rådet for menneske med nedsett funksjonsevne
GLOPPEN KOMMUNE RÅDET FOR MENNESKE MED NEDSETT FUNKSJONSEVNE MØTEINNKALLING Møtedato: Møtestad: Møtetid: 21.11.2016 På Grandane Kl. 13:00 Første del av møtet blir eit sammøte med eldrerådet. Den som har lovleg forfall, eller er ugild i nokon av sakene, må melde frå så snart råd er på tlf. 57 88 38 00 (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 16. november 2016 Ivar Halland leiar i rådet Beate O. Kornberg sekretær SAKLISTE: Sak nr. Sakstittel 024/16 Godkjenning av møtebok, innkalling og sakliste 025/16 Referat og orienteringssaker 026/16 Planprogram for kommuneplanen sin samfunnsdel 2017-2030 - høyring 027/16 Årsbudsjettet for 2017 - økonomiplanen for 2017-2020 028/16 Kommunal akutthjelp døgnopphald innan psykisk helse- og rusområde 029/16 Miljøarbeiderteneste - organisering av tenester til menneske med utviklingshemming 030/16 Plan for samordning av tenester til barn og unge - høyring GLOPPEN KOMMUNE SAKSPAPIR SAKSGANG Styre, utval, komite m.m. Møtedato Rådet for menneske med nedsett funksjonsevne 21.11.2016 Avgjerd av: Rådet for menneske med nedsett funksjonsevne Saksbehandlar: Jan Kåre Fure Arkiv: 033 Objekt: Saksnr. 024/16 Arkivsaknr.: 16/1326-1 Godkjenning av møtebok, innkalling og sakliste Møteboka frå rådet sitt møte den 12. september i år blir lagt fram til godkjenning. Samstundes ber leiaren i rådet om godkjenning av innkallinga og saklista til dette møtet. LEIAREN I RÅDET SI TILRÅDING: 1. Rådet for menneske med nedsett funksjonsevne godkjenner møteboka frå sitt møte den 12. september 2016 2. Rådet for menneske med nedsett funksjonsevne godkjenner innkallinga og saklista til møtet den 21. november 2016. GLOPPEN KOMMUNE SAKSPAPIR SAKSGANG Styre, utval, komite m.m. Møtedato Rådet for menneske med nedsett funksjonsevne 21.11.2016 Avgjerd av: Rådet for menneske med nedsett funksjonsevne Saksbehandlar: Beate O. Kornberg Arkiv: 033 Objekt: Saksnr. 025/16 Arkivsaknr.: 16/1325 Referat og orienteringssaker Refererte skriv og meldingar: Nr Dok.ID T Dok.dato 1 S 24.05.2016 16/6395 Avsendar/Mottakar Tittel Ordet fritt… RÅDMANNEN SI TILRÅDING: Rådmannen legg ikkje fram tilråding i saka. Spørsmål om møte-, tale- og forslagsrett i kommunestyret for dei kommunale råda GLOPPEN KOMMUNE SAKSPAPIR SAKSGANG Styre, utval, komite m.m. Eldrerådet Rådet for menneske med nedsett funksjonsevne Helse- og omsorgsutvalet Oppvekstutvalet MULTEK-utvalet Møtedato 21.11.2016 21.11.2016 23.11.2016 24.11.2016 24.11.2016 Avgjerd av: Formannskapet Saksbehandlar: Beate O. Kornberg Objekt: Arkiv: 140 Saksnr 026/16 Arkivsaknr.: 16/1159-9 Planprogram for kommuneplanen sin samfunnsdel 2017-2030 - høyring Vedlegg: Dok.nr 282512 Tittel på vedlegg Utkast til planprogram: Kommuneplan for Gloppen kommune 2017-2030 - samfunnsdelen Frå tidlegare behandling av saka: Bakgrunn for saka: I «Kommunal Planstrategi 2016 – 2020 for Gloppen kommune» har kommunestyret vedteke full revisjon av den gjeldane kommuneplanen sin samfunnsdel, med oppstart hausten 2016 og ferdigstilling i løpet av 1. halvdel av 2017. Den legg vidare opp til ei delvis revidering av gjeldande arealplan hausten 2017. For å sikre ei brei forankring av planprogrammet pliktar kommunen å innhente synspunkt frå offentlege instansar og berørte interesser. Utkast til planprogram skal sendast på høyring og leggast ut til offentleg ettersyn i minst 6 veker før kommunestyret si slutthandsaming, jfr. plan- og bygningslova (Plb.) § 11-13. I kommunestyremøtet 26.09.16, då planstrategien vart vedteken, fekk rådmannen i oppdrag å vurdere om planprosessane for samfunnsdelen og arealdelen kan samordnast i tid, med endeleg vedtak av begge hausten 2017. Saksutgreiing: Kommuneplanen sin samfunnsdel er kommunen sitt verktøy for heilskapleg planlegging. Gjennom arbeidet med samfunnsdelen skal kommunen synleggjere sine viktigaste utfordringar knytt til samfunnsutvikling, sette seg konkrete og overordna mål og gjere strategiske val. Før oppstart skal det utarbeidast eit planprogram, jamfør Plb. §4-1. Planprogrammet skal gjere greie for formålet med planarbeidet, beskrive planprosessen og kva medverknadsprosessar det vert lagt opp til. Den skal vidare beskrive organisering av arbeidet, og innehalde ein framdriftsplan. I rådmannen sitt forslag til planprogram for samfunnsdelen er det lagt særskild vekt på å legge til rette for ei brei medverknad. Brei deltaking i samfunnsutviklinga er eit viktig verkemiddel for å sikre lokale og nasjonale fellesverdiar, og skape eit lokalt engasjement blant kommunen sine innbyggarar. Planprogrammet legg altså opp til ei kommunikativ form for planlegging, og ulik grad av medverknad gjennom ulike delar av prosessen. Den første fasen av planarbeidet vil dreie seg om val av visjon/posisjon. Kva vil vi at Gloppen skal vere kjent for? Kvar skal vi vere om 10 år eller 20 år? Dette arbeidet vert førebudd allereie på eit «kickoff» for planarbeidet 31.10.16. I den første fasen er det ønskjeleg med innspel frå så mange som råd, og verkstader/arenaer for medverknad skal leggje til rette for det. Etter ein brei inngang til temaet skal vidare arbeid gå føre seg i ei eller fleire arbeidsgruppe. Desse bør vere sett saman på tvers av roller og interesser, til dømes av politikarar, tilsette, næringsliv og utviklingslag. Gruppene skal ta val, spisse bodskapen og leggje fram forslag til formannskapet som er styringsgruppe for planarbeidet. Når utkast til samfunnsdelen er ferdig utarbeidd, skal dette ut på høyring, som er siste høve til medverknad. I denne fasen legg planprogrammet opp til at kommunen skal vere til stades på ulike arenaer og arrangement for å kome i dialog med innbyggarar. Engasjement blant både innbyggarar, tilsette, politikarar, næringsliv og andre grupper av interessentar er ikkje berre viktig for utarbeidinga av kommuneplanen, men òg for å samlast om ein visjon og dra utviklinga i lag når strategiane skal settast ut i live. Økonomiske konsekvensar for kommunen: Rådmannen har ikkje noko konkret beløp på kva det vil koste å utarbeide ein ny kommuneplan, men kostnaden blir sjølvsagt vesentleg med alt arbeidet som må leggast ned for å få ein god prosess og ein tenleg plan. Rådmannen legg opp til at arbeidet skal gjerast i kommunal regi og med dei tilsette vi har i dag. Rådmannen si vurdering: Forslaget til planprogram inneheld bakgrunn og målsetting for planarbeidet og informasjon om organisering, medverknad og framdrift. Rådmannen vil i sitt arbeid med planen ta utgangspunkt i dei utfordringane som er trekt fram i kommunen sitt «Utfordringsdokument» og dei fem hovudsatsingsområda som er vektlagt i vedteken «Planstrategi 2016-2020». Planprosessen vil avgjere om det i tillegg skal leggast vekt på andre tema. Etter rådmannen sitt syn oppfyller planprogrammet forventningane i plan- og bygningslova, og er eit realistisk planprogram som vil la seg gjennomføre i løpet av føreslege tidsramma og med dei planressursane kommunen har i dag. Administrativt vil rådmannen bruke si leiargruppe til å styre arbeidet med kommuneplanen sin samfunnsdel. Det kommunale planforumet vil få oppgåva med å organisere og gjennomføre prosessen rundt dei ulike temaområda, og fungere som sekretariat. Formannskapet vil bli løpande orientert om prosess og framdrift. --(…) RÅDMANNEN SI TILRÅDING: Formannskapet legg rådmannen sitt framlegg til planprogram for «Kommuneplan for Gloppen kommune 2017-2030 – Samfunnsdel» ut på høyring med føreslege framdriftsplan, organisering og opplegg for medverknadsprosessar. 17.10.2016 FORMANNSKAPET 121/16 VEDTAK: Formannskapet legg rådmannen sitt framlegg til planprogram for «Kommuneplan for Gloppen kommune 2017-2030 – Samfunnsdel» ut på høyring med føreslege framdriftsplan, organisering og opplegg for medverknadsprosessar. Vedtaket var samrøystes. Vidare behandling av saka: Planprogrammet for ny samfunnsdel vart lagt ut på høyring og offentleg ettersyn 17. oktober, med frist for å kome med innspel innan 28. november. Det er eit klart mål i arbeidet med ny samfunnsdel å legge til rette for at flest mogleg innbyggarar, politikarar, næringsaktørar, frivillige lag og organisasjonar og leiarar og tilsette tek eigarskap i prosessen. I samband med høyringa ber rådmannen råda og utvala særleg om innspel til gjennomføring av medverknad i planprosessen. RÅDMANNEN SI TILRÅDING: ……. viser til framlegget til planprogram for samfunnsdelen til kommuneplanen for Gloppen kommune og har desse merknadene: GLOPPEN KOMMUNE SAKSPAPIR SAKSGANG Styre, utval, komite m.m. Oppvekstutvalet Helse- og omsorgsutvalet MULTEK-utvalet Eldrerådet Rådet for menneske med nedsett funksjonsevne Formannskapet Avgjerd av: Kommunestyret Saksbehandlar: Jan Kåre Fure Møtedato 16.11.2016 16.11.2016 17.11.2016 21.11.2016 21.11.2016 21.11.2016 Objekt: Arkiv: 151 Saksnr 038/16 037/16 125/16 027/16 135/16 Arkivsaknr.: 16/971-12 Årsbudsjettet for 2017 - økonomiplanen for 2017-2020 Vedlegg: Dok.nr 284872 284873 284874 284875 Tittel på vedlegg Årsbudsjettet for 2017 - Økonomiplanen for 2017-2020 Gebyr og betalingssatsar for 2017 Gebyr for byggjesak 2017 Gloppen Gebyrregulativ for arbeid etter matrikkellova og eigarseksjoneringslova Bakgrunn for saka: Rådmannen presenterte sitt framlegg til årsbudsjett for 2017 og økonomiplan fram til 2020 for kommunestyret den 14. november i år. Det er formannskapet som kjem med framlegg til kommunestyret om årsbudsjett for neste år og om økonomiplanen for dei neste fire åra. Som vanleg er det lagt opp til at råda og hovudutvala kjem med uttale til budsjettframlegget før formannskapet gjer vedtak om utlegging til offentleg gjennomsyn. Saksutgreiing: Rådmannen skriv dette i samandraget i budsjettdokumentet: Rådmannen sitt framlegg til årsbudsjett for 2017 og økonomiplan fram til 2020 er på driftssida i hovudsak ei vidareføring av dagens kommunale drift, og på investeringssida ei opplisting av prioriterte investeringstiltak som det – etter rådmannen si vurdering – er plass til med den oversikta vi no har over kommunen sin økonomi. Rådmannen sitt framlegg vil få Gloppen kommune ut av den såkalla ROBEK-lista som vi hamna på ved ein tabbe under utarbeidinga og behandlinga av siste økonomiplan. Framlegget til årsbudsjett for 2017 er i balanse utan bruk av disposisjonsfondet. To tiltak er rett nok finansierte med bruk av disposisjonsfond: kommunen sitt bidrag til fiber i Breim og på Sørstranda og tilskotet til klubbhus for golfklubben. Frå 2018 viser økonomiplanen eit mindre overskot kvart år. Nytt av året er at rådmannen legg fram lister over tiltak som burde vore gjennomførte viss øko-nomien hadde tillate det. Rådmannen legg også fram ei oversikt over stillingsendringane frå budsjett 2016 til budsjett 2017. Dette er eit forsøk for å få betre oversikt over kva som endrar seg på stillings-sida. Det er viktig og avgjerande at vi har kontroll med oppretting av nye stillingar. Rådmannen helsar velkomen kontrollutvalet sitt prosjekt for å sjå på rutinane ved stillingsoppretting. Desse nye stillingane ligg inne i rådmannen sitt framlegg: − Ei ny saksbehandlarstilling i administrasjonen, med 60 % bruk i 2017 − Ei ny stilling som helsesøster finansiert med statstilskot − Stillingar til ei ekstra klasse ved Gloppen ungdomsskule frå skuleåret 2017/2018 − Ei ny stilling på NAV Gloppen i samband med mottak av fleire flyktningar. Utgiftene til avdrag er auka og er no i samsvar med det rekneskapsforskriftene seier om nedbetaling av kommunale lån: nedbetalinga skal følgje avskrivingstida på prosjekta det er lånt til. Når rådman-nen – trass i så godt som nullvekt i skatt og rammetilskot – har funne plass til nokre nye stillingar og forskriftsmessig budsjettering av avdrag på lån, skuldast dette litt høgare avkastning og inntekter frå kraftverdiane våre, ei mindre oppjustering av takstgrunnlaget for eigedomsskatten på hytter og bustader og ein vesentleg auke i tilskotet til mottak av flyktningar. Det siste fører sjølvsagt også til auka driftsutgifter. Heile driftsbudsjettet er stramt. Det viser sektorane sine lister over tiltak som burde vore med. Det er ikkje lagt inn endringar i drifta i åra etter 2017 utover driftsmessige konsekvensar av investeringsframlegget. Rådmannen legg fram eit framlegg til investeringsplan på vel 350 millionar i perioden. Dette vil auke lånegjelda til kommunen med om lag 230 millionar. Dei store tiltaka er: − Rehabilitering av skuleanlegget i Hyen, 53,7 mill. − Nytt omsorgsbygg, 42,8 mill. − Ny brannstasjon med utleigelokale til politiet, 40 mill. − Utviding av bustadfestet i Valborgkleiva, 14,8 mill. Rådmannen har ikkje sett av midlar til utviding av skulane på Sandane og på Nordstranda i påvente av barnehage- og skulebruksplanen. Rådmannen har heller ikkje sett av noko særleg til sentrums-utvikling og bustader sidan eg her ventar på bustadpolitisk plan og resultatet av parallelloppdraget i sentrum. Saman med budsjettdokumentet legg rådmannen også fram sitt forslag til kommunale gebyr og prisar for 2017. Gebyr- og betalingsheftet vil bli behandla som eiga sak i neste runde av den folkevalde behandlinga av budsjettframlegget. Økonomiske konsekvensar for kommunen: Dette er ikkje eit aktuelt punkt i denne saka. Rådmannen si vurdering: Rådmannen sine vurderingar går fram av budsjettdokumentet. Rådmannen kjem ikkje med tilråding i saka i fasen av budsjettarbeidet. RÅDMANNEN SI TILRÅDING: … GLOPPEN KOMMUNE SAKSPAPIR SAKSGANG Styre, utval, komite m.m. Eldrerådet Rådet for menneske med nedsett funksjonsevne Helse- og omsorgsutvalet Avgjerd av: Helse- og omsorgsutvalet Saksbehandlar: Anita Lothe Møtedato 21.11.2016 21.11.2016 23.11.2016 Objekt: Arkiv: G0 Saksnr 028/16 Arkivsaknr.: 12/545-61 Kommunal akutthjelp døgnopphald innan psykisk helse- og rusområde Ingen vedlegg. Bakgrunn for saka: I Stortingsmelding nr 26 (2014-2015) «Fremtidens Primærhelsetjeneste – nærhet og helhet», er eit av tiltaka å innføre kommunal akutthjelp døgnopphald (KAD) også innan for psykisk helse- og rusområdet frå 2017. Fram til denne tid har dette tilbodet vore tenkt til somatisk sjuke pasientar. Dette er også i tråd med samhandlingsreforma som legg til grunn at kommunane skal ta eit større ansvar for behandling og oppfølging av pasientar, også innan psykisk helse og rus. Regjeringa vil tydeliggjere kommunane sitt ansvar for forsvarlege tenester til menneske med psykisk sjukdom og rusproblematikk. Dette blant anna ved å innføre betalingsplikt for utskrivingsklare pasientar innan psykisk helsevern og tverrfagleg spesialisert rusbehandling frå 2018. I tillegg vil den kommunale plikta til akutthjelp døgnopphald også omfatte brukarar med psykisk helse- og rusproblematikk. Helse- og omsorgsutvalet i Sogn og Fjordane sette ned ei arbeidsgruppe som skulle utgreie forholda kring denne oppgåva og kome med ei tilråding til korleis kommunane skulle løyse denne oppgåva. I arbeidsgruppa har det vore representantar frå ulike profesjonar, ulike kommunar og Helse Førde. Gloppen har delteke med lege og sjukepleiar. I juni 2016 leverte arbeidsgruppa frå seg rapport med tilråding. Dei tilrår å knyte tilbodet opp mot allereie eksisterande somatiske KAD-plassar. Kvar kommune skal utarbeide eiga særavtale med Helse Førde når det gjeld dette tilbodet. Det er truleg aktuelt å revidere eksisterande avtale til å også gjelde psykisk helse- og rusområdet. I Gloppen har lokal faggruppe vurdert rapporten og vi ser at det nye tilbodet kan knytast opp mot KAD-plassane på Gloppen omsorgssenter 1. etg. Vi tenker at dei to KAD-sengane også kan nyttast til pasientar innan rus og psykiatri som skal ha eit slikt tilbod. Pasientar som er aktuelle for dette tilbodet er pasientar med avklarte tilstandar og diagnosar der hovudproblemet er forverring av kjent liding. Alvorleg sjuke pasientar med uavklara problemstillingar skal fortsatt ha behandling i spesialisthelsetenesta. Det er vakthavande lege i kommunen som vurderer pasientar for dette tilbodet. Kor stort behovet er for denne typen tilbod er uvisst. Erfaringane frå det eksisterande KAD-tilbodet i fylket er så langt at tilbodet ikkje vert nytta i så stor grad som det er dimensjonert for. For å kunne gje eit fagleg forsvarleg tilbod er det behov for å auke kompetansen på dette fagområdet, samt auka bemanning når det er behov for det i eininga. Vi har i dag tilsette i eininga med denne spesialkompetansen, og vi vil sette i verk ulike tiltak for å heve den generelle kompetansen i eininga på dette området. Vakthavande lege, fastlegar og den kommunale psykiatri-eininga er sentrale kommunale samarbeidspartar i dette tilbodet. I tillegg vil psykiatrisk avdeling og ambulerande team frå spesialisthelsetenesta også vere viktige samarbeidspartar. Vakthavande lege og tilsynslege vil saman med tilsette på omsorgssenteret vere ansvarlege for det faglege tilbodet til pasientane som er innlagt på KAD. Økonomiske konsekvensar: Det er foreløpig uvisst kor mykje eit slikt tilbod vil koste. Vi vil ha utgifter knytt til kompetanseheving og ekstra bemanning når det er aktuelt. I framlegg til statsbudsjettet for 2017 er det lagt inn ei auke i rammetilskotet på kr 177 000 til denne oppgåva. Dette er lagt inn i ramma for helse- og omsorgssektoren i budsjettet for 2017. Rådmannen si vurdering: Rådmannen legg i første omgang saka fram til orientering. RÅDMANNEN SI TILRÅDING: Helse- og omsorgsutvalet tek saka til orientering. GLOPPEN KOMMUNE SAKSPAPIR SAKSGANG Styre, utval, komite m.m. Rådet for menneske med nedsett funksjonsevne Helse- og omsorgsutvalet Avgjerd av: Helse- og omsorgsutvalet Saksbehandlar: Anita Lothe Møtedato 21.11.2016 23.11.2016 Objekt: Arkiv: G00 Saksnr 029/16 Arkivsaknr.: 16/461-7 Miljøarbeiderteneste - organisering av tenester til menneske med utviklingshemming Ingen vedlegg. Bakgrunn for saka: Gloppen kommune vurderer å omorganisere tenestene til menneske med utviklingshemming til ei ny miljøarbeidarteneste. Målet med ei eventuell omorganisering er betre tenester til brukarane, gode fagmiljø for dei tilsette, betre ressursutnytting og meir fleksible tenester. Brukarane skal fortsatt motta tenestene dei har vedtak på og faste tilsette skal ikkje misse arbeidet. Bakgrunnen for dette arbeidet er fleire forhold − Ynskje og behov for større fleksibilitet i tenestene for å kunne tilpasse bruk av ressursane ved behov og ikkje minst ved endra behov − Deler av tenestene i dag er lite hensiktsmessig organisert og lite fleksibel for å stette behova til brukarane − Ansvarsområdet for nokre av leiarane i dag er for stort og komplekst − Menneske med utviklingshemming er ei sårbar gruppe som er avhengig av kjende tilsette, kontinuitet og stabilitet i tenestene. Dette har vi ikkje fått godt nok til for nokre av brukarane − Tanken er å skape gode fagmiljø, der vi lettare kan rekruttere gode fagpersonar til tenestene − Målet er best mogleg tenester til brukarane. Det ligg no føre eit forslag til organisering. Arbeidet med å vurdere ei ny organisering har vore ein prosess der tillitsvalde, brukarrepresentantar, helse- og omsorgssjef og einingsleiarar har vore med. Forslag til ny organisering er ei eining med tre avdelingar: Åsavegen/Nordåsen/heimebuande, Åsateigen, Solsikka, med ein einingsleiar og tre avdelingsleiarar. Desse vil vere eit leiarteam med felles ansvar for tenestene. Einingsleiar skal ha overordna ansvar for budsjett, økonomi, ressursfordeling mellom einingane, oppfølging av sjukemelde, personalmøte, personalsaker, saksbehandling og fagleg ansvar for tenesta. Avdelingsleiarane skal ha ansvar for den daglege drifta, turnus, dagleg personalansvar, fagleg ansvar og ressursbruk i avdelingane. Fordeling av administrasjonsressursar og vurdering av behov er gjort på grunnlag av vurdering av tal tilsette i kvar avdeling, sett i samanheng med kompleksiteten i tenestetilbodet i dei ulike avdelinga. Figuren under illustrerer ei eventuell ny organisering. Det er teke utgangspunkt i dei ressursane vi har i dag og kvalitetssikra at vi har ressursar til å yte dei tenestene vi i dag har gjort vedtak om. Ingen faste tilsette skal miste arbeidet, men for nokre tilsette vil det medføre nye, endra og spennande oppgåver. Brukarane skal motta dei tenestene dei har vedtak på. Vurderingane som er gjorde er at det er positivt å ha ein einingsleiar som har det overordna ansvaret for tenesta samla og har overordna økonomi- og personalansvar for alle tre avdelingane. Vi har tru på at ressursane vil verte betre utnytta og tenestene kan koordinerast betre slik at det kan takast høgde for individuelle tilpassingar til den enkelte brukar. Ny organisering kan bidra til betre kvalitet på tenesta ved at det blant anna ikkje vert så mange ukjente personar på enkelte brukarar slik det er i dag. Vi vil få eit større fagmiljø og høve til å tilsette folk i større stillingar ved at dei kan arbeide mellom tenestene ved behov. Dette kan bidra til betre rekruttering i tenesta. Vi vil no halde informasjonsmøte for tilsette og brukarar/pårørande og vurdere innspel som kjem til forslaget om ny organisering. Så skal det eventuelt gjerast eit endeleg administrativt vedtak om ny organisering. Dersom ny organisering vert fastsett, skal ei ny eining planleggast. Tidsperspektivet på ei eventuell omorganisering er ikkje klart. Det er viktig å bruke nok tid slik at vi får gode prosessar. Vi skal ivareta dagens einingsleiarar og andre tilsette. Ny einingsleiar og avdelingsleiarar bør vere delaktige i planlegging av ei ny miljøarbeiderteneste. Dato for ei eventuell omorganisering er uviss, kanskje kan vi få det til i løpet av 2017. RÅDMANNEN SI TILRÅDING: Helse- og omsorgsutvalet tek saka til orientering. GLOPPEN KOMMUNE SAKSPAPIR SAKSGANG Styre, utval, komite m.m. Rådet for menneske med nedsett funksjonsevne Møtedato 21.11.2016 Avgjerd av: Rådet for menneske med nedsett funksjonsevne Saksbehandlar: Åslaug Haugset Objekt: Arkiv: F40 Saksnr 030/16 Arkivsaknr.: 15/48-25 Plan for samordning av tenester til barn og unge - høyring Vedlegg: Dok.nr 284626 Tittel på vedlegg Samordning av tenester til barn og unge - høyringsutkast Tidlegare behandling av saka, då oppvekstutvalet og helse- og omsorgsutvalet vedtok å legge framlegget til plan ut på høyring: Bakgrunn for saka: Gloppen kommune har mange barn og unge med behov for ulike tenester, både frå oppvekstsektoren og helse- og omsorgssektoren. Fagmiljøet ser behov for ei betre samordning desse av tenestene, og fleire har peika på behovet for ein heilskapleg plan for tenestetilbodet til denne gruppa. Auka tverrsektorielt samarbeid og meir heilskaplege og samstemde tenester er òg eit målbilete i kommunen sin planstrategi for 2016-2019. Med bakgrunn i dette har to administrative arbeidsgrupper utarbeidd eit utkast til «Plan for samordning av tenester til barn og unge». Saksutgreiing: Målet med planen er å sikre betre kvalitet og kontinuitet i tenesta gjennom å styrke det tverrsektorielle samarbeidet og auke kompetansen blant tilsette. Planen er utarbeidt av to tverrfaglege arbeidsgrupper der den eine har hatt fokus på barn og unge med nedsett funksjonsnivå og den andre på barn, unge, foreldre og familiar som det er kan vere grunn til å vere urolege for. Planen løftar fram nokre område der Gloppen har eit potensiale for å betre tenestane sine til målgruppa: - Ei god og systematisk koordinatoropplæring - Sikre gode overgangar mellom ulike tenestearenaer og i ulike fasar i livet til barn og unge - Prøve ut ei ny organisering av tenester kring barn og unge som har eit avlastningstilbod - Greie ut om det er tenleg å etablere eit alternativt skuletilbod for barn med nedsett funksjonsevne og store habiliteringsbehov ved ein av barneskulane - Utarbeide gode tverrsektorielle samarbeidsmodellar for å sikre at vi unngår brot i oppfølginga til barn/familiar som det er kan vere grunn til å vere urolege for - Arbeide med informasjon og kunnskap om dei ulike tenestene, både internt i kommunen og ut til brukarane - Samordne kommunale tilbod innan foreldrerettleiing i dei ulike tenestane og vidareutvikle kompetansen på feltet. Planen peikar òg på behovet for både private og kommunale bustader som er tilpassa dei ulike funksjonsnivåa og behova til den enkelte brukar. Mykje av innhaldet i planen bygger på erfaringar frå målgruppa og føresette slik dei har kome til uttrykk i møte med hjelpeapparatet, men så langt har det ikkje vore lagt opp til medverknad på utforminga av planen. Difor vil vi i høyringsperioden legge til rette for at målgruppa/føresette kan uttale seg. Tenestene som møter desse skal gjere dei merksame på planen som ligg til høyring, og kunne formidle innspel. Det kan òg bli aktuelt å arrangere møtepunkt med aktuelle grupper for å informere om planen og hente inn innspel. Også rådet for menneske med nedsett funksjonsevne skal behandle høyringsutkastet i høyringsperioden. Økonomiske konsekvensar for kommunen: Planen legg opp til eit arbeid på systemnivå som vil krevje ressursar i form av arbeidstid. Utviklingsarbeid knytt til prosjekt som er omtala i planen er delfinansiert gjennom tilskot. Rådmannen si vurdering: Rådmannen vurderer det som viktig at denne planen vert lagt ut på høyring og at det aktivt vert lagt til rette for medverknad frå målgruppa/føresette i høyringsperioden. --Rådmannen legg opp til at saka blir behandla felles på oppvekstutvalet og helse- og omsorgsutvalet sine møte den 16. november. RÅDMANNEN SI TILRÅDING: Oppvekstutvalet og helse- og omsorgsutvalet vedtek å legge planen for samordning av tenester til barn og unge ut til høyring med høyringsfrist 9. januar 2017. Høyring i rådet for menneske med nedsett funksjonsevne: Behandlinga av saka i oppvekstutvalet og helse- og omsorgsutvalet er ikkje ført inn i møteboka, men utvala vedtok å utsette fristen til februar 2017: oppvekstutvalet til 1. februar og helse- og omsorgsutvalet til 9. februar. Høyringsfristen blir nok då 9. februar 2017. Høyringsframlegget er vedlagt saka, og rådet for menneske med nedsett funksjonsevne er inviterte til å uttale seg. Rådmannen kjem ikkje med framlegg til høyringsuttale. RÅDMANNEN SI TILRÅDING: …….
© Copyright 2024