SAUDABARNEHAGEN
Veslefrikk barnehage
Historikk, mangfold og friluftsliv
SAUDABARNEHAGEN
Veslefrikk barnehage finn me i naturrike omgjevnadar nært det ærverdige industriområdet Åbøbyen og sentrum. Dei tre avdelingane i barnehagen har plass til 46 barn og det
er 13 kompetente og engasjerte vaksne som tar hand om desse små.
Veslefrikk barnehage blei bygd av Smelteverket, og var den første barnehagen i Sauda. I
1967 blei den gitt som ei gåve til Sauda Kommune. Som smelteverket er også Veslefrikk barnehage ein smeltedigel. Barn frå heile 7 ulike nasjonalitetar har plass i barnehagen. Det gir
eit språkleg, religiøst og kulturelt mangfald som er berikande og utviklande for alle. Gjennom
leik og aktivitet byggjast vennskap på tvers av nasjonalitetar, og kunnskap om kvarandre sine
bu- og levemåtar utvidar barna sin kompetanse i å vera borgar i eit fleirkulturelt samfunn.
Verdiar er eit tema som er vektlagt i Veslefrikk barnehage. Barnehagen samarbeidar tett med
heimane om barnas danningsprosess, og målet er å bidra til utvikling av rause, varme, inkluderande, kloke og reflekterande menneske. Å kunne innordna seg og fungera i ein sosial fellesskap
med andre menneske er viktig for barnas seinare meistring i skule- og arbeidsliv. For å hjelpa barna
med dette er det lagt vekt på å ha tydelege og gode rutinar for dei faste aktivitetane. Det skapar også
tryggleik for barna å vite kva som skal skje og korleis det skal skje.
Som einaste mann i barnehagen er styrar Heine Kvaløy ein populær mann blant barna. Han ser naturen
som den beste læringsarena, og å stimulera barna til eit aktivt friluftsliv er eit overordna mål. Gjennom
uteaktivitet i alle dei 4 årstidene får barna følgja naturens gang, og saman undra seg over det fantastiske
som skjer. I naturen får barna også testa ut sine grenser for kva dei kan meistra, og styraren vil gjerne at
barna både skal bli utfordra og utfordre seg sjølv når det gjeld grensene for kva dei kan klare. Dei treng ikkje
å gå langt for å koma til flotte turområdet, dei er like utanfor barnehageporten med Lillebekk som næraste
nabo.
Barnehagane i Sauda er ulike,
men spelar på same lag. Dei er
opptekne av at alle barnehagar
skal vera gode, og dei støttar
kvarandre i dette arbeidet. Via
det interkommunale oppvekstprosjektet «Haugalandsløftet»
får alle tilsette i barnehagane
kompetanseauke og verktøy til
å møte kvart barn på ein måte
som fremjar god utvikling. Alle
barn som har gått i barnehage
i Sauda vil etterkvart kjenne
«Være sammen» og «Løveloven».
Det kollektive og tette barnehagemiljøet i Sauda viser også
igjen ved eit felles prosjekt for
å trygge barna som skal starte
i skulen. Gjennom tett samarbeid lar barnehagane barna få
møta sine framtidige klassekameratar til kjekke og felles
aktivitetar eit heilt år før barna
begynner i skulen. Eit svært
stabilt personale med høg
fagleg kompetanse gir år etter
år eit resultat som sender
barnehagane i Sauda til topps
på brukarundersøkingar.
«Omsorg, leik og læring – ein god start!»
Styrar Heine Kvaløy fortel at visjonen over er eit viktig styringsverktøy. Det å gi barna ein god start gjennom
omsorg, leik og læring er noko dei tilsette arbeidar for kvar dag. Barna skal oppleva at det dei seier blir tatt
på alvor, og slik får bidra til å forma sin eigen kvardag. Å utvikla menneske som både forstår og kan delta i
det demokratiske samfunnet er noko styraren meinar må starte tidleg i barneåra. Beviset for om dei lukkast i jobben sin vil koma til uttrykk gjennom korleis barna seinare år snakkar om tida dei gjekk i barnehagen, seiar styraren. Hans ønske er at opplevingane barna har fått i Veslefrikk barnehage skal gjera
minnene om barnehagetida gode. Og tilbakemeldingane dei får frå føresette og barna tyder på at hans
ønske går i oppfylling her.
www.minbarnehage.no/veslefrikk