1. No category

Strategiplan forsking
 Visjon:
Forsking i TkVest skal ha høg kvalitet, gje ny kunnskap og bidra til utvikling av
tannhelsetjenesta.
 Forskingsmål:
Det overordna målet er å drive oral helserelatert forsking for å bringe fram ny
kunnskap til nytte for tannhelsetenesta (førebygging, diagnostikk, behandling og
innovasjon).
 Overordna forankring:
Forskingsstrategien er forankra i overordna dokument som statsbudsjettet, St.meld
35(2006-2007) og oppdragsdokument frå Helse- og omsorgsdepartementet.
Strategien er forankra i lover og forskrifter relatert til forsking, og forskrifter knytt til
kvalitet og pasientsikkerheit.
 Satsingsområde:
Forsking i TkVest skal omfatte klinisk forsking, adferdsteoretisk og epidemiologisk
befolkningsretta forsking. TkVest skal bidra til translasjonell forsking.
Alt tannhelsepersonell og forskarar kan initiere kliniske, praksisnære prosjekt som
tek utgangspunkt i problemstillingar og utfordringar i tannhelsetenesta.
 Kvalitetssikring og pasientsikkerheit:
Forsking i TkVest skal vera av høg standard og basert på Helsinkideklarasjonen,
og vera i samsvar med forskrifter i Helseforskingslova eller forskrifter gitt av
Personvernombodet.
 Etikk:
God forskingsetikk er eit ansvar for den enkelte forskar og prosjektleiar, og eit
systemansvar for organisasjonen. Etiske vurderingar skal gjennomførast
fortløpande av prosjektleiar og forskarar i alle faser av prosjektet. Forskinga skal
gjennomførast i samsvar med Vancouver-reglane.
 Innovasjon:
TkVest ynskjer å vera med i heile innovasjonsprosessen frå ide til implementering
og evaluering. Forsking i TkVest skal vera nyskapande og framtidsretta og kunne
leie
fram
til
nye
produkt,
produksjons-/behandlingsprosessar
og
organisasjonsformer, men også innovasjon i breiare ikkje-teknologisk betydning,
som f.eks. grøn innovasjon.
 Implementering:
Ny kunnskap som kjem fram gjennom forskinga skal om mogeleg kunne brukast i
den utøvande tannhelsetenesta. Leiinga saman med helsepersonell og forskarar
som bidreg til prosjektgjennomføring, vil kunne leggje til rette for at
forskningsresultat vert implementert i tenesta.
 Finansiering:
I følge St.meld nr 35 (2006-2007) vil staten finansiere forsking ved dei regionale
kompetansesentra. Denne finansieringa skjer i dag ved årlege tilskot frå
Helsedirektoratet, basert på søknad.
Forskingsaktivitetar innan dei ulike prosjekta vert kostnadsberekna for gjeldande år
og det vert søkt om finansiering frå staten.
TkVest skal arbeide for auka ekstern forskingsfinansiering av stipendiatar og
forskingsprosjekt i form av prosjektdrift.
I tillegg vil tannhelsetenesta bidra med midlar.
 Samarbeidspartnarar:
Forskarar ved TkVest skal vera initiativrike og delta i forskingsnettverk nasjonalt og
internasjonalt.
TkVest vil samarbeide breitt med ulike institusjonar og partnarar som:





Norske og internasjonale universitet
Offentleg og privat tannhelseteneste
Andre regionale odontologiske kompetansesenter
Allmennmedisinsk forskingseining
Helseforetak




Regionalt kompetansesenter for klinisk forsking (Helse Vest)
NIOM
Andre forskingsinstitusjonar
Privat industri
 Kompetansebygging:
TkVest skal bidra til å utvikle effektive tiltak for rekruttering av nye forskarar i
tannhelsetenesta. For å lykkast blir det viktig å drive langsiktig
rekrutteringsplanlegging og legge til rette for at klinikarar i tannhelsetenesa kan få
forskarutdanning. I tillegg skal klinikarar kunne tilbydast forskingsrelevante kurs
som gjer dei betre rusta til å bidra til forskingsprosjekt. For kandidatar under
spesialistutdanning ynskjer TkVest å dra nytte av deira oppdaterte kunnskap og
gjennom deira spesialistoppgåver å knytte dei til forskingsavdelingane.
 Formidling og publisering:
Forskarar ved TkVest skal formidle ny kunnskap slik at den kjem tannhelsetenesta
og befolkninga/samfunnet til gode. Forskarane skal vera synlege i
samfunnsdebatten og setje lys på tema som gjeld oral helse og tannhelsetenesta
sin organisasjon og funksjon.
Forsking og forskingsresultat skal formidlast systematisk og effektivt via
kontinuerleg oppdaterte nettsider og i tradisjonelle og nye formidlingskanalar
(nettverksmøter, forskarmøter og konferansar nasjonalt og internasjonalt,
rapportar, aviser, TV, Twitter o.l.). Forskarane skal tilstrebe å publisere i nasjonale
/internasjonale tidsskrift av anerkjent standard og med fagfellevurdering.