‫וועט ּפאלארד באפרייט ווערן‪:‬‬ ‫פּאלארד בארעכטיגט פאר‬ ‫פּאראל אין נאוועמבער‬ ‫עס קאכט זיך די טעג מיט די נייעס אז דער‬ ‫מדינת ישראל שפּיאן דזשאנאטאן פּאלארד‪,‬‬ ‫וועלכער איז פאראורטיילט געווארן צו‬ ‫לעבנסלענגליכע טורמע ווען מען האט אים‬ ‫ארעסטירט אין הויף פון די מדינת ישראל‬ ‫אמבאסאדע אין וואשינגטאן אין ‪ ,'85‬ווען די‬ ‫איזראעליס האבן אים נישט אריינגעלאזט זעענדיג‬ ‫ווי ער איז אנטלאפן פון די "עף‪ .‬בי‪ .‬איי‪ ".‬אגענטן‬ ‫ווען מען האט אים געכאפּט ביי זיין מאסיוון‬ ‫שפּיאנאזש‪ ,‬ווערט איצט באטראכט ארויסגעלאזט‬ ‫צו ווערן‪.‬‬ ‫לויט די באריכטן‪ ,‬איז מעגליך אז פּרעזידענט‬ ‫אבאמא זאל אים איצט באפרייען‪ ,‬צו ווייזן אז ער‬ ‫איז נישט קעגן מדינת ישראל‪ ,‬טראץ דעם אנ־‬ ‫גייענדיגן פּראפּאגאנדע קאמפּין פון דעם איזראעלי‬ ‫פּרעמיער נתני' און די איזראעלי לאביאיסיטן אין‬ ‫אמעריקע קעגן דעם נוקלעארן אפּמאך וואס‬ ‫אמעריקע און די אנדערע גרויסמאכטן האבן‬ ‫אונטערגעשריבן מיט איראן עטליכע וואכן צוריק‪.‬‬ ‫פרייטאג האט די שפּאקולאציע אנגעהויבן צו‬ ‫גיין אין גרויסן אז אמעריקאנער באאמטע וועלן‬ ‫נישט ארויסשטעלן א קעגנערשאפט צו פּאראל‬ ‫פאר פּאלארד וועלכער איז בארעכטיגט באטראכט‬ ‫צו ווערן פאר פּאראל נאך ‪ 30‬יאר שמאכטן אין‬ ‫טורמע‪ ,‬אזוי ווי יעדער וואס איז פאראורטיילט צו‬ ‫לעבנסלענגליכע טורמע‪) .‬דאס געזעץ איז שוין זינט‬ ‫דאן געענדערט געווארן אז לעבענסלענגליכע‬ ‫טורמע מיינט טאקע "לעבענסלענגליך" און נישט‬ ‫כמעט‪-‬אויטאמאטישע פּאראל נאך ‪ 30‬יאר‪ (.‬אזא‬ ‫פּאראל איז נישט אן אויטאמאטישע זאך‪ ,‬די‬ ‫רעגירונג קען ארויסשטעלן א קעגנערשאפט‪ .‬דאס‬ ‫ווייסע הויז האט געזאגט אז אויב ער באקומט יא‬ ‫פּאראל וועט עס נישט האבן קיין שום פארבינדונג‬ ‫צו אנגעבליכע באמיאונגען צו בארואיגן די‬ ‫אנגעצויגענקייט מיט מדינת ישראל איבער דעם‬ ‫נוקלעארן אפּמאך מיט איראן‪.‬‬ ‫א ווארטזאגער פאר'ן נאציאנאלן זיכערהייט‬ ‫ראט האט דערקלערט אז מיסטער פּאלארד'ס‬ ‫שטאטוס וועט פעסטגעשטעלט ווערן דורך די‬ ‫אמעריקאנער פּאראל קאמיסיע לויט די אנגענומענע‬ ‫פּראצעדורן‪ .‬עס איז פארהאן אבסאלוט זערא‬ ‫פארבינדונג צווישן מיסטער פּאלארד'ס שטאטוס‬ ‫און אויסערן פּאליטיק חשבונות‪.‬‬ ‫די גאנצע געשיכטע האט זיך אנגעהויבן מיט א‬ ‫באריכט אין "וואל סטריט זשורנאל" פרייטאג אז‬ ‫די אבאמא אדמיניסטראציע גרייט זיך צו באפרייען‬ ‫פּאלארד‪ ,‬וואס טייל אמעריקאנער באאמטע האבן‬ ‫אויסגעדרוקט די האפענונג אז דאס וועט עטוואס‬ ‫פארגלעטן די באציאונגען מיט מדינת ישראל‪.‬‬ ‫מדינת ישראל האט לאנגע יארן איגנארירט‬ ‫פּאלארד‪ ,‬מען האט נישט גע'שתדל'ט פאר אים‪ ,‬עס‬ ‫האט נישט אויסגעזען ווי איזראעלי פירער זענען‬ ‫אינטערעסירט אז ער זאל באפרייט ווערן און עס‬ ‫זענען שוין אפילו געווען באריכטן אז געוויסע‬ ‫הויכע איזראעליס האבן אפילו מורא געהאט פון א‬ ‫באפרייטן פּאלארד‪ ,‬ווייל ער וועט דערציילן מיט‬ ‫וועמען ער האט געהאט פארבינדונגען‪ ,‬און עס‬ ‫וועט זיך ארויסשטעלן אז זיין שפּיאנאזש האט גאר‬ ‫געצויגן פעדימער צו די העכסטע ראנגען אין די‬ ‫מדינת ישראל רעגירונג אדער מיליטערישע‬ ‫פירערשאפט‪.‬‬ ‫לאנגע יארן שפּעטער איז פּאלארד'ס‬ ‫באפרייאונג ענדליך אויפגענומען געווארן אלס א‬ ‫טעמע פון אינטערעסע ביי איזראעלי פירער‪ ,‬און‬ ‫לויט ווי עס איז דאן באריכטעט געווארן‪ ,‬איז‬ ‫פּרעזידענט קלינטאן אפילו גרייט געווען צו‬ ‫באגנאדיגן‪ ,‬צו רעדוצירן פּאלארד'ס שטראף אז ער‬ ‫זאל שוין קענען באפרייט ווערן נאך ‪ 15‬יאר‪ ,‬אלס‬ ‫טייל פון די שלום באמיאונגען פון קלינטאן מיט‬ ‫מדינת ישראל און אירע אראבישע שכנים‪ ,‬אבער‬ ‫דאס האט ארויסגעברענגט אזא שארפע רעאקציע‬ ‫פון די אמעריקאנער שפּיאנאזש עסטאבלישמענט‪,‬‬ ‫אז עס איז געגאנגען אזוי ווייט אז דער "סי‪ .‬איי‪.‬‬ ‫עי‪ ".‬דירעקטאר האט געסטראשעט מיט רעזיגנאציע‬ ‫אויב מען באפרייט פּאלארד‪ ,‬און ער איז פארבליבן‬ ‫אין טורמע‪.‬‬ ‫אין די לעצטע פּאר יארן אונטער פּרעזידענט‬ ‫אבאמא‪ ,‬הערט מען אומאפיציעל אז אמעריקע‬ ‫האט יא אנגעבאטן צו באפרייען פּאלארד אין‬ ‫אויסטויש פאר געוויסע הנחות פון מדינת ישראל‪,‬‬ ‫ווי צ‪.‬ב‪.‬ש‪ .‬ערנסט צו באנייען די שלום‬ ‫פארהאנדלונגען מיט די אראבער‪ ,‬אבער אויף דעם‬ ‫האט מדינת ישראל נישט געוואלט איינגיין‪.‬‬ ‫לויט די אמעריקאנער פאראורטיילונג‬ ‫רעגולאציעס‪ ,‬דארף פּאלארד באפרייט ווערן‬ ‫קומענדיגן נאוועמבער ‪ ,21‬און דער דאטום שטייט‬ ‫שוין אזוי לאנגע יארן אויף דעם אפיציעלן‬ ‫פעדעראלן טורמע וועבסייט וואו עס ווערן‬ ‫אויסגערעכנט אלע פעדעראלע ארעסטאנטן‪ ,‬דער‬ ‫דאטום פון זייער ארעסט‪ ,‬און ווען עס איז אין‬ ‫חשבון זייער באפרייאונג )אויף פּאראל אדער ביים‬ ‫ענדע פון זייער אורטייל(‪ .‬אזוי ווי מען האט‬ ‫ארעסטירט פּאלארד נאוועמבער ‪ ,'85 ,21‬איז דער‬ ‫דאטום פון זיין באפרייאונג באשטימט געווען אויף‬ ‫נאוועמבער ‪ .'15 ,21‬ווען עס איז שוין ווינציגער‬ ‫פון ‪ 120‬טעג פון זייער מעגליכע באפרייאונג‪,‬‬ ‫פארלאנגען געווענליך די ארעסטאנטן א פארהער‬ ‫ביים פּאראל באורד‪ ,‬און פּאלארד האט דאס שוין‬ ‫בילד פון פאלארד אום ‪'91‬‬ ‫זעקס יאר נאך זיין ארעסט אין ‪'85‬‬ ‫פארלאנגט‪ .‬די רעגולאציעס שרייבן פאר אז דער‬ ‫ארעסטאנט דארף באפרייט ווערן‪ ,‬אויף פּאראל‪,‬‬ ‫סיידן די רעגירונג קען אויפווייזן אז ער האט‬ ‫פארלעצט רעגולאציעס אין די טורמע אדער אז ער‬ ‫וועט ווארשיינליך באגיין פרישע פארברעכנס אויב‬ ‫מען באפרייט אים‪.‬‬ ‫דער יוסטיץ דעפּארטמענט האט אינעם‬ ‫פרייטאג'דיגן סטעיטמענט געשיקט א סיגנאל אז די‬ ‫רעגירונג האט נישט אין פּלאן קעגנצושטעלן זיך‬ ‫אויף זיין באפרייאונג‪ ,‬אנמערקענדיג אז ער איז‬ ‫אנגעבליך בארעכטיגט פאר דעם אויטאמאטישן‬ ‫פּאראל‪ .‬א יוסטיץ דעפּארטמענט ווארטזאגער האט‬ ‫צוגעגעבן‪ :‬דער יוסטיץ דעפּארטמענט האט אלץ‬ ‫געהאלטן און האלט אויך איצט אז דשאנאטאן‬ ‫פּאלארד זאל אויסדינען זיין פולן אורטייל פאר די‬ ‫ערנסטע פארברעכנס וואס ער איז באגאנגען‪ ,‬וואס‬ ‫אין דעם פאל איז עס א ‪-30‬יאר שטראף לויט ווי עס‬ ‫איז פארגעשריבן דורך די רעגולאציעס‪.‬‬ ‫די אמעריקאנער קעגנערשאפט‬ ‫צו באפרייען ּפאלארד‬ ‫אויב די אבאמא אדמיניסטראציע וועט זיך טאקע נישט קעגנשטעלן‬ ‫פּאלארד'ס באפרייאונג‪ ,‬אדער אויב עפּעס וועט אונטערקומען אז עס וועט‬ ‫זיך לוינען פאר פּרעזידענט אבאמא צו פארשנעלערן דעם פּראצעדור מיט‬ ‫פארקירצן זיין אורטייל‪ ,‬איז פילייכט מעגליך אז דאס וועט ברענגען אביסל‬ ‫מער פּאפּולאריטעט פאר אבאמא ביים איזראעלי פאלק און אירע שטיצער‬ ‫אין אמעריקע‪ ,‬אבער אנאליסטן האלטן אז דאס וועט פארשאטענט ווערן פון‬ ‫דעם שאדן וואס פּרעזידענט אבאמא וועט ליידן ביי די "סי‪ .‬איי‪ .‬עי‪" ,".‬עף‪ .‬בי‪.‬‬ ‫איי‪ ".‬און אנדערע אמעריקאנער זיכערהייט אגענטורן וועלכע קעמפן אזוי‬ ‫היציג שוין צענדליגער יארן אז פּאלארד טאר נישט באפרייט ווערן‪.‬‬ ‫עס איז אלץ געווען א רעטעניש פארוואס פּאלארד האט באקומען די‬ ‫מאקסימום שטראף פון לעבנסלענגליכע טורמע נאכדעם ווי ער האט זיך‬ ‫דעקלערט שולדיג אויף בלויז איין קלאגע פון שפּיאנאזש און דאס איז‬ ‫געגאנגען צו א פריינטליכע מדינה‪ .‬די פּאלארד שטיצער האבן אלץ‬ ‫גע'טענה'ט אז ער האט בלויז איבערגעגעבן מאטעריאל פאר מדינת ישראל‬ ‫וואס אמעריקע פלעגט סיי ווי מיטטיילן מיט איר‪ ,‬אבער ווען ער האט געזען‬ ‫אז מען האט דאס אויפגעהערט איבערצוגעבן האט ער דאס אנגעהויבן צו‬ ‫טאן אויף די אייגענע האנט‪.‬‬ ‫פּאלארד אליין האט געזאגט אז ער איז געטריבן געווארן דערצו דורך‬ ‫געטריישאפט צו מדינת ישראל‪ ,‬כאטש מען האט אויפגעדעקט אז ער האט‬ ‫באקומען ארום ‪ $50,000‬פאר די דאקומענטן וואס ער האט צוגעשטעלט און‬ ‫עס איז אים געשטאנען צו פארדינען פיל מער‪ ,‬נאר מען האט אים געכאפּט‪.‬‬ ‫א געוועזענער "סי‪ .‬איי‪ .‬עי‪ ".‬געהילף דירעקטאר‪ ,‬מייקל מארעל‪ ,‬האט‬ ‫געזאגט אז עס וואלט געווען א טיפע זארג אין די שפּיאנזש געמיינדע אויב‬ ‫מען באפרייט פרי פּאלארד‪ .‬מען האט אפטמאל אויסגעטוישט שפּיאנען אין‬ ‫די "קאלטע קריג" יארן‪ ,‬און דאס איז געווארן אן אנגענומענע זאך אין די‬ ‫וועלט פון שפּיאנאזש‪ .‬דא האט אבער נישט מדינת ישראל קיין שום‬ ‫אמעריקאנער וואס איז איינגעשפּארט געווארן ביי זיי אויף שפּיאנאזש‬ ‫קלאגעס אדער אפילו אן איזראעלי וואס האט שפּיאנירט פאר אמעריקע‪ .‬דאס‬ ‫איז נישט קיין רעדע פון א שפּיאנען אויסטויש‪ ,‬וועט דאס ממילא נישט‬ ‫אנגענומען ווערן אין די שפּיאנאזש געמיינדע‪.‬‬ ‫ווי פריער געזאגט‪ ,‬האט דער דעמאלט'דיגער "סי‪ .‬איי‪ .‬עי‪ ".‬דירעקטאר‬ ‫דזשארדזש טענעט געסטראשעט צו רעזיגנירן ווען עס איז באקאנט געווארן‬ ‫אז דער איזראעלי פּרעמיער נתני' האט געוואלט צולייגן פּאלארד'ס‬ ‫באפרייאונג אלס איין פארלאנג אין די מיטל מזרח שלום געשפּרעכן‪ .‬צוליב‬ ‫דעם האט פּרעזידענט קלינטאן צוריקגעוויזן דעם פארלאנג‪ ,‬נישט קענענדיג‬ ‫זיך ערלויבן אן אויפשטאנד פון די שפּיאנאזש באאמטע אין אמעריקע‪.‬‬ ‫טענעט איז פארבליבן אין זיין אמט אויך ווען דער אמעריקאנער פּרעזידענט‬ ‫דזשארדזש בוש איז אריין אין ווייסן הויז אין יאנואר‪.'01 ,‬‬ ‫זינט דאן איז שוין פארריבער איבער ‪ 15‬יאר‪ ,‬און עס איז שוין אביסל‬ ‫אפּגעשוואכט געווארן די קראפט מיט וואס די שפּיאנאזש באאמטע באקעמפן‬ ‫פּאלארד'ס באפרייאונג‪ .‬אפילו דער געוועזענער "סי‪ .‬איי‪ .‬עי‪ ".‬דירעקטאר מייל‬ ‫העידען האט אויך פרייטאג צוגעגעבן אז ער איז נישט ענטוזיאסטיש איבער‬ ‫די באפרייאונג‪ ,‬אבער איצט וועט ער נישט זאגן קיין ווארט קעגן דעם‪ .‬ער‬ ‫געדענקט ווי שארף די "סי‪ .‬איי‪ .‬עי‪ ".‬באאמטע האבן געקעמפט קעגן דעם אין‬ ‫די קלינטאן יארן‪ ,‬אבער מען האלט שוין ‪ 15‬יאר שפּעטער און ער )פּאלארד(‬ ‫האט שוין געדינט ‪ 30‬יאר‪.‬‬ ‫העידען האט אויך אנגעמערקט אז די לייכטערע אורטיילן וואס מען האט‬ ‫געגעבן מער לעצטענס פאר שפּיאנען און פאררעטער האט ארויסגעברענגט‬ ‫אויפרעגונג אין די שפּיאנאזש געמיינדע‪ ,‬האבן זיי אויסגעלאזט דעם כעס‬ ‫אויף פּאלארד‪.‬‬ ‫דער געוועזענער אמעריקאנער ארמיי סאלדאט ברעדלי מענינג‪ ,‬האט‬ ‫באקומען "בלויז" ‪ 35‬יאר טורמע פאר ארויסגעבן הונדערטער טויזנטער‬ ‫געהיימע דאקומענטן פאר "וויקיליעקס"‪ ,‬די געהיימע אינטערנעט‬ ‫ארגאניזאציע וואס דעקט אויף סודות‪ .‬מענינג איז בארעכטיגט צו פּאראל נאך‬ ‫בלויז ‪ 8‬יאר אין טורמע‪ ,‬און א סאך באצייכענען גאר מענינג ווי א העלד‪ ,‬פאר‬ ‫אויפדעקן רעגירונג סקאנדאלן‪.‬‬ ‫דער געוועזענער אטוירני דזשענעראל עריק האלדער האט לעצטענס‬ ‫געזאגט אז עס וואלט זיך פילייכט געלוינט פאר די רעגירונג צו דערגרייכן א‬ ‫"פּלי בארגען" מיט עד סנאודען‪ ,‬דער געוועזענער אמעריקאנער שפּיאנאזש‬ ‫ארבייטער ביים נאציאנאלן זיכערהייט ראט וועלכער האט שוין ארויסגעגעבן‬ ‫טויזנטער געהיימע דאקומענטן און האלט נאך אלץ אין איין ארויסגעבן נאך‬ ‫סחורה‪ .‬ער זיצט איצט ערגעץ אויסבאהאלטן אין מאסקווע וואו ער האט א‬ ‫צייטווייליגע אזיל רעכט פון די רוסן‪.‬‬ ‫פון איין זייט פארשטייט מען די אויפרעגונג פון די שפּיאנאזש באאמטע‬ ‫קעגן אלע שפּיאנען‪ ,‬אפילו קעגן אזא פאלארד וועלכער האט נישט געדארפט‬ ‫באקומען לעבנסלענגליכע טורמע לויט די אומשטענדן‪ ,‬אבער פון די אנדערע‬ ‫זייט אויב מען באהאנדלט יא לייכטער‪ ,‬מער ערנסטע שפּיאנען‪ ,‬איז דאך‬ ‫שווער צו בארעכטיגן פּאלארד'ס לאנגען טורמע אורטייל‪.‬‬ ‫די צייטונג ‪ -‬נייעס בולעטין ‪ -‬מאנטאג פ' ואתחנן‪ ,‬תשע"ה‬ ‫וועט ּפאלארד באפרייט ווערן‪:‬‬ ‫וואס האט פּאלארד געטאן?‬ ‫עס איז קלאר אז דא איז נישט די רעדע פון‬ ‫סתם אזוי עפּעס א שפּיאן וועמען מען האט‬ ‫געכאפּט ארויסגעבן סענסיטיווע דאקומענטן‪.‬‬ ‫לעבנסלענגליכע טורמע פאר עמיצן וואס האט זיך‬ ‫דערקלערט שולדיג‪ ,‬איבערהויפּט אויב דאס איז‬ ‫געווען שפּיאנאזש נישט צו א פיינטליכע מדינה‪,‬‬ ‫איז נישט געהערט געווארן‪ ,‬עס איז קלאר אז עפּעס‬ ‫מער ליגט אונטער דעם‪.‬‬ ‫מען האט קיינמאל נישט אויסגעזאגט אלעס‬ ‫וואס ער האט ארויסגעגעבן‪ ,‬און קלאנגען האבן‬ ‫אלץ קורסירט אז ער האט ארויסגעגעבן‬ ‫אינפארמאציע פאר מדינת ישראל וואס פון דארט‬ ‫איז עס ווייטער געגאנגען צו פיינטליכע לענדער‪,‬‬ ‫מיט דירעקטע מדינת ישראל באטייליגונג‪ ,‬אדער‬ ‫מעגליך ווייל יענע לענדער האבן געהאט שפּיאנען‬ ‫אין די איזראעלי שפּיאנאזש געמיינדע‪ ,‬וואס צוליב‬ ‫דעם האט אמעריקע געליטן ערנסטע פארלוסטן‬ ‫אריינגערעכנט מעגליכע לעבנס פארלוסטן פון‬ ‫אגענטן אין קאמוניסטישע לענדער‪.‬‬ ‫דער בארימטער שרייבער סימאר הערש האט‬ ‫געשריבן אן ארטיקל אין ‪ ,'99‬אז פּאלארד'ס‬ ‫אינפארמאציע איז מעגליך אנגעקומען קיין‬ ‫רוסלאנד‪ .‬הערש האט גערעדט מיט עקספּערטן‬ ‫וועלכע האב אים געזאגט אז די פּאלארד‬ ‫אינפארמאציע איז גענוצט געווארן דורך מדינת‬ ‫ישראל אין אויסטויש פאר רוסישע ערלויבעניש אז‬ ‫אידן זאלן עמיגרירן קיין מדינת ישראל‪.‬‬ ‫אנדערע באאמטע האבן נאכמער געזאגט‪ ,‬אז‬ ‫זיי האבן "סיבות צו גלויבן" אז געהיימע‬ ‫אינפארמאציע איז אויסגעטוישט געווארן‬ ‫ארויסצובאקומען אידן וואס האבן געארבייט אין‬ ‫הויכע סענסיטיווע פּאזיציעס אין רוסלאנד‪.‬‬ ‫א גרויסער טייל פון פּאלארד'ס דאקומענטן‪,‬‬ ‫אריינגערעכנט אזעלכע וואס האבן געשילדערט די‬ ‫טעכניקן וואס די אמעריקאנער נעיווי האט גענוצט‬ ‫צו האלטן א חשבון אויף רוסישע סובמארינען‬ ‫איבער די וועלט‪ ,‬איז געווען פון געוואלדיגע‬ ‫וויכטיגקייט פאר די רוסן‪.‬‬ ‫עטליכע געוועזענע דירעקטארן פון נעיווי‬ ‫שפּיאנאזש האבן געשריבן אין "וואשינגטאן‬ ‫פּאסט" אין ‪ ,'98‬אז אזוי ווי פּאלארד האט קיינמאל‬ ‫נישט געהאט קיין פּראצעס‪ ,‬ווייל ער האט זיך דאך‬ ‫דערקלערט שולדיג‪ ,‬איז קיינמאל נישט באקאנט‬ ‫געווארן אז פּאלארד האט אנגעבאטן געהיימע‬ ‫אינפארמאציע אויך צו דריי אנדערע לענדער פאר‬ ‫ער האט אנגעהויבן צו ארבייטן פאר די איזראעליס‪,‬‬ ‫און אפילו ווען ער האט שוין שפּיאנירט פאר מדינת‬ ‫ישראל האט ער אויך אנגעבאטן זיין שפּיאנאזש‬ ‫פאר א פערטן לאנד!‬ ‫זיי האבן אויך גע'טענה'ט אז די אומגלויבליכע‬ ‫מאסן‪-‬צאל דאקומענטן וואס פּאלארד האט ווייטער‬ ‫געגעבן‪ ,‬איז אזא זאך כמעט נישט פארגעקומען ביז‬ ‫דאן‪ ,‬און די שטיצע וואס ער האט באקומען איז‬ ‫בלויז אדאנק א קלוגן פּובליק רילעישאנס‬ ‫קאמפּיינס‪.‬‬ ‫מער לעצטענס‪ ,‬אין ‪ ,'13‬האט א שרייבער אין‬ ‫"וואל סטריט זשורנאל" אפילו גע'טענה'ט אז‬ ‫מדינת ישראל איז נישט אינטערעסירט אין‬ ‫פּאלארד'ס באפרייאונג‪ .‬עס וועט זיי נישט ברענגען‬ ‫קיין כבוד צו מאכן א העלד פון אן אינסטינקטיוון‬ ‫ליגענער און שטאלצירער‪ ,‬איינער וואס האט‬ ‫געלעבט אויף קאקעין )דראגס(‪ ,‬עמיצער וואס האט‬ ‫פארלעצט זיינע שבועות‪ ,‬האט שפּיאנירט אויף זיין‬ ‫לאנד‪ ,‬האט געשאפן שאדן וואס עס האט געקאסט‬ ‫פאלארד געפינט זיך שוין אין די טורמע אין נארט קאראליינע זינט ‪'93‬‬ ‫ביליאנען דאלאר צו פארריכטן‪ ,‬האט גענומען געלט‬ ‫פאר זיין שפּיאנאזש‪ ,‬האט געשטעלט אין געפאר‬ ‫מדינת ישראל'ס באציאונגען מיט אירע נאענטסטע‬ ‫אליאירטע‪ ,‬האט קיינמאל נישט געוויזן קיין חרטה‬ ‫ביי זיין פאראורטיילונג‪ ,‬ער האט זיך פארוואנדעלט‬ ‫אין "עקסהיביט עי" )הויפּט באווייז( פון יעדן‬ ‫אנטיסעמיטישן קאנספּיראציע משוגענעם‪ ,‬און האט‬ ‫נאך דערנאך געהאט די חוצפּה צו באצייכענען זיך‬ ‫ווי א מארטירער פאר'ן אידישן פאלק‪.‬‬ ‫פּרעזידענט אבאמא אליין האט עטליכע מאל‬ ‫אנטזאגט פארלאנגען צו באפרייען פּאלארד‪ .‬ער‬ ‫האט אים אפילו נישט געוואלט ארויסלאזן‬ ‫צייטווייליג צוליב פאמיליע עמוירדזשענסיס‪ .‬פאר‬ ‫אבאמא האט באזוכט אין מדינת ישראל אין ‪,'13‬‬ ‫האט ער געזאגט פאר די איזראעלי מידיא‪ ,‬אז אלס‬ ‫פּרעזידענט‪ ,‬איז מיין ערשטע פליכט אויסצופאלגן‬ ‫דאס געזעץ דא אין אמעריקע און צו פארזיכערן אז‬ ‫עס ווערט אויסגעפאלגט גלייך פאר יעדן‪.‬‬ ‫לעצטענס איז שוין אביסל אפּגעשוואכט‬ ‫געווארן די קעגנערשאפט צו פּאלארד‪ .‬ער איז איצט‬ ‫‪ 59‬יאר אלט און איז אין א שוואכן געזונט‬ ‫צושטאנד‪ .‬די סנאודען אויפדעקונגען האט אויך‬ ‫פאלארד האט אויך פארברענגט עטליכע יאר פון ‪ '88‬ביז ‪ '93‬אין די שטרענגסטע‬ ‫אמעריקאנער "סופערמעקס" טורמע אין אילינאי‬ ‫די צייטונג ‪ -‬נייעס בולעטין ‪ -‬מאנטאג פ' ואתחנן‪ ,‬תשע"ה‬ ‫אפּגעשוואכט די פיינטשאפט צו פּאלארד‪ .‬פאר א‬ ‫יאר האט אמעריקע גענומען אין באטראכט צו‬ ‫באפרייען פּאלארד אויב דאס וועט ארויסהעלפן‬ ‫דעם מיטל מזרח שלום פּראצעס‪ ,‬מיט די האפענונג‬ ‫אז אויב אמעריקע וועט באפרייען פּאלארד וועט‬ ‫נתני' איינשטימען צו באפרייען געוויסע‬ ‫ארעסטאנטן אדער איינשטעלן א מאראטאריום‬ ‫נישט צו בויען נייע הייזער אין די אקופּירטע‬ ‫שטחים‪ ,‬ביז מען וועט ערנסט זיצן ביי פרישע‬ ‫פארהאנדלונגען מיט די פּאלעסטינער‪ .‬פון דעם‬ ‫אלעם איז גארנישט געווארן‪ ,‬און פּאלארד איז‬ ‫ווייטער געבליבן אין די טורמע‪.‬‬ ‫אזוי ווי פּאלארד ווערט בארעכטיגט פאר‬ ‫אויטאמאטישע פּאראל אין נאוועמבער‪ ,‬מיינט דאס‬ ‫אז דער פּרעזידענט מוז נישט נעמען אקטיווע‬ ‫)בקום ועשה( שריט אים צו באפרייען‪ ,‬די‬ ‫אדמיניסטראציע דארף בלויז זיך צוריקהאלטן )שב‬ ‫ועל תעשה( פון שריט צו פארמיידן זיין‬ ‫באפרייאונג‪ ,‬איז דאס א לייכטערע זאך‪.‬‬ ‫אזוי ווי די אנטי‪-‬אבאמא העצערייען גייען‬ ‫איצט אויף די העכסטע טענער‪ ,‬האט די‬ ‫אמעריקאנער פּרעסע ארויפגעלייגט פּאלארד‬ ‫אויפ'ן טיש‪ ,‬וואס עס קען באטראכט ווערן פון‬ ‫ביידע זייטן‪ ,‬אן אנדייטונג אז אויב מדינת ישראל‬ ‫וויל טאקע אזוי שטארק פּאלארד'ס באפרייאונג‪,‬‬ ‫זאל מען זיך נישט צופיל איינרייסן מיט די אבאמא‬ ‫אדמיניסטראציע‪ ,‬און פון די אנדערע זייט‪ ,‬אויב עס‬ ‫גייט טאקע אין לעבן ווי פריער צו באפרייען‬ ‫פּאלארד‪ ,‬זאל נתני' מאכן עפּעס א פּאזיטיוון‬ ‫דזשעסט צו פּרעזידענט אבאמא‪ ,‬אז פּאלארד זאל‬ ‫שוין קענען זיין אין ירושלים נאך אין איצטיגן יאר‪,‬‬ ‫תשע"ה‪.‬‬