Nr 2-2013 - Hyllestad sokneråd
FOR HYLLESTAD Nr 2 2013 64. årgang SOMMAR OG SOL OVER LAND OG SJØ Med åra merkar eg endå meir kor stort det er at livet kring oss vaknar opp og sommaren kjem til oss for fullt. Det er mest som eit under! Eg kjenner at eg vert lettare til sinns og eg vert stemt til takk og lovsong for alt Gud gjer. Eg kan ikkje bli mett av lyset, fargane og fuglesongen. Kunstnarar let seg inspirere av naturen og lagar poesi og bilete som gjev uttrykk for undring og takk. Dei gjev oss språk og høve til å oppdage at våre liv høyrer saman i ein større samanheng. I dei poetiske bøkene i Den heilage skrifta vert det sagt at skaparverket forkynner Guds storverk og at alt som lever lovsyng Gud, vår skapar. Havet og alt som i det er, skal brusa, jorda og dei som der bur. Elvane skal klappa i hendene, og fjella skal jubla i kor. Dei skal jubla for Herren, for han kjem og vil døma jorda. Han skal døma verda med rettferd og folka med rettvise (Salme 98, 7-9) Fleire opplever møte med naturen sin rikdom mest som ei gudsteneste, som eit møte med den levande Gud. Eg trur ikkje dette er tilfeldig. For skal vi tru Den heilage skrifta, forkynner skapar- Vi tek sikte på å fylla minst ei heil side i kvart nr. med annonser til fylgjande prisar: Visittkortannonse 4 innrykk pr. år: kr. 2.400,- pr. År 2 verket i all sin rikdom og mangfald, kor stor og rik Gud er. Ikkje berre for oss menneska, men for alt han har skapt. Difor er det ikkje til å undrast over at han ”skal døme verda med rettferd og folka med rettvise.” Vi høyrer saman med alt Gud har skapt og har fått eit særskilt ansvar for å forvalte skaparverket til ære for Gud. Korleis kan vi då vere likesæle til overforbruk og til øydelegging av naturen? Gud stiller oss til ansvar. Han vaktar over sitt skaparverk. Godt er det! Klimakrisa har vorte ei påminning om at ”bruk og kast- haldninga” kan føre til stor skade. På kort sikt kan vi som bur her ved kysten gle oss over auka temperaturar. Men dei som enno ein gong lyt betale dyrt for skadane er dei som har minst frå før. Gud dømer folka med rettvise. Kva får det å seie for oss storforbrukarar? Håpet ligg i at Gud i Jesus Kristus har forsona seg med verda. Han har gjort opp for all urett og ugjerning. Det finst håp, også for Guds skaparverk. Likevel var det håp, for og skap- 2 innrykk pr. år: kr. 1.800,- pr. År Dobbel visittkortannonse, 4 innrykk pr. år: kr. 4.400,- pr. År 2 innrykk pr. år: kr. 3.200,- pr.år ningen sjølv skal bli frigjord frå slaveriet under det forgjengelege og få del i den fridomen som Guds born skal eiga i herlegdomen. Vi veit at heilt til denne dag sukkar og stønnar heile skapningen saman som i fødselsrier. Rom 8, 21-22) I håpet finst det frelse og forløysing for alle. I Jesus Kristus skal han gjere alle ting nye. God sommar! Prost Reidar Knapstad «Foto: Arne Stubhaug» Send bestilling til: post@ hyllestad.kyrkja.no KYRKJEBLAD FOR HYLLESTAD LITT INFORMASJON OM GRAVER OG GRAVPLASSAR Endeleg kom våren og varmen til våre grender! Denne vinteren syner godt att på gravplassane våre. Mange opplever at gravsteinar står på skeiva, og sume endåtil ligg nede. Dette er eit problem for mange, og samstundes ein fare for dei som ferdast på kyrkjegarden. Soknerådet har difor gjeve dei som har plenslåtten på gravplassane våre fullmakt til å leggja ned veltefårlege gravminne. Desse gravminna lyt dei pårørande sjølve ordna på fylgjande måte: Ta opp sokkel og fundamentere forsvarleg med god «singelpute», evt. leggja ned sliskar i singelen, og plassera sokkel under bakkenivå, slik at overflata fluktar med terrenget rundt. Deretter kan ein plassera steinen, som og skal vera sikra med 2stk., min. 15cm lange, rustfrie/syrefaste boltar, Ø12mm. (hol i stein og sokkel) Sikring for å unngå veltefåre er særs viktig! Har faktisk vore stygge ulukker der born har kome i klem og vorte alvorleg skadde ved at dei har fått gravminne over seg. Ansvaret ligg hjå eigar av gravminne, altso dei pårørande sjølve. Det er difor særs viktig at de som pårørande er klar over dette når de tek til med oppretting/sikring. De har sjølvsagt høve til å gjera arbeidet sjølve, i tråd med føreskrift, eller få nokon til å gjera jobben for dykk. Det er og høve til å tinga dette som betalt teneste hjå kyrkjeverja. Vidare, litt om generellt stell av graver: Vi ser altfor ofte at pårørande har vore og luka/rydda og planta på gravene, for deretter å ta alt rusk og rask med seg bort til muren og sleppa det der. Dette er inga god løysing, korkje for dykk som pårørande, eller for gravplassen generellt! Alt dette bosset opp på eller inn i muren gjer at muren vert meir utsett for m.a. frostsprenging, i tillegg vert det berre styggare og styggare å sjå på. Der står bossdunkar på alle 3 gravplassane som skal nyttast til restavfall. Kompostavfall kan samlast på tilvist plass. Gravminne søkjer eigar På gravplassane våre er det ein god del gravminne ein manglar registrerte festaropplysningar for. Det er viktig å ha eit godt oppdatert register, for å ha ein mest mogleg effektiv gravplassforvalting. Det er óg viktig at ein får fjerna gamle gravminne for å oppretthalde kapasiteten på gravplassane våre. Som gravplasstyresmakt set Hyllestad sokneråd frå sommaren av i gang arbeidet med ei større kartlegging, for å få registeret mest mogleg komplett. Måten denne kartlegginga skjer på, er at ein systematisk vil gå gjennom felta og for graver der anten festar er ukjent, eller det ikkje ligg føre gyldig festeavtale, vil ein merke desse med eit klistremerke, med melding til pårørande om å kontakte kyrkjekontoret vedrørande det enkelte gravminnet. Om dei pårørande ikkje får gjenoppretta festeavtale, vil dei merka gravminna verte fjerna i løpet av eit år. Ein gjer også merksam på at vidare feste av grav som er eldre enn 60 år, krev særskilt løyve. Sjå elles våre heimesider for meir informasjon om grav og gravminne. Rune Ziener Feste av grav PARK/HAGE Sommarvedlikehald Nyetablering Retting, flytting, og oppsetting av gravminner Når fredingstida for ei grav er ute (på gravplassane i Hyllestad er fredingstida 30 år for kistegraver og 20 år for urnegraver) vil kontaktperson for grava få tilbod om å inngå festeavtale i tidsbolkar på 5 år om gongen, i inntil 60 år etter siste gravlegging. STEIN Beleggningsstein Kantstein Gråsteinsmuring LANDBRUK 6953 Leirvik i Sogn tlf:959 43 735 www.aamsognnes.no KYRKJEBLAD FOR HYLLESTAD Nokre graver yngre enn 30 (20) år krev også gyldig festeavtale. Dette er om pårørande i samband med ei gravferd ønskjer å feste ei eller fleire graver i tilknyting til grava som vert teken i bruk. Ved feste av grav påløper det ei festeavgift, som i Hyllestad pr. 2013 utgjer kr 150,- per år per grav, om fleire graver er festa saman til ein gravstad påløper det festeavgift for kvar av gravene. 3 KYRKJEBYGG SOM UTVIKLINGSRESSURS Kyrkjebyggstrukturen i Hyllestad kommune Hyllestad sokneråd har starta ein prosess med å vurdere kyrkjebyggstrukturen i kommunen på bakgrunn av ei direkte oppfordring frå Hyllestad formannskap om å vurdere ulike sider ved soknerådet si drift, herunder kyrkjebyggstrukturen i kommunen. Bakgrunn - overkapasitet i kyrkjeleg bygningsmasse Hyllestad kommune har ein stor kyrkjeleg bygningsmasse sett ut frå folketalet. Ein har i dag tre kyrkjer og eit kapell for vel 1200 kyrkjemedlemmer, og såleis ein overkapasitet på omkring 70% samanlikna med lovkrav ved oppføring av ei ny soknekyrkje. Vidare er det ein lettvint infrastruktur i kommunen, og ein beveger seg raskt mellom dei ulike kyrkjebygga. Om ein i dag skulle starte med heilt blanke ark i Hyllestad og «teikne kartet på nytt» er det vanskeleg å tenkje seg at ein ville ha ført opp meir enn éi kyrkje i kommunen. Omstillingsprosjekt Hyllestad sokneråd har vedteke, finansiert med midlar frå omstillingsstyret i Hyllestad, å gjennomføre eit forstudium – Kyrkjebygg som utviklingsressurs - som skal gjennomførast i perioden juni-desember 2013. Forstudiet har som mål å: definere og kartlegge ulike moglegheiter for å nytte kyrkjebygg til ny verdiskapande aktivitet i Hyllestad kommune planlegge minst éin kommersiell arbeidsplass knytt til bruksendringa 4 Kva skjer i Europa? Fleire europeiske land har som følgje av samfunnsmessige strukturendringar avhenda mange kyrkjebygg. Den nye bruken av desse har vore både bustad-, serveringsbutikk- og overnattingsføremål, og nokre stader vert bygga nytta som aktivitets- eller opplevingssenter i ein eller annan form. I nyare tid i Noreg, finst det vel knapt nok døme på slik bruksendring av kyrkjebygg, men dette vil truleg verte eit stadig meir presserande behov mange stader fordi samfunnet sine strukturar stadig er i endring, der folk flyttar på seg og bygg vert ståande. Kjensler Det knyttar seg sjølvsagt kjensler til eit kyrkjebygg. Kyrkjebygget vil vere eit symbolbygg i lokalmiljøet, og dei aller fleste har personlege opplevingar frå eit slikt byggverk, gjerne knytt til dei store hendingane i livet på både godt og vondt. Moglegheiter Når ein no i Hyllestad skal sjå på kyrkjebyggstrukturen tenkjer vi – som lokal kyrkjestyresmakt – at ein må sjå denne prosessen først og fremst som ein framtidsretta moglegheit. Ein ny bruk av kyrkja kan generere ny aktivitet, og slik verte ein pådrivar til nytt driv i eit lokalsamfunn som sårt treng nettopp dette. Hyllestad sokneråd legg vinn på å vere ein sentral aktør i lokalsamfunnet og ein framtidsretta pådrivar for å finne dei gode modellane for korleis ein er kyrkje. Vi ønskjer å bidra til å finne dei gode løysingane for framtidsretta drift. Kyrkjelyden si framtid Vi er ikkje uroa for konsekvensane for kyrkjelydsarbeidet i Hyllestad. Ein er inne i ein prosess med omfattande satsing på Hyllestad kyrkje med fornyingsprosjektet som går føre seg der. «Nye Hyllestad kyrkje» er no eit bygg langt på veg tilpassa vår tid og vår kyrkjelege aktivitet, og dette er det best eigna lokalet ein i dag har til framtidsretta kyrkjelydsutvikling, og det er derfor naturleg at meir aktivitet vert flytta til den nye «hovudkyrkja». Og med redusert aktivitet i Bø og Øn kyrkje må ein spørje seg om nokre av desse er overflødige som kyrkjer. Ein må og spørje seg om det finst alternative bruksmåtar for desse, og om dei eventuelt kan verte avvikla som kyrkjebygg og omdisponert til anna verdiskapande aktivitet. Prosessen framover Forstudiet Hyllestad sokneråd no gjennomfører er primært ei kartlegging av bruksendringsmoglegheter, der alle er velkomne til å gje innspel. Vonleg vil ein få innspel på gode alternativ, og dei mest realistiske alternativa vil verte nærare utgreidd, og ein vil sjå om nokre alternativ er verdt å satse på. Om Hyllestad sokneråd finn realiserbare bruksendringsalternativ, vil ein gå vidare med desse. Mest realistisk vil då vere oppfølging med eit forprosjekt frå 2014 før hovudprosjekt/driftsfase frå tidlegast 2015. Praktiske metodar Kartlegginga vil gå føre seg i to trinn: 1. Det vert føreteke eit dybdeintervju med nokre sentrale referanKYRKJEBLAD FOR HYLLESTAD sepersonar i kommunen; utvalde personar frå noverande og tidlegare politisk leiing, sentrale leiarar i kyrkjeleg samanheng, næringsliv, kulturliv og anna samfunnsliv. 2. På bakgrunn av dybdeintervjua vil ein utarbeide eit kartleggings/spørjeskjema og gå ope og breiddt ut og skissere moglege bruksendringsalternativ, og vurdere folk sine haldningar til ulike bruksalternativ. I og med at dette er ei kartlegging, vil det verte opna for at alle kan komme med innspel på mogleg bruksendring. Kva kyrkjebygg utpeikar seg? Prosjektet har ikkje førehandsdefinert noko konkret kyrkjebygg for bruksendring. Likevel peikar særleg Øn kyrkje seg ut som særleg aktuell for mogleg bruksendring, primært fordi: Her er ikkje omkringliggjande gravplass. Øn kyrkje har ingen vernestatus hos Riksantikvaren (slik som Bø kyrkje har), og ein står slik friare til å endre sjølve bygningen Ein har i dag to kyrkjelege forsamlingslokale i gamle Øn sokn Kva kan bygget nyttast til? Når ein no vil ha ei kartlegging om endra bruk, vil ein i utgangspunktet gå heilt ope ut, og ikkje vere bunde opp mot bestemte føremål. Som ein start til inspirasjon kan vi setje opp nokre få døme på kva type omdisponering ein kan gjere. Dette kan verte gjort på fleire måtar, t.d. ved ei avvigsling av bygget med heil eller delvis eigedomsoverdraging. Ein kan også tenkje seg ei eller anna form for samdrift, der lokalet framleis delvis kan nyttast som gudstenestelokale. I alle høve vert det avgjerande å spele på synergieffekt med andre aktørar, og truleg vil ein kunne finne utnyttingspotensial særleg i samband med mogleg auka turisme. Døme på ny bruk kan kanskje vere: Museum Steinkrossenter Formidlingssenter Opplevingssenter Fleirbruksføremål Anna Om ein tek utgangspunkt i Øn kyrkje, må ein ikkje sjå bort frå dei potensielle kvalitetane eit nyopprusta Hamneparkområde kan tilføre eit mogleg bruksendringsprosjekt for Øn kyrkje. Kom med idéen Ein må erkjenne at dei beste ideane er enno ikkje uttenkt, og vi set pris på om nettopp du bidreg med forslag til korleis vi best kan nytte eit kyrkjebygg til ny verdiskapande aktivitet for lokalsamfunnet sitt beste. Informasjon og involvering Hyllestad sokneråd legg vekt på å ha ein open prosess i samband med dette omstillingsprosjektet, og nyhende vert fortløpande publisert på heimesider og i kyrkjeblad, og media vert haldne oppdatert. For å sikre involvering og lokal forankring vert det vidare lagt opp til fleire høve der ein kvar kan komme med innspel i prosessen. Prosjektfakta: Prosjektperiode: Mai-desember 2013 Prosjekteigar: Hyllestad sokneråd Prosjektansvarleg: Soknerådsleiar Aslak Åm Sognnes Styringsgruppe: Soknerådsleiar Aslak Åm Sognnes, Marit Haugen Gjervik, Anniken Mjell Færestad, prost Reidar Knapstad Prosjektleiing: Kyrkjeverje Rune Ziener og ekstern kompetanse prosjektleiing Ryland Bygg v/Jostein Ryland Finansiering: Kr 75.000,- i omstillingsmidlar frå omstillingsstyret i Hyllestad og kr 25.000,- i eigenbetaling. Tankar kring bruken av det fornya kyrkjerommet på Hyllestad, med spesiell helsing til dugnadsgjengen Dei siste åra har eg vore så heldig at eg har fått vore ein del saman med konfirmantane. Årets konfirmantar er den fyrste gruppa som har hatt konfirmasjonsundervisninga i kyrkjerommet.. No har eg lyst til å dele mi oppleving, særleg med dykk ( i overkant av 80 personar) som har brukt tid og energi på å få gjort kyrkjerommet så anvendeleg og triveleg, til ein plass der det verkeleg er godt å vere. Det å ha konfirmasjonsundervisninga i det flotte kyrkjerommet, har vore ei utruleg positiv oppleving. Det er heilt KYRKJEBLAD FOR HYLLESTAD merkbart kor stor trivsel det har vore, både mellom konfirmantar, prest og medarbeidarar. Me har ved fleire høve høyrt det blir sagt: «Her er det kjekt å vere», «her er det godt å vere». Me ser at ungdomen «eig» rommet, at dei kjenner seg heime i kyrkja vår. Konfirmantane har gitt slik tilbakemelding på nokre spørsmål dei fekk: «Eg kjem nok til å hugse dei gode kveldane ilag i den varme og koselege kyrkja, vi knytte sterke band der inne.» 5 «Eg likte godt ungdomskveldane, med Solution (ungdomsgruppe frå Askøy) på besøk, dei var geniale og hadde god humor» «Kjekt med pizza i kyrkja» «Det fornya kyrkjerommet var veldig flott, stolane var mjuke og gode, kyrkja vart plutseleg nyare og meir open» «Kyrkja var flott. Med nytt lydanlegg m.m. tykkjer eg at kyrkja vart mykje meir fleksibel og praktisk, og det beste synest eg er altarløysinga. Når presten står framme, er han liksom meir med dei som sit og høyrer på, i staden for å ha eigen ring der framme..» Nokre fortalde at dei hadde ikkje så store forventningar til konfirmanttida, då dette er ein tradisjon som dei fleste fylgjer, men at dei vart positivt overraska. Dei fortel om ei kjekk og givande tid. Somme fortel at dette året har gjort noko positivt med trua deira, og at det har betydd noko spesielt for dei. Mi oppleving: Ja, det kjennest godt, heimsleg og triveleg å vere i det nye kyrkjerommet. Eg tenkjer: Kan det vere grunna så mange av bygdefolket har gått der i eit heilt år og jobba iherdig, streva med isolasjon, svetta over drill, malarkost og byggstøv,- med velvilje og positive tankar?.. det er som om positiviteten og velsigninga sit att i veggene… Konfirmantsamlingane byrjar med at alle sit i ein ring rundt lysgloben, midt i kyrkjeskipet. (Ingen sit og ser kvarandre i nakken.) Slik er det samlande å sitje når ein har samtalar, ber eller syng m.m. Kyrkjerommet er så stort og anvendeleg at det også fungera godt til gruppearbeid. Stundom har me trilla pianoet nedover midtgangen, presten har spelt. Gjengen har stått rundt og sunge, nokon i mikrofonar, somme har spelt strenge -, blåse- og rytmeinstrument, stått på stolane (sokkelesta!!) KJEKT! Me har hatt vakker, liturgisk dans, til flott musikk over anlegget. Dette kan gjerast sidan det nye altarbordet er flyttbart, og koret då er så romsleg at det gir plass for m.a. slikt. (Akkurat dette hadde eg drøymt om i mange år, og det vart rørande vakkert, eg oppdaga at feire enn eg hadde tårer i augo.) Dei dansa til teksten av Fader Vår. Må få sei det: Me har god grunn til å vere stolt av den flotte ungdomen me har i Hyllestad, me gjer vel i å ta positivt imot dei, samt ta godt vare på dei! Korleis har kyrkja vorte? Me sit godt, og borna ser det som skjer. Grunna armlene sit dei i eit «avgrensa rom», dei glir ikkje fram og attende på ein benk lenger. Me held varmen, behageleg, utan å svi sko, handvesker eller barnefingrar. Me har fått handikaptoalett med stellebord: lyst, varmt og triveleg. Me har fått multimedianlegg, med alle dei mogelegheitene det gir. Me har ein barnekrok, der kan borna teikne, sjå i ei bok e.l.- eller berre gå bak til knaggrekka og hente seg ein «overraskingspose», den kan innehalde ein kose bamse e.l. Draumebilde i hovudet mitt: Nokre born sit i barnekroken og teiknar under preika. Dei teiknar gjerne noko av det som blir formidla i kyrkja. Mot slutten av gudstenesta kan lydteknikaren, vonleg ein konfirmant, få teikningane, skanne dei og vise dei på tavla under postludium. Ville ikkje det bli bra? - ein flott måte for borna og bli sett? Eg berre spør! I desse dagar er dugnaden i gang igjen. No er det kjøkkenkroken som skal på plass, det opnar for nye mogelegheiter. Vidare blir det no laga betre rullestolinngang. Under oppussinga var det nokre som ytra bekymring over kor mykje uro det kom til å bli, grunna barnekroken. Eg deler ikkje bekymringa, men eg deler optimismen over at det skal komme mange born til kyrkje. Eg kjem med oppmoding til meg sjølv og alle andre: Opne kyrkjedørene våre på vid vegg og ta kyrkjerommet i bruk. Lat oss ikkje bekymre oss for om dei nydelege stoffstolane våre skulle bli flekka av kaffi eller pizza, eller om golvteppet blir rufsete og utslite. La kyrkja vår vere som ein heim for oss, der me kan kome saman i glede og sorg, der me kan styrkje og oppmuntre kvarandre, trøyste og kveikje kvarandre. Måtte kyrkjerommet bli så mykje brukt at det igjen blir trong for oppussing i komande generasjonar. Dugnadsfolk: Takk for de gjer draumen verkeleg. «Utrulege ting kan skje om begeistring blir brukt som drivkraft» (Kong Olav V) 6 Beste helsing Kirsten Gravdal Ryland. KYRKJEBLAD FOR HYLLESTAD Det vert samling ein tysdag i månaden frå 18.30 til 20.30 følgjande datoar: 5.-7. klasseklubben 27. august, 24. september, 29. oktober og 26. november. 5.-7. klasseklubben var samla ved Espelandsvatnet til den årlege klubbavslutning siste tysdagen i mai. I løpet av eit par fine ettermiddagstimar var det andakt, quiz med bibelspørsmål og ringkasting. Pølsespidding m/pinnebrøddeig gav litt ulikt resultat – frå gylden brunt til heilt svart. Viktigast var at alle var nøgde og det smakte godt. Dei modigast og tøffaste avslutta kvelden med eit bad. Til hausten er det nye klubbsamlingar; men no vert det ein 5.- 8. klasseklubb. Trusopplæringstiltak hausten 2013 22. september kl 16.00: Hausttakkefest/gudsteneste m/utdeling av Mi kyrkjebok 4.I forkant av gudstenesta vert 4-åringane invitert til ei 4-årssamling. Denne flotte og trivelege gjengen har vore minikonfirmantar i vinter/vår. Takk for hyggelege samlingar og leir på AlværaTil hausten vert de og andre som er fødd i 2002 invitert til LysVaken i Hyllestad kyrkje 23.-24. november. 27. oktober kl 11.00 Gudsteneste med utdeling av Mi kyrkjebok 6. Dei som er fødd i 2007 er dei første som får den nye kyrkjeboka for 6åringar. I samband med utdelinga vert det 1-2 samlingar på ein kvardagsettermiddag. Dei som er fødd i 2008 og vert 5 år dette året, vert invitert til 5 «Bygge Guds rike» samlingar. Det vert samling med Kyrkjerottefilm, song, lego og mat. 5-åringane vert inivitert til LysVakengudstenesta 24. november kl. 11.00 der dei vil få diplom. KYRKJEBLAD FOR HYLLESTAD 7 Konfirmerte 2013 Hyllestad 28.04 Bak frå venstre: Jan Egil Albertsen Skaar, Aleksander Tonning, Kenneth Ramstad, Trygve Dale. Framme frå venstre: Kathinka Hyllestad, Malin Lavik Akse, Liza Kiona Markx Fjell, Marie Hyllestad Øn 05.05 Frå venstre: Birte Systaddal Høydal, Mats Tonning Solstad, Nils Henrik Lund Hatlem, Gaute Porten Bø 12.05 Frå venstre: Amalie Bosdal Nesje, Sunniva Breidvik, Sigrid Kjelstad, Eli Janne Brendsdal, Tobias Olsen Høie, Alexander Wolff, Bjørnar Rysjedal Tonning, Andreas Mjell Hofsvik 8 KYRKJEBLAD FOR HYLLESTAD Friluftsgudstenester i Hyllestad. Også i år legg vi opp til friluftsgudstenester på sommaren og hausten i Hyllestad. 28. juli kl. 12.00 samlas vi til Olsokgudsteneste i kvernhusparken i Skor. Vi vonar på godt vær slik at vi kan vere ved dei historiske kvernhusa. Om veret ikkje tillet det blir gudstenesta inne i grendehuset. Det vert kyrkjekaffi ved Skor grendelag. Velkommen til olsokgudsteneste 25. august kl. 11.00 vert det friluftsgudsteneste i Kvernsteinsparken. Midt i Hyllestad sitt kulturhistoriske sentrum har me fått reist ein kross der me kan feire utegudsteneste. I Kvernsteinsparken er det hus å søke ly i om været vert dårleg. Det vert høve til grilling og leikar for barna etter gudstenesta. Åfjorddalen bygdekvinnelag vil stå for kyrkjekaffi. Den 8. september gjentek vi turen på den gamle kyrkjevegen frå Skor til Øn kapell. Ta med familie og vener og bli med på ein opplevelsesrik tur i fotspora til dei som har gått denne vegen i generasjonar før oss. Vi er på leit etter deg som kan vere turleiar og deg som kan fortelje litt om historia knytta til kyrkjevegen. Om du kunne tenke deg å ta på deg ei eller begge av desse oppgåvene ,kan du ringe kyrkjekontoret tlf.57788565. Det vil bli ordna med samkjøring frå Øn kapell og til Skor. Turen vert avslutta med gudsteneste i Øn kapell Kl. 16.00. Ved kapellet vert det høve til å slukke tørsten med noko å drikke og det vil bli stelt i stand kyrkjekaffi. Gudstenesta er for turgåarar og alle andre. KYRKJEBLAD FOR HYLLESTAD Konfirmantjubileum i Hyllestad kyrkje. 13. oktober Vi vil nå gjere det til ein tradisjon at vi samlar 50-årskonfirmantar til ei gudsteneste i Hyllestad kyrkje. I år gjeld det konfirmantane som vart konfirmerte i 1963 i Øn, Bø eller Hyllestad kyrkje. Kyrkjekontoret finn fram namn og prøver etter beste evne å finne fram til adresser. I desse tider vil det gå ut informasjon til dei det er mogleg å oppspore. Er du ein konfirmant frå 1963 som les dette, kan du spreie det til dei av dine jevnaldrande som du kjenner. Kyrkjekontoret er også interessert i innslag som kan nyttas på gudstenesta. Har du ein salme frå di konfirmanttid, eller ein salme som du likar god, eit bibelvers du ynskjer at vi skal bruke, ei historie frå konfirmanttida (morosam forteljing, regler, lekser, overhøyring m.m.) Ta kontakt med sokneprest Ole Agnar Helland (tlf. 90920521) på førehand, slik at det kan bli med i planlegginga. Etter gudstenesta som byrjar kl. 11.00 vert det kyrkjekaffi. Velkommen som 50-årskonfirmant i Hyllestad kyrkje. 50-Års konfirmantar, 2013 Bø, 25.08.1963: Hyllestad, 11.08.1963: Jan Steinar Bråstad Arne Otto Akse Kitty Johanne Bø Odd Normann Akse Inger Karin Dale Ole Brekke Birger Førsund Svein Bruknapp Oddvar Arne Tveit Jorunn Halfrid Dale Marta Vidme Leikny Gallefoss Laila Anny Hatleberg Øn, 18.08.1963: Lillian Berit Aal Norodd Peter Eide Sveinung Hatlem Arvid Heimark Ingmund Johan Løland Turid Sofie Løland Harry Malvin Mowatt Magnhild Ness Gerd Sonja Skaar Rune Heimark Håkon Solheim Edith Nordbø John Stigedal Sølvi Teige Aud Inger Systad Jan Ove Øen Gunhild Systad Otto Magnus Øen Oddleif Terje Systaddal Alvhild Nordis Åsmul Ingvar Leif Sætre 9 SALMEKVELD Døpte: Hyllestad: Carmen Kristiansen Nordal Gravlagde: Øn: Arne Birger Hatlem Deltakande var Erlend Ona Gjul, Arlen Espeland, Kristen Holt, lærarkrefter i musikk og kulturskulen, Fjordklang, Korpsgruppe og Balsam, Vi, omlag 80 frammøtte, fekk oppleve ei høgtideleg, varm og god stund. Solosong, duett, kor, korps, ord for dagen og allsong. Kjende og kjære salmar vart framførde på ein gripande måte både i songen og musikken. Vi vart dregne med. Vi "måtte" berre klappe etter kvart innslag- To små på leiting etter engasjerte foreldre forsterka den gode kjensla. Og jammen dukka mi barndoms kveldsbøn opp: Gud og Fader lat meg sova under englevakt i stova. Ver mitt ljos om natta du. Og når sol i gravi glader løft meg opp i dine salar. Lei meg over stjernebru. Hjarteleg takk til alle som var med og gjorde denne stunda så god. De er flinke. Vonar vi får feire slike stunder. Kari Wolff Kyrkjelydskveld i Hyllestad kyrkje. 2. oktober kl. 19.00 innbyr vi til Kyrkjelydskveld i Hyllestad kyrkje. For kort tid sidan vart vi saman med Høyanger innlemma i Sunnfjord prosti. Vår tidlegare prost Geir Sørebø er blitt prost i NordHordaland, og vår nye prost i Sunnfjord er Reidar Knapstad. Begge to vil vere med oss i Hyllestad kyrkje denne kvelden. Dei vil ta for seg temaet «Å vere kyrkje i ei ny tid» Det har skjedd mykje i kyrkja den siste tida. Ny kyrkjeordning, ny liturgi og vi i Hyllestad har teke i bruk nytt kyrkjerom. Prostane vil kome inn på dette i sine foredrag. Vi vil ta avskil med vår gamle prost og ynskje den nye velkommmen. Det vert eit variert program med mat og høve til samtale og spørsmål. Set av denne kvelden allereie nå. Alle velkomne. 10 KYRKJEBLAD FOR HYLLESTAD for Hyllestad 30.juni 6.s. i treeiningstida Øn kapell kl. 16:00 Offer til kyrkjelydsarb. 7. juli 7. s. i treeiningstida Øn kyrkje kl 11.00 Diakoni i Hyllestad 14. juli 8. s. i treeiningstida Bø 16.00 Offer til KFUM/KFUK 21. juli 9.s. i treeiningstida Hyllestad kl 11.00 Offer til Kirkens SOS i Bjørgvin 28.juli 10. s. i treeiningstida Skor kl. 12.00 Olavsgudst.friluft. Kyrkjekaffi v/Skor grendelag, Dronning Mauds minne 04.aug. 11. s. i treeiningstida Inga gudst. i prestegjeldet 11. aug. 12. s. i treeiningstida Hyllestad kl.11.00 Offer til Mali 18. aug. 13. s. i treeiningstida Bø kl.11.00 Offer til Mali 25.aug. 14. s. i treeiningstida Kvernsteinsparken kl. 11.00 Friluftsgusteneste, Kyrkjekaffi v/Åfjorddal bygdekvinnelag Offer til Trusopplæringa Ramsgrø bedehus kl. 14.30 Basar 01.sept. 15 s. i treeiningstida Hyllestad kl. 11.00 Presentajon av konfirmantane, Offer til Misjonsalliansen 08. sept. 16. s. i treeiningstida Øn kpl kl.16.00 Tur på den gamle kyrkjestien. Offer til Mali 15.sept. 17. s. i treeiningstida Bø kl. 11.00 Gudsteneste Offer til Bildøy bibelskule 22. sept. 18. s. i treeiningstida Hyllestad kl.16.00 Hausttakkefest med utdeling av 4-årsbok Offer til Mali 29. sept. 19. s. i treeiningstida Øn kl. 11.00 Offer til Trusopplæringa 06. okt. 20. s. i treeiningstida Hyllestad kl 15.00 Kyrkjelydsbasar 13.okt. 21. s. i treeiningstida Hyllestad kl. 11.00 50-årskonfirmantar. Kyrkjekaffi v/gudstenesteutvalet Offer til Kyrkjelydsarbeidet 20. okt. 22. s. treeiningstida Øn kl. 11.00 Offer til Søndagsskulen i Sørbøvåg 27.okt. Bots og bønedag. Hyllestad kl. 11.00 6-årsbok Offer til Søndagskulen S. og Fj. krins 3.nov. Helgemesse Hyllestad kl. 16:00 Offer til Mali KYRKJEBLAD FOR HYLLESTAD 11 INFORMASJON Kontaktinformasjon for kyrkja i Hyllestad Kyrkjekontoret har telefontid tysdag og torsdag kl 10.00-13.00 Telefon: 57 78 85 65 / Telefaks: 57 78 86 9 Felles postkasse: [email protected] For anna adresseinfo sjå: www.hyllestad.kyrkja.no KYRKJEKONTORET: Dagleg leiar/kyrkjeverje: Rune Ziener E-post: [email protected] Kyrkjesekretær: Aslak Åm Sognnes E-post: [email protected] Sokneprest: Ole Agnar Helland E-post: [email protected] Mobiltelefon: 909 20 521 Vakttelefon i Ytre Sogn prosti Kvardagar etter kl 17:00 og på helge- og høgtidsdagar er det alltid ein prest i prostiet med beredskapsvakt. Vakttelefonen skal nyttast om ein har bruk for prestetenester som ikkje kan vente, t.d. ved dødsbod, soknebod for døyande eller i andre kritiske situasjonar. Telefonnummer til vakttelefonen er I KYRKJENE: Organist Privattelefon: Kyrkjetenar / klokkar Privattelefon: Klokkar Privattelefon: Erling Akse 57 78 86 45 Gunvor Instefjord 57 78 88 03 Aslak Åm Sognnes 975 83 290 UTADRETTA STILLINGAR: Kyrkjelydspedagog Toril Lange E-post: toril.lange@hyllestad. kyrkja.no Mobiltelefon: 922 40 966 HYLLESTAD SOKNERÅD: Soknerådsleiar Aslak Åm Sognnes Privattelefon: 975 83 290 KYRKJEBLADET FOR HYLLESTAD: Utgjevar: Hyllestad sokneråd Redaksjon: Rune Ziener (ansvarleg redaktør), Ole Agnar Helland og Aslak Åm Sognnes Bankkonto: 3705.01.58455 954 83 831 12 KYRKJEBLAD FOR HYLLESTAD
© Copyright 2024