. oktober 2015
Seminar i improvisasjon
ved Stig Ulv
Volda kyrkje kl. 18.00 - 20.00,
deltakaravgift 150,- kr
Konsert med seminardeltakarane
Volda kyrkje kl. 21.00, kollekt
Laurdag 24. oktober 2015
Musikalsk skattejakt for tenåringane
Volda kyrkje kl. 13.00 - 14.00
”Å vera ingenting” - konsert og samtale
med Benedicte Maurseth og Knut Hamre
Austefjord kyrkje kl. 19.00, billett 200.– kr
Søndag 25. oktober 2015
Familiegudsteneste
Med musikarane frå skattejakta,
Prest er Kjell-Roger Isene
Volda kyrkje kl. 11.00
”Ein musikalsk kveldsbøn”
Avsluttingskonsert
v/ Volda kyrkjekor, Martin Schiessler (fiolin),
Kai Evensen (cello) og Bert Handrick (piano)
Volda kyrkje kl. 19.30, billett 200,- kr
DUR - konsert med Stig Ulv
Kyrkjemusikkdagane i Volda får æra av å lansere Stig si nye
plata, DUR, her lokalt. Dette er artisten sitt tredje studioalbum
og innheld 10 melodiar i kjent Stig Ulv - stil, der gitarane står
for all musikken.
Stig Ulv spelar ikkje på gitarar, han får dei til å snakke. På nynorsk sjølvsagt. Med utsøkt gitarteknikk, ei reinskåren kjensle
for harmoni og melodi, og ein lyd som ber tonar over hav.
- Dette er ikkje akkurat festmusikk, seier Stig Ulv sjølv.
Og det takkar vi for. Det finst nok av slikt. Nei, Stig Ulv er noko
heilt anna: Ro og pusterom. Høgst nødvendig i ei samtid prega
av stadig aukande krav til tempo og effektivitet. Sjølv kallar han
det stemningsfull instrumentalmusikk. Men det er berre fordi
han er beskjeden.
Stig Ulv står for noko heilt unikt på den norske musikkhimmelen i dag. Han er noko så sjeldant som eit friminutt frå stress
og mas.
Det handlar om han og gitaren. Og sjelefred, intet mindre.
Seminar i improvisasjon + konsert
”Med utgangspunkt i nokre tradisjonelle salmar: Korleis lage ny
musikk ved hjelp av improvisasjon. Utan notar, utan reglar og
utan å ha øvd ilag .” Det er den korte beskrivinga gjeven frå
Stig Ulv. Han inviterer spesielt musikantar i kulturskulen, vidaregåande skule og høgskulen, men sjølvsagt også alle andre
interesserte til å bli med å improvisere i lag. Han spelar sjølv
gitar, men ønskjer alle typar instrument og også songarar velkomne til seminaret.
Seminaret vert avslutta med ein uformell konsert fredag kveld
kl.21.00.
Musikalsk skattejakt
Laurdag 24. oktober kl. 13.00 i Volda kyrkje. Born og familiar
får vere med på ei vandring der biletkunst, musikk, teater og
forteljing formidlar bibelhistorier til oss. Alle aldrar og familiar
er varmt velkomne. Alle 10-åringar i Volda kommune er særskilt invitert. Etter arrangementet i kyrkja er det Laurdagsgraut
på Uppheim med mykje kjekt på programmet og sjølvsagt graut
til ein rimeleg penge. Opplegget er ein del av trusopplæringa
for born og unge, og kyrkjemusikkdagane i Volda 2015.
Søndag 25. oktober kl. 11.00 er det gudsteneste i Volda kyrkje.
Her vil alle 10-åringar få utdelt ei bibelbok, og det vert utdrag
frå skattejakta.
Å vera ingenting - konsert og samtale med
Benedicte Maurseth og Knut Hamre
Når Benedicte ser attende, er det samtalane med Knut som
har vore det viktigaste i opplæringa. Desse samtalane skreiv
ho ned, og ho kjende eit sterkt ynskje om at fleire skulle få del
i denne visdommen. Slik vart boka, - Å vera ingenting - Samtalar med spelemannen Knut Hamre, til.
I konserten Å vera ingenting", vil ein få høyra utdrag frå boka,
hardingfeleslåttar frå heimtraktene deira i Hardanger. Samtale
der og då mellom meister og elev om endelege tema som: Kva
er kunst? Korleis får ein fram svevet i spelet? Kva gjer ein
meister til ein god meister?
Familiegudsteneste i Volda kyrkje
Under denne gudstenesta får 10-åringane utdelt ei bibelbok,
og vi vil få sjå utdrag frå skattejakta. Prest er Kjell-Roger Isene.
Ein musikalsk kveldsbøn - Avsluttingskonsert
Volda kyrkjekor og instrumentalistane Martin Schiessler, Kai
Evensen og Bert Handrick byr på ein konsert av det meir intime
og meditative slaget. Det gir rom for ettertanke og stille bøn
medan musikken fyller kyrkjeromet med varme tonar og harmoniar.
På same tid blir det ei reise gjennom tidene: Starten er i renessansen, går så vidare gjennom barokk og romantikken fram
mot 1930 – talet. Publikum får høyre verk av kjende , og kanskje litt mindre kjende, komponistar – Orlando di Lasso, Johann Sebastian Bach, Anton Bruckner, Max Bruch, Sergej
Rachmaninov og Maurice Duruflè.
Konserten sluttar med «Ubi caritas et amor» av den franske
komponisten Maurice Duruflè. Dette stykket er inspirert av
gregoriansk musikk som er den eldste typen kyrkjemusikk i vår
kultur. Her samlast alle bøner og tankar i kjærleik, frå Gud til
oss og frå oss til Gud.
K
Volda sokneråd
Kyrkjemusikalsk råd i Volda
Kantor i Volda
Rådhusgata 6a
Telefon: 48894180 eller 91353050
E-post: [email protected]