Les heile saka i SUNNMØRSPOSTEN
SUNNMØRSPOSTEN Onsdag 6. mai 2015 NYHETER 11 Eit berg av runde ballar • Bøndene har rekordmykje grovfôr til overs etter vinteren LANDBRUK Bøndene på Nordvestlandet opplevde tidenes beste grasslått i fjor. I år har dei tidenes berg med rundballar til overs. – Dyra mine et nok 80–90 rundballar i månaden. Men når beitesesongen startar ute, så sit eg nok framleis att med 150–200 rundballar til overs. Det seier gardbrukar Arnt Magne Engeseth i Ørsta. Han er mjølke- og kjøtprodusent, og fortel om ein fantastisk slått i fjor: – Alt klaffa, både med temperatur og nedbør. Eg slo to-tre hundre kubikk meir med gras enn kva eg brukar vanlegvis. – Og kva skal du gjere med fôret som blir til overs? – Tja, sei det? Det er ikkje så lett å få seld det, heller. Det må i så fall helst vere austover. Der var det ikkje så god vekst i fjor sommar. Det er iallfall for gale å kaste det, svarer bonden i Ørsta. Fornying. Avdelingsleiar Jon Geirmund Lied i Landbruk Nordvest har eit tips å kome med til bønder med overskot av rundballar: – Dersom ballane er tette, så kan fôret nyttast til hausten. Men ein må hugse å tilsette e-vitamin på slikt oversomra vinterfôr. Så kan ein, med så mykje fôr liggande, heller nytte høvet til å fornye jord som ikkje gjev så stor avkasting lenger. Gardbrukar Arnt Magne Engeseth veit ikkje heilt om han vil følgje dette rådet: – Då blir det jo berre endå meir fôr neste år. Dessutan har eg andre prosjekt eg prioriterer. Eg vurderer å utvide drifta med fleire dyr. Men det kostar. Fornying er noko Jon Geirmund Lied er oppteken av. Han oppmodar landbruksministeren til å leggje forholda betre til rette for ei satsing i landbruket, med høve til ei fornying av driftsbygningane, og helst med plass til fleire dyr. Men før nye og større bygningar er på plass meiner gardbrukar Arnt Magne Engeseth at ein kanskje burde vurdere å setje inn båtar som kunne frakte RUNDBALLEOVERSKOT: Bonde Arnt Magne Engeseth i Ørsta reknar med å ha 150-200 rundballar for mykje i år, takka vere eit kjempeår i fjor med rekordstor slått. FOTO: TERJE ENGÅS FAKTA: rundballar til andre delar av landet der det er mangel på fôr. • Rundballe er ein sylinderforma ball av komprimert gras eller halm. Lovande. Fjoråret vart eit kjem- • Til vanleg vert dei pakka i kvit plast, derav aukenamnet traktoregg. peår. Korleis blir årets fôrsesong? Jon Geirmund Lied i Landbruk Nordvest synest det så langt ser lovande ut: – Overvintringa har gått bra, og så langt i vår har det vore kjølig. Det er gunstig, og dette tyder på at det kan bli ein bra førsteslått. Andreslåtten er avhengig av kor mykje nedbør vi får gjennom sommaren. Svaret har vi i september, seier Lied. KJELDE: WIKIPEDIA TERJE ENGÅS • Rundballen er ein rasjonell og enkel, men kostbar metode for å konservere og lagre dyrefôr. • Rundballane blir pressa i rundballepresser. Ballane blir pakka i plast for å konservere graset. – Alt klaffa i fjor, både med temperatur og nedbør ARNT MAGNE ENGESETH [email protected] BONDE: Arnt Magne Engeseth er mjølke- og kjøtprodusent, og hadde i vinter 60-70 dyr i fjøsen. Utvidar for 200 millionar EID Moengården på Nordfjordeid investerer 200 millionar kroner, doblar arealet og utvidar frå 17 til 30 butikkar. MOENGÅRDEN: Kjøpesenteret Moengården på Nordfjordeid skal doble arealet og utvide med fleire nye butikkar. Den gamle delen blir også modernisert. Alt skal vere klart til julehandelen neste år. Utvidingsplanane for kjøpesenteret Moengården Vest er klare. Oppstart blir etter ferien, og senteret skal stå ferdig til julehandelen 2016. – Det blir investert for 200 millionar kroner her i løpet av eitt til to år, seier Bjørn Kåre Moen i Moengården Vest til Sunnmørsposten. Dobla. Planane inneber også leilegheiter, noko som vil skje trinnvis, med 15 leilegheiter i første omgang. Dagens senter er 5.000 kvadratmeter. Med utbygginga vil arealet bli meir enn dobla, til 11.500 kvadratmeter. Eksisterande bygg vil også bli modernisert og vesentleg oppgradert. Før byggestart er om lag 80 prosent av det nye arealet utleigd. Senter vil blant anna få Nordfjords første Coop Extrabutikk. Vitus Apotek, Cubus, Dressmann og Vita er andre nye butikkar som blir å finne i det nye senteret. Fleire tilsette. Utvidinga vil gje arbeid til mellom 40 og 50 tilsette i heiltid eller deltid. Kjøpesenteret er forvalta og drive av Amfi Drift AS, som har tilsvarande ansvar for 77 kjøpesenter rundt om i landet. Det er eit selskap i Olav Thon-gruppa. ANNE-MARI TOMASGARD [email protected]
© Copyright 2024