Leirvik 12.juni 2015 Sommarhelsing 2015 Sommaren står for døra
Leirvik 12.juni 2015 Sommarhelsing 2015 Sommaren står for døra, sjølv om det ikkje kjennest akkurat slik no når gradestokken slit med å runda ti grader. Denne våren har det skjedd ein liten teknologisk revolusjon på Leirvik skule. Det har kome smartkanoner i alle klasserom til glede for både elevar og lærarar. Ein flott reiskap som er med å gjera kvardagen både meir variert og interessant. Men sjølv med ei mengd teknologiske hjelpemiddel vil det alltid vera innsatsen til den einskilde elev i lag med lærarane og dykk som foreldre som vil vera dei avgjerande faktorane for læring og trivsel. Sist veke hadde me «Bli kjent dagar» for førsteklassingane som skal begynna til hausten. Ein flott gjeng som vart tatt godt i mot av både lærarar og femteklassingar som verkeleg tok fadderoppgåva si på alvor. Det var flott å sjå at elevane våre verkeleg hadde lagt ned mykje arbeid og engasjement for at dei nye førsteklassingane skulle få eit flott første møte med skulen.. No er det berre innspurten att. Me skal arrangera talentiade, ha avslutningsfest for sjuande trinn og så avsluttar me med den prestisjefulle duellen på Vikahaugane der elevar møter lærarar til fotballkamp. Heldigvis for oss lærar er gjennomsnittsalderen lågare enn for to år sidan. Så det er håp om ein jamn kamp! Uansett resultat i kampen vil eg ynskje både elevar, foreldre og tilsette ved Leirvik skule ein riktig god sommar. Mvh Bjarte Bongom Rektor Leirvik skule Litt praktisk informasjon Oversikt kontaktlærarar 2015/2016 1A 1B 2A 2B 3A 3B 4A 4B 5A 5B 6A 6B 7A 7B Marit Stalheim Grimstad, Tove Kristin Tverderøy Linda Petterteig, Inger Marit Sætrevik Elin Polden, Cecilie Raunholm Liv Kari Tverderøy, Cecilie Raunholm Hildegunn Eskeland Tine Skou Drange Jorun Eikeland Eir Vikøren Andreas Bjordal Anne Sissel Skilbrei Tove Kristin Tveit, Trude Færevåg Astrid elin Lønning, Vigdis Haga Lars Ivar Sundfør Hege Fjølstad Leksehjelp: Det vert ikkje leksehjelp den siste veka. Elevane som har SFO-plass går i staden rett på SFO, medan dei andre går heim. Klede og anna utstyr: Alle klede, støvlar og sko må takast med heim før skulen er slutt for i år. Siste skuledag, fredag 19.juni er elevane ferdige klokka 12.00. SFO opnar klokka 12.00 denne dagen, så elevar som har SFO kan gå dit etter skulen er slutt. Program for siste skuledag: Kl 08.30-09.00 Kl 09.00-09.45 Kl 10.00-11.15 Kl 11.15-11.45 Kl 11.45-12.00 Samling i klassane Fotballkamp mellom elevar og lærarar Samling/kosetime i klassane Elevane kan ta med seg ein brus og ein liten pakke med kjeks utanom vanleg matpakke. Felles samling i aulaen Me avsluttar i klassane og ønskjer kvarandre god sommar Første skuledag etter ferien er måndag 17.august.
© Copyright 2024