Enklare kvardag med elektronisk rekvirering av pasientreiser Elektronisk rekvirering er raskare, enklare og meir effektivt enn å ringje eller fakse inn bestilling av pasientreiser. Dersom ein pasient av medisinske årsaker ikkje kan nytte rutegåande transport til behandling, kan fysioterapeutar med driftstilskot rekvirere tilrettelagd transport. Reisa til og frå fysioterapeut blir dekt innanfor heimkommunen til pasienten. Dersom det ikkje finst fysioterapeut i kommunen eller pasienten har behov for ein spesiell behandlingsteknikk, blir reisa til den nærmaste staden der dette finst, dekt. I dag bestiller dei fleste fysioterapeutar pasientreiser per faks eller telefon. For å bestille pasientreiser elektronisk må du vere kopla på helsenettet til Norsk Helsenett www.nhn.no. Med ei slik oppkopling kan du bestille reiser direkte i datasystemet til Pasientreiser. Du vil få stadfesta at turen er bestilt, med ein gong, utan ventetid. Ny takst gir rimelegare oppkopling 1. juli 2014 blei taksten for oppkopling til helsenettet endra for fysioterapeutar. Du kan få igjen 10 000 kroner ved oppkopling til helsenettet og ytterlegare 10 000 kroner når du sender det første oppgjeret til HELFO. Dette blir tilbakebetalt av HELFO og vil for dei aller fleste fysioterapeutar dekkje oppkoplingskostnadene til helsenettet. Dersom du er sjølvstendig næringsdrivande fysioterapeut med driftstilskot, er prisane følgjande: Nemning Bandbreidd Eingongsavgift (utan/med mva) Bruksavgift per md. (utan/med mva) Helsenett-tilknytning 2 2Mb 15.312,-/19.140,- 1.550,-/1.937,50 Helsenett-tilknytning 4 4Mb 15.312,-/19.140,- 2.050,-/2.562,50 Helsenett-tilknytning 8 8Mb 15.312,-/19.140,- 2.550,-/3.187,50 Prisane gjeld frå 01.01.2015. Av den månadlege bruksavgifta utgjer medlemsavgifta kr 950,- ekskl. mva. Kjelde: www.nhn.no Fordelar med helsenettet Når du er oppkopla til helsenettet, kan du ikkje berre rekvirere pasientreiser elektronisk, du får òg tilgang til ei rekkje offentlege tenester. Helsenettet er ein sikker digital arena for alle aktørar i helsesektoren. Her kan du utveksle personopplysningar og pasientinformasjon på ein trygg måte. Det vil seie at du som fysioterapeut kan få tilgang til oppgjer, frikort, røntgensvar, tilvisingar og epikrisar. Du kan sende oppgjera til HELFO gjennom helsenettet. Rett rapportering av oppgjer vil bli utbetalt same eller neste dag. Ønskjer du meir informasjonsmateriell om pasientreiser? Pasientreiser har ei eiga nettside for helsepersonell og fysioterapeutar. Her kan du enkelt bestille gratis informasjonsmateriell i posten. Du finn òg informasjon om regelverket og korleis du som fysioterapeut kan rekvirere pasientreiser. Frå sommaren 2015 tilbyr vi gratis e-læringskurs. Du finn meir informasjon på nettsidene våre: www.pasientreiser.no/helsepersonell/fysioterapeuter I denne pakken sender vi med følgjande informasjonsmateriell: 1.Dette må du vite om pasientreiser (BROSJYRE TIL FYSIOTERAPEUT/BEHANDLAR) 2.Informasjon om pasientreiser (PLAKAT TIL KONTORET/VENTEROMMET) Ta kontakt med det lokale pasientreisekontoret på 05515 dersom du har spørsmål om bruk av elektronisk rekvisisjon. Pasientreisekontoret kan hjelpe deg med nødvendig informasjon om brukar-ID og oppsett. Vennleg helsing Pasientreiser