1. No category

Voss kommune
Arkivsak-dok.
Saksbehandler
15/01015-1
Magnhild Gjengedal
Saksgang
Utval for formannskap/plan og økonomi
Møtedato 16.04.2015
FAGNASTØL CAMPING OG HYTTEFELT
UTLEGGING TIL OFFENTLEG ETTERSYN
Administrasjonen si innstilling:
I medhald av plan og bygningslova §§ 12-10 og 12-11 vedtek formannskap, plan og
økonomi og legge detaljreguleringsplan for Fagnastøl camping og hyttefelt, plan-id
2011017, ut til offentleg ettersyn slik det går fram av plankart, planomtale og
reguleringsføresegner datert 02.07.2014, revidert 15.01.2015, signert Anda&Hirth
Ans.
Vedlegg:
Plankart 15.10.15.pdf
Reguleringsføresegner Fagnastøl, 15.01.1.pdf
Planskildring Fagnastøl, 15.01.2015.pdf
ROS-analyse-15 01 15.pdf
Skredvurdering Fagnastøl.pdf
Faresone skredvurdering Asplan viak.jpg
Utgreiing VA for Fagnastøl.pdf
Innspel til oppstart.pdf
1
Samandrag av saka:
Saka gjeld privat detaljreguleringsplan for Fagnastøl camping og hyttefelt, plan-id
2011017, utlegging til offentleg ettersyn.
Føremålet med planarbeidet er å lage ei heilskapleg reguleringsplan for Fagnastøl
Camping og hyttefelt. Planen vil omfatte seks eksisterande hytter og seks nye hytter
ved campingplassen på Fagnastøl. Reguleringsplan omfattar også utviding av
eksisterande campingplass og omlegging av bilvegen som går vidare til Moldalia og
Nedre Jonstølsdalen. Planområdet er om lag 160 daa. Anda & Hirth fremjar planen
på vegne av Geirr Fagnastøl.
Fakta om saka:
Anda&Hirth Ans har på vegne av tiltakshavar, og grunneigar av gnr 123 bnr 1, Geirr
Fagnastøl fremja privat detaljreguleringsplan for Fagnastøl Camping og hyttefelt i
Voss kommune.
Planprosess
• Oppstartsmøte 30.10.2012
• Oppstart vedteke i FPL 29.08.2013
• Oppstart vart varsla gjennom Hordaland, på Voss kommune sine nettsider
og ved brev med kartvedlegg til offentlege instansar og naboar.
• Frist for uttale var 10.05.2014.
• Det kom inn fem merknader, fire frå offentlege instansar og ein frå private.
Føremål med planarbeidet
Føremålet er å utarbeide detaljreguleringsplan for Fagnastøl Camping og hyttefelt.
Planen omfattar utviding av eksisterande campingplass og omlegging av bilveg som
går vidare til Moldalia og Nedre Jonstølsdalen
Reguleringsplanen vil innehalde seks nye hytter, i tillegg til dei seks som allereie er
der. Campingplassen skal utvidast og det skal regulerast inn eit aktivitetsområde.
Planforslaget er ikkje i tråd med overordna plan. Dei seks nye hyttene er i
utgangspunktet Geirr Fagnastøl sin del av planen for Nedre Jonstølsdalen, plan-id
00017, i tillegg til at han stilte grunn til ny bilveg. Jf. signert avtale datert 18.07.2010.
Hyttene er trekt ut av planen og flytta til området ved Fagnastøl Camping.
Planområdet
Før planområdet vart planta til med gran på 1950-60-talet vart området nytta til
beitemark. Campingplassen vart etablert i 1986. På 1980-talet vart det også etablert
lysløype. Dei eksisterande hyttene i området er frå 1960-talet.
Planområdet ligg om lag 2,5 km frå Urdland, og om lag 500 moh. Terrenget heller for
det meste mot sørvest. Det er gode soltilhøve og god utsikt. Området ligg lågt i
terrenget og er, stort sett, berre synleg frå Kvitno. Mot aust og mot sør er det mykje,
relativt stor, gran. Mot vest er terrenget relativt ope mot Fagnastølelvi. Mot nord ligg
lysløypetraséen. Terrenget her er myrlendt og kollete.
Gjennom området går det ein buføreveg som har vore i bruk frå 1905. Det er lagt
omsynssone på vegen, som går langs den nye vegen mot Moldalii.
Etter oppstart er planområdet utvida til om lag det doble. Dette er gjort etter at Asplan
viak utarbeidde skredvurdering for området.
2
Fig. 1: Planområdet fotografert frå Kvitno. Utvidinga av planområdet etter
skredvurdering er synt med raud strek. (Foto: Magnhild Gjengedal)
Fig. 2:
Revidert
plankart
etter skredvurdering.
Konklusjonen i rapporten er at granskogen i området mot søraust fungerer som
sikring mot eventuelle skred i søraustre del av planområdet. Etter dialog med geolog
er det difor lagt faresone på det aktuelle området. Sidan ei slik faresone ikkje kan
leggjast utanfor plangrensa, er planområdet utvida tilsvarande. Føremålet LNF vert
ikkje endra.
3
Om grunneigar i framtida fjernar skogen, utløyser det ny vurdering av krav til anna
skredsikring for området. Dette er også nedfelt i reguleringsføresegnene, Faresoner,
Ras og skredfare.
Tilgrensande planer
Detaljreguleringsplanen for Nedre Jonstølsdalen grensar til Fagnastøl camping og
hyttefelt med felles tilkomstveg. Det har vore dialog mellom planleggarane for å sikre
at midtlinje veg møtast.
Føremålet med planarbeidet Nedre Jonstølsdalen hyttefelt er å leggja til rette for 10
nye fritidsbustader som er tilrettelagt med veg, vatn og avlaup. Planen har vore til
offentleg ettersyn.
Fig.3: Tilgrensande detaljreguleringsplanen for Nedre Jonstølsdalen oppe til høgre
på kartet.
Innhald i planen
Arealbruk
Planområdet er ca 160 daa. Det skal nyttast til campingplass, seks nye
fritidsbustader i tillegg til dei seks som er i området i dag. Området inneheld også
ulike vegføremål, teknisk infrastruktur og fritidsføremål.
4
ROS-analyse og radon
Utarbeiding av ROS-analyse synte at det er potensiell skredfare når det gjeld is- og
snø. Det gjeld mindre delar aust i det opprinnelege planområdet. Etter konklusjon i
skredvurdering er planområdet utvida mot søraust. Konklusjonen er at granskogen i
området sikrar området mot skred, og at han ikkje må fjernast. Det er lagt inn
faresone ras og skred i det aktuelle området. Føremålet vert ikkje endra.
Om skogen vert fjerna må det utførast ny skredvurdering for området.
Det vert montert radonsperre i alle nye hytter.
Estetikk, nær- og fjernverknad
Det skal stillast krav til arkitektur, fargeval og terrengtilpassing av bygningar og vegar.
Eksisterande vegetasjon skal i størst mogleg grad bevarast, men uttynning for å
betre utsikt og lystilhøve kan gjerast.
Vegskråningar skal revegeterast og murar skal vere i naturstein.
Området rundt skal framleis nyttast som beiteområde. Planen får ikkje konsekvensar
for vilt i området.
Tilkomst, parkering, teknisk infrastruktur og renovasjon og energi
Eksisterande veg til Moldalii går gjennom planområdet. Ny veg skal byggast aust for
campingplassen og møter att vegen til Moldalii, og plangrensa til
detaljreguleringsplan Nedre Jonsstølsdalen hyttefelt, plan-id 00017, i nordaustre
hjørne av planen. Midtlinje veg er koordinert med plankonsulent for Nedre
Jonsstølsdalen hyttefelt.
Det er lagt inn sikringssoner, frisikt, i alle kryss der stikkvegar kjem inn på den nye
tilkkomstvegen.
Det er planlagt to nye parkeringsplassar, PP2 og PP3, i tillegg eksisterande PP1. I
tillegg til pålagt tal parkeringsplassar er det planlagt med 20 plassar for turfolk og
besøkande.
Vassforsyning skal skje frå borehol nær tomtene. Det skal byggjast to nye VAanlegg. Eitt for fem hytter og eit for tre hytter. Dei fire andre hyttene har eigne
løysingar.
Eksisterande miljøstasjon skal utvidast for å ha kapasitet både for utviding av
campingplassen og dei nye hyttene.
Voss Energi AS leverer straum til området. Og det vert lagt til rette for utviding av elforsyninga.
Leik og opphald, barn og unge sine interesser
Tilhøvet til barn og unge sine interesser er teke godt i vare. Det er ideelt tur- og
leikeområde, fiskeelv og det er ein ballplass i tilknyting til den eksisterande
campingplassen.
Universell utforming
Planområdet er småkupert, men området der dei nye hyttene skal plasserast er det
relativt flatt. Her vil det ligge til rette for stor grad av universell utforming når det gjeld
bilvegar, gangstiar og tilkomst til hyttene.
Kulturminne
5
Utanom buførevegen som går gjennom planområdet er det ikkje registert andre
kjende kulturminne. Det er lagt omsynssone, vern av kulturmiljø, langs buførevegen.
Landskapet er prega av noko skogplanting med ein del myrlendte parti. Det er ein del
beiting av storfe og småfe i området.
Administrasjonen si vurdering:
Til oppstart kom det inn fem merknader, fire frå offentlege instansar og ein frå
private. Dei ligg i si heilheit som vedlegg til saka.
Under står eit samandrag og plankonsulenten, og eventuelt administrasjonen, sine
kommentarar.
Fylkesmannen i Hordaland, brev av 23.04.14.
Merknader:
Planområdet ligg innanfor grensene for det verna Vossavassdraget.
Minner om at konsekvensane reguleringsplanen har for endra arealbruk skal
vurderast i høve til naturmangfaldet. Må koma fram i planarbeidet, jf.
Naturmangfaldlova §§7-12.
ROS-analysen må nytta akseptkriteria som er i tråd med byggteknisk forskrift (TEK
10). Analysen må sjå på risiko både innanfor og utanfor planområdet som kan
påvirka tiltaket, og evt. endra risiko som fylgje av tiltaket.
Plankonsulent:
Planen skal utarbeidast og dokumenterast og det vil då vera mogeleg å ta stilling til
om planen er i strid med nasjonale eller vesentlege regionale interesser.
Administrasjon:
Etter ROS-analysen er det utarbeidd skredvurdering for området. Planområdet er
auka til det doble og det er lagt inn faresone ras og skred.
Voss Energi AS, brev av 25.04.14.
Merknader:
Det er for lite kapasitet på nettstasjonen ved Kvitno bru. Det må leggjast
høgspentkabel i veg gjennom Fagnastøl camping og hyttefelt og ny nettstasjon må
plasserast i området.
Plankonsulent:
Det har vore møte med Voss Energi AS, ved Egil Selvåg. Dei har kome fram til at det
ikkje er naturleg å plassera ein nettstasjon innanfor det regulerte området. Sjå e-post
av 4.juni 2014. Vedlegg nr 1
Det kan verta aktuelt å leggja høgspentkabel i vegen forbi Fagnastøl camping.
Statens Vegvesen, brev av 08.05.14.
Merknader:
Det vert minna om at fylkesveg 307 har dårleg standard og området rundt fv 307 er
lite eigna til utviklingsområde og utbyggingsområde.
Plankonsulent:
6
Avkøyringa på Urdland frå fv 307 er eit kryss med god sikttilhøve og med relativt lite
trafikk. Med den relativt avgrensa trafikkauken det vert med denne reguleringsplanen
ser me ikkje at dette vil ha noko stor innverknad på trafikktilhøva på Urdland.
Hordaland Fylkeskommune, breva av 14.05.14.
Merknader:
Det vert bede om å ta omsyn til ein del punkt i planarbeidet. Vidare vert det presisert
at det ikkje er kjend informasjon om automatiske freda kulturminne i området.
Plankonsulent:
Dei nemnde punkta samsvarar i stor grad med viktige tema som er lista opp i
referatet frå oppstartsmøtet av 30.10.12. og vert såleis teke opp i utgreiinga.
Kari K. Knoph og Øystein Klokkerud, brev av 07.05.14.
Merknader:
Ein av dei eksisterande hytteigarane har kome med ein del innspel/ kommentarar til
planarbeidet. Oppsummert er dette: tilkomst om vinteren, vasskvalitet, utviding av
campingplassen, visuelt inntrykk, terrenginngrep, estetisk utforming i planarbeidet,
endringa av tomteareal.
Plankonsulent:
Det har vore møte på plassen og ein har gått igjennom desse punkta med
tiltakshavar slik at ein meiner at desse punkta er avklart med hytteeigaren.
Konklusjon
Planområdet er i dag prega av den eksisterande campingplassen, eksisterande
hytter med tilhøyrande vegar og parkering. Ei fortetting og utviding av
campingplassen vil ikkje endre inntrykket særleg. Største endringa vil vere at vegen
til Moldalii blir flytta mot søraust og vil gå om lag midt i planområdet. Dette vil føre til
betra trafikktryggleik. Det vert også lagt til rette for meir parkering både for
besøkande og turfolk.
For ei eventuell framtidig utviding av campingplassen frå ca 30 til 60 plassar må det
leggast fram illustrasjons-/situasjonsplan av området ved søknad om byggeløyve.
Det må takast særleg omsyn til estetikk, nær- og fjernverknad.
Buførevegen som går gjennom planområdet vert sikra med ei særskild omsynssone
vern av kulturmiljø.
Planområdet er dobla i høve til avgrensing ved oppstart. Dette er på grunn av
konklusjon av skredvurdering av området.
Granskogen i hellinga mot søraust er viktig som sikring mot is- og snøskred. Av den
grunn er det lagt faresone ras og skred på eit tilleggsområde som er like stort som
det opprinnelege planområdet. Arealet i planen er i dag ca 160 daa. Føremålet for
området som er lagt til skal framleis vere LNFR.
Vert granskogen fjerna må det utarbeidast ny skredvurdering.
Administrasjonen rår til at FPL vedtek å legge detaljreguleringsplanen ut til offentleg
ettersyn.
7