1. No category

Heimreise
Dagkirurgiske pasientar kan reise etter 3 timar, om dei er i form til det, men skal
alltid ha tilsyn av ein vaksen det første døgnet etter operasjonen. Innlagde
pasientar reiser heim neste dag.
Velkomen til Dagkirurgisk seksjon
ØNH Ålesund sjukehus
Smerter: Det er vanlegvis lite smerter etter operasjonen, men barnet kan trenge
smertestillande nokre dagar. Det held oftast med paracetamol/ ibux
smertestillande, følg dosering anbefalt på pakken frå apoteket.
Mat og drikke: Det er ingen restriksjonar i samband med mat og drikke.
Aktivitet: Barnet skal ta det med ro den første uka etter operasjonen. Skulebarn
kan gå på skule som vanleg om dei er i form til det, men skal ha fritak frå
gymnastikk eller anna fysisk aktivitet dei 2 fyrste vekene etter operasjonen.
Ungdom som er i arbeid vert ofte sjukemeldt i 7-14 dagar.
Hygiene: Bandasjen skal vere på til stinga fjernast etter 7-10 dagar. Barnet kan
dusje kroppen, men de må passe på så bandasjen ikkje vert våt.
Pasientinformasjon
Til deg som skal fjerne kul på halsen
 Barn/ungdom og pårørande
Sunblock: Det første året etter operasjonen bør arret dekkast med plaster eller
sunblock når barnet er ute i sola. Dette for at arret skal verte penast mogleg.
Komplikasjonar: Dersom barnet/ ungdomen har feber over 38 gradar i meir enn 3
timar, kan det vere teikn på infeksjon og lege må kontaktast. Det same gjeld om
barnet vert hoven og raud i huda rundt operasjonssåret, eller får aukande smerter
etter operasjonen.
Telefon:
Dagkirurgisk seksjon: 70 10 52 37 (man-fre 0800-1700)
ØNH-ekspedisjon: 70 10 58 32 (man-fre 0800-1000 og 1300-1500)
ØNH-pol: 70 10 52 70 (man-fre 0800-1530)
Ålesund sjukehus sentralbord: 70 10 50 00
NØDNUMMER: 113
Helse Møre og Romsdal HF – Postboks 1600 – 6026 Ålesund
www.helse-mr.no
www.helse-mr.no
Før operasjonen
Operasjonsdagen
Barnet/ ungdomen har fått time for å fjerne ein kul på halsen i narkose. Inngrepet
vert oftast gjort dagkirurgisk, men nokon vert innlagd til neste dag av medisinsk
grunn.
Plassforholda ved overvakinga er begrensa, og det kan vere at pårørande må
veksle på og vere inne hos barnet, om to vaksne er med. Operasjonsdagen
melder de dykk i luke 3 ved Dagkirurgisk seksjon, 1 etg. Deretter vert de møtt
av ein sjukepleiar som vil førebu barnet til operasjon. Det kan somme tider vere
naudsynt å barbere vekk litt av håret på den sida kulen er. Pasienten får
pyjamas og seng. Det kan bli litt venting, så ta gjerne med smokk, kosedyr,
nettbrett o.a. slik at barnet kjenner seg trygg. Ventande og ferdigopererte barn
ligger nærme kvarandre, så vi prøver å skape ro ved å snakke med dempa
stemme og har lågt støynivå.
Barnet/ ungdomen må vere frisk, ikkje ha oppkast, feber eller vere forkjøla. Ta
kontakt om de er i tvil. Dersom de av anna grunn er forhindra frå å møte til tildelt
time må de gje beskjed snarast råd.
Faste: Den som skal til operasjon skal faste frå kl 24 kvelden før operasjonen.
Det vil sei; ikkje ete mat eller drikke juice, mjølk, eller andre drikker som inneheld
mjølk. Klare væsker som vatn og saft kan drikkast fram til 2 timer før
oppmøtetid. Det er viktig og ikkje vere tom for energi ved oppmøte da det kan
bli litt venting.
Det er ikkje lov å ete drops eller tyggegummi. For ungdom som røyker eller
bruker snus er dette heller ikkje tillate etter kl.24.
Hygiene: For å hindre infeksjonar må alle dusje og vaske håret kvelden før
operasjonen eller operasjonsdagen. Ungdom med skjeggvekst må fjerne bart og
skjegg. Smykke, ringar, piercing og neglelakk må fjernast.
Lokalbedøvande krem: Små barn bør få ein lokalbedøvande krem på venstre
handbak og på innsida av venstre olboge der det skal settast ei kanyle før
narkosen. Emla krem/ plaster får ein kjøpt reseptfritt på apotek, og skal påførast
ein time før frammøte.
Medisinar: Om barnet/ ungdomen har astma og bruker inhalasjonsmedisin skal
denne takast som vanleg operasjonsdagen. Det er viktig å ta med alle
medisinar til sjukehuset. Astmamedisin skal ein ta med, sjølv om det
brukast kun ved behov. De som skal overnatte på pasienthotellet MÅ også
ta med dei smertestillande medisinane som de har fått resept på.
Operasjon: Ein pårørande får bli med til barnet/ ungdomen søv på
operasjonsstua, deretter vert vedkomande følgd ut. Operasjonstida er vanlegvis
ca. 2-4 timar.
Observasjon: Når operasjonen er ferdig blir pårørande henta, og er saman
med pasienten resten av tida. Dagkirurgiske pasientar kan reise heim etter 3
timar om dei er i form til det, og må ha tilsyn av ein vaksen det første døgnet
etter operasjonen. Innlagde pasientar vert overflytta til Barne- og
Ungdomsavdelinga etter 1-3 timar.
Drikke: Under og etter operasjonen får alle pasientar væsketilførsel i armen.
Barnet/ ungdomen får drikke vatn så snart det er i form til det etter operasjonen,
og kan ete mat etter nokre timar.
Smertestillande: På oppvakinga vert smertestillande gitt intravenøst om barnet
har behov for det, seinare kan barnet få stikkpiller eller tablettar.
Bløding: For å minske risikoen for bløding skal ein halde seg i ro etter
inngrepet, og ha lett heva hovudende i senga.
Bandasje: Det vert lagt på ein bandasje over operasjonssåret, som skal ligge
på til stinga skal fjernast. Somme tider er det naudsynt å legge inn dren, dette
vert i så fall fjerna etter 1-2 dagar.
www.helse-mr.no
www.helse-mr.no