GPS-MERKEJUVVON EALGGA RÁFÁIDUHTTIN DÁN JÁGI EALGABIVDDUS
Cuoŋománus GPS-merkejuvvui njiŋŋelas ealga Njávdámis Mátta-Várjjagis mas ledje
guolggahis dielkkut (mii lei boradan). Veterinærinstituttet (Šibitdoavttirinstiuhtta)
háliida čuovvut dán ealgga guolgaovdáneami áiggi badjel. FeFo lea danne mearridan
ráfáiduhttit dán ealgga ja čuovvu miesi dan jagi bivddu vuolde. Ávžžuhit bivdiid ja
earáid geat deivet ealgga govvet dan ja dieđihit áicamiid veterinærinstituttet ásahussii.
Áldu (Njiŋŋelas ealga) lea merkejuvvon fiskes GPS-báttiin
Veterinærinstituttet jámihii cuoŋománus, buriin vehkiin báikkálaš olbmuiguin,
ealganjiŋŋelasa (álddu) mas ledje guolggahis dielkkut ja merkii dan GPS-sáddenáđain
Njávdámis Mátta-Várjjat gielddas. Leat oidnon olu guolggahis ealggat Østlandet guovllus
(Østlánddas) 2014/15 dálvvi, muhto dát lea vuosttaš ealga mii raporterejuvvon Finnmárkkus
mas leat beassan guolggat (mii lea boradan?) viidát dálvet. Veterinærinstituttet háliida danne
dán ealgga náhkkeovdáneami čuovvumiin áiggi badjel oahppat eambbo dávdda birra..
Báikkálaš olbmot Njávdámis oidne dávjá njiŋŋelas ealgga (álddu) dálvet 2014:s/2015:s ja lea
leamaš stuorra báikkálaš áŋgiruššan gávdnat siva guolggaid láhppimii. Viiddis guolgaláhppin
dagaha elgii heahtedili buolašin dálvet ja lea eallebuorredili váttisvuohta. Duogáš
guolgamassimii dálvet lea eahpevissis.
Ealganjiŋŋelas Njávdámis lea mássán guolggaid viidá čielggis, ja julggiin (geahča gova).
Dain alas liikesajiin lei assás, goike skoarpa ja dovdui garrasit dábálaš náhki ektui. Olu
ealggat Østlandet guovllus fáhtehalle maiddái guolgamassimii jagi 2014/2015 dálvvi, ja ledje
iešguđetlágan viidodagat muhtun dielkkuid rájes gitta praktihkalaččat daddjin áibbas alas
eallit. Lea almmatge eahpečielggas leago sivvaoktavuohta gaskal guolgaláhppima Østlandet
(Østlandet) guovllus ja dan ealganjiŋŋelasas (álddus) mas ledje guolggahis dielkkut
Njávdámis Neiden.
Bearjadaga cuoŋománu 10. beaivvi 2015:s jámihuvvui dat ealga mas ledje guolggahis
dielkkut jámihanbissuin ja merkejuvvui GPS-čeabetbáttiin ja bealljemearkkaiguin.
Váldojuvvo varra-, liike- ja guolgaiskosat mat sáddejuvvo Veterinærinstituttet ásahussii
guorahallamii. Veterinærinstituttet ásahusa dutkit barge kártet vejolaš sivaid manne ealga
massá guolggaid dálvet. Buorre veahkki Mátta-Várjjat gielddas ja báikkálaš veagain lei
mearrideaddjin merkema lihkostuvvamii.
Ealgga dárkilis GPS-posišuvnnain oahppaladde báikkálaš gulahallanolbmot ealli duos dás ja
raporterejit Veterinærinstituttet ásahussii. Dalle sáhttet dutkit čuovvut ealgga
náhkkeovdáneami ja lea go dat álššaid alde guhkit áiggi.
Veterinærinstituttet ávžžuha báikkálaš olbmuid ja bivdiid dieđihit jus oidnet ealggaid mat leat
massán guolggaid Finnmárkkus. Olbmot sáhttet čuovvut guolgaváillat ealgga lihkadeami,
dieđusge 14 beaivvi maŋŋonemiin go registrerejit profiilla neahttasiiddus
www.dyreposisjoner.no, ja dasto válljejit prošeavtta «Guolgaváillat ealga» ja
indiviidanummara «HOP-5922».
FeFo lea, ovttasráđiid Veterinærinstituttet, mearridan ahte dát ealganjiŋŋelas (áldu)
galgá ráfáidahttot dan jagi bivddu vuolde.
Ealga mas leat guolggahis dielkkut, merkejuvvon fiskes GPS-čeabetbáttiin, nr 5922
Veterinærinstituttet gulahallandieđut:
Knut Madslien
Veterinær, PhD
Fuođđodearvvašvuođa ovddasvástideaddji
Veterinærinstituttet
Postboks 750 Sentrum
0160 Oslo
T 23 21 63 75 Mobil 91 73 69 09
[email protected] | www.vilthelse.no | www.vetinst.no