1. No category

2. Kompetente vaksne
Krokane skule
Omtale av tenesta og viktige utfordringar
Krokane skule driv grunnskuleopplæring for elevar på
barnetrinnet. Opplæringa skjer i tråd med gjeldane
lovverk og i samarbeid med heimen.
Skuleåret 2014-2015 er det 203 elevar ved skulen.
16 % av elevane har minoritetsspråkleg bakgrunn.
Utfordringa for skulen er korleis gje desse og andre
barn med særskilte behov tilpassa opplæring ut frå dei
rammene skulen har.
På vedlikehaldsfronten er det trong for å skifte ein god
del av vindauga i «gamlebygget», og heile skulen må
målast i nær framtid.
Mål og handling
*Elevane opplever å bli sett og høyrt
*Elevane vert utfordra og opplever meistring i fag og
aktivitetar
*Elevane skal kunne stå for meiningane sine og
respektere andre sine
*Vi er særleg opptekne av å gje elevane tilbakemelding
på det positive; det som kan løfte dei vidare
1. Kompetente barn
Vurdering for læring:
Lærarane held fram med og vidareutviklar ulike
verktøy for vurdering for å hjelpe elevane til å utvikle
kompetanse i å vurdere skulen, seg sjølve og
kvarandre. Skulen nyttar m.a. perioderapportering som
verktøy for eigenvurdering på alle trinn og verktøyet
Vokal for å kunne dokumentere progresjon i elevane si
læring.
Filosofi med barn:
Dei får tid og høve til å undre seg saman; i faste,
planlagde filosofiøkter kvar veke, i faga og i ulike
sosiale settingar inne og ute. Gjennom rettleiing og
øvingar i diskusjons- og samtaleteknikkar ønskjer vi at
elevane skal utvikle evne til kritisk tenking.
Lesing:
Elevane får opplæring i bruk av ulike lese- og
læringsstrategiar for å utvikle kompetanse i lesing og
skriving i alle fag. Spesielt fokus på utvikling av
omgrep i samband med filosofi.
Prosjektet Lesevennar er eit samarbeid med Krokane
barnehage si avdeling Epsilon (som held til i kjellaren
til skulen), kor elevar frå skulen les høgt for og fortel
til barnehagebarna.
Skulen deltek i prosjektet Lesarhistoria – Ny veg til
lesaren; eit samarbeid mellom fylkesbiblioteket og eit
utval folkebibliotek, skular og barnehagar i fylket.
Skulebiblioteket er eit hjarte i huset som inviterer og
inspirerer til aktivitet og læring.
Gjennom eigne undervisningsopplegg tilpassa alle
årstrinn set vi fokus på informasjonskompetanse
(nettvett og bruk av kjelder).
- Vi driv målretta arbeid med organisasjonsutvikling
gjennom
a. systematisk arbeid med skulen sin visjon
i samarbeid med foreldra, som kvar for seg og i
fellesskap har arbeidd med å revidere skulen sin visjon,
b. vidare- og etterutdanning;
- Heile personalet deltek på etter-/vidareutdanning i
Klasseleiing i regi av HiSF
- ”Kompetanse for kvalitet”; 3 lærarar tek vidareutdanning i høvesvis Rekning som grunnleggjande
ferdigheit, Skulebibliotekkunnskap og Norsk2
- 2 lærarar tek vidareutdanning i Rettleiing,
- 1 lærar tek master i spesialpedagogikk,
- 1 assistent tek fagarbeidarutdanning,
- rektor og inspektør tek vidareutdanning i skuleleiing,
c. utvikling av gode rutinar for og kompetanse i
arbeidet med dei minoritetsspråklege barna,
d. eit spesialpedagogisk team som arbeider med å lage
gode rutinar arbeidet med elevane som treng særskilt
oppfølging,
e. fokus på vurdering for læring gjennom diskusjonar
og refleksjonar rundt praksis
f. vidare utvikling av skulebiblioteket og samarbeid om
Flora Les i den kommunale skulebiblioteksgruppa.
3. Eit godt læringsmiljø
Det psykososiale skulemiljøet til elevane:
Skulen og fritidsheimen har nulltoleranse for mobbing,
og vi skal kvalitetssikre eit felles system for gode
prosedyrar i arbeidet mot mobbing. Dette gjer vi i
dialog med kvarandre, foreldra og elevane på dei
arenaene vi har for samhandling, og gjennom andre
konkrete tiltak for elevane, som t.d..:
- Vidareføring av trivselsleiarprogrammet
- Eit aktivt elevråd som seier ifrå og som er pådrivarar
for fellesaktivitetar.
- Bruk av verktøy/metodar som skapar medvit om
eigne haldningar og handlingar.
- Trivselsundersøking for alle elevane i januar 2015,
elevundersøking for 5., 6. og 7. klasse om hausten og
eigenvurdering gjennom skulen sine perioderapportar.
- Aktive og oppdaterte foreldresamarbeidsorgan
Det fysiske skulemiljøet:
- Utfordring: Vaktmeisterordning som fungerer og
ressursar til gjennomføring av naudsynte tiltak
- Plan for forbetring av inneklima i høve temperatur
er følgt opp i delar av skulebygget i form av utvendig
solskjerming. Forbetring av inneklima i høve støy blir
følgt opp med støydemping i fleire klasserom våren
2015. Forbetring av inneklima i høve luft blir følgt opp
ved nærmare kartlegging og rådgjeving av YSB,
parallelt med nytt fokus på og implementering av gode
rutinar i klasserom og korridorar.
- Oppgradering av skulekjøkenet.
- Følgje opp arbeidet på uteområdet med foreldre- og
elevdugnad våren 2015.
*utdrag frå skulen sin visjon; område foreldra meiner skulen
bør ha spesielt fokus på i tida framover
1
Budsjett
(vert lagt inn sentralt)
2