DEN NORSKE KYRKJA
Kyrkjekontoret i Fjaler
Pb. 18 6961 Dale i Sunnfjord
Telefon: 57 73 97 70
E-post: [email protected]
www.fjaler.kyrkja.no
Dale, tysdag 19. mai 2015
Kjære ungdom og foreldre!
Med dette vert du invitert til å vere med på konfirmasjonstida i Fjaler for året
2015-2016 med konfirmasjonsgudsteneste på vårparten neste år. Vi håpar du har lyst å vere
med!
Som konfirmant vert du betre kjend med oss som arbeider i kyrkja og kyrkjelyden. Men vi
ønskjer aller mest at du skal bli betre kjend med Jesus Kristus.
Vi vil fokusere på dei ”STORE” spørsmåla; om Gud, om trua og mennesket, livet og døden.
Dessutan vil vi diskutere mange etiske tema og dei vala vi gjer i livet.
I løpet av konfirmasjonstida som er om lag 60 timar, skal vi gjere og vere saman om mange ting.
Alle samlingane er utanom skuletida på Ljosheim i Dale. For at konfirmasjonstimane skal gå
minst mogleg ut over fritidsaktivitetane, blir dei fordelt på forskjellige vekedagar med ei
samling i månaden i tidsrommet kl. 18.00-20.30.
Til hausten samlast vi:
 måndag 14. september
 tysdag 20. oktober
 onsdag 18. november
 torsdag 10. desember
I tillegg til dette blir konfirmantane delte inn grupper 9a og 9b i Dale, og Våge-konfirmantane
som gruppe i ytre Fjaler - som kvar førebur ei gudsteneste.
9a har samling torsdag 16. oktober på Ljosheim.
9b har samling torsdag 27. november på Ljosheim.
Våge-konfirmantane har samling torsdag 3. desember i Hellevik kapell (følgjer skulebussen).
Desse samlingane er rett etter skuletid kl. 14.30-16.30.
Fredag 23. oktober reiser konfirmantane på Nattcup til Førde.
I vårsemesteret 2016 skal vi reise på konfirmanthelg til Alværa 12.-13. mars, laurdag og
søndag. Merk av datoane allereie no!
Den obligatoriske samtalegudstenesta vil vi ha som avslutning på konfirmanthelga og vil vere
om kvelden 13. mars kl. 19.00 i Dale kyrkje for alle konfirmantane i Fjaler.
Fasteaksjonen, måndag-tysdag 14.-15. mars 2016, er ein dør-til-dør-aksjon der konfirmantane
samlar inn pengar til Kirkens Nødhjelp. Bøsseberaren vel sjølv den dagen det passar.
Fasteaksjonen blir avslutta med solidaritetskonsert i Dale kyrkje 15. mars kl 20.00.
I løpet av året må konfirmantane delta på til saman 10 gudstenester – også som medliturgar
saman med presten. Dei song- og musikkglade konfirmantane kan bidra som forsongarar, i kor
og spele i nokre gudstenester.
Skal opplegget fungere, krevst det at kvar konfirmant er villig til:
- Å gå inn for å få mest mogleg ut av konfirmasjonstida.
- Å fylgje opplegget så langt som råd.
Udøypte konfirmantar, kan bli døypt i løpet av konfirmasjonstida. For å bli konfirmert, må ein
vere døypt. Viss dette er aktuelt, berre ta kontakt med presten.
Eigenbetaling for aktivitet i konfirmantåret er kr 1280,-. Dette er med og dekkjer utgifter til
Nattcupen m/bussreise retur laurdag morgon frå Førde, konfirmanthelg på Alværa, og
konfirmantkapper som leverast ferdig vaska og strokne konfirmasjonsdagen.
Giro vil bli sendt til dei påmelde på haustparten.
Ønskjer du å bli innskriven som konfirmant, må du gå inn på vår heimeside på denne adressa,
https://minkirkeside.no/Fjaler og melde deg på før innskrivingsgudstenesta. Ha klart telefonnr
og e-post til konfirmanten og foreldra samt stad og dato for dåp før du begynner. Du registrerer
deg først med mobilnummer, så får du ein kode som du tastar inn.
Vi vil ha innskrivingsgudstenester for konfirmantane i Fjaler allereie før ferien:
Guddal kyrkje 25. mai kl 11.00
Dale kyrkje 7. juni kl 19.30
Hellevik kapell 14. juni kl 11.00
Dei konfirmantane som høyrer til desse gudstenestestadene, møter på desse tidspunkta. Det
som skjer på innskrivingsgudstenesta, er at konfirmantane i løpet av gudstenesta skriv namnet
sitt på avtaleskjemaet som du har fått vedlagt. Dette er kun til informasjon for deg i brevet. På
gudstenesta vil det ligge eit avtaleskjema til kvar konfirmant til underskrift der dette vil bli
gjennomført som eige punkt i gudstenesta.
Til hausten er gudstenestene med konfirmantpresentasjon desse søndagane:
23. august kl 11.00 i Dale kyrkje
23. august kl 19.30 i Folkestad kapell
30. august kl 11.00 i Guddal kyrkje
Konfirmasjonsgudstenestene våren 2015 er slik sett opp:
Hellevik kapell
søndag 1. mai kl 10.00
Folkestad kapell
søndag 1. mai kl 12.00
Guddal kyrkje
søndag 5. mai kl 11.00
Dale kyrkje
søndag 8. mai kl 11.00
Dette året skal Lilja Kristin og Knut Arne vere konfirmantprestane dykkar.
Vi ser fram til å bli betre kjent med deg! Velkommen som konfirmant 2014-2015!
Beste helsing
Lilja Kristin Thorsteinsdottir
og
Knut Arne Kummeneje