18 TORSDAG 12. JANUAR 2012 SPORT Kontaktperson vekedagar: Mona N. Stensvold Telefon: 926 67 967 E-post: [email protected] Helg: 976 99 000 [email protected] Geiling i tet mot Sørpolen Team Framdrift med geilingen Håvard Svidal (35) i spissen ligg klart best an i kappløpet mot Sørpolen. SIGMUND KRØVEL-VELLE [email protected] SKI: – Drivkrafta er å slå engelsk- mennene til Sørpolen, slik Amundsen gjorde mot Robert Scott i 1911, seier Sven-Erling Brusletto, kontaktmann for det norske laget Framdrift. Mange vil Det kan sjå ut som det er gått inflasjon i å ta seg fram til Sørpolen i høve 100-årsjubileet for polferda til Roald Amundsen, som nådde polpunktet 14. desember 1911. Eit av dei kappløpa som blir arrangert, er i regi av World Extreme Races. Det er eit privat eventfirma som arrangerer ekstremturar for skikkeleg hardbarka tøffingar, i Arktis, Antarktis og i det kalde Sibir. Teknikkar Forutan Håvard Svidal består Framdrift av Erlend Gray og Mathias Seim, alle med bakgrunn frå Forsvaret. – Deltakinga har vore førebudd i eit par år, fortel Brusletto. Dei har funne fram teknikkar for å kunne gå lengst mogleg på ski så effektivt som råd. Dei har m.a. eksperimentert med kor lite søvn og kvile ein treng. I praksis betyr dette at ved ein stopp, legg to mann seg straks til å sove, medan den tredje ordnar mat og utstyr. For å få til dette, er alt utstyr nøye valt ut. Ski og sledar er preparert for å gi minst mogleg friksjon mot underlaget. Maksimalt Under slike forhold er det marginane som tel. Eit sentralt punkt er t.d. tida det tek å smelte snø til vatn. Ved hjelp av tusenkunstnaren Pål Åge Slettemoen i Hol har ein modifisert eit kokeapparat til å gi betre effekt. – Det handlar om maksimal utnytting av folk og utstyr, seier Brusletto. Medan deltakarane på ein vanleg ekspedisjon brukar eit par timar på å stå opp, ete og bryte leir, har det norske FINPUSSAR: Kor effektivt kan ein smelte snø til vatn? Pål Åge Slettemoen har forbetra ein paraﬁnbrennar for å gi maksimal effekt. laget fått fram teknikkar og rutinar som gjer at dei klarer dette på 15 minutt. Laga Deltakarane tek seg fram på ski, med pulk, og det norske laget har truleg eit naturleg fortrinn her, viser ein film frå vintertrening for alle laga på Hjerkinn i fjor. Startskotet gjekk 4. januar, og den 10. januar leia laget med to dagsetappar på dei andre laga. Dei hadde då tilbakelagt 194 km og hadde 507 km att til polpunktet. Team Framdrift konkurrerer mot eit walisisk lag, eit engelsk, eit engelsk/nederlandsk og eit sørafrikansk lag. Ventar Brusletto er usikker på kva som ventar på polpunktet. – Eg trur ikkje det ventar så mykje pengar og rikdom. Dette er tvert om eit kappløp der kvar deltakar har betalt ca. 300.000 for å vere med. Det går vel meir på «ære og berømmelse». Ved tidlegare kappløp er det blitt laga ein TV-dokumentar av eit britisk TV-selskap, og slik eg forstår det, er dette tilfelle også no. Det er nok utfordringa ved å takle ekstreme forhold, og å slå engelskmennene i Antarktis ein gong til, som er drivkrafta for dei som deltek, seier Brusletto. Trakkar på Kommunikasjonen med Antarktis er naturleg nok ikkje den enklaste. Men pr. satellitttelefon har Håvard Svidal lest inn meldingar på bloggen til det norske laget. Den siste meldinga er frå 8. januar: – Hei! Dette er Håvard, live inne frå isaudet. Me trakkar på her. Det er god stemning. (Hyl frå dei to i bakgrunnen). Gutta leverer så det er heilt drøyt. Vi klemmer på. Det er eit fantastisk ver. Og me tenkjer på dykk heime! På nett Følg Team Framdrift på http://framdrift.com Følg kappløpet på extremeworldraces.com LAGET: Håvard Svidal (t.v.) er kaptein på laget. Saman med Mathias Seim og Erlend Gray er dei fotografert på ein treningstur