Pressemelding
Førde, 29. januar 2015
Enivest - ny hovudsamarbeidspartnar på spelarutvikling
Enivest er ein av dei viktigaste leverandørane av breiband i Sogn og Fjordane.
Enivest leverer telekommunikasjonsløysingar til private husstandar, næringsliv og offentleg sektor.
Hovudsatsinga dei siste åra har vore fiberutbygging, der selskapet tilbyr internett med høg kapasitet,
Get digital-TV og telefoni i ein og same kabel. Enivest er ei lokal bedrift med Sogn og Fjordane som
hovudarbeidsfelt, og er fylket sin eigen tilretteleggar for framtidas digitale infrastruktur. Både mål og
utfordringar samsvarar godt med det arbeidet fotballkretsen gjer. Dei siste 5 åra har selskapet bygd
fiber til om lag 30 prosent av innbyggjarane i Sogn og Fjordane.
Sogn og Fjordane Fotballkrets (SFFK) er særs oppteken av at fotballklubbane i fylket vårt kan tilby alle
som ønskjer å spele fotball ein trygg og positiv arena for meistring og utvikling.
Spelarutvikling er i vinden, og NFF lanserte i haust NFF utviklingsmodell 13-16 år. Planen skapar
betre struktur frå NFF-via krets til klubb, og planen involverer også toppklubbane. Målet er betre
resultat og fleire gode nasjonale og internasjonale spelarar frå fylket.
Signering av avtale, frå venstre: Reidun Hegrenes, marknadskoordinator Enivest, Svein Olav Myklebust, dagleg leiar
SFFK, Margrete Lunde, Salssjef PM/Marknadsansvarleg Enivest.
SFFK ved spelarutviklar Jan Tore Jåstad har i haust/vinter jobba med å få den nye modellen på plass.
Ei utfordring er å få nok ressursar til å drifte den lokale modellen på ein god måte.
Enivest er difor stolte over å kunne gå inn som ny hovud- samarbeidspartnar på spelarutvikling.
Resultatet er eit synleg løft for spelarutviklinga i fylket. Fotballskular, kretslag, og Team Sogn og
Fjordane vil snart vere profilert opp med nytt utstyr. Etter kvart set vi lit til at ny god struktur, samarbeid
med Sogndal og andre gode utviklingsmiljø vil føre fram nye gode spelarar i Sogn og Fjordane.
Nandor Helgheim i Enivest understrekar at Enivest bygger på
verdiane Nær, Innovativ og Sterk. Dette skal gå att i våre
sponsoravtalar, og vi gler oss over ei samarbeidsavtale med Sogn
og Fjordane Fotballkrets. Enkle stikkord knytt til verdisettet er
mellom anna nærleik, menneskeleg behandling, kompetanse,
utvikling, pådrivar, prestasjonar og gjennomføringsevne. Dette
passar godt inn i SFFK sitt spelarutviklingskonsept som vil engasjere
ungdom over heile fylket.
Team Sogn og Fjordane
samla til informasjonsmøte på Skei 27.01.
Dette er kretsen si
spissa utviklingsgruppe i
alderen 13-16 år.
Her med nye profilgensarar merka Enivest.
Enivest ser fram til eit godt samarbeid, og ynskjer med dette å bidra til endå meir idrettsglede i Sogn
og Fjordane.
Kontaktperson i Sogn og Fjordane Fotballkrets
Dagleg leiar: Svein Olav Myklebust, mobil +47 90 10 35 95
Kontaktpersonar i Enivest AS:
Administrerande direktør: Nandor Helgheim, mobil +47 970 54 370
Salssjef PM/Marknadsansvarleg: Margrete Lunde, mobil +47 90 19 66 16