TOKKE ARBEIDERPARTI
KOMMUNEVALPROGRAM TOKKE ARBEIDERPARTI 2015 – 2019 Hilde Alice Vågslid Ordførarkandidat Kjell Magne Grave Varaordførarkandidat Hilde er 49 år og har fylgjande politisk erfaring: •1 periode som ordførar •7 periodar i kommunestyret •5 periodar i formannskapet og administrasjonsutvalet •2 periodar som leiar av administrasjonsutvalet •1 periode i teknisk utval Kjell Magne er 55 år og har fylgjande politisk erfaring: •1 periode som varaordførar •3 periodar i kommunestyre •1 periode i formannskapet og leiar av administrasjonsutvalet •1 periodar i teknisk utval •1 peride i hovudutval for undervisning •2 periodar i forliksrådet Arbeiderpartiet.no «Handlekraftig,, stolt og synleg i eit trygt fellesskap» Nærmiljøet og lokalsamfunna er rammene for liva våre. Me trur på sterke fellesskapsløysingar, fordi me får til meir saman enn kvar for oss. I Tokke ynskjer me heile tida velferdstenester i endring, som tek opp i seg nye behov og nye verkemiddel i tråd med utviklinga. I utviklinga av Tokke skal me vere kunnskapssøkande. Me ynskjer at alle dei som høyrer til lokalsamfunnet skal vere med å utvikle det. Derfor vil me invitere innbyggjarane våre inn i diskusjonane, både som parti og som lokalt folkevalde. Innbyggjarane er lokalsamfunnet! Tokke Arbeiderparti vil sikre ein god og brei prosess i samband med kommunereforma, ved å involvere innbyggjarane våre. Gode samarbeidsløysingar med dei andre kommunane i Vest-Telemark er eit godt alternativ. Næring, arbeidsliv og verdiskaping Attraktive arbeidsplassar er ein grunnleggjande føresetnad for å halde oppe og auke innbyggjartalet. Vi skal gå i front for at Tokke skal bli ein kommune som er aktiv som utviklingsaktør og tilretteleggjar. Tokke Arbeiderparti vil • at kommunen som samfunnsutviklar skal utarbeide ein nærings- og sysselsetjingsplan, i samarbeid med lokalt næringsliv • sikre ei etablering og utvikling av ny næringshage på Dalen • vere aktive i arbeidet med å få aktivitet på næringsområda • ruste opp vegane til næringsområda • innføre ein meir kritisk bruk av næringsfondet, mellom anna ved å spisse det til å gjelde verksemder som Tokke treng og som skapar/ tryggar arbeidsplassar • vidareutvikle Tokke som turistmål og stimulere til eit heilårs overnattingstilbod i kommunen • ha meir utbygging og større aktivitet på Hallbjønnsekken • synleggjere turstigar, bryggjeområda, Telemarkskanalen, Dalen Hotel, musea osv. med god marknadsføring • gå i front for kampen mot sosial dumping, svart arbeid og arbeidslivskriminalitet. Landbruk er ei viktig næring i kommunen, og har mykje å seie for busetnaden i grendene. Det er stadig større fokus på, og etterspurnad etter lokalproduserte matvarer. Dette er med på å gje oss matkvalitet og bidreg til betre dyrevelferd. Tokke Arbeiderparti vil • vere ein støttespelar for eit aktivt og levande landbruk i Tokke • halde fram med støtteordningane for landbruket • sikre eit landbruk som tek vare på kulturlandskapet • halde på konsesjonsgrense 0 • verne om dyrka/dyrkbar jord og biologisk mangfald gjennom arealdisponering Samferdsel Det er eit stort behov for å betre vegane og infrastrukturen i og til Tokke. Tokke Arbeiderparti vil • ha eit godt sommar- og vintervedlikehald på kommunale vegar • vere pådrivarar for arbeidet på E134 over Haukeli • få vegen Høydalsmo – Dalen inn i fylket sine vegplanar • vere pådrivarar for høgfartsbane over Haukeli • få heilårsveg over Suleskar inn i Nasjonal transportplan Oppvekst- og levevilkår Ein god skulegang for alle er det aller viktigaste for å nå Arbeiderpartiet sitt mål om eit rettferdig og godt samfunn. Alle skal ha likt høve til å utvikle sine evne, til arbeid og til å leve gode liv. 3. Solbjørg Frantzen, Åmdals Verk 4. Olav Storåslid, Skafså 5. Mona Sofie Skafså, Skafså 6. Olav Godtland, Dalen 7. Anne Gro Damkås, Høydalsmo 8. Vidar Vindal, Dalen 9. Siv Skogheim Byrte 10. Tor Øystein Gravdal, Dalen 11. Sigrunn Skare, Åmdals Verk 12. Håvard Ole Holstaa, Dalen 13. Randi Eikåsen, Dalen 14. Romeo Adolphus Brown, Dalen Bornehage - Tokke Arbeiderparti vil • halde ved lag full barnehagedekning • starte arbeidet med planlegging av ny barnehage i Høydalsmo og få den inn i økonomiplanen • sikre at born som treng ekstra hjelp skal få det så tidleg som råd og ha stort fokus på tidleg innsats Skule - Tokke Arbeiderparti vil • at Tokkeskulen skal vere ein mobbefri arena som satsar på kunnskap gjennom god læring og ein god skulekvardag • ha fokus på eit godt heim-skule samarbeid • gje elevane i Tokke ein kvalitativ og heilskapleg skuledag, med måltid, leksehjelp og fysisk aktivitet. Derfor vil me oppretthalde skulemat/ kantine for ungdomsskulen og fruktordning i barneskulen. Vest-Telemark vidaregåande skule - Tokke Arbeiderparti vil • få kartlagt trongen for yrkesfagleg utdanning • gjere det me kan for å bidra til eit godt samarbeid mellom rådgjevartenesta i skulane og næringslivet Fritid - Tokke Arbeiderparti vil • at ungdomsklubben på Dalen skal fortsetje drifta på same nivå som i dag, og at skyss til og frå grendene vert som nå • stø opp om andre frivillige lag og foreiningar som er med på å gje born og ungdom ei meiningsfylt fritid • jobbe for eit meir variert tilbod til ungdom i alderen 14-18 år Helse og omsorg Tokke Arbeiderparti sitt mål med helse- og omsorgstenesta er at alle skal få den hjelpa dei treng, når dei treng den. Ein viktig nøkkel til god helse er førebygging og tidleg innsats! Me vil ha eit godt helsetilbod for alle Tokke Arbeiderparti vil • at kommunen skal drive eit aktivt folkehelsearbeid for å førebyggje sjukdom og lidingar • halde ved lag eit vel fungerande interkommunalt barnevernssamarbeid • sikre eit godt psykisk helsetilbod i kommunen, med særleg vekt på ungdom og psykisk helse • halde ved lag ei god heimeteneste slik at eldre kan bu heime lengst mogleg • ha heilskapleg rusomsorg som satsar tungt på førebygging, behandling og ettervern • oppmuntre til å danne ei «venneforening for dei eldre» som kan skape aktivitetar • ha fokus på arbeidet mot vold i nære relasjonar Tokke Arbeidarparti sine tre høgst prioritera saker i 2015 – 2019 vil vere: 1. Næringsutvikling og arbeidsplassar 2. Godt oppvekstmiljø for born og unge 3. Oppretthalde god eldreomsorg 15. Solveig Oppebøen, Skafså 16. Helge Vildalen, Dalen 17. Anne Irene Anundskås, Dalen 18. Sondre Nygard, Lårdal 19. Unn Breivik, Skafså 20. Arne Gjerlid, Dalen 21. Tove Wrålid, Dalen 22. Tore Arild Dahle, Dalen 23. Sigrunn Aaland Taraldlien, Dalen 24. Tahar Haddad, Skafså 25. Liv Nygård, Høydalsmo 26. Arne G Askje, Dalen Kultur, bustad og miljø Tokke kommune som arbeidsgjevar Tokke Arbeidarparti vil vera ei god støtte for lokalt kulturliv, idrett, fysisk aktivitet og arbeidet i frivillige organisasjonar. Kultur skapar trivsel! Dei tilsette er dei viktigaste ressursane me har for å yte gode tenester til innbyggjarane. Tokke Arbeidarparti ser det som svært viktig å ivareta dei tilsette på ein god måte. Det er viktig for oss at unge og nye innbyggjarar ser Tokke kommune som ein attraktiv arbeidsplass. Tokke Arbeiderparti vil • lette tilgangen til kommunale bygg, for størst mogleg aktivitet. Eks. Tokkehallen, kulturhus og samfunnshus/grendehus • utvide opningstida i Tokkehallen og syte for at den er funksjonell for ulike aktivitetar • sikre at natur og idrettsanlegg er tilgjengeleg for dei med nedsett funksjonsevne • ikkje innføre eigedomsskatt på private bustadar • stimulere pensjonistar og andre ressurspersonar til å delta i det frivillige arbeidet i barnehage og skule • auke vedlikehaldet av kommunale byggjefelt som gror att og er lite attraktive • rydde utsiktspunkt og rasteplassar • oppmode til fjerning av bustadar som står til forfall • vere pådrivarar for snøskutertrasear • halde fram med tilskot til ungdom som vil byggje/restaurere eigen bustad, og leggje til rette for attraktive bustadtomter i heile kommunen Tokke Arbeidarparti vil • ha minimum 2 lærlingar pr. 1000 innbyggjar • sei nei til privatisering og konkurranseutsetjing av skule, eldreomsorg og andre grunnleggjande velferdstenester • at kommunen skal stille praksisplassar til disposisjon for utdanningar som er relevante for kommunen • fylgje opp planar for kompetanseheving for tilsette og halde på kompetansen i kommunen • føre ein god seniorpolitikk, slik at fleire tilsette får høve til å stå lengre i arbeid om dei ynskjer det • legge til rette for at tilsette utan formell kompetanse kan ta fagbrev som kommunen har behov for • at kommunen skal ta inn sommarvikarar som kan drive vedlikehald av uteareal • at kommunen skal nytte den kompetansen som er i kommunen til rett arbeid, for å redusere innleige av tenester • at kommunen fylgjer opp vedlikehaldsplan for kommunale bygg Tokke Arbeidarparti sine tre høgst prioritera saker i 2015 – 2019 vil vere: Næringsutvikling og arbeidsplassar Godt oppvekstmiljø for born og unge Oppretthalde god eldreomsorg
© Copyright 2024