Kvinnheringen. - Hordaland sogelag
16 nyhende Onsdag 25. mars 2015 Kvinnheringen SAMLING: Deltakarane på sogelagstreffet samla på Bømlo. Innhaldsrik helg: Sogelaget på tur til Bømlo Øystein Jansen heldt eit spanande og interessant føredrag i samband med årsmøte i Hordaland sogelag og dei lokalhistoriske dagar som vart avvikla på Rubbestadneset, med Bømlo tur- og sogelag som vertar. Sogelaget har halde årsmøte på Bømlo. Det opna med føredrag av den kjente geologen og førsteamanuensis ved UiB, Øystein Jansen. Etterpå vart vel dei fleste overtydd om at det er den store og unike variasjonen av fjellartar og steinfunn som er varemerket til øykommunen Bømlo. Jansen sitt føredrag tok oss tilbake over 500 millionar år, og fortalde om korleis dei 1000 øyane som Bømlo kommune omfattar, vart land og for 12000 år sidan var bustad og levebrød for folket ytst mot havgapet. Det vart to kveikjande dagar med mykje lokalhistorie og kultur i tillegg til dei vanlege årsmøtesakene. Hordaland sogelag Samlinga tok til på laurdagen med registrering av dei over 40 utsendinga frå 14 av medlemslaga i Hordaland sogelag. Hordaland sogelag som vart Kvinnherad sogelag oppretta av Hordaland fylkeskommune i 1986, er ein paraplyorganisasjon for 32 historieog sogelaga i fylket. «Stål, stein og religion» var tema for dei lokalhistoriske dagane som vart innleia med velkomstord frå den drivande leiaren i Bømlo tur- og sogelag Norvald Nytveit. Han hadde laga til eit variert program for kvelden der lokalhistorie og kultur stod øvst på menyen. Neste dag tok til med besøk hjå Wærtsilå på Rubbestadneset og den gamle Wichmannsmia der aktive pensjonistar kosar seg med gamle skipsmotorar og fortel levande om hjørnesteinsverksemda. Unik geologi. Bømlo For oss sunnhordlendingar er det vel ryktet om at det er gull på Bømlo som er det mest spanande. I 1862 var det ein gjetargut som fann den fyrste gullklumpen på Lykling. I åra 1882 til 1910 var det drive gullgruver i stor stil langsetter kvartsårene i Lyklingeberga. På det meste var det 400 til 500 mann sysselsett og til saman vart det vinna ut over 200 kg reint gull. Steinkyrkja på Moster er oppfatta som den eldste kristne kyrkja i landet. Ifølgje Snorre Sturlason var Moster fyrste sta- KVINNHERINGAR: Dei fire frå Kvinnherad f.v. Mandia Eide, Dagfinn Eide, Kari Fedt Haugsbakk og Oddvar Haugsbakk. den Olav Tryggvason gjorde strandhogg i år 995, då han var på veg heim frå England for å ta kongemakta og kristna landet. Ei synfaring i kyrkja og omvising i Moster Amfi som ligg like ved vart ein naturleg samlingsstad for avslutninga. Årsmøte Årsmøte i Hordaland sogelag vart avvikla søndag føremid- dag. Årsmeldinga fortel om god aktivitet og stabil økonomi. Studieturane i vesterveg kvart år er svært populære. Turane går til område både vestover og austover til land og stader der vestlendingane busette og sette varige spor etter seg i meir enn tusen år. Mikal Heldal frå Tysnes sogelag vart attvalt som leiar. Kari Fedt Haugsbakk frå Kvinnherad er medlem av styret i Hordaland sogelag. Kvinnherad sogelag stilte mannjamt med fire utsendingar. - Det er veldig viktig at sogelaga i fylket samlast kvart år, då får me snakka med- og knyta viktige band til dei andre sogelaga, fortel Kari. Kvinnherad har også ein veldig dugande leiar i Anny Nygaard Mehl, fortel ho Med Anny som leiar har me lagt vekt på å vera synleg i bygdene rundt om i Kvinnherad, både med ymse arrangement, i avisene og på nettet. Me hadde mål om 200 medlemmer innan utgangen av fjoråret. No viser tala at me er over 230 og det synest me er veldig bra. Det forpliktar sjølvsagt oss i styret om å vera aktive. Årboka til Kvinnherad sogelag kjem ut anna kvart år. Til hausten kjem det ei ny bok der hovudtema er « Fyrste reis jenter- og gutar» Det er spanande å jobba med årboka. Me har hatt fleire møter med dei gamle sjøfolka som fortel om sjølivet i gamle dagar både som uteseglar og heime på kysten. Her blir det mykje interessant å lesa om, avsluttar Kari Fedt Haugsbakk. Tekst og foto: Kåre Malkenes
© Copyright 2024